النسوان والملايات

[محمد النويري-الفقراء]

يا جماعة عندي حاجة محيراني حيرة شديدة جد والله لي زمن محتار ومالاقي اجابة . الحيرة جاتني قدر ما مشيت السوق او قابلت زول اقول ليك المرة دايرة تشتري ملايات او ناس بيتنا في السودان دايرين ملايات حكاية الملايات دي شنو ياجماعة ومن خلال ملاحظتي انا اتوقع انو الملايات تاني حاجة عند النسوان بعد الذهب ومحتوياتو . مرات بسأل نفسي احتمال في جزء منهن بتفتكر الواحدة لما تموت بلفوها بملاية ولا شنو ؟ اها انتو رائكم شنو جد حاجة تحير .. ماشي تشتري دهب او ملايات وبكميات الحاصل شنو يا جماعة

[سماحة]

حرام عليك خليهم يشترو ... ما تخرب سوقنا ههههههه طبعا عشان كنت ببيع ملايات قبل شوية

[التيمان]

دى عاده فيهم

مابعرفهم مالهم التقول الليله الوقفه

هع هع

[ابوخالد]

لك التحية أخى

محمد النويرى ... ودالفقراء

تختلف إهتمامات الكثير من النساء ...

ولكن يظل القاسم المشترك بينهم

الذهب

ثم التياب

ثم الملايات


والله أعلم

خوفى أخى محمد أن نكون آخر إهتماماتهم ...

لك المودة حيث كنت أخى

[عوض الكريم الخواض]

محمد النويرى ...
انت نسيت العدة ولا شنو ...:cool::cool:

ياخى النسوان ديل بحبو العدة دى حب ...
وبعدين يلموها ليك بالسنين فى الفضيات ...
ذي التحف الأثرية ...
وقدر ما تجى مناسبة ( دايرات عدة ) :mad::mad:.

غايتو كان على الملايات ...
الزول كان ضربتو فلسة ...
الملايات والعدة بفكن حيرتو .

[esmat]

ياود النويري سلامات
لكن الرجال والشفع الفي بيت ديل
بطلوا بي (جزمهم) وبي وسخهم
وطوالي في الملايات غايتو اعذرهم
ما تجيب لينا الهواااااا

[العاقب مصباح]

والله كلامك منطقى جدا يا النويرى

لاحظت لى اهتمام الناس بالملايات

معانا فى الغربة زول جنو ملايات

قدر ما يلقى ليهو زول ماشى السودان بيشيلو ملايات

نعديها تغطى ساى

[moh_alnour]

الذهب
ثم التياب
ثم الملايات

تعرف يا ود الفقراء زمان درسونا في الجامعة ضمن مقرر علم الأجتماع نظرية أسمها نظرية ( سُلم الحاجات )
أها حسي ( أبو خالد ) دا ما قصر و رتب ليك نظرية سُلم الحاجات لكل نساء السودان ( بلا إستثناء ) وفق الأولويات أعلاه
بس تعرف البغيظ في الموضوع و بفقع المرارة أنو أغلب المشتريات دي بتكون للديكور أكتر من الأستخدام اليومي
يعني تلقى الدولاب مليان ملايات و تياب و الحافلة مليانة عِدة و اليد مليانة دهب و بعد دا عين النسوان ما بملاها إلا التُراب :eek:

[أشرف صلاح السعيد]

سلام ود الفقراء..
عوض الكريم وابو خالد سبقونى فى اولويات النساء..
انا غايتو بعد استثناء الذهب والعدة والتياب الملايات دى عاملة فينى عمايل..
اول شى دولاب غرفة النوم اجبرت اجبارا يكون 8 ضلف عشان الملايات وانحنا فى البيت عندنا سرير نوم كبير واحد وعدد اتنين سرير بغرفة الاولاد!!ما تستغرب استنى لسة القصة ما كملت..دولاب غرفة النوم فيو كان أربعة ضلف علاقات ولكن هيهات هيهات ان تظل العلاقات والا انا الاعلق فى زنزنات..ام العيال أجبرتنى مرة اخرى اجيب نجار واعدل مكان العلاقات للملايات!!وبقت فى ضلفة واحدة للعلاقات ..اها قولك شنو؟؟..
ووحاتك الدواليب ما بس الفيها ملايات تحت سرير غرفة النوم فى معرض بمخازنو..غايتو الواحد عندو مشروع خفى لو زنقة الحكاية فى الغربة أمانة ما سوق الكشكة جاهو سيد الركشة..
ركشة وكشكة كيف ماخطة؟..

[بنت الرفاعي]

لك التحية أخى


محمد النويرى ... ودالفقراء


تختلف إهتمامات الكثير من النساء ...


ولكن يظل القاسم المشترك بينهم


الذهب


ثم التياب


ثم الملايات



والله أعلم


خوفى أخى محمد أن نكون آخر إهتماماتهم ...



لك المودة حيث كنت أخى

ربما يا أخي أن الغالبية هكذا ولكن ليست جميعهن والآن أصبحت الموضات الجديدة , وعليه
يكون الترتيب كالتالي
التياب
الملايات
لأنو الذهب أصبح معه الإكسوارات الشبابية ومع كل توب لون , والذهب قد تشتري وتبدل ولكن ليس على مدار السنة أو في كل مناسبة مثل التياب .

[الاميره]

مرام..
ربما يا أخي أن الغالبية هكذا ولكن ليست جميعهن والآن أصبحت الموضات الجديدة , وعليه
يكون الترتيب كالتالي
التياب
الملايات
لأنو الذهب أصبح معه الإكسوارات الشبابية ومع كل توب لون , والذهب قد تشتري وتبدل ولكن ليس على مدار السنة أو في كل مناسبة مثل التياب .


نقطه مهمه ذكرتها مرام ..
وهى كل وقت وله لون وله شكل وله طقوس تجمله .فى عالم الذهب او العدة او الملايات ..او كل شىء يحتاج الى تجديد خاصه فى البيت..وديكور البيت. وكل فتره زمنيه لها حضورها...والملايات طبعا واجهه..غير الاشياء الاخرى..
مع احترامى وتقديرى.

[okasha]

وكمان شنو يقول ليك ديل ملايات الصالون وديل بتاعة الحوش وما عارف شنو داك

ويا ويلك ويا سواد ليلك كان كنت راقد وتنين المخدة (حرب عالمية تالتة عدييييل)

واوع تكون قاعد و تكرفس الملاية وكان داير تشرب وترجع لازم تشد الملاية


غايتو جنس غايتو

[محمد النويري-الفقراء]

حرام عليك خليهم يشترو ... ما تخرب سوقنا ههههههه طبعا عشان كنت ببيع ملايات قبل شوية

المشكلة يا سماحة الدواليب مليان وشنط الحديد مدفقة ملايات .. مشكورة ع المرور


دى عاده فيهم

مابعرفهم مالهم التقول الليله الوقفه

هع هع

النسوان يا التيمان وقفتهن ما بتنتهي كل يوم ملايات مشكورين ع المرورين




لك التحية أخى

محمد النويرى ... ودالفقراء

تختلف إهتمامات الكثير من النساء ...

ولكن يظل القاسم المشترك بينهم

الذهب

ثم التياب

ثم الملايات


والله أعلم

خوفى أخى محمد أن نكون آخر إهتماماتهم ...

لك المودة حيث كنت أخى

مشكور ع المرور عزيزي ابوخالد لكن حكاية اهتمامهن بينا بتجي اخرة حاجة إلا إذا عرفت المرة نية راجلها على الزواج من واحدة تانية .. يا دوب ما الاهتمام زاد هههه

محمد النويرى ...
انت نسيت العدة ولا شنو ...:cool::cool:

ياخى النسوان ديل بحبو العدة دى حب ...
وبعدين يلموها ليك بالسنين فى الفضيات ...
ذي التحف الأثرية ...
وقدر ما تجى مناسبة ( دايرات عدة ) :mad::mad:.

غايتو كان على الملايات ...
الزول كان ضربتو فلسة ...
الملايات والعدة بفكن حيرتو .
يا عوض الكريم والله النسوان ديل مرات بقول عليهن دايرات اجنن الدولاب مليان لامن مدفق وهن اشترن في الملايات والعدة دي موضوعها براو لانو شنط الحديد دي قصتها عجيبة بجيك ليها مشكور ع الطلة لجميلة [/
COLOR]


ياود النويري سلامات
لكن الرجال والشفع الفي بيت ديل
بطلوا بي (جزمهم) وبي وسخهم
وطوالي في الملايات غايتو اعذرهم
ما تجيب لينا الهواااااا
يا عصمت ذكرتني لما كنت بلعب بالطين واخواتي لما اجي راجع من برة احوشن فيني حواشة ( تعال بهنا يا محمد .. لا تعال بهناك .. اليلية يا موتك لو هبشت الملاية دي او جيت جنبها ) ههههههههه ايام جميلة


[center]والله كلامك منطقى جدا يا النويرى

لاحظت لى اهتمام الناس بالملايات

معانا فى الغربة زول جنو ملايات

قدر ما يلقى ليهو زول ماشى السودان بيشيلو ملايات

نعديها تغطى ساى [/
center]
ذكرتني يا العاقب كان معانا واحد ولما سافر للبلد لما نزل مطار الخرطوم حولوهو ناس التفتيش للجمارك طوالي لانو شايل ليهو كمية ملايات لو غطو بيها جمهور المريخ كلو يوم غلبناهو كان غطتو .. بقيت انا زاتي من المهتمين لعالم الملايات باين عليها عدوة واصابتني . الله استر على الباقين :D


[COLOR="Black"]

تعرف يا ود الفقراء زمان درسونا في الجامعة ضمن مقرر علم الأجتماع نظرية أسمها نظرية ( سُلم الحاجات )
أها حسي ( أبو خالد ) دا ما قصر و رتب ليك نظرية سُلم الحاجات لكل نساء السودان ( بلا إستثناء ) وفق الأولويات أعلاه
بس تعرف البغيظ في الموضوع و بفقع المرارة أنو أغلب المشتريات دي بتكون للديكور أكتر من الأستخدام اليومي
يعني تلقى الدولاب مليان ملايات و تياب و الحافلة مليانة عِدة و اليد مليانة دهب و بعد دا عين النسوان ما بملاها إلا التُراب :eek:
تعرف يامحمد النور البفقع المرارة زيادة انو مرات كتيرة تتخزن الملايات لحدي ما موضتن تنتهي والعجب العدة التقول الواحدة كانت بتبيع العدة في السودان .. حيرننا عديل


سلام ود الفقراء..
عوض الكريم وابو خالد سبقونى فى اولويات النساء..
انا غايتو بعد استثناء الذهب والعدة والتياب الملايات دى عاملة فينى عمايل..
اول شى دولاب غرفة النوم اجبرت اجبارا يكون 8 ضلف عشان الملايات وانحنا فى البيت عندنا سرير نوم كبير واحد وعدد اتنين سرير بغرفة الاولاد!!ما تستغرب استنى لسة القصة ما كملت..دولاب غرفة النوم فيو كان أربعة ضلف علاقات ولكن هيهات هيهات ان تظل العلاقات والا انا الاعلق فى زنزنات..ام العيال أجبرتنى مرة اخرى اجيب نجار واعدل مكان العلاقات للملايات!!وبقت فى ضلفة واحدة للعلاقات ..اها قولك شنو؟؟..
والله امنت جد
ووحاتك الدواليب ما بس الفيها ملايات تحت سرير غرفة النوم فى معرض بمخازنو..غايتو الواحد عندو مشروع خفى لو زنقة الحكاية فى الغربة أمانة ما سوق الكشكة جاهو سيد الركشة..
ركشة وكشكة كيف ماخطة؟..

ههههههههه يا اشرف صلاح انت نسيت شنط الحديد ولا شنو والله لما تشوف شنطة الحديد قاعدة في طرف الغرفة ومغطياها بالملاية تآمن عديل تقول المرة دي مسافر الليلة ..


ربما يا أخي أن الغالبية هكذا ولكن ليست جميعهن والآن أصبحت الموضات الجديدة , وعليه
يكون الترتيب كالتالي
التياب
الملايات
لأنو الذهب أصبح معه الإكسوارات الشبابية ومع كل توب لون , والذهب قد تشتري وتبدل ولكن ليس على مدار السنة أو في كل مناسبة مثل التياب .
ما حصلت لاقتني مرة إلا وجابت سيرة الملايات يا مرام جد انا لاحظت انو الملايات دي شي مهمة عند النسوان لدرجة كبيرة ..مشكورة ع المرور




مرام..
ربما يا أخي أن الغالبية هكذا ولكن ليست جميعهن والآن أصبحت الموضات الجديدة , وعليه
يكون الترتيب كالتالي
التياب
الملايات
لأنو الذهب أصبح معه الإكسوارات الشبابية ومع كل توب لون , والذهب قد تشتري وتبدل ولكن ليس على مدار السنة أو في كل مناسبة مثل التياب .


نقطه مهمه ذكرتها مرام ..
وهى كل وقت وله لون وله شكل وله طقوس تجمله .فى عالم الذهب او العدة او الملايات ..او كل شىء يحتاج الى تجديد خاصه فى البيت..وديكور البيت. وكل فتره زمنيه لها حضورها...والملايات طبعا واجهه..غير الاشياء الاخرى..
مع احترامى وتقديرى.

صدقتي يا الاميرة بيني وبينك الواجهة اهم والملايات واجهة البيت وجد مرات كتيرة ادخل بيت اول ما يلفت نظري تناسق الملايات مع الستائر جد في ناس عندهم ذوق بطريقة جميلة .. مشكور ع المرور


وكمان شنو يقول ليك ديل ملايات الصالون وديل بتاعة الحوش وما عارف شنو داك

ويا ويلك ويا سواد ليلك كان كنت راقد وتنين المخدة (حرب عالمية تالتة عدييييل)

واوع تكون قاعد و تكرفس الملاية وكان داير تشرب وترجع لازم تشد الملاية


غايتو جنس غايتو

هههههههه والله يا عكاشة ذكرتني ايام جميلة لاني كنت ما بعرف انوم إلا اتني المخدة لحدي ما تتعوج عديل وتاني قدر ما اصلحوها ما بتتصلح ودائما الحرب مدورة .. والعجب كرفست الملاية ولو كانت جديدة دي ما الموت عديل إلا تشوف ليك بين\ت تاني تقعد فيهو .. مشكور ع المرور

[بدر الدين احمد الطائف]

ويا النويرى ازيدك من الشعر بيت
الملايات الجديده النضيفه المزركشة اول ما المرة تعرف انه فى ضيوف جايين يفرشوها ويزبطوها ليك.
ووحاتك الضيوف يطلعوا من هنا تلقى الملايات مافى
نظام فشخرة وكده.

[عصمت الصادق حماد]

تعرف يا عمده ده كلو ساهل
الوجع الحقيقي وييييييييين
الوجع بصراحه في غسيل الملايات لأنو ملايات الزمن ده ما زي الدمورية الزمان وعليها فراشات.. ولا هي ملايات تريفيره..
الملايا الآن فيها جنس حاجات معنكشه ما تعرف دي ملايا و(رقاصه)
طبعاً عشان تغسلها لازم توديها المغسلة.. وسعر الغسيل لثلاث مرات يساوي سعر الملايا
أه يا أخوي أحلنا الحل بله

[محمد النويري-الفقراء]

ويا النويرى ازيدك من الشعر بيت
الملايات الجديده النضيفه المزركشة اول ما المرة تعرف انه فى ضيوف جايين يفرشوها ويزبطوها ليك.
ووحاتك الضيوف يطلعوا من هنا تلقى الملايات مافى
نظام فشخرة وكده.


صدقت يا بدر الدين اخوي .. وبيني وبينك لازم النسوان اعملن كده لانو المظهر الجميل مهم .
مشاققة : دي ما فشخرة دا نظام البرستيج يا بدر الدين ( عشان اخليها حلوة شوية ما اقومن النسوان ازعلن ) هههههههه

[محمد النويري-الفقراء]

تعرف يا عمده ده كلو ساهل
الوجع الحقيقي وييييييييين
الوجع بصراحه في غسيل الملايات لأنو ملايات الزمن ده ما زي الدمورية الزمان وعليها فراشات.. ولا هي ملايات تريفيره..
الملايا الآن فيها جنس حاجات معنكشه ما تعرف دي ملايا و(رقاصه)
طبعاً عشان تغسلها لازم توديها المغسلة.. وسعر الغسيل لثلاث مرات يساوي سعر الملايا
أه يا أخوي أحلنا الحل بله

هههههههههههههههه يا عصمت الصادق انت بتاع محن يعني جات على غسيل الملايات والرجال البغسلو العدة لنسوانم خلي اليتمو جميلم واغسلوا الملايات كمان

[سماحة]

http://img.alibaba.com/photo/50491868/Embroidered_and_Printed_Bedding_Set.jpg
http://3.bp.blogspot.com/_fNotNBQQuys/SAYUmC9uPxI/AAAAAAAAAZU/jgw_uGUeBxA/s320/cfs06869.jpg
http://2.bp.blogspot.com/_fNotNBQQuys/SFWa5dm9vgI/AAAAAAAAAs8/_FTXZeGm2NE/s320/yhst-69328165909994_2007_19646823.jpg
http://3.bp.blogspot.com/_ABGAGqdMJEY/R7vCrilD1LI/AAAAAAAAALE/ghFfAVC7Eas/s320/HC-1288_p.jpg
http://www.almaamoun.com/images/008.jpg

[سماحة]

كدي هسه ما تبورو بضاعتي
اختارو وسيصلكم المطلوب اينما كنتم
السعر + تكلفة الشحن
وما تخافو الاسعار رخيصة وبالدولار
همسة : الغسيل بالبخار

[مهيد ود السفاح]

كدي هسه ما تبورو بضاعتي
اختارو وسيصلكم المطلوب اينما كنتم
السعر + تكلفة الشحن
وما تخافو الاسعار رخيصة وبالدولار
همسة : الغسيل بالبخار



غايتو يا ود النويري انا وخوفاً على الجيب
الملايات كويسه جداً جداً
واحسن من الدهب بمليون مره
اها اسمع ناس رخيصه وبالدولار ديل
في حاجه رخيصه والدولار

تعرف يا نويري زمان كان في باعه البدل
تبدل توب قديم او ملايه او بنطلون بي عده
اها مره جاء عندنا واحد ببدل العده
قامت الحاجه الله يخليها لينا شالت ليها طقم مويه عجبها شديد
ونفسها دخلت فيهو الدخله الياها
ونسبة لعدم توفر الشرتيت والرغبه في الطقم حق المويه
دخلت مع الراجل في مقايضه
واتفقوا انو صاحبنا يشيل توب لونو اصفر فاتح والحاجه تشيل طقم المويه
وتمت البيعه
وفي المساء امي داخله وخارجه
داخله وخارجه
ابوي سألها ( مالك يا وليه بتدخلي وتمرقي زي البكره عرس مهيد ولدك ؟؟)
( عرس مهيد دي من عندي )
قالت ليهو (( بفتش لي توبي الاصفر ))
الظاهر انها نست البيعه
ابوي قال ليها (( اقول ليك حاجه شيلي ليك كبايه البسيها ))
وفقعناها ضحكه طوييييييييييله
وكان ما خفنا العشاء يطير مننا كان ضحكنا للصباح

[مهيد ود السفاح]

http://img.alibaba.com/photo/50491868/embroidered_and_printed_bedding_set.jpg
http://3.bp.blogspot.com/_fnotnbqquys/sayumc9upxi/aaaaaaaaazu/jgw_uguebxa/s320/cfs06869.jpg
http://2.bp.blogspot.com/_fnotnbqquys/sfwa5dm9vgi/aaaaaaaaas8/_ftxzegm2ne/s320/yhst-69328165909994_2007_19646823.jpg
http://3.bp.blogspot.com/_abgagqdmjey/r7vcrild1li/aaaaaaaaale/ghffavc7eas/s320/hc-1288_p.jpg
http://www.almaamoun.com/images/008.jpg


علي الحرام كان استاهلن ليهن الواحد يكون جاي من الدافوري وحالته بالبلاء وينطرح فوقن

مشكورة سماحه

[سماحة]

طبعا
لكن لو دفعت حقهن من جيبك ما بتعمل كدة
لكن لو المرة دفعتهن من الصناديق حتعمل كدة

[سماحة]

علي الحرام كان استاهلن ليهن الواحد يكون جاي من الدافوري وحالته بالبلاء وينطرح فوقن
بس غسل كراعك

[سماحة]

علي الحرام كان استاهلن ليهن الواحد يكون جاي من الدافوري وحالته بالبلاء وينطرح فوقن
وشقيق الكرعين بسلسل الخيوط لازم تلبس شراب وتنوم فوقن

[مهيد ود السفاح]

وشقيق الكرعين بسلسل الخيوط لازم تلبس شراب وتنوم فوقن



انا كان بغسل كرعي بنوم في العنقريب
لكن جنس سرايرك ديل الواحد منهن خمسة فدان
ما يجي النوم فيهن الا الواحد يكون ..............

بعدين يا سماحه كترتي الاجراءات حقت النوم
على كده النومه زاتها تطير
اصلوا انا عايز انوم ولا عايز استخرج جواز سفر ديبلوماسي ؟؟

[نخيل طيبة]

الاخ محمد النويري مشكور للبوست (حق الملايات:o)
كل المداخلات حلوة وعجبتني وهي حقيقة طيب الان لو جاينكم ضيوف برضو بتحبوا تكون مفروشه الملايات العادية ..لا ما اظن الواجهة الحلوة وجميلة مافي زيها ..
بس بنوصي بالتقليل شوية :o
وبشرى لناس الغسال ممكن عادي تنقعوا الملايات في البانيو مع صابون غزير من غير فرك عشان الزركشات ماتطير :p

[سماحة]

اصلوا انا عايز انوم ولا عايز استخرج جواز سفر ديبلوماسي ؟؟
انت عارف اي جواز عادي بحتاج تعب ما دبلوماسي بس
انت في السودان

[محمد النويري-الفقراء]

http://img.alibaba.com/photo/50491868/embroidered_and_printed_bedding_set.jpg
http://3.bp.blogspot.com/_fnotnbqquys/sayumc9upxi/aaaaaaaaazu/jgw_uguebxa/s320/cfs06869.jpg
http://2.bp.blogspot.com/_fnotnbqquys/sfwa5dm9vgi/aaaaaaaaas8/_ftxzegm2ne/s320/yhst-69328165909994_2007_19646823.jpg
http://3.bp.blogspot.com/_abgagqdmjey/r7vcrild1li/aaaaaaaaale/ghffavc7eas/s320/hc-1288_p.jpg
http://www.almaamoun.com/images/008.jpg

جد ده الشغل الماخمج اهو دي الملايات ولا بلاش ..


كدي هسه ما تبورو بضاعتي
اختارو وسيصلكم المطلوب اينما كنتم
السعر + تكلفة الشحن
وما تخافو الاسعار رخيصة وبالدولار
همسة : الغسيل بالبخار
ملاياتك سمحة بالحيل زي اسمك .. بس عندك البيع بالتقسيط ولا كاش



غايتو يا ود النويري انا وخوفاً على الجيب
الملايات كويسه جداً جداً
واحسن من الدهب بمليون مره
اها اسمع ناس رخيصه وبالدولار ديل
في حاجه رخيصه والدولار

اي في يا مهيد اخوي في ناس ما بعرفوا غير الدولار والاسترليني انا وانتا ما منهم هههه

تعرف يا نويري زمان كان في باعه البدل
تبدل توب قديم او ملايه او بنطلون بي عده
اها مره جاء عندنا واحد ببدل العده
قامت الحاجه الله يخليها لينا شالت ليها طقم مويه عجبها شديد
ونفسها دخلت فيهو الدخله الياها
ونسبة لعدم توفر الشرتيت والرغبه في الطقم حق المويه
دخلت مع الراجل في مقايضه
واتفقوا انو صاحبنا يشيل توب لونو اصفر فاتح والحاجه تشيل طقم المويه
وتمت البيعه
وفي المساء امي داخله وخارجه
داخله وخارجه
ابوي سألها ( مالك يا وليه بتدخلي وتمرقي زي البكره عرس مهيد ولدك ؟؟)
( عرس مهيد دي من عندي )
قالت ليهو (( بفتش لي توبي الاصفر ))
الظاهر انها نست البيعه
ابوي قال ليها (( اقول ليك حاجه شيلي ليك كبايه البسيها ))
وفقعناها ضحكه طوييييييييييله
وكان ما خفنا العشاء يطير مننا كان ضحكنا للصباح

ههههههههه الحاجة لزيزة بالجد الله اخليها كلنا اتباعت بناطلينا واتبدلن بشوية كبابي



وشقيق الكرعين بسلسل الخيوط لازم تلبس شراب وتنوم فوقن
هههههههه ذكرتيني لما كنا بنتمسح بالودك لانو علاج فعال لشقيق الكرعين

[محمد النويري-الفقراء]

الاخ محمد النويري مشكور للبوست (حق الملايات:o)
كل المداخلات حلوة وعجبتني وهي حقيقة طيب الان لو جاينكم ضيوف برضو بتحبوا تكون مفروشه الملايات العادية ..لا ما اظن الواجهة الحلوة وجميلة مافي زيها ..
بس بنوصي بالتقليل شوية :o
وبشرى لناس الغسال ممكن عادي تنقعوا الملايات في البانيو مع صابون غزير من غير فرك عشان الزركشات ماتطير :p

انشاء الله دوما اعجبك السمح واجيكم السمح لحدي عندكم انشاء الله . اكيد الملايات السمحة للضيوف والعادية لينا نحن الغبش ديل بس خلوهم ادونا مساحات جميلة عشان يوم في السنة نرقد لينا في ملايات سمحة ومزركشة ..
قلتي شنو ( تنقعوا ) وفي ( البانيو ) كلامك صاح بس يا حليل الطشت الكبير والغسيل في الحوش سااااااااااااااااي ..

[الخواض محمداحمد خواض]

يا جماعة عندي حاجة محيراني حيرة شديدة جد والله لي زمن محتار ومالاقي اجابة . الحيرة جاتني قدر ما مشيت السوق او قابلت زول اقول ليك المرة دايرة تشتري ملايات او ناس بيتنا في السودان دايرين ملايات حكاية الملايات دي شنو ياجماعة ومن خلال ملاحظتي انا اتوقع انو الملايات تاني حاجة عند النسوان بعد الذهب ومحتوياتو . مرات بسأل نفسي احتمال في جزء منهن بتفتكر الواحدة لما تموت بلفوها بملاية ولا شنو ؟ اها انتو رائكم شنو جد حاجة تحير .. ماشي تشتري دهب او ملايات وبكميات الحاصل شنو يا جماعة

اخى محمد الملايات عند النساء تكمله للمنظر الجمالى للبيت وحقيقه الواحد منا لمان يدخل البيت ويرى الملايات الجديده مفرشه فهذا يدل على واحد من ثلاثه إما ان يكون اليوم عيد والثانى ان يكون هنالك ضيوف قادمين والثالث وهو المهم ان الزوجه عندها طلبات وبتعمل على تهيئة الاجواء واولها إضفاء جو البهجه بتفريش ملايات جديده والله اعلم

[محمد النويري-الفقراء]

اخى محمد الملايات عند النساء تكمله للمنظر الجمالى للبيت وحقيقه الواحد منا لمان يدخل البيت ويرى الملايات الجديده مفرشه فهذا يدل على واحد من ثلاثه إما ان يكون اليوم عيد والثانى ان يكون هنالك ضيوف قادمين والثالث وهو المهم ان الزوجه عندها طلبات وبتعمل على تهيئة الاجواء واولها إضفاء جو البهجه بتفريش ملايات جديده والله اعلم

مشكور اخي الخواض على المرور ولكن بيني وبينك الثالث المهم دا وهو طلبات الزوجة الواحد إعمل شنو لو كلو يوم فرشت ملايات جديدة .. ههههههههه حتكون طلبات لما لانهاية ههههه

[هبوية]

يا جماعة عندي حاجة محيراني حيرة شديدة جد والله لي زمن محتار ومالاقي اجابة . الحيرة جاتني قدر ما مشيت السوق او قابلت زول اقول ليك المرة دايرة تشتري ملايات او ناس بيتنا في السودان دايرين ملايات حكاية الملايات دي شنو ياجماعة ومن خلال ملاحظتي انا اتوقع انو الملايات تاني حاجة عند النسوان بعد الذهب ومحتوياتو . مرات بسأل نفسي احتمال في جزء منهن بتفتكر الواحدة لما تموت بلفوها بملاية ولا شنو ؟ اها انتو رائكم شنو جد حاجة تحير .. ماشي تشتري دهب او ملايات وبكميات الحاصل شنو يا جماعة

محمد النويري لاسلام ولا كلام ، المرأة من طبيعتها الأهتمام بتفاصيل الأشياء من أولاد الي زوج الي بيت وبالتالي لازم تهتم بتفاصيل البيت نفسه وترتيبه وأختيار الألوان والأشكال المناسبة ودا ماأعتقد أنه عيب بعيدين الأفراط في المسألة الشراء ماجميل وأكيد دي عادة سيئة عند بعض النساء ، لكن دايما بتلقي فهما في شراء الملايات نوع من أنواع التغير والتجديد للفت نظرك ولي راحتك ولتغير البيت عشان ماتمل من الروتين الواحد ، بعدين حصل سألكم لي بشربوا السجار أو بتسفو التنباك ، بعدين الذهب البنشتري دا في يوم من الأيام بتجو بعين قوية وتقالوا طالوا عايزين نعمل بيه ( ركشة أو مشروع ) في النهاية كلو راجع ليك.أم الثياب فمن حق المرأة تغير نفسه من كل فتره وأخري وبرضو تشتري ثياب جديده عشان تغيير من مظهرها وتتطلع من الشكل الواحد المملل. ، أرجو أن تكون عرفته لي النسوان بشتروا ملايات كتير.

[محمد النويري-الفقراء]

محمد النويري لاسلام ولا كلام ،
السلام سنة يا هبوية والسلام امن وأمان ؟؟
المرأة من طبيعتها الأهتمام بتفاصيل الأشياء من أولاد الي زوج الي بيت وبالتالي لازم تهتم بتفاصيل البيت نفسه وترتيبه وأختيار الألوان والأشكال المناسبة ودا ماأعتقد أنه عيب
( انا ما قلت عيب أنا سألت عن السر في ذلك )
بعدين الأفراط في المسألة الشراء ماجميل وأكيد دي عادة سيئة عند بعض النساء ، لكن دايما بتلقي فهما في شراء الملايات نوع من أنواع التغير والتجديد للفت نظرك ولي راحتك ولتغير البيت عشان ماتمل من الروتين الواحد
ورائك شنو لو الدولاب والدواليب الحوله كلها ملايانة مليات وليها زمن ما اتفرشت ؟؟
بعدين حصل سألوكم لي بتشربوا السجار أو بتسفو التنباك ،
انا الحمد لله لا بشرب السيجار ولا بسف التمباك وماعندي اي شغلة باي مكيفات ههه
بعدين الذهب البنشتري دا في يوم من الأيام بتجو بعين قوية وتقولو طلعوا عايزين نعمل بيه ( ركشة أو مشروع ) في النهاية كلو راجع ليك.
صدقتي والله في دي ومشكورين عليها بالجد كتير من الزوجات سند وامان لأزواجهم
أم الثياب فمن حق المرأة تغير نفسها من كل فتره وأخري وبرضو تشتري ثياب جديده عشان تغيير من مظهرها وتتطلع من الشكل الواحد المملل.
بس تشتري تياب في حدود الحوجة اعني ما ممكن تملئ الدولاب تياب وهي ما بتلبسن وكتير من التياب موضتها بتكون انتهت
أرجو أن تكون عرفته لي النسوان بشتروا ملايات كتير.
والله لسه السؤال مدور وما عرفت .. واشكرك كتير على مرورك الجميل يا هبوية

[صابرحسين]

أخي النويري

تحياتي وتقديري

أخطر ما في الموضوع الدلالية التي تأتي بالملايات والثياب والعدة ، يعني ممكن الزوجة تكون ما محتاجة ولكن الدلالية وبطريقة ذكية جداً تبدأ في عرض البضاعة وناس فلانه أشتروا الطقم دا ولكن الثاني دا ما شافوه تمهيداً للبيع ولو ما عندك قروش خليها لآخر الشهر وعلى مهلك وما تضغطي على الراجل ، والدلالية بتعرف متى تأتي للمطالبة بس يوم لمة الحريم الأربعاء والخميس وكل ما تدفع لسه في باقي يعني تخلص الملايات تكون الدورة بدأت مرة أخرى في عدة أو ملابس وهكذا والموضوع لا ينتهي أبداً .... مره جاري قال لي والله بيتنا دا تقول فيه جن ولا شيطان أعوذ بالله ...... سألته ما السبب قال لي بفقد قروش على طول ما عارف صرفتها وين .... سألته الدلالية بتجي بيتكم قال نعم أمس كانت عندنا قلت ليه بس دي الجنية التي تستولى على المال..... بعدين شي آخر المنافسة بين الحريم وبالذات إذا كنت في عمارة كلها سودانيين ونسبة للتداخل فيما بين الأسر تجد جميع الشقق نسخة واحدة والكل يشتري من تلك الجنية الدلالية...

[مدنيّة]

في شنو هنا يانويري :confused:

[محمد النويري-الفقراء]

أخي النويري

تحياتي وتقديري

أخطر ما في الموضوع الدلالية التي تأتي بالملايات والثياب والعدة ، يعني ممكن الزوجة تكون ما محتاجة ولكن الدلالية وبطريقة ذكية جداً تبدأ في عرض البضاعة وناس فلانه أشتروا الطقم دا ولكن الثاني دا ما شافوه تمهيداً للبيع ولو ما عندك قروش خليها لآخر الشهر وعلى مهلك وما تضغطي على الراجل ، والدلالية بتعرف متى تأتي للمطالبة بس يوم لمة الحريم الأربعاء والخميس وكل ما تدفع لسه في باقي يعني تخلص الملايات تكون الدورة بدأت مرة أخرى في عدة أو ملابس وهكذا والموضوع لا ينتهي أبداً .... مره جاري قال لي والله بيتنا دا تقول فيه جن ولا شيطان أعوذ بالله ...... سألته ما السبب قال لي بفقد قروش على طول ما عارف صرفتها وين .... سألته الدلالية بتجي بيتكم قال نعم أمس كانت عندنا قلت ليه بس دي الجنية التي تستولى على المال..... بعدين شي آخر المنافسة بين الحريم وبالذات إذا كنت في عمارة كلها سودانيين ونسبة للتداخل فيما بين الأسر تجد جميع الشقق نسخة واحدة والكل يشتري من تلك الجنية الدلالية...
صدقت يا صابر اخوي واجمل حاجة الدلالية تقول للواحدة دا اخر طقم عندي وما اظنو اجي تاني لانو البضاعة من بلدها انتهت ودا طقم مميز للناس المميزين .. بيني وبينك لو الامور ما مشت تمام هنا برجع واشتغل لي مع دلالية ههههه .. مشكور ع المرور

في شنو هنا يانويري :confused:


اهلا يا مدنية هنا في زحمة عاملاها الملايات البتشترن فيها انتن وما معروف الحكاية تنتهي لمتين ؟؟ مشكور ع المرور اها وريني رائك شنو ؟

[النويري]

ياخي أنا والدتي ربنا يديها الصحة والعافية جات السعودية زيارة يمين الملايات إشتريت ليها شنطة حديد وفي جزوا لحد الأن قاعد ما وديتو السودان يانسوان أعقلوا شويه يعني السودان ما فيه ملايات

الله يكون في العون

[محمد النويري-الفقراء]

ياخي أنا والدتي ربنا يديها الصحة والعافية جات السعودية زيارة يمين الملايات إشتريت ليها شنطة حديد وفي جزوا لحد الأن قاعد ما وديتو السودان يانسوان أعقلوا شويه يعني السودان ما فيه ملايات

الله يكون في العون

باين عليها دي رغبة من زمن امهاتنا ياالنويري وجد اتساءل مرات كتيرة النسوان ديل الملايات دي دايرات اعملن بيها شنو ؟؟ شنطة حديد ولسه باقي جزؤ ولسه يالنويري حيقولو ليك لو في واحد جائ السودان رسل لينا ملايات .. مشكور ع المرور يا غالي