قبقبة القبانيت

[درديري كباشي]

القبانيت نوع من الشطة الخضراء حارة جدا وقيل لو قضمتها تحس بسخانتها في قدمك وهي ترزع في جنوب السودان ... شاهدت كافتريا سوري في الخرطوم بحري مزدحم بالزبائن قيل ان صاحبه عمل مزرعة خاصة بالقبانيت في الجنوب وادخلها في خلطة الشاورما عنده واصبح مزدحم بالزبائن المتوحوحون من حرارة القبانيت وهم يستمعون للطرب العربي الاصيل في مظلات الكافتيريا ويستمتعون بالشاورما .. والقبقبة هي تعبير سوداني يعني ان تمسك بتلابيب الشخص يحقارة وتهزه هزا ... والعلاقة بينهما لا ادري لكن احسها هنا .. توجد حرارة شطة وكل نفرين يقبقب احدهما الآخر بل يتوعده بالخروج خارج المنتدى حتى تتم البنية على اصولها ... والصراع ابتدا خلاف حول اساس المواطنة والهوية والاحقية والاولوية ودلف الى عنصرية وغيرها ..
انا لاا اريد ان اركب الموجة وافتح بوست على قرار البيانات التي انهالت على المنتدى .. واساسا لن افتح بوست للنقاش .. وتحديدا هذا البوست لي وحدي اريد ان اغسل فيه غمامة غم لوثتني وسدت نفسي عن الكتابة .. اريد ان انفضها دون ان اغبر بها احد وهي غير موجهه الا لمن يحس ان الامر يهمه ..
تعلمنا من اهلنا سوى في شمال السودان او الشرق او الوسط قدسية الضيف واعتقد انه ضربت اروع مثل في موضوع التواضع انه مكانة الضيف في قريتنا بالجزيرة جعلت طلاب في الجامعة اسمى مكانة من اناس يحملون الدكتوراه ..
كما تعلمنا الا تقوم من الاكل قبل ان يقوم الضيف حتى لو امتلات حد الافنجار .. ولو وقعت تحت رحمة ضيف اكول اكيد ستموت بالطخمة ... وتعلمنا الا تعبر عن ضيقك في وجود الضيوف كالنظر الى الساعة او تهمس في اذن احد اخوانك او تضرب الصغار او حتى تكنس الحوش .. لان اهلنا لفرط حساسيتهم يعتقدون انها من المنفرات التي تجرح احساس الضيف وتعلن عدم الرغبة في بقائه..
واحد من الدروس الخفية الغير مباشرة والتي تعلمناها من اساتذتنا اذكر في كسلا ونحن طلاب منذ اولى ابتدائي وحتى ثالثة ثانوي كان معنا في الفصل زملاء اريتريون .. بمعنى لا جئون وليسو بسودانيون وكانوا متفوقون بحكم فارق السن تجد الواحد في اولى ابتدائي وعمره عشر سنوات ورغما عن ذلك كنا نجبر على التصفيق لهم وتشجيعهم على التفوق علينا بكل طيب خاطر .. ولكن الغريب الذي لم انتبه له الا انه لم يحدث في اي سنة من السنين ان خصنا اي استاذ بامر كابناء بلد دون الزملاء الارتيريون ... يعني ما حصل قال الاستاذ ( انا عايز اولاد البلد بس يجو بيجاي عايزين نناقش قضاياي وطنية تهم بلدنا والباقين يخرجوا ) ورغما عن انه من حقنا كان ذلك لانهم اجانب مهما كانت العشرة او ايا كانت المعطيات الاخرى .. ورغما عن ذلك لم تحدث بل احكي لكم موقف غريب وطريف جدا ... حدث في سنة من السنين انه رئيس اتحاد الطلاب السودانيون بكسلا كان ارتري الاصل ... والاطرف انه بعد ما تخرج من الجامعة واتوظف ظل محتفظا بمنصبه مما حدى باحد الظرفاء ان يعلق ( انه رئيس اتحاد الطلاب السودانيين بكسلا لا هو طالب ولا هو سوداني ) ..

الاصول السودانية والاخلاق رتبت الانسان كما اراد له المولى عز وجل .. متخطيا كل الحدود البشرية الاخرى والتي اما خطتها القبلية والعنصرية او المستعمر لذلك الانسان في عرف اهلنا تبدا مكانته من حيث هو انسان ..( ولقد كرمنا بني ادم وحلمناهم في البر والبحر وفضلناهم على كثير ممن خلقنا تفضيلا ) .. ثم التفضيل ياتي بالتقوى فقط ( ان اكرمكم عند الله اتقاكم ) لذلك اهلنا في الريف يقدسون اي شخص له علاقة بالدين ويعجبون به ايما اعجاب وتجدهم يتخاطفونه في دعوته نحو بيوتهم . فقط من هذا المنطلق ..

على كل حال شعرت بان قليل ما غمني قد نزل بهذه الفضفضة وساعود لاكمل ..

[moh_alnour]

الشمس لو طال غيابها ما بتقصد تابا تطلع بس بتتأخر شوية و البيغشى الصيف ديارم ما بيبس كل خدارم
برضو راح تغشاه نسمة و تصبح الأوراق ندية و الخريف بفوت و برجع و النسايم موسمية




و تحديدا ً هذا البوست لي وحدي أريد أن أغسل فيه غمامة غم لوثتني وسدت نفسي عن الكتابة

أخي الدرديري
جئت للمنتدى كسحابة صيف جافت منتديات مروي و كسلا و سقت منتديات ود مدني خُضرا ً و زرعا ً و تمني
الشمس كل يوم بتشرق أصلوا ما أتأخر شروقا و نحن بنقول سبحان الله البسوقا
و نحمد الله أن ساقك إلى منتديات ود مدني و التي أخترتها أرضا ً خصبة لتمطر فيها حروفك الندية ، فلا تحرمنا منها
فالناس في بلدي يصنعون الحب و الناس في منتدانا يختلفون و يألفون و سرعان ما تصفو لياليهم بعد كُدرتها

[درديري كباشي]

الشمس لو طال غيابها ما بتقصد تابا تطلع بس بتتأخر شوية و البيغشى الصيف ديارم ما بيبس كل خدارم
برضو راح تغشاه نسمة و تصبح الأوراق ندية و الخريف بفوت و برجع و النسايم موسمية



أخي الدرديري
جئت للمنتدى كسحابة صيف جافت منتديات مروي و كسلا و سقت منتديات ود مدني خُضرا ً و زرعا ً و تمني
الشمس كل يوم بتشرق أصلوا ما أتأخر شروقا و نحن بنقول سبحان الله البسوقا
و نحمد الله أن ساقك إلى منتديات ود مدني و التي أخترتها أرضا ً خصبة لتمطر فيها حروفك الندية ، فلا تحرمنا منها
فالناس في بلدي يصنعون الحب و الناس في منتدانا يختلفون و يألفون و سرعان ما تصفو لياليهم بعد كُدرتها


نشكرك للصبح يا صباح مدني

ونهديك مقطع صديق احمد

عديلة عليك

ردك بسلم برد علينا شطة القبانيت

[أشرف صلاح السعيد]

ابو الدر سلام..
تعرف وبحكم قبيلتى اسمى مدنى "نسبة لمؤسس المدينة" وفى كثير من لمات الاسرة بينفتح موضوع بين النسوان وتحدث مشادة بين مدينيتين "جنسا" واحدة تتحدث عن سيادة المدنيين للمدينة وبأنهم أحق المتواجدين بالمناصب التى يطلق عليها مرموقة "عكس سيد القوم خادمهم" وأخرى تتبنى فكرة يااختى كلامك دا كلام حرقة سااى وعشان نفختك الكضابة دى قالو جدنا ودمدنى دعانا وقال "من الشمارة للخمارة" ـ أى التى تجيد به الايادى وتشميرها تتاكل وما فى زول يدخر ويسك الدنياـ وقتها كنت صغيرا ملازم لامى فى كثير من الاحيان..والآن حمدت الله كثيرا بأن كلام المرأة الاولى لم يحدث وتبوأ اهلى ما يعتقد بأنها مناصب مرموقة الا بكفاءاتهم وليس لنسبهم واحقيتهم القبلية وسعدت جدا بذلك عندما أرى البعض قد تميز بعرق او نسب فأضحك على غبائه وضحالة فكره..فكلنا لآدم وآدم من تراب ولا يميز مخاليق الله الا التقوى..وحتى إن صدقت الرواية بما ألصقوهو بشيخ ودمدنى فإنى أرى الحكمة فيما قال حتى لا تطرد المدينة واردوها وتحرم المدينة واهلها من الاثراء التى يولده التباين..فكثير من الاغنياء تأخذهم الاموال والجاه الى منحنيات تكره الناس الكرماء فى مجاورتهم ..
ودمدنى كانت ولازالت وستبقى ابوابها مشرعة لكل من اراد الدلوف الى ارجائها ومشاركة اهلها الحب الذى كان يثريها ولازال وان خبأ بعض الشئ يثريها..لم تتميز أبدا المدينة بفخامة أبنيتها ولا بمراكزها التجارية المتعددة الطوابق وإنما تميزت بساكنيها ..
رحم الله ودمدنى السنى واسكنه فسيح جناته وتجاوز عن خطاياه إنه مجيب سميع الدعاء..

همسة: ابو الدر معاك واحد من الاسرة الملكية المدنية واديناك الجنسية لا التابعية..ههههه

[العاقب مصباح]

جينا جارين قلنا ولا طلعنا بى قبانيت ولا بى جنسية
تعرف يا الدرديرى اخوك ما عنده خبرة فى السوق نهائياً والبتة كمان
مرة كدى الوالدة الله يرحمها قالت لى جيب لينا شطة لعيد الضحية وكان يوم الوقفة
اخوك مشى عزل ليهو شطة ناصعة الحمار بفتح الحاء فاقع لونها تسر الناظرين
بعد جيت كان يقولو لى دى قبانيت
اها من ديك وعيك تانى بقيت ما زول سوق تب
ولا زول شطوط
دائماً اخوك مشاتر فى المشتروات الحكومية والغير حكومية
اها الهدف من قصتك اشرف السعيد هو الناطق الرسمى لى كفرد وليس أى صفة تانية
دى حركات عشان نلقى لينا جنسية وكدا ويمكن نلقى لينا قطعة ارض كمان فى الزمالك
داخل على طمع صح
(( المجد لله فى الأعلى وعلى الارض السلام وبالناس المسرة ))

[أشرف صلاح السعيد]

عقبة تحياتى..
يا زول لا تجرى ولا تقطع نفسك سااى..وحياتك ابوى اخد قطعة الزمالك مع موظفين الحكومة بالخطة السكنية وعليك امان الله جرى القرعة عشان تقع لينا قطعة فى اواخر المربع جنب الجناين والناموس يحمينا نوم الحوش..قال يلقى ارض قال..
الجنسية ادتا ليك المدينة فهى وحدها من تمنح ذلك وشرطها الحب..

[العاقب مصباح]

عقبة تحياتى..
يا زول لا تجرى ولا تقطع نفسك سااى..وحياتك ابوى اخد قطعة الزمالك مع موظفين الحكومة بالخطة السكنية وعليك امان الله جرى القرعة عشان تقع لينا قطعة فى اواخر المربع جنب الجناين والناموس يحمينا نوم الحوش..قال يلقى ارض قال..
الجنسية ادتا ليك المدينة فهى وحدها من تمنح ذلك وشرطها الحب..



والله يا اشرف طلعتها لى كسور وبواقى
بمناسبة الارض دى عندنا واحد فى الحلة الله يرحمو
زول صعب شديد للغاية فى موضوع الاراضى
وفى المحاكم عكليتة
وبى سببه كل قضاة مدنى غيروهم
وجنه اعتراض على قرار القاضى
اها لازم ياخد حقه بى اى صورة من الصور
اليوم داك جابو قاضى جديد
ومما وصل مدنى سمع بى قضية زولنا دا
قال اول شئ انتهى منها
فعلا اليوم التانى صاحبنا جاء ووقف قدام القاضى
القاضى قال ليهو:-
:- يا فلان انت عندك قطعة ارض صح
:- ايوا صح
:- اها بقول ليك راى من مدنى لحدى الحبشة الارض العايزها شيلها بس خلى لينا كبرى حنتوب دا نعدى بيهو :d:d
:- لا لا ما داير داير بس قطعة الارض حقتى...
اها القاضى قالوا فى نفس اليوم طالب بنقله

[مهيد ود السفاح]

شرف لا يدانيه شرف وجودك بيننا
ووصيه مني ليك
عليك الله فضفض طوالي يا درديري
اصلك ما تكتم حاجه جواك

[درديري كباشي]

ابو الدر سلام..
تعرف وبحكم قبيلتى اسمى مدنى "نسبة لمؤسس المدينة" وفى كثير من لمات الاسرة بينفتح موضوع بين النسوان وتحدث مشادة بين مدينيتين "جنسا" واحدة تتحدث عن سيادة المدنيين للمدينة وبأنهم أحق المتواجدين بالمناصب التى يطلق عليها مرموقة "عكس سيد القوم خادمهم" وأخرى تتبنى فكرة يااختى كلامك دا كلام حرقة سااى وعشان نفختك الكضابة دى قالو جدنا ودمدنى دعانا وقال "من الشمارة للخمارة" ـ أى التى تجيد به الايادى وتشميرها تتاكل وما فى زول يدخر ويسك الدنياـ وقتها كنت صغيرا ملازم لامى فى كثير من الاحيان..والآن حمدت الله كثيرا بأن كلام المرأة الاولى لم يحدث وتبوأ اهلى ما يعتقد بأنها مناصب مرموقة الا بكفاءاتهم وليس لنسبهم واحقيتهم القبلية وسعدت جدا بذلك عندما أرى البعض قد تميز بعرق او نسب فأضحك على غبائه وضحالة فكره..فكلنا لآدم وآدم من تراب ولا يميز مخاليق الله الا التقوى..وحتى إن صدقت الرواية بما ألصقوهو بشيخ ودمدنى فإنى أرى الحكمة فيما قال حتى لا تطرد المدينة واردوها وتحرم المدينة واهلها من الاثراء التى يولده التباين..فكثير من الاغنياء تأخذهم الاموال والجاه الى منحنيات تكره الناس الكرماء فى مجاورتهم ..
ودمدنى كانت ولازالت وستبقى ابوابها مشرعة لكل من اراد الدلوف الى ارجائها ومشاركة اهلها الحب الذى كان يثريها ولازال وان خبأ بعض الشئ يثريها..لم تتميز أبدا المدينة بفخامة أبنيتها ولا بمراكزها التجارية المتعددة الطوابق وإنما تميزت بساكنيها ..
رحم الله ودمدنى السنى واسكنه فسيح جناته وتجاوز عن خطاياه إنه مجيب سميع الدعاء..

همسة: ابو الدر معاك واحد من الاسرة الملكية المدنية واديناك الجنسية لا التابعية..ههههه

نشكرك طال عمرك يا ابو الشوش على الجنسية .. بس اوعى تبقى لي كفيل وما تديني تنازل لو اكتشفت مدينة ثانية اروع .

[درديري كباشي]

جينا جارين قلنا ولا طلعنا بى قبانيت ولا بى جنسية
تعرف يا الدرديرى اخوك ما عنده خبرة فى السوق نهائياً والبتة كمان
مرة كدى الوالدة الله يرحمها قالت لى جيب لينا شطة لعيد الضحية وكان يوم الوقفة
اخوك مشى عزل ليهو شطة ناصعة الحمار بفتح الحاء فاقع لونها تسر الناظرين
بعد جيت كان يقولو لى دى قبانيت
اها من ديك وعيك تانى بقيت ما زول سوق تب
ولا زول شطوط
دائماً اخوك مشاتر فى المشتروات الحكومية والغير حكومية
اها الهدف من قصتك اشرف السعيد هو الناطق الرسمى لى كفرد وليس أى صفة تانية
دى حركات عشان نلقى لينا جنسية وكدا ويمكن نلقى لينا قطعة ارض كمان فى الزمالك
داخل على طمع صح
(( المجد لله فى الأعلى وعلى الارض السلام وبالناس المسرة ))



عقبة كان بقى كدا لازم تدخل دورة مشتريات وانت داخل على الدنيا .. تعرف كمان النسوان اصلا ما يقتنعوا بشراية الرجال .. تسالك اها الهناية دي اشتريتها بكم .. لو قلت ليها سعر عالي عشان ترفع قيمة الشئ قالت لبك غشوك لو قلت سعر منخفض قالت ليك ما اصلية ... يعني برضو غشووووووك .. الله يعين بس .

[درديري كباشي]

شرف لا يدانيه شرف وجودك بيننا
ووصيه مني ليك
عليك الله فضفض طوالي يا درديري
اصلك ما تكتم حاجه جواك




نشكرك يا كبتنا مهيد

مرقتك من المنتدى الرياضي لها قيمتها ووقعها المو ساهل زيك يا طيب الاصل والمعشر وانشاء الله المحشر