الشيخ البعيد باتع سرو

[بحيرى]

هذا الإسم ورد فى عمود الصحفى الطيب عبد الماجد فى صحيفة قوون الرياضيه-انا ما عارف الإسم ده حقيقى ل شيخ ام إسم والسلام - لكن على العموم انا كان عندى شيخ قريب لى ده , الا وهو شيخ حماده , أأأأأأأأأأأأأأأأأأأأأأأأأأأأأأأأأأأأأأى ياهو زاتو .
شيخ حماده المحايتو بيبسى وحيرانو جكسى .
خلاص حتفكو اى حاجه وتمسكو لى فى الشيخ ده .
الشيخ ده بساعد فى حل اى حاجه , إلحقنا وإفزعنا .
يعنى حل المشاكل الشبابيه عموما , وما تسألونى عن المشاكل دى .
لو حابين تواصلو الشيخ ده ممكن تواصلوه عبر النت فى البريد الإلكترونى ..........
com.الشيخ السرو باتع . www
عارفكم حتقولوا لى فى شيخ سرو باتع عند إيميل ؟
ما هو كده اسمو حماده مش حرام اكون ما عندو إيميل .
على العموم , توصلت آخر الدراسات الى نسبه عاليه جداً من الفئات النسائيه التى تتواصل مع امثال هؤلاء الشيوخ , أو لو صح التعبير (فقرا) , ولكن ما ادهشنى حقاً النسبه الاقل بقليل من نسبة النساء وهى فئة الرجال , لشنو انا ما عارف وما تسالونى .
نقف هنا لنواصل مره آخرى فى هذا الموضوع .
ملحوظه :-
انا ما عندى دخل بالموضوع ده .
يعنى مافى زول إحاول ازعجنى بالمساعلات الكتيره .

[moh_alnour]

الأخ : بحيري
تشرفنا بأنضمامك لنا و نتمنى أن تطيب لك الإقامة بيننا لتفيد و تستفيد
كما نتمنى أن نراك حضور دائم بالمنتدى لتُعطر صفحاته بطيب محاياتك أقصد مشاركاتك ;)




نقف هنا لنواصل مره آخرى فى هذا الموضوع

واصل يا حبيب خلينا نشوف قصة حمادة دا شنو ؟ ولا ننتظر الطيب عبد الماجد :eek:

[بحيرى]

الأخ : بحيري
تشرفنا بأنضمامك لنا و نتمنى أن تطيب لك الإقامة بيننا لتفيد و تستفيد
كما نتمنى أن نراك حضور دائم بالمنتدى لتُعطر صفحاته بطيب محاياتك أقصد مشاركاتك ;)



واصل يا حبيب خلينا نشوف قصة حمادة دا شنو ؟ ولا ننتظر الطيب عبد الماجد :eek:


تحيه طيبه ابعثها لناس جده و جزيرة الفيل .
اخى ابو حميد اكيد عندك مشكله , علشان تطبق المثل (الفى بطنو حرقص براهو برقص).
ارجو أن تخبرنى بمشكلتك عسى ان نجد لك حلاً عند شيخ حماده .
ملحوظه :-
الشيخ ده البياض بتاعو بالعمله الصعبه ( $ ), ولازم اكون عندك (ماستر كارد) .

[سيد البلد]

عندك (ماستر كارد) .



والماستر ده لازمن يعني يكون مزمن ولا اي ماستر وخلاص ؟
عشان نقدر نطرح ونحاول نحلحل مشالكلنا دي ياخي
وسريع لأنو عندنا ناس عزابة هنا وزييييي المكتوبين بيني وبينك
منهم الزول الرد ليك قبلي ده ...
وواحد تاني اعزب منو بجيك براهو ...

[نسمة صباح]

يعنى مافى زول إحاول ازعجنى بالمساعلات الكتيره .

مافي اي سعالات كتيره بس رقمو ومكان سكنو لوسمحت:p

[أشرف صلاح السعيد]

أخى بحيرى تحياتى وترحيباتى..
يااخى انت وين من زمان؟..أنا عندى شعرة من شنب تقل أعرج بكر أحول أعزب مقرد وما بيحب يتفلى..وعندى ريشة لبغبغاء ناطق بالعبرية وما بيفهم سجمو فيها وأمو هجين ببغاوى كنارى ودا سبب تكلمو وعدم فهمو..وعندى سن تمساح بياكل طول اليوم وما برتاح وبقزقز بالطير الا الجناح..
يااخوى حاجاتى ديل ما مطلوبات عند الباتعين ديل شوف ليى واحد منهم يطلب الطلبات دى وبالنص فيفتى فيفتى ما البيع بالدولار..

[بحيرى]

والماستر ده لازمن يعني يكون مزمن ولا اي ماستر وخلاص ؟
عشان نقدر نطرح ونحاول نحلحل مشالكلنا دي ياخي
وسريع لأنو عندنا ناس عزابة هنا وزييييي المكتوبين بيني وبينك
منهم الزول الرد ليك قبلي ده ...
وواحد تاني اعزب منو بجيك براهو ...[/center]


يا اخوى الماستر ده قارىء ليهو 3 سنين واخذ الماستر , تجى تتكلم فيه كده ؟
اما المكتوبين ديل شيخ حماده عندو فوقم راى , اصلو الشيخ ده راقدلو فوق رأى , عشان كده حاولو تلمو ليكم فوق رأى سريع وترقدو بيهو .
اما الزول الرده لى ده الشيخ ساعى ليهو فوق امرو تب .

[بحيرى]

مافي اي سعالات كتيره بس رقمو ومكان سكنو لوسمحت:p


هى !! يا نسمه دى كلها دحين ما سعالات يعنى ؟
ناس البطاقه ما بسألو كده .
الشيخ ده سرو باتع , عشان كده رقمو ده مره إظهر ليك دبل زيرو (00) ومره (09) ومره (مكالمه يتصل بك) .
اما مكان سكنو ده قولى يا رقيب تجمعنى بال ................. .

[بحيرى]

أخى بحيرى تحياتى وترحيباتى..
يااخى انت وين من زمان؟..أنا عندى شعرة من شنب تقل أعرج بكر أحول أعزب مقرد وما بيحب يتفلى..وعندى ريشة لبغبغاء ناطق بالعبرية وما بيفهم سجمو فيها وأمو هجين ببغاوى كنارى ودا سبب تكلمو وعدم فهمو..وعندى سن تمساح بياكل طول اليوم وما برتاح وبقزقز بالطير الا الجناح..
يااخوى حاجاتى ديل ما مطلوبات عند الباتعين ديل شوف ليى واحد منهم يطلب الطلبات دى وبالنص فيفتى فيفتى ما البيع بالدولار..


يا اخوى حاجاتك دى الا ندخلهم معاينه عشان نفك شفرتم , الحاجات دى كان ركبناها كده ممكن امرق لينا ضبان ضكر موديل 1820 قبل الميلاد .
لكن ممكن اتوسط ليك عند الشيخ امرقهم ليك بالعادم عادى يعنى , النسبه حتكون 80% لى و 50% ليك , عجبك , عجبك , على بركة الله .

[مدنيّة]

هذا الإسم ورد فى عمود الصحفى الطيب عبد الماجد فى صحيفة قوون الرياضيه- .

شنو يابحيري
جاي داخل فينا شمال كدا وصحيفة قون


كدي اتوهط وبعدين نشوف موتوع الشيخ دا

[بحيرى]

شنو يابحيري
جاي داخل فينا شمال كدا وصحيفة قون


كدي اتوهط وبعدين نشوف موتوع الشيخ دا

شكراً للاخت مدنيه على المرور
ملحوظه :-
بالمناسبه اللون الاحمر ظاهر فى عيونك !!
ولو ما دخلت شمال تعرفينى من مدنى كيف ؟
اما موضوع الشيخ دا ما بستحمل ليه توهط , الموضوع دا قرب للفت الكريبه خلاص .