قرأت في جريدة أو موقعا ما سلفاكير:يدعو الجنوبيين إلى اختيار الانفصال ليصبحوا أحراراً

[عباس الدسيس]

الرزق القديم ناكل مما نزرع رزق جديد ساقه نظام الانقاذ الينا البترول السلام الوحده الجاذبه تنحصر كلها في المحافظه علي وحدة البلاد ومراعاة شعور اخواننا الجنوبين الذين كما قال سلفاكير خير لهم الانفصال من العيش في وطن هم مواطنيين من الدرجة الثانية وياليت لو اهتمت الحكومة بالأطفال المشرده او بانشاء المستشفيات في المناطق التي تعاني حتي الان من الولادات المتعثره او اسكان الاسر المشرده وترميم البيوت والشوارع في المدن النائيه بقت عليكم حكاية باب النجار مخلع مرت علينا عشرون عاما لا إتهنينا بالبترول ولا الحرب وقفت ان كانت في دارفور او في الجنوب بين الملشيات اللهم السلام اوقف لناس الدفاع الشعبي والطلبة بتاعين الخدمه الالزاميه الحرب .
رغم عن عدم انتمائي للمؤتمر الوطني ولا اري انه الحزب الذي سوف يأوي جميع السودانيين وبه حل مشاكلنا ... اوجه لهم كلمة ياخي خلوا الجنوبين ديل انفصلوا كان نشم الهوي شويه من قمنا الناس دي تتحارب في شنو يعني لو انفصل الجنوب الدنيا وقفت كما ان السودان سابقا كان في وضع احسن بمليون مره من الان ولا يوجد به بترول ولا يحزنون ما عايزين البترول .. ما عايزين الوحده اها حالنا بقيف لقد خدعنا شر خدعه واكلنا هواء فرض علينا الجوع صبرنا فرض علينا المرض صبرنا فرضوا علينا العذاب تحديناه .... واخيرا اعتزروا لنا لقد خدعناكم نعم خدعتونا هل تتذكرون كتاب المطالعه في المدارس الاوليه محمود والنمر ذلك الراعي الكذاب عندما صاح ثلاثة مرات هجم النمر وعندما يذهب اهل القرية لايجدون نمر ولا يحذنون وعندما هجم النمر حقيقة لم يذهب رجال القرية فاكل النمر محمود واغنامه فهذا ما اصبح عليكم انتم وليس نحنا مع سلفاكير فكان دائما يصرح بالوحده الجاذبه وتوحد السودان وعندما قربت مواعيد الانتخابات والاستفتاء قلب الراجل ... اما لنا نحن فاعتزروا الي ماشاء الله ما اصلوا الفيكم اتعرفت من اول يوم جيتوا للسلطه.
طيب اقول ليكم كلام احنا سلمنا بي امر الله اعمالنا زمان ما كانت كويسه عشان كده سلطكم علينا راضيين بس عايزنكم تعملوا الاتي:
1/ افصلوا الحنوب نرتاح وارتاحو
2/ ما عايزين انتخابات اقعدوا انتو القروش البتصرفوها في الانتخابات دي عمروا بيها البلد زايد قروش اعمار الجنوب
3/ ناس دارفور حلوا مشكلتم ديل ما زي الجنوبين علي الاقل هم مسلمين رغم اختلاف بعض السحنات والقبائل كان التماذج معهم بصوره اكبر يعني خلاس اهل.
اها الكلام القلتوافوق ده ما شويه وبسيط والله اتحداكم كان تعملوا اللهم بس جملة ما عايزين الانتخابات دي واقعدوا كان تعملوا ليها لجان وتفرحوا حسي اجي قيقم بتاعكم وبلال موسي بتاع سته سته جوني من النوم صحوني اها ناس الانقاذ جوك وصحوك من الساعه سته.

[esmat]

تعرف يادسيس
كل القوة السياسية المعارضة عايزة انفصال
الجنوب بالباطن وفي كل اوراقها الظاهرة بساند
الوحدة الجاذبة - وهم يسعوا للإنفصال ليكون وصمة
عار على حكومة الانقاذ
وانا شخصياً لا اؤيد انفصال الجنوب حتى لو عدنا للحرب
على فكرة - انا ما مؤتمر وطني

[عباس الدسيس]

العزيز عصمت سلامات والف شكر علي المرور بالله قول لينا ما عايز الجنوب انفصل ليه الفوائد شنو البنجنيها من توحد الجنوب والشمال وقبل الانفصال الفترة السابقه ما مدي استفادتنا من تواجد الجنوب مع الشمال

[أبو جودي]

أخينا الدسيس ،،،
أحب أتداخل بوجهة نظر ،،، الوحدة هي الرابط الذي دعا له الإسلام ،،، ثانياً ليس الحسابات حسابات حنستفيد منهم شنو ولا هم حيستفيدوا هم شنو ،،، نحن والجنوبين أخوان تربينا مع بعض ونشأنا مع بعض وتربطنا بهم صلات كبيرة جداً جداً حتى كثير من قبائل التماس تزاوجوا بالجنوبيين والعكس ،،، فالمسألة أخي الدسيس ليس حسابات واحد زائد واحد يساوي أثنين المسألة كبيرة خالص ،،، وسوف أعود لك أخي الدسيس مرة أخرى ،،،
مع خالص تحياتي

[المكاشفى]

كلنا غير مؤيدين للانفصال
لكن لو هم داروا كدى قطر عجيب
شكرا يادسيس
مواضيع تخوف!!!!!!!!!!!!!!!؟

[sambaaa]

يا دسيس الإنفصال ده مهمة صعبة جدا
ماذا بعد الانفصال ؟؟ .. تخيل معي ..
حسابات التاريخ .. من يتحمل مسؤولية القرار ؟
التدخلات الأجنبية .. آثارها على السودان الشمالي .. ما هو السيناريو ؟
جنوبي الشمال .. ما هو مصيرهم ؟
الخارطة الإجتماعية الجديدة و الإقتصادية المعقدة جدا .. كيف يتم علاج كل هذه الإشكالات ؟
اخي عباس
يجب أن يقرر كل السودانيين مصير الجنوب
كل السودانيين .. وعندها سيكون القرار صائب
عدا ذلك فالمهمة صعبة جدا

[عباس الدسيس]

شكرا للاخوة المتداخلين ورغم تشبكنا بالوحده الا انني اري ان الانفصال قادم مادام قادم فعلينا مواجهته كل الدلائل والمؤشرات والتصريحات من سلفاكير او باقان بالاضافة الي بعض الشخصيات المهمة في الحركة تؤكد ان كلام الجنوبين عن الوحده ليس سوي مراوغه اذ لهم نيه اخري وتستشف هذه النيه من لقاءاتهم التلفزيونيه ان كانت علي قناة المؤتمر الوطني الشروق او الجزيره او القنوات العالميه الاخري طيب احنا ليه متعبطين فيهم والوحده الجاذبه وخلافه بعدين مسألة التصويت دي مفرغ عنها ناسنا في الشمال معاهم ناس مفتحين عيونهم بعد ده بزوروا اي اختراع والدليل نقابة المحامين والنقابة العامه لعمال السودان و و و و....الخ ناهيك في الجنوب ما دام القياده عايزه كده اكيد حا تزور بدون ارادة الشعوب.

[esmat]

حبيبنا الدسيس
اولاً اشكر بوستيك واشكر كثير الشكر
البوست الذي اتي لنا بالأخ العزيز سامبا
حقيقة سامبا فاقدنك كتير والله اظهر

قرار الانفصال قرار كبير من ناحية سياسية ونواحي اجتماعية ونواحي امنية
يعني قاعدة عسكرية اسرائيلية وامريكية في الجنوب
يعني حسابات اخرى في مياه النيل
يعني دم الشهداء القدامي .. الذين حاربوا ما يقارب العشرين سنة من اجل ضم الجنوب
يعني ان نفرط في قطعة من ارضنا
وهناك حسابات اخرى
انفصال الجنوب يعني انتهاء الشمال بالضغط عليه من كل الدول الاوربية
انفصال الجنوب يعني تشريد اسر لا تعرف نفسها تنتمى للشمال ام للجنوب
وللثروة حسابات اخرى
ليس بالهين على الحكومة وصمة العار هذه التي ستلاحقها في كتب التاريخ
وهناك حسابات اخرى

[شيخ الدين]

تعليق بسيط (/ ناس دارفور حلوا مشكلتم ديل ما زي الجنوبين علي الاقل هم مسلمين رغم اختلاف بعض السحنات والقبائل كان التماذج معهم بصوره اكبر يعني خلاس اهل.
طيب مسلمين الجنو ديل شنو وبعدين بس اهلنا المسلمين فقط والسودانية حكر علي المسلمين ولنا عودة

[أبو جودي]

تعليق بسيط (/ ناس دارفور حلوا مشكلتم ديل ما زي الجنوبين علي الاقل هم مسلمين رغم اختلاف بعض السحنات والقبائل كان التماذج معهم بصوره اكبر يعني خلاس اهل.
طيب مسلمين الجنو ديل شنو وبعدين بس اهلنا المسلمين فقط والسودانية حكر علي المسلمين ولنا عودة


أخي الكريم أسمح لي أرد على مداخلتك:
أخي السودان ده من ما قمنا صغار وأجدادنا ،،، البنعرفو أنحنا هو سودان الجنوبي والشمالي والشرقي والغربي وحتى كان في أقباط ويهود وهنود ويمن وكثيراً من المسلمين والمسيحيين ده السودان بكل طوائفه وأعراقه وأجناسه ،،،وياريت الناس ترجع للفنان العظيم عبد الكريم الكابلي وتعريفه للسودان في حفلة لندن ،،، ده هو السودان
لكن أخي الكريم مما جاءت الحزبية البقيضة وبدأت المصالح الضيقة تطغى على المصلحة العليا أصبح هذا حالنا وتفجأنا أخي أن حتى الحزبية والعنصرية امتدت إلى الشمال ففي الأيام الأخيرة بقينا نسمع شايقي وجعلي ودنقلاوي وغيره ،،، مع أنه كثيراً من مدن السودان انتفت فيها هذه النظرة من زمن طويل ولكن للأسف بدأنا نرجع للوراء ،،،
فللقارئ المتابع هناك سياسة واضحة صهيونية وتتولاها دولة كبرى وأعلنت عنها في أن فرق تسد ،،،، ندعو من هذا المنبر أخواننا جميعاً في السودان أن يعودوا إلى رشدهم والعاوز يعمل ليهو سودان غير ده اليمشي ليه دولة تانية ،،، أنحنا ده السودان البنعرفو وسوف نلفظ كل نشاز منه مهما كان ،،، وإن شاء الله وبحوله وقوته وجبروته سوف يظل السودان واحداً موحداً وسوف تنعم أجيالنا القادمة بوطن واحد حدادي مدادي ،،،
أما الغلطات الكبيرة التي أدخلونا فيها فسوف يحفظها لهم التاريخ وسوف تكون من الوصمات في تاريخ السودان الناصع
وسيبقى السودان مهما كان كيد الكائدين بأبناء وطنه "الوطنيين" وليس الذين ينتمون للحزبية الضيقة الأفق
قوياً ومنيعاً بأهله وناسه جميعاً وبدون فرز كيمان

[عباس الدسيس]

حبيبنا شيخ الدين سلامات .... لو لا هنالك غبن لما قامت الحركات المسلحه في دارفور وحسب رؤيتها في التهميش ومشكلاتها الاخري وإن هذه المشاكل اتت اغلبها مع الانقاذ اذ المنفصل عن الجناح الاسلامي خليل ابراهيم هو قائد الدبابين ومؤسس لواء الدبابين ونسبة لعلاقته السابقه الحركيه والاسلاميه . السودان بلد الجميع ولكن حتي الحركات الدارفوريه الحاليه نجدها انشقت عن الام .. ياخي الناس ديل ارجعونا القبل الانقاذ حاليا حكومتين في بلد واحد بقوانيين مختلفه اها دي سمعنا بيها وين حكايه غريبه

[الزبير محمد عبدالفضيل]

مداخله

أخوتي الاعزاء حسب تقارير وأفادة وكلالالام نائب الرئيس سلفاكيررر ميارديت

افاد وعلي الملاء وعلي الاثيرررر وتناقلت الخبر كل وكالات الانباء والفضائيات

يقوووووووووول لجميع المواطنيين الجنوبين أذا تريد أن تكون مواطن درجه أولي


صوت للانفصال واذا اردت أن تكون مواطن درجه ثانيه صوت للوحده وهذا هو

تصريح الرجل الثاني في الدوله يصرح مثل هذا التصريح . الانفصال اذا حصل

سوف يكلف الشمال الكثير وسوف يريح الشمال من البسيط يعني سوف تكون

هنالك مواضيع كثيره شايكه والسودان يعتبر شبه قاره من حيث المساحه

والاديان وأختلاف القبائل والتوزيع الجغرافي وتوزيع الحدود واختلاف الثقافات

هذه كلها سوف تكون شائكه وخاصه دول حوض النيل في تقسيم انصبة

المياه وسوف تقل نسبة مصر والسودان من المياه اذا حصل الانفصال

ولي رجعه

[عوض صقير]

أخى عباس الدسيس

السؤال الذى يدور بذهنى دائماً

لماذا حق التصويت والأستفتاء الخاص بالأنفصال متاح للأخوة الجنوبيين فقط دون الشماليين ؟

إتفاقية نيفاشا أعطت الجنوبيين أكثر من حقهم ... والقائمين على أمر هذه الأتفاقية لم يكن السودان ومصلحته فى أولوياتهم وأنما كان هدفهم الأساسى الحفاظ على كراسيهم ...


إتفاقية نيفاشا هى الخطوة الأولى للأنفصال ...


والأنفصال فى وجهة نظرى البسيطة يعنى الحرب ثم الحرب ..... لا أكثر ولا أقل ...


وربنا يجيب العواقب سليمة ..

[عباس الدسيس]

عزيزنا عوض صقير رغم ان الاتفاقيه اوقفت الحرب لحين بين الشمال والجنوب ولم توقف الصراعات الداخليه التي سوف يكون اثرها لاحقا في حالة الانفصال الا انني اري بانها فصلت علي الحركة الشعبية وايضا لتدعم عملية الانفصال وذلك ان يكون حق التصويت للجنوبين فقط دون غيرهم وهي حاليا مسألة جدال بين الحكومه والحركه

[ابوالنور]

أخينا الدسيس ،،،

أحب أتداخل بوجهة نظر ،،، الوحدة هي الرابط الذي دعا له الإسلام ،،، ثانياً ليس الحسابات حسابات حنستفيد منهم شنو ولا هم حيستفيدوا هم شنو ،،، نحن والجنوبين أخوان تربينا مع بعض ونشأنا مع بعض وتربطنا بهم صلات كبيرة جداً جداً حتى كثير من قبائل التماس تزاوجوا بالجنوبيين والعكس ،،، فالمسألة أخي الدسيس ليس حسابات واحد زائد واحد يساوي أثنين المسألة كبيرة خالص ،،، وسوف أعود لك أخي الدسيس مرة أخرى ،،،

مع خالص تحياتي

مرفق احترماتي يا ابوجودي

[شيخ الدين]

الحبيب ابو جودي سلم الله قلمك هذا هذه هي الحقيقة كما تفضلت وانا شخصيا تنفق معك 100%

[شيخ الدين]

الحبيب الدسيس مشتاقيين . هل فكرة في بعد الانفصال والنتائج المترتبة علي ذلك تخيل مشهد الجنوب وحده بقض النظر باقي السودان مسالة الشرق وتمردهم ودارفور وغيررهم هل تضمن كل هؤولا . هل تريدون تمزيق السودان هل الجنوب جاهز لادارة دولة . يا حبيبي لو ما قدر الله ولطف احداث ام درمان هي محاولة انقلاب ولاكنها فشلت والحمد لله فشلت هل تضمن عدم تجدد مثل هذه الحركات من المفترض ان يجلس الشريكيين وبدلا ان يعملوا علي الانفصال يعملوا علي تخفيف القبن في الشمال وفي الجنوب ويا سيدي خليهم في حكمهم بس يخففه عن الشعب المسكين شوية سوى في الجنوب او الشمال

[كمال احمد]

بصراحه انا كنت متفائل شديد على عدم الانفصال ومتفق معاك ياابو جودى لكن بعد ماسمعت خطاب سلفاكير فى الكبيسه والتحليل على الخطاب فى اخبار اليوم الاثنين 2 /11/2009 اصبحت متفق مع الاخ عباس الدسيس الجنوب يرقب فى الانفصال