للراغبين وظائف هندسية بولاية الجزيرة

[ود الجعلي]

من الانترنت موقع رماة الحدق


للراغبين وظائف هندسية بولاية الجزيرة

هندسين بدرجة استشاري أو أخصائي الوظيفة
ولاية الجزيرة/ وزارة التخطيط العمراني والإسكان والمرافق العامة الجهة
ترغب وزارة التخطيط العمراني والإسكان والمرافق العامة في تعيين مهندسين بدرجة استشاري أو اختصاصي لملء الوظائف التالية:
1. مهندسون مدنيون تخصص طرق.
2. مهندسون مدنيون تخصص إنشاءات.
3. مخططو مدن.
4. مهندسون كهربائيون.
على أن تتوافر في المتقدم الشروط التالية:
أ. أن يكون سوداني الجنسية.
ب. أن يكون حاصلاً على درجة جامعية على الأقل من جامعة معترف بها.
ج. لديه خبرة لا تقل عن العشر سنوات في التخصص المطلوب.
د. أن يكون مسجلاً بدرجة اختصاصي أو استشاري بالمجلس الهندسي.
هـ. أن يكون خالي الطرف من الخدمة الوطنية.
و. العاملون بالحكومة عليهم تقديم طلباتهم بواسطة رؤساء مصالحهم.
تقدم السيرة الذاتية وصور من الشهادات لمدير عام وزارة التخطيط العمراني والإسكان والمرافق العامة، أو إرسالها بالبريد الالكتروني. التفاصيل
8 / 11 / 2009 م تاريخ الإغلاق
بريد الكتروني: omranea@hotmail.com / omranea@yahoo.com

[الزبير محمد عبدالفضيل]

خير اللهم أجعله خيررررر

[nehroo]

ولجــنة الإختيـــار وين يا ود الجعلي ؟

دي الحكـــومة توظـــف كــــده ؟

[أشرف صلاح السعيد]

ود الجعلى تحياتى وسلامى..
يااخى دى سيرتى الذاتية بيعينونى بيها..

سيرة ذاتية:
خبرة بمجال الانشاءات فوق العشرة سنين.
عملت بالحيكومة فوق التلاتا سنين بكنانة والقضارف والجزيرة..
رفدتا نفسى "اتغيبت فوق 45 يوم بلا سبب"..وما صدقو الجماعة طوالى رفدونى..
ما عملتا الخدمة الوطنية ولا باعملا مش لانى احسن من الناس لانو اشتغلت كل سنوات الحيكومة بمناطق شدة..دوام من ستة الصباح لستة المغرب وطول الشهر حتى الجمعة دوام من ستة لحداشر ونص وفى آخر الشهر كانو بيدونا خمسة ايام رفاهية ومرات طبقتا شهرين فى بعض..فى اكتر من كدا خدمة وطنية؟؟؟..وليه الحيكومة زى ما بتعتبر للاطباء والمعلمين مناطق الشدة جزء من الخدمة الوطنية ما بيحسبوها للمهن الاخرى؟؟..اكان بيحسبو التلاتا سنين خدمة وطنية عوجة مافى تب..لكن وانا فوق الاربعين يجككونى دى زاتا ما عندنا ليها صحة..
بت جيرانا كانت طالبة بجامعة الجزيرة وكان عندهم تور لكنانة ..مشيت سلمتا عليها عاينت ليا باستغراب وبعدا قالت ليا قلت دا منو المغبر اب شعرا احمر البيعرفنى دا..والله قصة حقيقية..
من أول جيل بالسودان يحمل شهادة جامعية بتخصص هندسة البناء والتشييد ومن جامعة أمريكية ..مشيت اشتغل فى شركات البترول واحد هبب ليا مافى..لا أزكى نفسى ولكن جعلو الوطنية رهابات لمن يعشقون الاوطان..
خلاصة : عندهم منصب وزير الشئون الهندسية فاتح؟؟ يااخى ما اصعبا وأبقى مغرور فى الفاضى ..رواتبم كم؟ الواحد اتعود ببلاد الغربة بيحصل قدر تعبو او حتى اقلا منو بس بينستر ..وما طمعانين فى حق التعب كلو بيدونا نصو والنص التانى مساهمة وطنية..
قد يخال البعض غرورى فوالله أعلم جيدا "لا يدخل الجنة من كان بقلبه ذرةً من كِبر"..
الكتبتو دا وجعة على البلد الماليها وجيع والله علام القلوب..

جد كونو حكومة الولاية يبقى تفكيرا كدا دى خطوة كبيرة جدا..بس المهم ما تكون لجنة الاختيار من الجماعة الفاهمين علوم الشريعة والفقه والقرآن هى العلوم الوحيدة التى ينتفع منها الناس..والله يوفق ولاة الأمر لما يرضى الله وينفع الناس..

[سماحة]

رفدتا نفسى "اتغيبت فوق 45 يوم بلا سبب"..وما صدقو الجماعة طوالى رفدونى..

الأخ أشرف حزنت جدا لذلك
وكل واحد بيأخذ نصيبو اكيد انت مقتنع بذل...

[سماحة]

كدي أمشي جرب قدم تاني يمكن يأخدوك.... ( حركة بس)

[أشرف صلاح السعيد]

الأخ أشرف حزنت جدا لذلك
وكل واحد بيأخذ نصيبو اكيد انت مقتنع بذل...


اختى الكريمة سماحة تحياتى..
لم أحزن على نفسى فقد كنت قررت الرحيل..
ما أحزننى حقا وجدت مديرى وقد فصلنى كتب اسمى بقائمة الموظفين التى يمكن إرسال المؤسسة بهم لعمل الخدمة الوطنية!!!مفصول وبنفس الوقت بلستة الخدمة الوطنية!!هذا ما آل إليه ولاة الأمر فينا ..كذابون وأستثنى منهم قليلا..