قصائد سودانية [الأرشيف] - منتديات ودمدني

مشاهدة النسخة كاملة : قصائد سودانية

aborawan

05-12-2004, 10:39 PM

يا بت منقرفة من هموم الدنيا والقشر اليباس
يا بت خلاص أنا جد فتر فيني الصبر
يا بت خلاص حترب مساماتي الجمر
يابت مشطفة من دموع العين وكت تبكيك فجر
يا بت خلاص ما ترجعي
و أغمس عيوني الباقة في بحرك و أعوم
كيتاً علي النجمات عشان النجمات بتضاحكن
ويتوسوسن لمان تكوني بعيدة وبشتهبك
يا بت منقرفة من هموم الدنيا والقشر اليباس
يا بت خلاص أنا يوم رحيلك شلت عكاز من صبر
سهران بحاحي الطيف قدر ما يفر بجبدو علي
أكان يطبظ عيوني الشايله منك طلة الصبحية
قبّال الشمس تتمغّى من نوما وتقوم
يا بت منقرفة من هموم الدنيا والقشر اليباس
يا بت خلاص أنا شفت قبّالك كتير لكنّو زيَك ما بجن
أيامي من غيرك سواد أيامي من دونك سكن
و انا جد سكن جواي شجن وكتين رحلتي من الوطن
يا بت خلاص ما ترجعي
يا بت خلاص انا ذاتي حاس إنو النفس مارق وراك
يا بت خلاص ما ترجعي
يا بت خلاص ما ترجعي
و أغمس عيوني الباقة في بحرك و أعوم
كيتاً علي النجمات عشان النجمات بتضاحكن
ويتوسوسن لمان تكوني بعيدة وبشتهبك
يا بت منقرفة من هموم الدنيا والقشر اليباس

اشعار محمود الجيلي صلاح

aborawan

05-12-2004, 10:42 PM

ذنبك إنّك
ذنبك إنّك
ذنبك إنك إني بريدك أكتر منك
نفسك و لونك وصوتك وحسّك
وبرّاق سنك وسنة سيف العين
الطعنت قلبي الرادك وحي بي حنّك
زادن شوق الشوق الشاقّي مسافة
شقة راسك وآخر قدمك
ولسة الناس بالشوق راجينك......
ذنبك إنك ......
شايل ريدك جوّه عيونك
إلاّ الرشرش شرّ عليهن لون العتمة
وشرّك للمستني حضورك
وكيفن تبقى معاك القمرة
وضيّك ونورك ضوّ قليب الزول
الراجع ليك ومنك ...........
ذنبك إنك.......
هلّ هلالك وهلل كل الشافك
وشفّق روحو عشان الشعر النازل
فوق الحاجب حاجب لون الشمس
الفوق عينيك ماتشرق
وشارق فيك الدهشة وسارق
كل الناس السمحة قلوبم وما ناسينك.....
ذنبك إنك.........
لسه مجهجه بين ما تسرح
شان ما تسرح فيك الدنيا
وبين ما تفرح شان ما تلمح
صوت الغنية يردد فيها الطفل
الشافك وكانت طلّة وشّك منيه
وعيدو وعيد أولاد الحلّة الحلّ
الحزن الجاهم
وبين دقات القلب الرادك
هم شايلنك..........
ذنبك إنك إني بريدك أكترمنك

السنيوره

06-12-2004, 04:57 AM

انشاءالله هي تكون بتريدك يا ابو روان يديك العافيه

aborawan

06-12-2004, 05:38 AM

ويعافيك اخت اسراء ولا عدمتك

زيكو منيب

07-12-2004, 08:32 AM

قصائد سودانية جميلة يا ابو روان

aborawan

15-12-2004, 12:37 PM

مشكور حبيبي

marwa

15-12-2004, 06:04 PM

sh3er 7'ameeeeeeel

محمد السر احمد

15-02-2008, 04:41 AM

تسلم ابو روان
وطبعا الشاعر محمود الجيلي له العديد من القصائد الجميلة ويا رايت تجبة لينا
وبذات منقة تكنو

عبدالله الشمراني

15-02-2008, 06:49 AM

ابو روان ...
قصائد سودانيه .. جميله ورائعه جدا .. وفيها احساس غريب اعجبني كثيراَ رغم اني لم افهم بعض اللهجات والكلمات ...
تقبل تحياتي اخي الحبيب ..
تقبل تحياتي .. ولك جزيل الشكر والتقدير .
دمت بصحه وعافيه ..
تحياتي

عبدالله الشمراني

15-02-2008, 06:53 AM

البنفسجي

18-02-2008, 02:50 PM

ابو روان يارائع
أسمح لي بهذه المشاركة البسيطة
للشاعر محمود الجيلي صلاح
http://tabatpeople.com/pics/maheljayli.jpg

اليك أُزجُ

بحزني وفيني بقاياك بالعين تطفو

وأشكو إلى الله قلبي أتاك

ورغم عزوفي عن الحب يهفو

وأعلم اني إذا ما ظللت أراقب قلبي

فيوماً سأغفو

فيهربَ مني عشوقاً بذنبٍ

ويدري بأني إذا ما رأيت عيونك أعفو

اليك أُزجُ

وأنت امير

تعيش وحيداً

غزالاً شريداً

ودنياك تصفو

اليك أُزجُ

وفيني بحبك نارٌ تأجُ

وأنت تضجُ

وحاجب عين تبعثر لهواً

وأنت أزَجُ

اليك أُزجُ

فهل في صميم فؤادك أُسجن

وأحيا وحيداً..فريداً لأسمو

وبين عيونك في النوم أُدفن؟

ضمانٌ لسعدي رؤياك طيفاً

وإن كان مرآك حقاً فأضمن

اليك أُزجُ

ويعبث عقلي بطفلة فكره

مجرَدُ طفلة

قبيحة مظهر

وفيها روائح فقرٍ وقهرٍ شديدٍ

ومسحوق بشره

تقول: بأني سأبعدُ عنك بعيداً وأُحرق

وحبي اليك ستحكم فيه الظروف ويشنق

ويبقى من العشق ذكرى

أعوذ بربي

فإني بعون الإله قريباً سأنجح

وكل قلاع الظروف العقيمة

بمفتاح شوقي إليك ستفتح

وعنك أغني..وفيك سأصدح

ونحيا سويَاً

فذلك صبح السعادة أصبح

مع صادق ودي البنفسجي {{ ابو روعة }}