جكسيهم وجكسينا

[طارق جبريل]

انتو يا الحبان ولاد الزمن دة يا كافي البلا حتى الحب آآآبيعرفوهو
الله اداهم الماسنجرات والفيس بوك والياهو والتوتر والموبايل والاس ام اس
بعد دة كله حبهم دراب دراب
النبي شوفوا جنس كلامهم في الشريط التحت في قناة النيل الازرق داك
وحات الله يسولوم في جنس نضمي يمين الغنمايي ما يأثر فيها
والله لاهن عارفين يحبوا ولاهم قادرين علي النخجي والجوعير
بالله الواحدة تكتبلو: انا بحب المريخ عشان لعيبتهم ظريفين
يقوم يردلا: ظريفين شنو ياخي ديل وهم ساكت
يمين ان كنت انا ان بقت قالتلي بحب مريخ أم علقة
كنت قلتلا: أنا أصلي غير كورتهم ما قاعدة تعجبني كورة ولا حتى برشلونة
ديل بُطان شنو ديل

يا حليل أيامنا وأيام ود شيقوق
بالله البني تحرن ليها قدام حلتهم لامن الشمس ترقدك كداد
وتقعد تحاحيلا من هني لا هني
واصلو حلتهم دي كلها تبقى اهلك وتسوي الدرب ساساقا ضُمة ضمة
والعجب ان بقى الله اكرمك بي بكاء في حلتهم ولا في بيتهم زاتو
يمين يدينك يبقبقن من حفير الصيوانات واصلك لا تقول اح
والعجب ان دخل لا جوة وجبتلك ترمسة ألت شاي وايدها دقشت في ايدك
يمين تجي منفوخ من لا جوة وماشي شايل ترمستك وتتقدل بي طرف اصابعينك علي النعامة
واصلو ان خلوك يمين في بيت البكاء دة تقرب تفكلك زغروتي
والعجب لو عندهم عرس في حلتهم ولا في بيتهم زاتو
يمين تجيب فرشك وبهيتك وتقعد تضرب في بيبان العرس ديل لامن تلمعن
وتطلع تفتش السباليق ان بقى فيهن شي مكدب
وان بقى عندهم غنم تسقيهن وتجيبلهن القش
ودة كله بس فشان تحاحيلك شوفتا منها

بالله هسي البني تقعد تنتظر في الولد وتشتريلو في الهدايي
جملة الأيمان وكتنا فشان بس تشوفها تسويلك في جنس عمايل
ان بقى عندها اخو يقطع الخميرة من البيت تصاحبو
وان بقى عندها بت خالتا ليها تعرف بنات ود عمك تمشي توصيهن
وبعد دة كله ان بقيت شفتها بعد تلاتة شهور انت كسبان وتعيش عليهن
لامن تجي تاني تحاحيلا من أول جديد واصلو لا تخليلك الجابري ولا زيدان
ولا احمد المصطفى.. بس تقعد تسمع في اغاني النخجي والجوعير ديل
وتتوجع في حوش بيتكم لامن الله يعدلها عليك وتلم فيها تاني وتاخدلك حنك حنكين معاها
والعجب ان بقيت داير تكتبلك ليها جواب
بالله تقعد تحاحي في ابوك لامن تصل الدولاب أليلو وتسرق الريحي ألتو وتبخها في الفلسكاب
وتسويلك وريقات زي البخرات تكتب وتشطب فيهن لامن يجنك الكلمات السمحات
ويخلنها وكت تقراهن تتبسم..
ووكتين تنتهي تقعد اسبوعين تفكر في النصيبة التوصله ليها
وترجع لي المحاحا من جديد.. والعجب ان لقيتها قدامك
من الخلعة تديها الجواب وتقولها اديهو لي اخوكي

وبالله تنتظر عيد الفطر دة من السنة للسنة فشان تجي داخل لاااجوة وتباركلهم العيد
وأصلو الكعكايي الادتك ليها دي لا تاكلها لا تضوقها.. تختها في دولابك وسط الهدوم لامن تعتت وتنشف
وكل يوم تجي تشمها من تحت الهدوم وترجعها تاني.. والقميص الختيت فيه الكعكايي دة
تلبسو من المناسبات للمناسبات...

هسي الله بيسألكم داك حب وأليل البُطان ديل

[بت مارنجان]

هسي الله بيسألكم داك حب وأليل البُطان ديل

والله ولا ماشي بي جمبو يادكتور .... الله يسألني اولاد الزمن دة بقول يعملو المس
كول للبنات وهن يتصلن :o

ياخوانا قالا وردي زمان :

وقت شفتك شعرت الرعشة من صوف راسي لي كرعي
ومن الساعة ديك يالسمحة ولع فيني جمر الحي
كتمت الريدة ماشافوها ناس الحي
وقلت الجنة عاد ان شاء الله مايقسن دروبها علي

سواة العاصفة بي ساق الشتيل الني

تقول لي شنو وتقولي لي منو :o:o

[فراس]

يا حليل أيامنا وأيام ود شيقوق


دكتورنا ومبدعنا طارق جبريل

ليس هناك مقارنة بين حب اليوم والامس

زمان الحب كان صادق شريف حب من علي

البعد حتي محبوبتك الا في المناسبات حتي

تمتع ناظريك تنتظر البكاء في فارق الصبر

ولا العرس كلو عشان نظرة بس وممكن تصبر

عليها زمن طويل الان محبوبتك تعمل ليك وجع

وش ووجع اذنين من النضمي الكتير غايتو زمن

همسة

المسنوح ود شيقوق دا كان (كيف زمان)

شكلو في حفر الصيوانات خطييير

[أبوبكرحامد]

يا حليل أيامنا وأيام ود شيقوق
بالله البني تحرن ليها قدام حلتهم لامن الشمس ترقدك كداد
وتقعد تحاحيلا من هني لا هني



جبريلا الجميل ............... سلامات

تعرف فى اللحظة دى إتذكرتَ صديقى الحبيب محمّدو بتاع معهد تجارى ، قال شاف فى النوم إنو ماشّى بى شارع القومية فى الزقازيق لاقتو (.......) بت آداب ، قال قلتّ ليها صباح الخير يا (.....) ، قال ردّت عليهو قالت ليهو ( يامحمّدو ماتبطّل العوارة ) ، يعنى محمّدو فى الحلم الله ماقسم ليهو بس قولة سلام ، هسّى عليك الله كان حكيت الكلام ده هسّى مابتخيّلوهو خيال علمى مع استصحاب شناة محمّدو الغير مسبوقة وقرب ملامحه من الكائنات الفضائية ، الله إجازى محنك ياجبريلا يامقطوع الطارى.

يوم كنتَ مع محمد صدّيق (جورج) فى ميز أكاديمية الشرطة وكان معاهو دفعتو ضابط بيعمل مقارنة بين أسعار السوق الشعبى فى الخرطوم والسوق الشعبى فى امدرمان ، أنا سرحتَ أثناء الونسة لمن رجعت ليهم الراجل كان شابكنا ( ياخى الهنايات سعرها ....) ، سألت محمد صديق الزول ده بيتكلم عن شنو؟ قال لى دراسة مقارنة لأسعار الملابس الداخلية فى الخرطوم وامدرمان ، والله قرّبتَ أقع من طولى.

موقف تانى حكاهو واحد زميلنا كان شغّال فى مكتب محاماة جوار مكتبنا فى عمارة التأمينات بشارع الجمهورية ، كان هنالك بعض الباعة الجائلين ومن ضمن البضاعة ملابس داخلية ، زولنا واقف إحاجج فى السعر وفجأة شاف خطيبتو جاية من جهة المحكمة الجزئية (نظام لمحتك وقلتَ بر آمن) ، حاول إخارج نفسو قال لى الراجل بجيك تانى ، الراجل ساكّيهو يازول تعال ببايعك ، زولنا إتضايق شديد قال ليهو ( تبايعنى أنا المهدى ، طير كده ولا كده :) ) ، بالله جنس الحياء ده عند خفر السواحل ماتلقاهو

[طارق جبريل]

والله ولا ماشي بي جمبو يادكتور .... الله يسألني اولاد الزمن دة بقول يعملو المس
كول للبنات وهن يتصلن :o

ياخوانا قالا وردي زمان :

وقت شفتك شعرت الرعشة من صوف راسي لي كرعي
ومن الساعة ديك يالسمحة ولع فيني جمر الحي
كتمت الريدة ماشافوها ناس الحي
وقلت الجنة عاد ان شاء الله مايقسن دروبها علي

سواة العاصفة بي ساق الشتيل الني

تقول لي شنو وتقولي لي منو :o:o

والله شي عجيب يا بت مارنجان
وهن البنات ديل مالن بقن هاملات كدي
هههههههههههههههه

[طارق جبريل]

دكتورنا ومبدعنا طارق جبريل

ليس هناك مقارنة بين حب اليوم والامس

زمان الحب كان صادق شريف حب من علي

البعد حتي محبوبتك الا في المناسبات حتي

تمتع ناظريك تنتظر البكاء في فارق الصبر

ولا العرس كلو عشان نظرة بس وممكن تصبر

عليها زمن طويل الان محبوبتك تعمل ليك وجع

وش ووجع اذنين من النضمي الكتير غايتو زمن

همسة

المسنوح ود شيقوق دا كان (كيف زمان)

شكلو في حفر الصيوانات خطييير

يا فراس كيفنك
اصلو أليل ود شيقوق داك براهو كله كله
ياخي دة جيل عجيب وغريب

[طارق جبريل]

هسي بالله الواحدة تقول ليه: يا تامر يلاكا معاي ياخي عايزة اشتري ملابس داخلية وفوط صحية
وهو يقولها: خلاص لمن تكوني جاهزة مسكلي لي
يمين نحن الملابس الداخليي دي تبقالنا قدحة لا شفناها لا رأيناه
وحتى ان بقينا شفناهن وكتنا داك يمين علي ننهق زي الحمير اكرمكم الله
وكمان جابتلها فوط صحيي... وحات نضري القطن دة شفناهو بعد دخلنا الجامعة
وكتين تنجرح ويقشطولم قطنايي ملياني صبغة يود في الجرح...


اضرب بيد من حديد

والله مافى كلام



والله حيرتونا زاتو ..
لا بنفع العجب لا الصيام فى رجب
تبق دندق يقولوا وحش كاسر مفترى متعجرف قاسى ..
تعمل تامر يبهدو بيك بهدله غريبه .. قطن وبتاع ..

عوافى .. بجيك تانى ..

التيمان
عاد جنس سواتكم دي الله بيسألني ما رأينا
ههههههههههههههههههه

[طارق جبريل]

جبريلا الجميل ............... سلامات

تعرف فى اللحظة دى إتذكرتَ صديقى الحبيب محمّدو بتاع معهد تجارى ، قال شاف فى النوم إنو ماشّى بى شارع القومية فى الزقازيق لاقتو (.......) بت آداب ، قال قلتّ ليها صباح الخير يا (.....) ، قال ردّت عليهو قالت ليهو ( يامحمّدو ماتبطّل العوارة ) ، يعنى محمّدو فى الحلم الله ماقسم ليهو بس قولة سلام ، هسّى عليك الله كان حكيت الكلام ده هسّى مابتخيّلوهو خيال علمى مع استصحاب شناة محمّدو الغير مسبوقة وقرب ملامحه من الكائنات الفضائية ، الله إجازى محنك ياجبريلا يامقطوع الطارى.

يوم كنتَ مع محمد صدّيق (جورج) فى ميز أكاديمية الشرطة وكان معاهو دفعتو ضابط بيعمل مقارنة بين أسعار السوق الشعبى فى الخرطوم والسوق الشعبى فى امدرمان ، أنا سرحتَ أثناء الونسة لمن رجعت ليهم الراجل كان شابكنا ( ياخى الهنايات سعرها ....) ، سألت محمد صديق الزول ده بيتكلم عن شنو؟ قال لى دراسة مقارنة لأسعار الملابس الداخلية فى الخرطوم وامدرمان ، والله قرّبتَ أقع من طولى.

موقف تانى حكاهو واحد زميلنا كان شغّال فى مكتب محاماة جوار مكتبنا فى عمارة التأمينات بشارع الجمهورية ، كان هنالك بعض الباعة الجائلين ومن ضمن البضاعة ملابس داخلية ، زولنا واقف إحاجج فى السعر وفجأة شاف خطيبتو جاية من جهة المحكمة الجزئية (نظام لمحتك وقلتَ بر آمن) ، حاول إخارج نفسو قال لى الراجل بجيك تانى ، الراجل ساكّيهو يازول تعال ببايعك ، زولنا إتضايق شديد قال ليهو ( تبايعنى أنا المهدى ، طير كده ولا كده :) ) ، بالله جنس الحياء ده عند خفر السواحل ماتلقاهو


بكور الله لا يكسبك
رميتني علي قفاي من الضحك
وحات الله اتخيلت شكل محمدو
هههههههههههههههههههههههههههههههههههههههههههه

[ام حنين]

سلامات يادكتور :)
والله كلامك فى محله دا عصر النت والبلوتوث
زمان الحب عواطف واحاسيس ...بقى قروش وعربات(ماركات وموديلات)
وجنس اعياد زمان كانن عيدين ......اجى بقى فى راس سنه وفلنتاين(عيد حب ودا براهو دايرقعده ومشوره)......وعيدميلاد الحبيب.....الكريسماس دا شن دخلنا فيه بحتفلوبوا....ولسه ولسه بيناتنا المسافه:rolleyes:

[عباس الدسيس]

لك الشكر يا دكتور يا مبدع ما طول علينا تبقي كتاباتك زي اكل الانناس لي سيد الملاريا عند اهلنا ناس الجزيره زمان

[عوض الكريم الخواض]

المبدع طارق جبريل ...
يااااااااااااااخى عملت للجيل الجديد نفسيات ...
انت موديل كم .؟؟؟؟؟؟؟؟؟؟ ;);)

[ahmed algam]

نفسيات وبس


تسلم يامبدع

[طارق جبريل]

سلامات يادكتور :)
والله كلامك فى محله دا عصر النت والبلوتوث
زمان الحب عواطف واحاسيس ...بقى قروش وعربات(ماركات وموديلات)
وجنس اعياد زمان كانن عيدين ......اجى بقى فى راس سنه وفلنتاين(عيد حب ودا براهو دايرقعده ومشوره)......وعيدميلاد الحبيب.....الكريسماس دا شن دخلنا فيه بحتفلوبوا....ولسه ولسه بيناتنا المسافه:rolleyes:

ام حنين ان بقيتي باريتي البُطان ديل بتتعبي شديد
ماهن نصاح شي
ههههههههههههه

[ود سعدابى]

طارق جبريل نعلك بخير

انحنا جكسينا فطير وداير خمارة والخماره محقتها لينا الماسنجرات والتلفونات

زمان دا كلو كان مافى هسى انا عادى ممكن اكون فى تواصل مع واحد اتناشر ساعه يوميا

الشى الاسمو الحب دا بقى لينا مسييييييييخ وفطير

انتو كنتو بتخمرو كلامكم لاكن نحنا شغالين نلافح ساى فى الكلام شلخ من طرف شى موبايل وشى شات وشى ماسنجر وشى فيس بوك

كلامك دا زكرنى نكته

قالو فى واحد من ناس زمان عزم صاحبو جبنه فى بيتو وهو عريس لسه ما تم سنه
المرا جابت المويه وصاحبو يعاين فيها
تخش وتمرق صاحبو يعاين فيها جابت الجبنه وصاحبو يعاين فيها العريس شربو كبايتو وعاين لى كباية صاحبو لقاه لسه ملانه وهو بعاين فى المرا

قام قال ليهو اشرب جبنتك ساى انا ما شبعت فيها شوف

الكلام دا ان دل انما يدل على انو الخطيب كان بعانى عشان يلاقى محبوبتو فى فترة الخطوبه

تقول لى جكسينا هسى كان قلت ليها داير اشوفك تظهر ليك من خلال الماسنجر

[moh_alnour]

ود جبرين حبابك و حباب حكاويك الجميلة ، وينك يا دكترة مطول الغيبة ؟
تعرف يا ود جبرين نحن في زمن طغت فيه الماديات على كل مناحي الحياة بما فيها
العلاقات الأجتماعية و العلاقات العاطفية و لذلك أصبحت المشاعر الصادقة عملة نادرة و الموجود منها مزور
الحب الصادق مات مع قيس و ليلى و عوض ود الأمتداد و بت العمارات الشديدة ديك الما تميت لينا حكايتا ;)



زولنا إتضايق شديد قال ليهو ( تبايعنى أنا المهدى ، طير كده ولا كده :)

:) :) :)
كشف حال شديد

[طارق جبريل]

لك الشكر يا دكتور يا مبدع ما طول علينا تبقي كتاباتك زي اكل الانناس لي سيد الملاريا عند اهلنا ناس الجزيره زمان

هههههههههههههههههههه
هو في زول بياكل انناس بتجيه ملاريا
ههههههههههههههههه

[طارق جبريل]

المبدع طارق جبريل ...
يااااااااااااااخى عملت للجيل الجديد نفسيات ...
انت موديل كم .؟؟؟؟؟؟؟؟؟؟ ;);)

والله يا عوض ماني موديلا قديم بالحيل
علي حب البُطان ديل فاقعلي مرارتي
ههههههههههههههههههههههههههه

[طارق جبريل]

نفسيات وبس


تسلم يامبدع

ياخي حبوا سمح وجوعروا واتنخجوا كويس
والله مانا سائلين فيكم
ههههههههههههه

[طارق جبريل]

طارق جبريل نعلك بخير

انحنا جكسينا فطير وداير خمارة والخماره محقتها لينا الماسنجرات والتلفونات

زمان دا كلو كان مافى هسى انا عادى ممكن اكون فى تواصل مع واحد اتناشر ساعه يوميا

الشى الاسمو الحب دا بقى لينا مسييييييييخ وفطير

انتو كنتو بتخمرو كلامكم لاكن نحنا شغالين نلافح ساى فى الكلام شلخ من طرف شى موبايل وشى شات وشى ماسنجر وشى فيس بوك

كلامك دا زكرنى نكته

قالو فى واحد من ناس زمان عزم صاحبو جبنه فى بيتو وهو عريس لسه ما تم سنه
المرا جابت المويه وصاحبو يعاين فيها
تخش وتمرق صاحبو يعاين فيها جابت الجبنه وصاحبو يعاين فيها العريس شربو كبايتو وعاين لى كباية صاحبو لقاه لسه ملانه وهو بعاين فى المرا

قام قال ليهو اشرب جبنتك ساى انا ما شبعت فيها شوف

الكلام دا ان دل انما يدل على انو الخطيب كان بعانى عشان يلاقى محبوبتو فى فترة الخطوبه

تقول لى جكسينا هسى كان قلت ليها داير اشوفك تظهر ليك من خلال الماسنجر



والله يا ود سعدابي كلامك صحي
حب البُطان ديل حبا مجوبك كدي
هههههههههههههه

[طارق جبريل]

ود جبرين حبابك و حباب حكاويك الجميلة ، وينك يا دكترة مطول الغيبة ؟
تعرف يا ود جبرين نحن في زمن طغت فيه الماديات على كل مناحي الحياة بما فيها
العلاقات الأجتماعية و العلاقات العاطفية و لذلك أصبحت المشاعر الصادقة عملة نادرة و الموجود منها مزور
الحب الصادق مات مع قيس و ليلى و عوض ود الأمتداد و بت العمارات الشديدة ديك الما تميت لينا حكايتا ;)



:) :) :)
كشف حال شديد

والله يا محمد نور حب الزمن دة يقطع الخميرة من الريدة ذاتها
هههههههههههههههههههه