حنانه النسي اهلو ما نسانا ****حنانا الكفت اختو رضانا

[عباس الدسيس]

حنانه النسي اهلو ما نسانا *****حنانا الكفت اختو رضانا
امو الشنافه نكير ده ما شافا ****** العقرب في اكتافا
الدابي لحافا ******* والحمي الرجافا
امو السمينه النقصت الشيله******** يا الله تهد حيلا وتموت في ليلا
اغاني التي تهجو الحماة دي كانت زمان في المجتمع السوداني مافي ظهرت مع تكنلوجيا الحب الحديث وفي زمن راجل المره حلو حلا .... كنا نسمع بحكاوي الحموات من المسلسلات المصريه والقصص التي تنشر في ذلك الزمن في المجلات التي يتم تسويقها بالسودان مثل صباح الخير والصراع الذي دخل مع تكنلوجيا الحب نري اساسه التنازع في الحيازه علي العريس وهو الابن والزوج في ان واحد لجنس واحد ادت الظروف الاقتصاديه في الزمن الانقاذي للقتال في سبيل الظفر به .... زمان كان الحياة تسير بصوره هادئه ودون صراعات كما فيها تقدير للحماة اذ هي الام والحريصه علي زوج بنتها كابنها ويتم تبادل الود كما مدون بالاغاني التي كانت في فترة انعدام تكنلوجيا الحب ....
سلام سلام يا ام العروس *********جاييك عريس تمام يا ام العروس
حسي حسي يا ام العروس *******وزعي الببسي يا ام العروس
اختلافات مركبه ادت للتدهور اللفظي والعاطفي والحسي والمعني وتناقضات الزمن الجديد حمل نعش كل اصيل سابق وداهو المقابر وحتي الموت اصبح لا قدسيه له:
واحد قاعد في الشارع في ضل النيمه قدام بيتوا بي عراقيهو خاتي سفتوا شاف ليهوا جنازتين ماشات سواء والناس الماشين مع الجنازتين اعداد كبيره بس الغريبه قدام الجنازتين ماشي واحد معاهو كلب استغرب راح مباري الجنازتين من باب اذ مات اتبعه بس المات منوا ما عارف قرب من الراجل الماشي قدام معاهوا الكلب قال ليهو والله انا عارف ده ما وقت اسألك فيهو الله الزمك الصبر وعمري ما شفته جنازه في العدد الكبير ده من المشيعين ممكن اعرف الجنازتين لي منوا ... واسف لو قلت ليك انت ليه متقدم الناس معاك الكلب ده .
قال ليهوا اول جنازه دي حقت مرتي هجم عليها كلبي ده وقتلها.
قال ليهو طيب الثانية بتاعت منوا
قال ليهو دي حماتي جات تساعد بتها طبعا هي مرتي الله ارحما هجم عليها الكلب وقتلها.
قال ليهوا ممكن تسلفني كلبك ده.
قال ليهوا طيب اقيف في الصف مع الجماعه الوراء ديل!!!!!!!!!!!!!!

[عوض الكريم الخواض]

تف من خشمك يا عباس الدسيس ...
يااااااااااخى أجمل حاجة عندنا فى السودان النسيبة ...
ولم يحن الوقت بعد للنسيبة الحشرية .

[عباس الدسيس]

العزيز الخواض الف مرحب بي مرورك واصالتكم الذي لا تذال في مخيلتها الذكري الجميلة للنسيبه ونتمني ان يكون الحال كما ذكرتم عن جماليات السودان وان اغاني البنات التي تتحدث عن النسيبه الحشريه قد لم يحن وقتها والف تحيه لامهاتنا بدوام الصحه والذكري الجميله مع فائق تقديري

[مدنيّة]

عارف يادسيس
حاجة مؤسفة جدا
التعامل الغير كريم مع النسيبة لو من الزوج او الزوجة

الواحد بس لو ختي نفسه في مكانهم بعدين
صدقني ح يفهم حاجة

[أبوريلان]

حنانه النسي اهلو ما نسانا *****حنانا الكفت اختو رضانا
امو الشنافه نكير ده ما شافا ****** العقرب في اكتافا
الدابي لحافا ******* والحمي الرجافا
امو السمينه النقصت الشيله******** يا الله تهد حيلا وتموت في ليلا
اغاني التي تهجو الحماة دي كانت زمان في المجتمع السوداني مافي ظهرت مع تكنلوجيا الحب الحديث وفي زمن راجل المره حلو حلا .... كنا نسمع بحكاوي الحموات من المسلسلات المصريه والقصص التي تنشر في ذلك الزمن في المجلات التي يتم تسويقها بالسودان مثل صباح الخير والصراع الذي دخل مع تكنلوجيا الحب نري اساسه التنازع في الحيازه علي العريس وهو الابن والزوج في ان واحد لجنس واحد ادت الظروف الاقتصاديه في الزمن الانقاذي للقتال في سبيل الظفر به .... زمان كان الحياة تسير بصوره هادئه ودون صراعات كما فيها تقدير للحماة اذ هي الام والحريصه علي زوج بنتها كابنها ويتم تبادل الود كما مدون بالاغاني التي كانت في فترة انعدام تكنلوجيا الحب ....
سلام سلام يا ام العروس *********جاييك عريس تمام يا ام العروس
حسي حسي يا ام العروس *******وزعي الببسي يا ام العروس
اختلافات مركبه ادت للتدهور اللفظي والعاطفي والحسي والمعني وتناقضات الزمن الجديد حمل نعش كل اصيل سابق وداهو المقابر وحتي الموت اصبح لا قدسيه له:
واحد قاعد في الشارع في ضل النيمه قدام بيتوا بي عراقيهو خاتي سفتوا شاف ليهوا جنازتين ماشات سواء والناس الماشين مع الجنازتين اعداد كبيره بس الغريبه قدام الجنازتين ماشي واحد معاهو كلب استغرب راح مباري الجنازتين من باب اذ مات اتبعه بس المات منوا ما عارف قرب من الراجل الماشي قدام معاهوا الكلب قال ليهو والله انا عارف ده ما وقت اسألك فيهو الله الزمك الصبر وعمري ما شفته جنازه في العدد الكبير ده من المشيعين ممكن اعرف الجنازتين لي منوا ... واسف لو قلت ليك انت ليه متقدم الناس معاك الكلب ده .
قال ليهوا اول جنازه دي حقت مرتي هجم عليها كلبي ده وقتلها.
قال ليهو طيب الثانية بتاعت منوا
قال ليهو دي حماتي جات تساعد بتها طبعا هي مرتي الله ارحما هجم عليها الكلب وقتلها.
قال ليهوا ممكن تسلفني كلبك ده.
قال ليهوا طيب اقيف في الصف مع الجماعه الوراء ديل!!!!!!!!!!!!!!



الحبيب عباس
لو أديناك خيارين أيهما تختار ولماذا ؟


1/ تقيف في الصف الوراء مع الجماعة .
2/ تقتل الكلب .

[صالح ابوشوارب]

الحبيب عباس
لو أديناك خيارين أيهما تختار ولماذا ؟


1/ تقيف في الصف الوراء مع الجماعة .
2/ تقتل الكلب .



والله يا عبس
الراجل ده مشرك ليك
وشايفو شايل التلفون
ومستني الاجابة
*******
الجواب الصحيح رقم 1
خلي بالك الكلب سعران
هههههههههههه

[أبوريلان]

والله يا عبس
الراجل ده مشرك ليك
وشايفو شايل التلفون
ومستني الاجابة
*******
الجواب الصحيح رقم 1
خلي بالك الكلب سعران
هههههههههههه






يا أبو شوارب
منتظرين الدسيس
أكون داير خيار الإتصال بصديق .

[أشرف صلاح السعيد]

عبس الدسيس سلام..
يا زول وينك انتا ما سمعت:

وصلا لحد الجبل ياالشايل الحريما
شلتا لمن تصل ياالشايل الحاريما..

نفسى أعرف دى منو العايزنها تتشلت دى أكيد ما أم الشايل الحاريما..يبقى فى خيارين زوجتو ولا نسيبتو..ونسيبتو مستبعدة لأنو المرة كبيرة وما حتتحمل التشلت لغاية آخر الجبل ولن تحمل حتى صعوده من غير تشلت..فالجبل جغرافيا القطعة من الارض التى يصل ارتفاعها ألف قدم او ما يزيد يعنى فى حدود 333 متر لافوق "والله المسافة دى زاتو الشايل الحاريما مايصلا خليو يكون بيشلتا"..بقى فى خيار الزوجة..شفت الفتنة دى كيف؟..هسى باالله عليك الواحد أم العيال بيقدر يقول ليها ساااى "هسى بشلتك؟"..خليو اليشلت جد جد..
ولا سمعتا :
العجوز القاعدة برا قاعدة ليى انا للمضرة
قاعدة ليى انا للمضرة يا نكير اديها طلة..

العجوز الفى السُباتا قاعدة ليى انا للصواطة
قاعدة ليى انا للصواطة يا نكير أقطع حياتا..

هسى دا كلام مرة بتقولو؟..تعرف البايركس عايزين يعملن فتنة سااكت عشان البورة تكون جماعية وكدا..

أخى المتزوج واختى المتزوجة احترسو من الكماين ..

لكن الكلب دا دحين تخسوسو حريم وبس لأنو عندى شوية ضكور بدور منو خدمة..

[عباس الدسيس]

اها جيناكم يا ود الاستاذ ياسر واستاذنا ابوشوارب والباشمهندس ابو الشوش بس اولا نقول لي مدنية والله احنا فاهمين كل حاجه بدون نخت نفسنا في محلهم.
حبيبنا ياسر والله سؤالك ده اخير منوا ارقد فوق في العنقريب مالك عايز تجيب اجلي ولا شنو رايك يا ابوشوارب.
العزيز النجم اشرف:
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
* * *
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
* * *
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
* * *
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
* * *
سألتك بى كبيداتن ودعواتنا
شليل وين راح؟؟
يكون ضل الخريف فاتنا
شليل وين راح؟؟
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية

[شيخ الدين]

الحبيب الدسيس ذكرتني ايام زمان طبعا ايامكم دي ما بنعرف عنها شي وبعدبن انت يا ولد متين تزوجة وكمان عايز تخلص من نسيبتك ما خلناك ولد صغير

[ميزو]

والله يا دسيس قصت النسيبة دى دخيله علينا .
المجتمع السودانى طيب وحنيين.وما اظن تكون فى ام عايزه تخرب بيت فلذة كبدها
لذلك .نحن كمجتمع سودانى بنحب نسابتنا وهم من جانبهم بقدروا ذلك
ولاشنو
البكره وماعايز نسابتوا اقول انا

[عباس الدسيس]

الحبيب شيخ الدين يا سلام علي ايام زمان ويا سلام عليكم انتو الحلوين والله يا شيخ الدين في مرحله دائما من العمر بتكون جميله وقت الواحد اذكركم واذكر تلك الايام يتمني عودتها ........ ليه تقول انتهيت انت في عز الشباب...... ابو الشيوخ احنا في بداية الطريق الله استرنا ما نصل مرحلة التخلص .... سعيد دائما بمرورك وطلتك البهيه واثراء البوست بتعليقاتكم الجميله لك مني الف شكر وتقدير استاذ شيخ الدين

[التيمان]

ههههههه


ياخى ادينى الكلب ده شده

[عباس الدسيس]

والله يا دسيس قصت النسيبة دى دخيله علينا .
المجتمع السودانى طيب وحنيين.وما اظن تكون فى ام عايزه تخرب بيت فلذة كبدها
لذلك .نحن كمجتمع سودانى بنحب نسابتنا وهم من جانبهم بقدروا ذلك
ولاشنو
البكره وماعايز نسابتوا اقول انا

ميزو سلامات الف مرحب بمرورك الكريم واستطلاعاتك عن النسابه كلنا بنقول الحب يولد الحب مع خالص الشكر

[أشرف صلاح السعيد]

سلام اكوام لسمح افكار
لطيب الكلمة بالفهم مروية
سلام تحنان لناس بلدى
لأمحمد يلبك فى البكيرية
وللطلب رزقن قريب وبعيد
ضامى فى صدرو سمح نية
للعامل وللصانع وللاستاذ
اتحزمو الجلباب فى حولية
يقولو الخير ويخبزو الزاد
وأنارو الدارة الأفندية
سلام ليمة وليابة
فرشو قلوب بتقية
سلام للأزرق الدفاق
نرضع منو حنية
سلام لأرضناالمعطاء
نطعن فيها وبتدينا لوبية
سلام اكوام لاهلى
وقت الحوبة جندية..

الرياض 6/11/09

[عباس الدسيس]

هلا بالتيمان وهلا بي احلي ناس وبي الطلة الجميلة من احلي تيمان ورقصني يا جدع .... بمناسبة مروركم علينا ولكم منا الف تحيه

[خالد 000 ابقرجة]

الدسيس الجميل 000
كلامك أصيل 000

أبو ريلان عاوز اورطك 000
وبالجوال كان بمرمطك 000

أبو شوارب قال ليك اجابة 000
وشكلك خفتا من النسابة 000

وحذفتا الإجابتين 000
واخترتا النعشين 000

والسعيد عاوز كلب رجال 000
وانا في المدينة ما بالجوال 000

مشوار للحرة الشرقية 000
حا تبقو كلكم في جودية 000

و الله يا تاس الرياض منكم جفلة 000
وانا بمتنع لأنو الدقة بتجيبا الغفلة 000


الدسيس 000
كلما أغامر بمشاركتك في بوست 000
أعود لقناعتي معك 000
بأن الصمت في محراب الجمال جمال 000

عارف تاني حا أعمل ليك زي بعشوم أشرف 000

أي بوست أجي تحت أعمل ليك حاشية كبييييييييرة تحت عنوان ما يستفاد من القصة 000


ممكن أشارك ؟؟:):)

النسيبة أم الزوجة 000
أو والدة الزوج 000

و الأم أجمل شئ تبر فيه شريك حياتك 000

ويا حليلك يا حبوبتي حاجة خديجة 000
الكانت كلما ناكفناها وسألناها بشقاوة سبب الكبكبة لي جدي أبقرجة 000
بالموية 00
والشاي 000
والغداء 000
والقهوة 000

مع انو ود عمتا زيو زي أخوانو التانيين 000

كانت بتقول لينا يا جنيات خلو المسخة 000

النسيب عين شمش

(بالشين الأولي والتانية )

[رضاك ياصفيه]

اخر الاغاني السمعناها
حتي حتى الشرا اقلبي قلبو البلا انا بجيبو بالصالون انا بشربو الليمون انا بصافحوا بالقانون انابجيبو بي غادي انا بذكروالماضي انابصافحوبالقاضي انابجيبوبي جوه انابذكرو الخوه انابصافحو بالقوه

[بدر الدين احمد الطائف]

عباس الدسيس متعك الله بالصحه والعافيه
غايتو نحن لاننا دول عالم تالت وكده فحكايه الكلب البياكل النسوان دى جديده عندنا
ولكن فى دول التحضر والتمدن العظمى الراجل راح فى خبر كان
والله النسوان هناك عندهم كلاب الجرى ما يفكك منهم
بس غايتو الواحد يقعد كده ساكت ولا كلمه.
اها هسع الواحد كان دخل البيت لقى المره جايبه ليها كلب قدر ده بالله عليك الله يعمل شنو.

[محب]

تف من خشمك يا عباس الدسيس ...
يااااااااااخى أجمل حاجة عندنا فى السودان النسيبة ...
ولم يحن الوقت بعد للنسيبة الحشرية .

http://www.arabsyscard.com/pic/zkarf/25.gif

اهداء لكل نسيبة

[مدنيّة]

يااخوانا الزول دا لهسي واقف × الصف :cool:


ماله اختفي كدا ؟؟!!

لعل المانع خير