وصف البيوت في الخرطوم

[أبونبيل]

صباح الفل

وصف البيوت في الخرطوم


تخش بشارع المخبز (التركي)

تلقى ليك محل بتاع حلويات (شامية).....

تمشي طوالي بلاقيك حلاق (فلسطيني)....

جنبو بتاع سباكة (بنغالي).......

و في الركن بتاع سراميك (باكستاني)..

. أول شارع تدخل بيه تلقى بيت ساكنين فيه عمال (هنود) تخليه.....

بعديه بتلقى عمارة ساكنين فيها لعيبة كورة (نيجيريين).....

تلف على يدك الشمال تلاقى محل شيشة (مصريين)

و قدامو في عمال (صينيين) بيحفرو مجاري الخريف...

و بعدين بتلاقيك شجرة تحتها ست شاى(حبشية)

وقدامها بيت فيهو عطالة (سودانيين)...


أها دا البيت زاتو

[العاقب مصباح]

بتجى ماشى شويه يوقفوك ناس الخروج فى سبيل الله الباكستانيين

بتلقى اتنين من الطلبة فى الحافلة لمن الكمسارى يجى يخلص قروشه يقولو

ليهو طالبان فى جامعة افريقيا العالمية ودا السبب البيخلى امريكا تتدخل ..... ويجينا

الجيش التشادى لحدى عندنا .... ونجيب قوات اممية افريقية .... ويكون رئيسها واحد

هندى ... ولا سيريلانكى ...والناطق الرسمى تونسى .... ونسمى احياءنا نيفاشا ودار السلام .... ونسمى الأحياء الرياض والطائف ...

ونحن عطالة برضو

تحياتى لك استاذى

[ahmed algam]

عمنا ابونبيل




ود المصباح الراقي




والله جد دي بيوت الخرطوم



والله اصلح الحال

[محب]

http://www.arabsyscard.com/pic/thanx/14.gif

واعان الخرطوم

[moh_alnour]

هههههههه
و الحال ياهو نفس الحال
و قسمتك يا خريج تعيش رحاّل و عاطل