ما تقولي خايفة علي

[كف المطر]

لو حُبك صحيح يا مُناي ما تقولي خايفه علي
شيلي جمرة الأشواق واملي القلب بالكي
تِيشي شديد خليني اصرخ حي
اويويوي في دواخلي براي
وابعاد في المسافات صي
اندي عيوني بدمعات اشوفا تكب تبرد لي

لو حُبك صحيح عَمَر قلبك المشتاق
وسرحاتك مشن وقت الهجير شاشاق
ودمعاتك جرن شقن مجاري شقاق
وقت الليل تساهري تعدي فوق في سماك
بتلقيني راجيك يا منيه الاشواق
تلقيني مصبوب ليك عديل نخلة مُنشفة ساق
تلقيني سهران ليك وحتى في وقت الهجير حراق

لو حبك صحيح وبتقولي خايفة علي
بأذن ليك
شيلي جمرة الاشواق واملي القلب بالكي
وتِشي فيهو شديد خليني اصرخ حي

تلقيني بردان من لظاك
تلقيني مألوم من هواك
تلقيني فرحان بالالم ولو كان العلاج بالكي

[تغريد]

لو حُبك صحيح يا مُناي ما تقولي خايفه علي
شيلي جمرة الأشواق واملي القلب بالكي

تلقيني بردان من لظاك
تلقيني مألوم من هواك
تلقيني فراح بالالم ولو كان العلاج بالكي




حين نحب يغدو كل الم في نظرنا سعادة ما اعجب ان نطلب مزيدا من الكي بالشوق وما احلي احساس البرد في عز هجير الهوي والهجران متناقضات تجلب الدهشة وتدعو للفضول لذا اطلب منك المزيد عسي تشبع فضولي من بعض احساسك يا كف المطر تقبل مروري

[كف المطر]

تغريد

حين يتسلل الينا الحب مُدثرا بلحاف الشوق وامنيات اللقاء
يخترقنا دون اذن منا , فننصاع اليه طائعين تملئنا السعادة
وحرقة شوق اللقاء فنتوه وسط عواصفة النسائمية وهدوء
امواجة المتلاطمة الثائرة داخل افئدتنا .

تغريد شكرا بكل حرف ودي الخالص

[سماحة]

لو حبك صحيح وبتقولي خايفة علي
بأذن ليك
شيلي جمرة الاشواق واملي القلب بالكي
وتِشي فيهو شديد خليني اصرخ حي

الحب عندك لكن ...........!!!

[خالد حسن احمد يوسف]

تمضي بنا الاشواق ونحن في حيرة
ويبقي الامل المرتجأ
وتبقي ذكراك في دواخلى لللابد

[المبارك ود إبراهيم]

لو حُبك صحيح يا مُناي ما تقولي خايفه علي
شيلي جمرة الأشواق واملي القلب بالكي
تِيشي شديد خليني اصرخ حي
اويوي في دواخلي براي
وابعاد في المسافات صي
اندي عيوني بدمعات اشوفا تكب تبرد لي

لو حُبك صحيح عَمَر قلبك المشتاق
وسرحاتك مشن وقت الهجير شاشاق
ودمعاتك جرن شقن مجاري شقاق
وقت الليل تساهري تعدي فوق في سماك
بتلقيني راجيك يا منيه الشوق
تلقيني مصبوب ليك عديل نخلة مُنشفة ساق
تلقيني سهران ليك وحتى في وقت الهجير حراق

لو حبك صحيح وبتقولي خايفة علي
بأذن ليك
شيلي جمرة الاشواق واملي القلب بالكي
وتِشي فيهو شديد خليني اصرخ حي

تلقيني بردان من لظاك
تلقيني مألوم من هواك
تلقيني فراح بالالم ولو كان العلاج بالكي




بوح جميل وتسلم من الحريق والتشتيش وأري كأن لسان الحال يقول:
يا حارقا بالنــــــار قلب مُحبـــــه مهـــــــلا فإن مدامعي تُطفيه
أحرق بها جسدي وكل جوانحي وأحرص علي قلبي لأنك فيه.

[كف المطر]

كل عام وانتم بالف خير جميعا

تغلبنا الحياة بمتطلباتها فتغيب اقلامنا وتبقي قلوبنا معلقة
بكم وبرجاء لقائكم المحبب الى النفس .