فطور العريس وطلاق العروس [الأرشيف]

مشاهدة النسخة كاملة : فطور العريس وطلاق العروس

أبوعمرو

10-11-2009, 10:32 PM

الظاهر أنو نحنا عجزنا!!
ما ممكن!!
الواحد يعمل فيها بتاع حفلات وهجيج... الجماعه إعزمونا للعقد!!
يلا... معانا ماشي نودي المال بتاع العريس... والشنطه والشيله؟؟؟ ... ياخوانا دا شغل نسوان
علي الحرااااام ما بمشي؟؟ الناس أقول علينا الزول ده جايب الشنطه!!!
البلد دي بقت فيها معادلات عجيبه
1- تدفع (قوله خير) ... تستحق (مويه رمضان)
2-تدفع (مال) وما تعرس ... تستحق (فطور عريس).
3- تدفع (مال) وتعرس ... قيامتك ربطت..
الراجل إحلف ... والله مما ممكن مادايرين قوله خير... (عمك ما مابي القروش) لكين خايف من مويه رمضان...
وتحت تحت الجماعه يعصروا لأم العروس...
وشفنا فطور عريس بجئ من مدني للخرطوم
شولات شولات... تفتح دكان
وخروف بروحو
وجرادل
الناس خائفة
أي حاجه ولا اللوم مع النسابه
وكمان الناس الجاية من أمريكا
شيله بوكس زي بتاع عبد الرحمن مدثر متندل أوقفوه قدام بيت العروس وأسلموا أبو العروس المفتاح وكمان فلبينيه راكبه قدام (كلو تبع الشيله)... الكلام دا حاااااااااااااااصل والله في السودان الجيعان دا.
غايتو يا النساواين
وفي موضه جديده...
حق اللبن...
موبايل تحت المخده...

العاقب مصباح

10-11-2009, 10:47 PM

والله يا ابو عمرو ما قلت الا الحق

الناس بقت ما بتخاف الله

ما عارف بتجيب القروش دى كلها من وين

صدقا لى كلامك دا مرة ماشى من الخرطوم فى اتجاه مدنى

والله يجن كمية نساوين كل واحدة شايلة ليها صينية

ما تخاف ما صوانى اكل

عاينت فى الصوانى لقيت كل صينية مرصوصة دهب

وفى فرقات الدهب خاتين قروش من العملات الصعبة والسودانية الصعبة برضو

شئ دولار وشئ شنو والباقى ما عرفته

هسع عليك الله بعد الصوانى دى كلها ما يشوفن ليهن ليموزين ونرتاح نحن من خلقتهن

الله يقطع البوبار والفشخرة

وبرضو بنشكو من زواج عرفى و من مسيار وانواع تانية

دحين يا اخوانا كان الزواج المعترف بيهو بقى بالصعوبة دى يبقى فى نوع بيقتنع تماماً بالنوع التانى ربنا يحمينا منه ...

تباً لكل فشخرة وكل منظر قبيح فى نظر الدين

لك عظيم ودى يا رائع

عبدالرحمن مدثر

10-11-2009, 10:49 PM

وفى حاجة تانية مربوطة بفطور العريس

توب لكل واحدة ضمن الشلة بتاعت الفطور

انا كنت بشاهد فى نفس اخو العريس المقطوع

وهو بحسب فى نسوااان الفطور .. وحالتو بتبكى

انت عاااااااااارف 25 توب من الناااااالة

موش حااااااااااااااارة

خربشة

ياعمك يعنى مانفكر فى التعددية بكلامك الماطاعم دا:p:p:p:p

wad alballal

10-11-2009, 10:55 PM

ابو عمرو .. تحياتي ...
دا السبب المجنن بوبي زاتو زمخليهو ما داير يعرس ...
يعني العرس الزمن دا اذا ما عندك اقل من 40 مليون بالقديم حقو تشوف ليك شغلة تاني غيرو ... الكلام دا لي العرس في الخرتوم ... كلو فنون ... ضيف علي الكلام الذكرتو انت دا انو السيرة بقت بالطيارة والعرس بكون في صالة في مصر ولا الامارات ... لينا الله وعيشة السوق نحنا وناس عقبة اخوي ...
دا من الاسباب الخلت عقبة يفكر مراراً وتكراراً قبل ما يخطو الخطوة دي ...
عارف في اسكتش برضو ما بره الموضوع دا ... عن العرس والعروس ...
الناس بقت تفكر في العروس الصينية لانها اقتصادية ...
وتعال شوف الرابط ...

http://www.youtube.com/watch?v=temvi9JrBzc

غايتو نحنا الحمد لله الدرب دا مرينا بيهو بي حرفنة ... انشاء الله عقبال الباقين ...
تقبل مروري ...

أبوعمرو

10-11-2009, 11:58 PM

[quote=العاقب مصباح;438791]والله يا ابو عمرو ما قلت الا الحق

الناس بقت ما بتخاف الله

ما عارف بتجيب القروش دى كلها من وين

صدقا لى كلامك دا مرة ماشى من الخرطوم فى اتجاه مدنى

والله يجن كمية نساوين كل واحدة شايلة ليها صينية

ما تخاف ما صوانى اكل

عاينت فى الصوانى لقيت كل صينية مرصوصة دهب

وفى فرقات الدهب خاتين قروش من العملات الصعبة والسودانية الصعبة برضو

شئ دولار وشئ شنو والباقى ما عرفته

هسع عليك الله بعد الصوانى دى كلها ما يشوفن ليهن ليموزين ونرتاح نحن من خلقتهن

الله يقطع البوبار والفشخرة

وبرضو بنشكو من زواج عرفى و من مسيار وانواع تانية

دحين يا اخوانا كان الزواج المعترف بيهو بقى بالصعوبة دى يبقى فى نوع بيقتنع تماماً بالنوع التانى ربنا يحمينا منه ...

تباً لكل فشخرة وكل منظر قبيح فى نظر الدين

لك عظيم ودى يا رائع
ياعقبه...
الشي المحيرني...
ناس قاعده في بيت أيجار
والبيت زول واحد الشغال
وبرضو ... فطور عريس

أبوعمرو

11-11-2009, 12:02 AM

[QUOTE=عبدالرحمن مدثر;438794]
وفى حاجة تانية مربوطة بفطور العريس

توب لكل واحدة ضمن الشلة بتاعت الفطور

انا كنت بشاهد فى نفس اخو العريس المقطوع

وهو بحسب فى نسوااان الفطور .. وحالتو بتبكى

انت عاااااااااارف 25 توب من الناااااالة

موش حااااااااااااااارة

خربشة

ياعمك يعنى مانفكر فى التعددية بكلامك الماطاعم دا:p]
ياعمك
25 مره تجيب الفطور
(ديل ح يأكلو الفطور الجابهو زاتو)
الفطور - قيمة 25 توب - فطور ل25 نفر= ....
تخريمة: أرخص حاجه العرس التانية... الظاهر نحن بندفع مقدما

عوض الكريم الخواض

11-11-2009, 03:38 AM

شيله بوكس زي بتاع عبد الرحمن مدثر متندل أوقفوه قدام بيت العروس وأسلموا [COLOR="Red"][SIZE="6"]أبو العروس المفتاح وكمان فلبينيه راكبه قدام (كلو تبع الشيله)... الكلام دا حاااااااااااااااصل والله في السودان الجيعان دا.

تعيش كتير ... تشوف كتير ...
قلت لي بى ( بوكسيها ) ومعاها فلبينية كمان ... قادر الله .

غايتو يا النساواين
وفي موضه جديده...
حق اللبن...
موبايل تحت المخده...

دى مبااااااااااااالغة . :o:o

بت مارنجان

11-11-2009, 04:09 AM

نحكي ليكم القصة دي :

في مرة عايزة تزوج ولدها ... وهي ساكنة في الخرطوم ووالعروس ساكنين في ام درمان
اها النسيبة ام العروس عايزة تجيب الفطور لي النسيبة ام الولد .... اها طبعا اغلب شكلات الفطور دي طبعا بتكون في انو نجيب ليكم الفطور متين ....
يعني الاختلاف بجي في اليوم .... اها النسيبة ام الولد بتقوم تقول جيبو لي الفطور يوم حنة العريس او يوم المناسبة باعتبار انو اليوم دة الضيوف بيكونو قاعدين ونظام فشخرة
وجابو لينا الفطور وتعالو اتفضلو عندنا ....
اها النسيبة ام العروس قامت اتصلت بالمساء وقالت لنسيبتها جايبين ليكم الفطور بكرة الصباح .... اها ام العريس رفضت وقالت ليها جيبوه لي بعد بكرة انا بكرة ماعندي ناس وضيوف وبيتي فاضي ....
اها النسيبة مااشتغلت بيها ...
وتاني يوم الصباح الساعة 10 هاك يالدفار وقف وجابو الفطور حق العريس ... مع انو النسيبة كلمتها وقالت ليها ماتجيبيه ...
اها النسيبة جات برة في الشارع وقالت لي بتاع الدفار بي وشك ترجع بالفطور انا كلمتها
وقلت ليها ماتجيبي الفطور دة ...
اها النسواين اتحيرن وبقن يهدن في المرة ياخي صلي عالنبي وهسي نرجع بي وين؟؟
قالت ليهم ان شاء الله تقعدو بيه في الحدايق انا كلمتها فطور عندي مابخش ...

اها التلفونات تتطاقش مابين العروس والعريس
وامك سوت وامك قالت
وامك عملت وامك تركت

وعلي بالطلاق

وطلقانة يالعروس اللسة ماعقدو عليها ....

عاد دة كلام ياخوانا ...

همسة : انا غايتو امي حالفة لايجيبو ليها لاتودي :p:p

ahmed algam

11-11-2009, 05:56 AM

ياابو عمرو

ياخي مالك علينا

ود المصباح دا مابعرس كان الحال كده

سماحة

11-11-2009, 06:01 AM

والله ده الحاصل يا أبو عمرو الاسبوع الفات كان شيلة اختي في السودان وامس حنة العروس واللية حنة العريس ولازم يودوا الريحة والخبائز وفطور العريس وحاجات ما في داعي ليها
صرف من الجهتين ..
يعن يا شباب ما تخافوا
اشترطوا مافي حاجة ولا مافي عرس............
ولا عقد مع الخطوبة وبعدين قولو لا مستعجلين..............

telecom

12-11-2009, 11:44 AM

ابو عمرو ما قلتا الا الحق والمضحك المبكى فى الحكاية والبوبار انو العريس اكون دافع لى ابو ولا اهل العروس يكونوا ساكنين فى بيت ايجار يا جماعة معقولة الكلام دا وذى ما قالوا القلم ما بيزيل بلم يعنى الاولاد ديل بعد التعب والتعليم الواحد ما عندو كلمة على الحريم ديل مباينهن فى اى شى لما يقطسوا حجركم يا حليل زمن النسوان بتخاف من الرجال

Almostshar

13-11-2009, 10:39 AM

ياجماعة

أنا لسه ما عرست

يعني اعمل للخلف در وبعدين شتات