أسعار السيارات في السودان . . .

[Abbas]

http://upload.wikimedia.org/wikipedia/commons/2/24/Daewoo_Matiz.jpg



في السودان ، كم يبلغ سعر السيارة في الصورة أعلاه ؟

لغرض المقارنة سيارة مثل المعروضة في الصورة اعلاه ( Daewoo موديل 2002) مستعملة (ماشة 150,000 كيلومتر ) بحالة جيدة في ليبيا تكلف حولي 3,750.00 دولار ، تقريبا تساوي 8,570.00 جنيه سوداني.

وأيضا في ليبيا سيارة من نفس النوعية المعروضة أعلاه ( أيضا Daewoo لكن موديل 2006 ) مستعملة بحالة جيدة بتكلف حوالي 5,420.00 دولار ، تقريبا تساوي 12,385.00 جنيه سوداني.


بما أني مقيم خارج السودان منذ فترة طويلة ، أود أن آخذ فكرة عن سوق السيارات وأسعارها وأيها مناسب لنوعية الطرق في السودان (خصوصا في ودمدني)

تفاديا للإرباك الرجاء استخدام الجنيه السوداني الجديد عند ذكر الأسعار . . .

[عوض الكريم الخواض]

مثل هذه السيارة التى فى الصورة سعرها فى السودان بين 11000 الى 13000 جنيه ... وتعرف فى السودان بأسم ماتيز ...
أنصحك بشراء عربة يابانى من نوع تويوتا ( كورولا _ بوكس هايلوكس ) أو عربة كورية من صناعة شركة هونداي ومنها أنواع كثيرة وكلها مرغوبة مثل ( كلك أوجيتز أو أتوس أو فستو ) ...

جميع هذه العربات عربات سوق ومرغوبة ويمكن بيعها بسهولة حال الاستغناء عنها .

مرحب بيك يا عباس ...
والبيت بيتك بين ناسك وأهلك .

[moh_alnour]

عوافي أخي عباس و تشرفنا بأنضمامك لنا و نتمنى أن يطيب لك المقام بيننا لكي تفيد و تستفيد



أنصحك بشراء عربة يابانى من نوع تويوتا ( كورولا _ بوكس هايلوكس ) أو عربة كورية من صناعة شركة هونداي
ومنها أنواع كثيرة وكلها مرغوبة مثل ( كلك أوجيتز أو أتوس أو فستو ) جميع هذه العربات عربات سوق ومرغوبة ويمكن بيعها بسهولة حال الاستغناء عنها

مشكور يا أبو كريم
أها قالوا الشيفرولية الأفيو الكورية دي بقت مرغوبة ، أها زي دي سعرها كم و هل ممكن الواحد يبيعا بي سهولة ؟

http://file9.9q9q.net/local/thumbnail/86417782/600x600.jpg

[عوض الكريم الخواض]

أخى محمد النور ...
الشفروليه الأفيو عندما قدمت حديثاً كانت مرغوبة وكانت أسعارها تتراوح بين 22 الى 24 الف جنيه ...
لكن مع الأسف تلاحظ ( تسارع انخفاض أسعارها ) بصورة كبيرة ... أي أنك عندما تركبها عام واحد ينخفض سعرها بنسبة 35 % ولا أدرى ما السبب ...

أما العربات السابق ذكرها فأنها تحافظ على أسعارها .... بل ربما تزيد مع زيادة الدولار .

[مدنيّة]

ابو كريم صباحك سوداني
الماتيز وبتتراوح بين 11-13
معقولة تكون بحالة جيدة ؟

لانه قبل اسبوعين في زول اشتري اتوس مامتذكرة موديل كم بمبلغ 17
واعتقد انه الاتوس ارخص من الماتيز
ولا شنوووو ؟؟؟

همسة: خلي بالك شكله ود الجاك نازل بالأفيو
عشان يبيعها :cool:

[أبو وائل]

كم اسعار الكورلا موديل 2006 و2007 حالياً

[عبدالرحمن مدثر]

ابو كريم صباحك سوداني
الماتيز وبتتراوح بين 11-13
معقولة تكون بحالة جيدة ؟

لانه قبل اسبوعين في زول اشتري اتوس مامتذكرة موديل كم بمبلغ 17
واعتقد انه الاتوس ارخص من الماتيز
ولا شنوووو ؟؟؟

همسة: خلي بالك شكله ود الجاك نازل بالأفيو
عشان يبيعها :cool:


الاتوس ماارخص من الماتيز ليه ياام جمال لانه ثبت بالدليل القاطع ان الاتوس

والفيستو (حمير شغل ) وبستحملوا جو السودان والدقدااق لذلك حلت محل التاكسى

وحاجة تانية انو قطع الغيار فى متناول اليد (شركة هيونداى الكورية ) ... اما شركة (داو )

المصنعة للماتيز والنوبيرا شكلها ضربت الدلجة لانها لم تاتى بالجديد وناس داو ديل سمعت

تحت تحت كدا انهم فلسوا :p

[مدنيّة]

الاتوس ماارخص من الماتيز ليه ياام جمال لانه ثبت بالدليل القاطع ان الاتوس

والفيستو (حمير شغل ) وبستحملوا جو السودان والدقدااق لذلك حلت محل التاكسى

وحاجة تانية انو قطع الغيار فى متناول اليد (شركة هيونداى الكورية ) ... اما شركة (داو )

المصنعة للماتيز والنوبيرا شكلها ضربت الدلجة لانها لم تاتى بالجديد وناس داو ديل سمعت

تحت تحت كدا انهم فلسوا :p


شكلك خبرة ياابومزن
خلا سكتنا :rolleyes:

اها رد علي اخونا ابو وائل

[عوض الكريم الخواض]

ابو كريم صباحك سوداني
الماتيز وبتتراوح بين 11-13
معقولة تكون بحالة جيدة ؟

لانه قبل اسبوعين في زول اشتري اتوس مامتذكرة موديل كم بمبلغ 17
واعتقد انه الاتوس ارخص من الماتيز
ولا شنوووو ؟؟؟

همسة: خلي بالك شكله ود الجاك نازل بالأفيو
عشان يبيعها :cool:

مدنية ...
صباح الخير ...
الأتوس فى السوق ( أغلى ) من الماتيز ...
فأذا أخذنا أتوس وماتيز من موديل العام 1999 نجد أن الأتوس قد تباع ب 15 الى 17 بينما الماتيز من نفس الموديل قد تباع ب 8 الى 11ألف ...
والملاحظ أن العربات الأتوس عموماً تحافظ على أسعارها الى حد ما اذا كانت بحالة جيدة
أما الماتيز هنا تدخل ضمن تسمية العربات ( الضهب ) على حسب تسمية ( سماسرة ) السوق . وسر التسمية أنها ضمن العربات التى ( يصعب بيعها ) وتنخفض أسعارها بصورة ملحوظة ومرعجة .

[أشرف صلاح السعيد]

التحايا للجميع..
انحنا ناس ركشات وكدا..
شترة :دحين ترخيص الركشات فتحو ولا الا نشاقق بين الحلل؟..
توكيد وكدا: جد البوست اخد طابع جميل ومفيد للدراويش الزينا الخارج الشبكة..
إستفسار : البرادو 2010 نزل السوق وبى كم؟ "فشخرة وبوبار ولسة ساكنين بالايجار"..

[عبدالرحمن مدثر]

كم اسعار الكورلا موديل 2006 و2007 حالياً

لان الكورلا من العربات المرغوبة بشدة فى السوق السودانى

فسعرها يتوقف على (نضافتها )


كورلا 2006 تتراوح اسعارها بين 43000 ...... الى 48000 جنية


كورلا 2007 تتراوح اسعارها بين 52000 ......... الى 57000 جنية

[عوض الكريم الخواض]

كم اسعار الكورلا موديل 2006 و2007 حالياً

قبل الرد نريد المواصفات ...
اللون ...
المواصفات ...

[عبدالرحمن مدثر]

أخى محمد النور ...
الشفروليه الأفيو عندما قدمت حديثاً كانت مرغوبة وكانت أسعارها تتراوح بين 22 الى 24 الف جنيه ...
لكن مع الأسف تلاحظ ( تسارع انخفاض أسعارها ) بصورة كبيرة ... أي أنك عندما تركبها عام واحد ينخفض سعرها بنسبة 35 % ولا أدرى ما السبب ...

أما العربات السابق ذكرها فأنها تحافظ على أسعارها .... بل ربما تزيد مع زيادة الدولار .



لابو كريم ... وودالنور العريس

نصيحة فى الذمة (اختا الشفرولية الافيو )


ملاحظة انخفاض سعرها نتيجة لانعدام الاسبيرات وقطع الغيار لهذه العربات

او حتى لو وجدت فهى محتكرة لدى شركة بعينها .. عشان كدا اصبح لاوجود لها

فى دلالة السيارات


عندنا مثال العربات (لانسر ) ... (تريوس ) وكل عربات الميتسوبيشى اليابانية

وايضا العربات الفلوكسواجن الالمانية (بورا ) .. (بولو ) وغيرها

عربات النيسان اليابانية (تيدا ) ... (ماكسيما ) وغيرها

ديل تعال شوفهن فى الدلالة حالتن تحنن قدام (الاكسنت الكورية ) او حتى الجياد

لا نهن ماجايبات حقهن نسبة لاحتكار شركات (دال) ...(الصفوة ) .. (النفيدى )

لقطع الغيار ودى مشكلة .. ودى ميزة عكسية للعربات الكورية وعربات التايوتا المرغوبة

زيادة على حاجة مهمة (صرف البنزين )


يعنى عربة تايوتا كامرى فى الدلالة بتلقاها ارخص من الكورلا

عشان ميزة الصرف الموجودة لدى الكورلا

[عبدالرحمن مدثر]

قبل الرد نريد المواصفات ...
اللون ...
المواصفات ...


بعدين ماتنسانا ياعمك:p

اخوك بقى (سمسااااار .... وكدا:p:p)

[بدر الدين احمد الطائف]

قبل الرد نريد المواصفات ...
اللون ...
المواصفات ...

ميتسوبيشى لانسر 2004 بيضاء كم سعرها

[عوض الكريم الخواض]

التحايا للجميع..
انحنا ناس ركشات وكدا..
شترة :دحين ترخيص الركشات فتحو ولا الا نشاقق بين الحلل؟..
توكيد وكدا: جد البوست اخد طابع جميل ومفيد للدراويش الزينا الخارج الشبكة..
إستفسار : البرادو 2010 نزل السوق وبى كم؟ "فشخرة وبوبار ولسة ساكنين بالايجار"..

حبيبنا أشرف ...
البرادو 2010 نزل السودان قبل ما ينزل فى السعودية ...
وأسعاره تتراوح بين 175 الى 185 ألف جنيه ...
لكن ما تسألنى البشترى منو ..........

ترخيص الركشات فااااااااااتح ... ولو مااااا فاتح فاااااااتح ( فاهمنى ) :cool::cool:

[عبدالرحمن مدثر]

مستبشى لانسر 2004 بيضاء كم سعرها


دى كان جابت 25000 يكون كويس ياودالطائف:p

[عوض الكريم الخواض]

مستبشى لانسر 2004 بيضاء كم سعرها

السعر بين 17 الى 21 ألف .

[عوض الكريم الخواض]

بعدين ماتنسانا ياعمك:p

اخوك بقى (سمسااااار .... وكدا:p:p)

مبرووووووووووووك ...
حقنا وييييييييييييين !!!!!! :o:o

[مدنيّة]

ماشاء الله عليكم
ابو مزن & ابوكريم

شكلكم سماسرة جد


صراحة بوست مفيد



اها الهونداي سيتي موديل 2005 بيكم في السوق يااخوانا "وش زول عامل فيها مغترب" :cool:

[أشرف صلاح السعيد]

حبيبنا أشرف ...
البرادو 2010 نزل السودان قبل ما ينزل فى السعودية ...
وأسعاره تتراوح بين 175 الى 185 ألف جنيه ...
لكن ما تسألنى البشترى منو ..........

ترخيص الركشات فااااااااااتح ... ولو مااااا فاتح فاااااااتح ( فاهمنى ) :cool::cool:

الحبيب عوض الكريم سلام اكوام اكوام..
تصدق لهسى البرادو ما نزل هنا فى السعودية..ابو النسب دافع من قبل رمضان دفعة مقدمة ولهسى ما استلما..
البشترى عااارفو وسمعنا تحت تحت بدون شيش وتشبيه..
قلت ليا الركشات ترخيصا فااااااااتح فتحتين؟..بس الله يستر ما تبقى بيتركب فيها رشاش وتبقى فاتحة تلاتا فتحات.."انتو ياناس على قول ابو الدر جنكم تتكلمو سياسة كدا مالكم؟"..

[عوض الكريم الخواض]

ماشاء الله عليكم
ابو مزن & ابوكريم

شكلكم سماسرة جد


صراحة بوست مفيد



اها الهونداي سيتي موديل 2005 بيكم في السوق يااخوانا "وش زول عامل فيها مغترب" :cool:

مدنية ...
قصدك ( هوندا ) وليس ( هونداي ) ...
على العموم الهوندا سيتى رغم أنها صناعة يابانية 100% الا أن احتكار شركة الخبير لأسبيراتها جعل أسعارها تهبط الى مستويات قياسية ...
آخر هوندا سيتى ( اتباعت قدامى ) شوف عيان ... بى 18000 وكانت موديل 2005 وبيضاء اللون ... وصاحبها رغم طول العرض لها فى السوق ولمدة شهرين لم يتحصل على أكثر من هذا المبلغ ....
فهي من ضمن العربات ( الضهب ) أي التى يصعب بيعها وتنخفض قيمتها بصورة مزعجة ...

أرجو أن تهتموا بكلام الأخ ( عبدالرحمن مدثر ) فيما يخص ( احتكار ) قطع الغيارو مدى وفرته.

[أبوريلان]

أخوانا السماسرة صباحكم خير

أها دايرين شورتكم

# كورلا موديل 2010 لون بحري وكالة أحسب ليها مشوارها من السعودية الي السودان كم سعرها علماً بأنها فل كامل ؟.

# نفس المواصفات لو تم إستعمالها لمدة سنة أو سنتين كم متوقع لها ؟


سؤال : هل ما زال أهل السودان لا يرغبون في القير الأتوماتيك ؟

[عوض الكريم الخواض]

الحبيب عوض الكريم سلام اكوام اكوام..
تصدق لهسى البرادو ما نزل هنا فى السعودية..ابو النسب دافع من قبل رمضان دفعة مقدمة ولهسى ما استلما..
البشترى عااارفو وسمعنا تحت تحت بدون شيش وتشبيه..
قلت ليا الركشات ترخيصا فااااااااتح فتحتين؟..بس الله يستر ما تبقى بيتركب فيها رشاش وتبقى فاتحة تلاتا فتحات.."انتو ياناس على قول ابو الدر جنكم تتكلمو سياسة كدا مالكم؟"..

حبيبنا أشرف ...
السودان بقى فيهو طبقة من الأثرياء ( فاقت الوصف) ...

ياااااااااخى ماااا تعرفنا على أبو نسب وكدا ...:p:p

[أبوريلان]

الحبيب عوض الكريم سلام اكوام اكوام..


تصدق لهسى البرادو ما نزل هنا فى السعودية..ابو النسب دافع من قبل رمضان دفعة مقدمة ولهسى ما استلما..
البشترى عااارفو وسمعنا تحت تحت بدون شيش وتشبيه..

قلت ليا الركشات ترخيصا فااااااااتح فتحتين؟..بس الله يستر ما تبقى بيتركب فيها رشاش وتبقى فاتحة تلاتا فتحات.."انتو ياناس على قول ابو الدر جنكم تتكلمو سياسة كدا مالكم؟"..




يا باش البرادو نزل من يوم 5/11 وما شاء الله عليه جاي بشكل جميل في مستوي مقاس اللاندكروزر بس علي أجمل وخاصة الخطرات الوراء مووووووووت يا باش ربنا يوعدنا وإياكم ، لو عايز كتلوج أو أي معلومات عنه متوفرة والأسعار إبتداء من 105 ألف ريال - 190 ألف ريال .

190 ده يا أشرف فيها 10 كميرات يعني تصور حتي الإطارات مش زي كاميرة ود الطاهر بتاعت الفضايح .

[منتهى]

اها توسان 2007 ماشه 35000

استعمال شخص واحد

بى كم ؟

[عوض الكريم الخواض]

أخوانا السماسرة صباحكم خير

أها دايرين شورتكم

# كورلا موديل 2010 لون بحري وكالة أحسب ليها مشوارها من السعودية الي السودان كم سعرها علماً بأنها فل كامل ؟.

# نفس المواصفات لو تم إستعمالها لمدة سنة أو سنتين كم متوقع لها ؟


سؤال : هل ما زال أهل السودان لا يرغبون في القير الأتوماتيك ؟


أخى ياسر ...
من المفارقات الغريبة أن تجد العربات الكورولا موديل 2007 أغلى سعراً من أختها موديل 2008 ( الشكل الجديد ) ....

والسبب على حسب رأي السمسار والذى له المقدرة على اقناع الزيون أن الكوريلات بالشكل الجديد 2008 حتى 2010 ( مكنة كبيرة ) تصرف وقود أكثر ...

ولكن بعد عامين من الآن ستتغير النظرة ( السوقية ) لأن الكوريلات حتى 2007 ستكون قد أصبحت قديمة ولا تفى برفاهية ( المشترى ) ... يعنى بالعربى ( أركب ساي ما تلاوز) .... وحاول ركز على (اللون الأبيض ).

[عوض الكريم الخواض]

هل ما زال أهل السودان لا يرغبون في القير الأتوماتيك ؟


بالعكس أخى ياسر ... أصبح مرغوباً وبشدة .

[عبدالرحمن مدثر]

حبيبنا ابو ريلان

انا بركز على جزئية القير اتوماتيك

زمان كانت مشكلة والقير اتوماتيك فى العربات ارتبطت بسيارات النساء

عشان هن مافالحات فى مسالة التغيير دى شديد

واى عربية اتوماتيك دا اول عيب فيها

لكن حاليا اصبحت حاجة قريبة للموضة نسبة لموضة العربات (الاسبورتش )

الجميلة من قبل كل الشركات واصبحت موضة شبابية

(مشكلة القير اتوماتيك بقت محلولة )


كورلا 2010 سعرها مفروض يكون عند ابوكريم

[عوض الكريم الخواض]

منكم نستفيد

اها توسان 2007 ماشه 35000

استعمال شخص واحد

بى كم ؟

نحول السؤال لى مراسلنا عبدالرحمن مدثر ...

[عبدالرحمن مدثر]

نحول السؤال لى مراسلنا عبدالرحمن مدثر ...

توسان دى تابعة لياتو شركة من شركات السيارات

فى حتة ناقصة يامنتهى

ابوكريم توسان دى شكلها مافى عندنا فى الفايلات بتاعتنا

[أبوريلان]

أخى ياسر ...
من المفارقات الغريبة أن تجد العربات الكورولا موديل 2007 أغلى سعراً من أختها موديل 2008 ( الشكل الجديد ) ....

والسبب على حسب رأي السمسار والذى له المقدرة على اقناع الزيون أن الكوريلات بالشكل الجديد 2008 حتى 2010 ( مكنة كبيرة ) تصرف وقود أكثر ...

ولكن بعد عامين من الآن ستتغير النظرة ( السوقية ) لأن الكوريلات حتى 2007 ستكون قد أصبحت قديمة ولا تفى برفاهية ( المشترى ) ... يعنى بالعربى ( أركب ساي ما تلاوز) .... وحاول ركز على (اللون الأبيض ).




أبو كريم نهارك سعيد

الماكينة 1.6 يعني قد إبرة تصرف شنو ، ماكينة تحنن من صغرها ؟ السماسرة ديل راسن ما حلو ولا شنو .
طبعاً اللون الأبيض في السودان مرغوب عشان البوهية البيضاء رخيصة ولا ما كدا .

[Badri]

سلامي للجميع

http://www.sabilsd.com

الموقع أعلاه يعطيك تفاصيل أوفي ، بس أنصحك ما تعدمت عليه كتيير ، لأنو أحيانا فيه مبالغات شويه ، لكن عموما بتتكون لديك فكرة عامة







تحياتي

[انوريكا]

داير لــي ( قريز ) يا أخوانا ..............
اللون : ( سلفر )
الموديل : 2001 أو 2002 أو 2003
خالية لوحات ؟
إستعمال كوريا ... ويا ريت لو كانت ( شغالة ترحيل شُفع ) ... قالوا بتجي ( نضيفة ):p

يا ريت نعرف الأسعـــــــــــار حسب الموديلات أعلاه ..


( ما تقولو لي أمشي الكرين بحري )

[منتهى]

توسان دى تابعة لياتو شركة من شركات السيارات

فى حتة ناقصة يامنتهى

ابوكريم توسان دى شكلها مافى عندنا فى الفايلات بتاعتنا

التوسان تابعه للهونداى ومتوفره فى السودان بى كثره

[عبدالرحمن مدثر]

التوسان تابعه للهونداى ومتوفره فى السودان بى كثره

اها

دى عرفتها ليك ومن عائلتها (تريكان ) ... (توبسان ) ... وحاجة كدا زى سوبرانو دى من الهونداى

وهناك واحدة برضو تابعة لشركة كيا موتورز

دى يامنتهى عربات الاسبورتش


سعرها تقريبا كدا فى حدود 40000 الى 45000

حسب النضافة واللون

[عبدالرحمن مدثر]

داير لــي ( قريز ) يا أخوانا ..............
اللون : ( سلفر )
الموديل : 2001 أو 2002 أو 2003
خالية لوحات ؟
إستعمال كوريا ... ويا ريت لو كانت ( شغالة ترحيل شُفع ) ... قالوا بتجي ( نضيفة ):p

يا ريت نعرف الأسعـــــــــــار حسب الموديلات أعلاه ..


( ما تقولو لي أمشي الكرين بحري )



جااااارى الاتصال باحمد سوبا زميل دراسة ومتخصص قريزات

شكلوا كدا سااافر كوريا عشان مايجيبها كرت كرتونة

لكن حتة شغالة ترحيل شفع دى ماواقعة لى :p:p:p

باعتبار مايكون يعنى

ولا ماكاااااان:p

حدد يابونورا ماتخليها عاااائمة

[انوريكا]

جااااارى الاتصال باحمد سوبا زميل دراسة ومتخصص قريزات

شكلوا كدا سااافر كوريا عشان مايجيبها كرت كرتونة

لكن حتة شغالة ترحيل شفع دى ماواقعة لى :p:p:p

باعتبار مايكون يعنى

ولا ماكاااااان:p

حدد يابونورا ماتخليها عاااائمة





ما بتقصر يا أبو عابده ... مجهود جبار مبذول من شخصكم الكريم .:p

معقولة يا أبو عابده ما وقعت ليك .... يمين بالله دي الكلام البسمعو في المعارض ... يعني نسيت أقول ليك إنو كلامي الفوق دااااااااااااك كان منقول .:p

خلاص يا أبو عابده أنا منتظر صاحبك دا يرجع بالسلامة ..
وشوفو لينا عليك الله ... لأنو أخوك شال ليه تمويل من البنك وعايز أشتري لي قريز ؟


ما تقول لي إنت عندك كم ؟؟

بره الروضة :
مزن ما داير ليها ترحيل .. ( بنجامل الناس البنعزهم ياخ ) يعني لو بنشيل من كلو شافع 30 جنيه ، حنشيل منك نصف القيمة بس :p

[عبدالرحمن مدثر]

حتة مهمة ذكرنى ليها ابونورا

بحكاية معارض السيارات دى

حاجة مهمة لابد من معرفتها الواحد لو قدر يتجنب

(1) معارض السيارات

(2) مكاتب الاراضى العقارية والسماسرة


بكون اجمل ... لانو ديل عندهم فهم غريب انت صاحب العربية او قطعة الارض المعينة

تجىء تعرضها بالمبلغ الفلانى ... هم بعد داك بختو قرابة العشرة مليون فوق السعر الاساسى

لزوم الحركة بحرية لحدى ماتتحقق البيعة .. ومرات هم بكونوا استفادوا اكتر من سيد القطعة والعربية

ومن المشترى لانه بالاضافة للمبلغ المذكور هناك عمولة من الجانبين لابد منها

[انوريكا]

فعلا ً يا أبو عابده ... ناااااااااس المعارض ديل زايدين التسعيرة زيادة ما عادية

قبل كدا مشيت لي إحدى المعارض بخصوص شراء حافلة متوسطة ( قريز ) .. فسألني دايرها كااااااااااش ولا بالأقساط ؟؟

قلت ليه بالأقساط ؟؟

سألني كاشك كم ؟؟

قلت ليه 12.000 جنيه ..

قام عمل ليه حركة بي حركتين نظام تضريب فوائد وأرباح وحنك وهمي كدا :p
فقال لي كاشك دا يا سيد بديك بيهو ( قريز ) موديل 96 :eek: ، وإجمالي سعر البيع 31.000 جنيه :eek: ، والتسديد شهريا ً 1000 جنيه :eek:

والترخيص عليينا يعني علي المعرض ، وكذلك التأمين. ( والترخيص والتأمين كلو ما بيفوت الأرنبين وهم طبعا ً بي علاقاتهم، يعني إحتمال يعمل معاهم أرنب ودقداق )

عرفت (الدوسه) وين يا أبو عابده ؟؟
تحت تحت سألت في معرض تاااااااااااني سعر القريز موديل 96 بالكاااااااااااش لقيتو عامل 21.000 جنيه ؟:eek::eek::eek: وبرضو ما سعر يدخل الراس ولا ما كده يا عبدو ؟

[هيثم بابكر]

الاحباب الاعزاء متعكم الله بالصحة والعافية وبالجد مجهود رائع من الاخوان وخدمة في ناس كتار في حاجة لها ،،،،


لكن عندي مداخلة واقتراح امكن يكون في نظر ناس كتار حاجة بعيييييدة وصعبببة شايف اغلب المتداخلين مغتربين وعاوزين عربات تجارية عشان يكون مصدر دخل ثابت ترحيل او مواصلات وكدة ، والمبالغ كبيرة يعني نقول في حدود 30 مليون ،

حاتزيد اعداد السيارات في مدينتا الصغيرة والتلوث وغيرو ، وفيها مخاطرة اهلاك زي مابقولو المحاسبين يعني كل عام بنقص راس المال ،،

طيب ياشباب مغتربين مدني كل واحد يخت القروش العندو النسبة تحسب بالمساهمة يعني كل واحد على قدر مقدرتو ويكونو لجنة فنية متخصصة منهم ، ويفكرو في مشروع كبير بعائد مجزي ويخدم المدينة اي كان نوعو او شكلو والمشروع ياخد الطابع الرسمي يعني يكون بحماية الولاية ونفس الوقت يستفيدو المغتربين ، اكاد اجزم ان اغلب المغتربين واحد من الهواجس الرئيسية مصدر الدخل بالسودان ،، الموضوع مفتوح للنقاش.

[النويري]

الأخوان أبوكريم وعبد الرحمن مدثر وصاحب البوست عباس وكل المتداخلون البوست جميل والفكرة أكثر من ممتازة على الأقل المابشتري يتفرج السؤال الأول

أنتو بتتكلموا عن الأسعار دي في الخرطوم ولا في المثلث بتاع مدني ورونا أسعار مدني طبعاً مدني ما فيه سوقاً تقول عليه

السؤال الثاني
أخبار السيارات 14 راكب مثلاً هايس موديل 2007 بي كم

أو سيارة نيسان 2008 14 راكب بي كم

مشكورين جزيل الشكر

[مدنيّة]

أنتو بتتكلموا عن الأسعار دي في الخرطوم ولا في المثلث بتاع مدني ورونا أسعار مدني طبعاً مدني ما فيه سوقاً تقول عليه



والله يانويري
ريحتني جنس راحة في ابو كريم دا :cool:


قال 18 مليون قال

كلامه دا وعلي ثقة انه في مدني
لانه الاسعار دي في الخرتوم ولا في الاحلام ماااااااافي

[أشرف صلاح السعيد]

أبو كريم وأبو مزن سلام تعظيم..

والله سماسرة أولاد حلال دى إلا فى منتدى أولاد الحلال دا.. وأعوذ بالله إن كان قصدى باقى السماسرة عكس ذلك ولكن معظم السماسرة زى ما قال ابو مزن بيستفيدو من البيعة اكتر من سيد الحق ومن المشترى..

[Abbas]

وماذا عن هذه السيارة ( http://sabilsd.net/adversearchdetails.aspx?adver_id=2135 ) ؟

المكتوب أن السعر 28,000 جنيه ؟ ( أعتقد أن هذا يعني حوالي 12,000 دولار ) ؟

كنت أتوقع بما أنها سيارة من صنع صيني أن تكون أرخص من ذلك !
.

[moh_alnour]

أبو كريم تحياتي لك و لجميع المشاركين في هذا البوست و شكرا ً مرة ثانية على الإفادة




لابو كريم و ودالنور العريس نصيحة فى الذمة (اختا الشفرولية الافيو )
ملاحظة انخفاض سعرها نتيجة لانعدام الاسبيرات وقطع الغيار لهذه العربات او حتى لو وجدت فهى محتكرة لدى شركة بعينها

تعرف يا أبو مُزن أنا كُنتا ماشي أشتري هونداي أكسنت أو كورلا أها قام لاقاني واحد سوداني شغال سمسار في ( حراج السيارات ) في جدة
قال لي ياخي الافيو دي بقت مرغوبة و خاصة وسط الجنس الناعم أحسن ليك من الهيونداي و الكورلا
و أخوك يا مؤمن يا مصدق دخل فيها على طول ، بس فيها ميزة هنا في المملكة أنو أسبيراتا متوفرة و رخيصة
لأنها تابعة لي شركة ( دايو ) و الميزة التانية الفيها إنها أقتصادية و ما بتصرف بنزين خااااالص و المكنة صغيرة



ترخيص الركشات فااااااااااتح ... ولو مااااا فاتح فاااااااتح ( فاهمنى ) :cool::cool:

يعني يا أشرف لو عندك جوكر و لا دو بتاع شيريا برضو فااااااتح و بعد كدا لو ما فهمتا إلا نجيب ليك ( فهاموميتر ) ;) :)
أو نخلي أبو كريم دا يكشف ليك ورقو ;) على بركة الله




مدنية ... قصدك ( هوندا ) وليس ( هونداي ) ...

والله يا أبو كريم ريحتني جنس راحة في أم جمال بتاعت الحقد الطبقي دي ;) :eek:



أنتو بتتكلموا عن الأسعار دي في الخرطوم ولا في المثلث بتاع مدني و رونا أسعار مدني طبعا ً مدني ما فيه سوقا ً تقول عليه

مدني ليها الله و عيشة السوق ، بقت لا كورة لا فن لا صحة ولا دلالة :( بس سؤالك داخل المقرر يا نويري
همسة : يا هيثم بابكر فكرتك جميلة جدا ً على الورق بس صعب تنفيذا على أرض الواقع

[النويري]

أخبار السيارات المرسيدس شنو يا أخوان أكيد ما عندها سوق في السودان

[ابوجود]

السلام عليكم
اول حاجه انتو مدنيه دى بقت مدنيه الاستثماريه ولا شنو ؟؟؟؟

:::
هونداى h1 فان ست ركاب
موديل 2001 لون رصاصى
كم اسعارها فى السودان
او كم جماركها
لكم التحيه ياشباب

[روبش]

ماشاء الله عليكم
ابو مزن & ابوكريم

شكلكم سماسرة جد


صراحة بوست مفيد



اها الهونداي سيتي موديل 2005 بيكم في السوق يااخوانا "وش زول عامل فيها مغترب" :cool:



البشوفك داخله في الموضوع يقول عايزه تبيعي ( الركشه )

[محمد عبد الله عبدالقادر]

السماسرة القاعدين في الضل ديل
والقاعدين جوة المكتب المكيف داااك سلامات

والناس الحايمة تعاين في العربات دي
الداير يشتري والداير يبيع وال_ لافي ساي بتمن سلامات

الظاهر انا جيت متاخر للدلاله دي لكن بحاول احصلكم
والعندو كاش هو سيد الكلام والكاش يقلل النقاش

[محمد عبد الله عبدالقادر]

http://upload.wikimedia.org/wikipedia/commons/2/24/daewoo_matiz.jpg



في السودان ، كم يبلغ سعر السيارة في الصورة أعلاه ؟

لغرض المقارنة سيارة مثل المعروضة في الصورة اعلاه ( daewoo موديل 2002) مستعملة (ماشة 150,000 كيلومتر ) بحالة جيدة في ليبيا تكلف حولي 3,750.00 دولار ، تقريبا تساوي 8,570.00 جنيه سوداني.

وأيضا في ليبيا سيارة من نفس النوعية المعروضة أعلاه ( أيضا daewoo لكن موديل 2006 ) مستعملة بحالة جيدة بتكلف حوالي 5,420.00 دولار ، تقريبا تساوي 12,385.00 جنيه سوداني.


بما أني مقيم خارج السودان منذ فترة طويلة ، أود أن آخذ فكرة عن سوق السيارات وأسعارها وأيها مناسب لنوعية الطرق في السودان (خصوصا في ودمدني)

تفاديا للإرباك الرجاء استخدام الجنيه السوداني الجديد عند ذكر الأسعار . . .

طبعاً شركة دايو للسيارات باعت العالمة التجارية الى شركة شيفورليه الاميريكة وبدات في انتاج سيارات تحمل شعارها ومنها الافيو - اوبترا - ابيكا وان كانت تحمل تلك السيارت الشعار الجديد الا ان كثير من مواصفاتها ما زالت تحمل النكهة للشركة القديمة - دايو - وكل سنه يتم تحسين واستبدال في المواصفات للسيارات المذكروه اعلاه

[محمد عبد الله عبدالقادر]

عوافي أخي عباس و تشرفنا بأنضمامك لنا و نتمنى أن يطيب لك المقام بيننا لكي تفيد و تستفيد



مشكور يا أبو كريم
أها قالوا الشيفرولية الأفيو الكورية دي بقت مرغوبة ، أها زي دي سعرها كم و هل ممكن الواحد يبيعا بي سهولة ؟

http://file9.9q9q.net/local/thumbnail/86417782/600x600.jpg

ابو النور سلامات
عارف عربيه الافيو دي ما انصح بيها عدو ولا صديق لانها تعتبر ومن وجهة نظري افشل سيارة وده عن تجربه لاننا استعملناها عندنا في الشغل للموظفين والمندوبين وحدها معاك سنه ولا سنتين وبعد كده ( تارف هاجه والله)
اعمل شخيط واقيف بعيييييد منها

[محمد عبد الله عبدالقادر]

أخى محمد النور ...
الشفروليه الأفيو عندما قدمت حديثاً كانت مرغوبة وكانت أسعارها تتراوح بين 22 الى 24 الف جنيه ...
لكن مع الأسف تلاحظ ( تسارع انخفاض أسعارها ) بصورة كبيرة ... أي أنك عندما تركبها عام واحد ينخفض سعرها بنسبة 35 % ولا أدرى ما السبب ...

أما العربات السابق ذكرها فأنها تحافظ على أسعارها .... بل ربما تزيد مع زيادة الدولار .

اها حتى في السودان بقت ما نافعه
سمعت يا ود النور

يديك الف مليون عافية يا خواض

[محمد عبد الله عبدالقادر]

ابو كريم صباحك سوداني
الماتيز وبتتراوح بين 11-13
معقولة تكون بحالة جيدة ؟

لانه قبل اسبوعين في زول اشتري اتوس مامتذكرة موديل كم بمبلغ 17
واعتقد انه الاتوس ارخص من الماتيز
ولا شنوووو ؟؟؟

همسة: خلي بالك شكله ود الجاك نازل بالأفيو
عشان يبيعها :cool:

مدنية سلامات

ما امكن زولك ده السماسرة ( دقسوهو) وشيلو القفة

[محمد عبد الله عبدالقادر]

ماشاء الله عليكم
ابو مزن & ابوكريم

شكلكم سماسرة جد


صراحة بوست مفيد



اها الهونداي سيتي موديل 2005 بيكم في السوق يااخوانا "وش زول عامل فيها مغترب" :cool:

مدنية والله غايتو جنس غايتو
هسي الشوبير ليك شنو
الجاب الهونداي للسيتي شنو!!! ؟؟
امانه ما وقع......

[محمد عبد الله عبدالقادر]

أخى ياسر ...
من المفارقات الغريبة أن تجد العربات الكورولا موديل 2007 أغلى سعراً من أختها موديل 2008 ( الشكل الجديد ) ....

والسبب على حسب رأي السمسار والذى له المقدرة على اقناع الزيون أن الكوريلات بالشكل الجديد 2008 حتى 2010 ( مكنة كبيرة ) تصرف وقود أكثر ...

ولكن بعد عامين من الآن ستتغير النظرة ( السوقية ) لأن الكوريلات حتى 2007 ستكون قد أصبحت قديمة ولا تفى برفاهية ( المشترى ) ... يعنى بالعربى ( أركب ساي ما تلاوز) .... وحاول ركز على (اللون الأبيض ).

الخواض سلامات

والله السماسرة بتاعين السودان ديل
عندهم نظريات بعرفوها برااااااهم
واسباب غريبه للاقناع والغريبة الناس بصدق

[محمد عبد الله عبدالقادر]

الاحباب الاعزاء متعكم الله بالصحة والعافية وبالجد مجهود رائع من الاخوان وخدمة في ناس كتار في حاجة لها ،،،،


لكن عندي مداخلة واقتراح امكن يكون في نظر ناس كتار حاجة بعيييييدة وصعبببة شايف اغلب المتداخلين مغتربين وعاوزين عربات تجارية عشان يكون مصدر دخل ثابت ترحيل او مواصلات وكدة ، والمبالغ كبيرة يعني نقول في حدود 30 مليون ،

حاتزيد اعداد السيارات في مدينتا الصغيرة والتلوث وغيرو ، وفيها مخاطرة اهلاك زي مابقولو المحاسبين يعني كل عام بنقص راس المال ،،

طيب ياشباب مغتربين مدني كل واحد يخت القروش العندو النسبة تحسب بالمساهمة يعني كل واحد على قدر مقدرتو ويكونو لجنة فنية متخصصة منهم ، ويفكرو في مشروع كبير بعائد مجزي ويخدم المدينة اي كان نوعو او شكلو والمشروع ياخد الطابع الرسمي يعني يكون بحماية الولاية ونفس الوقت يستفيدو المغتربين ، اكاد اجزم ان اغلب المغتربين واحد من الهواجس الرئيسية مصدر الدخل بالسودان ،، الموضوع مفتوح للنقاش.

هيثم بابكر سلامات

والله كلامك عن المشروع ده تنظيرياً مقبول
لكن عملياً الله اعلم
انت شايف الناس في العربات دي مختلفين
دايرهم يخشوا مشروع واحد مع بعض

يديك العافية

[مدنيّة]

مدنية والله غايتو جنس غايتو
هسي الشوبير ليك شنو
الجاب الهونداي للسيتي شنو!!! ؟؟
امانه ما وقع......


حتي انت يامحمد عبدالله

يعني الواحد اصلووو ما يغلت :(

[ابوالشباب شوشه]

سلام عليكم سمامره مرطبين
اها طيب سعر البرادوا 2007 فل
اتوماتيك مكيفين لون ابيض ماشه 90 الف

[أبو وائل]

الاحباب الاعزاء متعكم الله بالصحة والعافية وبالجد مجهود رائع من الاخوان وخدمة في ناس كتار في حاجة لها ،،،،


لكن عندي مداخلة واقتراح امكن يكون في نظر ناس كتار حاجة بعيييييدة وصعبببة شايف اغلب المتداخلين مغتربين وعاوزين عربات تجارية عشان يكون مصدر دخل ثابت ترحيل او مواصلات وكدة ، والمبالغ كبيرة يعني نقول في حدود 30 مليون ،

حاتزيد اعداد السيارات في مدينتا الصغيرة والتلوث وغيرو ، وفيها مخاطرة اهلاك زي مابقولو المحاسبين يعني كل عام بنقص راس المال ،،

طيب ياشباب مغتربين مدني كل واحد يخت القروش العندو النسبة تحسب بالمساهمة يعني كل واحد على قدر مقدرتو ويكونو لجنة فنية متخصصة منهم ، ويفكرو في مشروع كبير بعائد مجزي ويخدم المدينة اي كان نوعو او شكلو والمشروع ياخد الطابع الرسمي يعني يكون بحماية الولاية ونفس الوقت يستفيدو المغتربين ، اكاد اجزم ان اغلب المغتربين واحد من الهواجس الرئيسية مصدر الدخل بالسودان ،، الموضوع مفتوح للنقاش.


والله يا أخوي كلامك ده عين العقل ونصيحة نظرية جيدة ولكن من خلال التجارب السابقة على ارض الواقع نجد أن معظم المشاريع المنفذة بالسودان اثبتت عدم فعاليتها وفشلها لاسباب كثيرة منها التالي :
1- الطاقة الكهربائية الغالية والغير منتظمة .
2- الضرائب الباهظة .
3- الجبايات الاخري الغير محددة (زكاة ،ولاية ، بلدية ، .....الخ ).
4- الاوضاع السياسية الغير مطمئنة .
5- عدم توفر أدنى انواع الاهتمام من الدولة بالمغتربين وتسهيل الاجراءات لهم وتحفيزهم للاستثمارات .
كل هذه العوامل وأخرى ..... ساهمت وتساهم في جعل ما ذكرت حلماً وكابوس مخيف جدااااااااا للمغترب الذي يجمع مدخراته بكد الانفس والالم والغربة ......الخ .
مع خالص تقديري و إحترامي

[أبوعمرو]

أخبار السيارات المرسيدس شنو يا أخوان أكيد ما عندها سوق في السودان
دااااااااااا الكلام
من قبيل الواحد ما قادر أخش البوست من زحمة الحديد الكوري
***
أخبار المرسيدس في السودان تطمئن والله يا النويري... اولاد داود عبد اللطيف ما قصروا وجابو التوكيل.
اما بالنسبه لسيارات المرسيدس المستعمله فهي لاتتوافر في الدلالات والكرين (لأنها للصفوه ) ...(طبعا الهلالاب بره اللعب) لكن إن رغبت في شراء مرسيدس ما عليك إلا الذهاب للمنطقة الصناعية شارع الخور وسوف يدلوك علي المعروض ... وسعر المرسيدس لا يمكن تحديده إلا بعد معاينة السيارة...
واختلف مع نظره السماسره للعربة المرسيدس التي يطلقون عليها (عربة الغني والغبي) بإعتبار أن سعرها مرتفع واسبيرها نار... فالمرسيدس عربه اقتصادية من الدرجة الاولي بأعتبار أن عمرة الماكينة مثلاً تدوم عشره سنوات للإستعمال المتوسط وتركيب الاسبير الاصلي يعني حل المشكله نهائيا

ولي عوده لملك الطريق.

[nehroo]

قلت لي البرادو 2010 بي كم ؟

[النويري]

[QUOTE=أبوعمرو;442533]دااااااااااا الكلام
من قبيل الواحد ما قادر أخش البوست من زحمة الحديد الكوري
***
أخبار المرسيدس في السودان تطمئن والله يا النويري... اولاد داود عبد اللطيف ما قصروا وجابو التوكيل.
اما بالنسبه لسيارات المرسيدس المستعمله فهي لاتتوافر في الدلالات والكرين (لأنها للصفوه ) ...(طبعا الهلالاب بره اللعب) لكن إن رغبت في شراء مرسيدس ما عليك إلا الذهاب للمنطقة الصناعية شارع الخور وسوف يدلوك علي المعروض ... وسعر المرسيدس لا يمكن تحديده إلا بعد معاينة السيارة...
واختلف مع نظره السماسره للعربة المرسيدس التي يطلقون عليها (عربة الغني والغبي) بإعتبار أن سعرها مرتفع واسبيرها نار... فالمرسيدس عربه اقتصادية من الدرجة الاولي بأعتبار أن عمرة الماكينة مثلاً تدوم عشره سنوات للإستعمال المتوسط وتركيب الاسبير الاصلي يعني حل المشكله نهائيا

[SIZE="5"][FONT="Comic Sans MS"]MS"]والله يا لحبيب ريحتني راحة أنت عارف أنا أمن أشوف الأتوس والعواليق من مشتقاتها بقرب أستفرغ ياخي دا حديد والمغسة في السودان السايق فيستو ملك زمانو والسايق أتوس يعتبر رجل أعمال وغايتو جنس خوازيق يا خي المواطن السوداني نظرته ضيقة جداً في مجال الرفاهية وهموا أمشي بي راي السمسار المتخلف الما بفهم شيء في الدنيا وأنو دي بتجيب ليك بعد سنة مبلغ ودي بتجيب ليك ياخي أرحمونا شوية من الكوري دا وأمشو شوية نيسان وتايوتات وحاجات حلوة

أنت عارف ياعمرو أنا نزلت قبل ثلاثة شهور السودان بمرسيدس المهم الحصل أنو في المطبات بتاعت الكدرو أنكسر الكارتيل وأتبهدلت بهدله الخلاصة ذي ما قلت أنت ومشيت الخور في الصناعية انت عارف الكارتيل في السعودية بي 200 ريال سعودي والجزم ديل باعوهو لي بي كم 1.200.000صدق أو لا تصدق المرسيدس كأنها مركبة فضائية في السودان الله يكون في عون الجميع لحد ما تبقى المرسيدس بتخش السودان ذي الكوري

[النويري]

أخونا أخبار الكليك شنو طبعاً الكليك الراكبها اليومين دي كأنوا صلاح أدريس ياخي دا سايق كلك أنتو عارفين يا أخوان الكلك دي في السعودية بوصلوا بيها البيتزا ومشوار جوه الحاره يعني ما بتقطع كبري حنتوب على قول ناس مدني والله الكلك دي أنا لو عندي سلطة ما تدخل السودان وياخي أنت شوف الأسم كلك يعني حاجة صغيرة كدا كلك كلك كلك كلك بالله دا أسمو كلام

[سلطان العشاق]

السلام عليكم....

متعكم الله جميعا.. بالصحة والعافية...

موضوع جميل ومشوق... ومعلوماتي للداير عربية...

بس يا خوانا المغتربين... نسيتو اهم شي...

الجمااااااااااااااااااااارك...

الواحد فيكم ما يركب ليه عربية فارهه...

ويقول ينزل بيها السودان عشان يخليها هناك...

وبعد الاستقرار.. يجي يركبها...

يعني ما تجي نافش ريشك بي كورولا 2010 ولا كامري 2010 ولا برادو 2009...

لانو تأكد تماما نااس الحكومة المتمثلين في (الجمااارك).. بقصو ليك ريشك...

يعني جماارك العربية في السودان اعلي من سعرها مرتين...

فالعربات الفارهه بتاعتك دي حدها معاك السعودية او اي بلد تانية...

بس السودان ما اظن بتقدر عليها... جماارك وبنزين.... ما بتقدر... ما بتقدر...

اذا كان جمارك اكسنت موديل 2005 بي 13000 جنية...

فما بالك بالعربات الفارهه...

كدة عرفتو لشنو لو الواحد راكب كليك ولا فيستو ولا اتوز... سلطان زمانو في السودان...*

[عوض الكريم الخواض]

دااااااااااا الكلام
من قبيل الواحد ما قادر أخش البوست من زحمة الحديد الكوري
***
أخبار المرسيدس في السودان تطمئن والله يا النويري... اولاد داود عبد اللطيف ما قصروا وجابو التوكيل.
اما بالنسبه لسيارات المرسيدس المستعمله فهي لاتتوافر في الدلالات والكرين (لأنها للصفوه ) ...(طبعا الهلالاب بره اللعب) لكن إن رغبت في شراء مرسيدس ما عليك إلا الذهاب للمنطقة الصناعية شارع الخور وسوف يدلوك علي المعروض ... وسعر المرسيدس لا يمكن تحديده إلا بعد معاينة السيارة...
واختلف مع نظره السماسره للعربة المرسيدس التي يطلقون عليها (عربة الغني والغبي) بإعتبار أن سعرها مرتفع واسبيرها نار... فالمرسيدس عربه اقتصادية من الدرجة الاولي بأعتبار أن عمرة الماكينة مثلاً تدوم عشره سنوات للإستعمال المتوسط وتركيب الاسبير الاصلي يعني حل المشكله نهائيا

ولي عوده لملك الطريق.



....
دي في الغالب والله أكضب الشينة بتكون عيون جرئية استعمال دبلوماسي ... وكمان بنزين واتومتك والمكنة تيربو ... واحتمال كبير تكون طالعه من العفريته

:rolleyes::rolleyes::rolleyes:
;););)

يا صاحبى لقيتك ( صاحب مبدأ ) ...
ويبدو أنك لن تتزحزح عن ( الجميلة ومستحيلة ) ...
أوعدنا يا رب .

[النويري]

السلام عليكم....

متعكم الله جميعا.. بالصحة والعافية...

موضوع جميل ومشوق... ومعلوماتي للداير عربية...

بس يا خوانا المغتربين... نسيتو اهم شي...

الجمااااااااااااااااااااارك...

الواحد فيكم ما يركب ليه عربية فارهه...

ويقول ينزل بيها السودان عشان يخليها هناك...

وبعد الاستقرار.. يجي يركبها...

يعني ما تجي نافش ريشك بي كورولا 2010 ولا كامري 2010 ولا برادو 2009...

لانو تأكد تماما نااس الحكومة المتمثلين في (الجمااارك).. بقصو ليك ريشك...

يعني جماارك العربية في السودان اعلي من سعرها مرتين...

فالعربات الفارهه بتاعتك دي حدها معاك السعودية او اي بلد تانية...

بس السودان ما اظن بتقدر عليها... جماارك وبنزين.... ما بتقدر... ما بتقدر...

اذا كان جمارك اكسنت موديل 2005 بي 13000 جنية...

فما بالك بالعربات الفارهه...

كدة عرفتو لشنو لو الواحد راكب كليك ولا فيستو ولا اتوز... سلطان زمانو في السودان...*


يا سلطان العشاق موضوع الجمارك دا للمغترب عرفناهوا أما المواطن المقيم في السودان ليش راكب المسميات القبيحة دي وهو أصلاً موجود في السودان ورينا السر في أنو يركب سيارة لا تتعدى مساحتها وحجمها كرتونة

[ابوالشباب شوشه]

سلام عليكم سمامسره مرطبين
اها طيب سعر البرادوا 2007 فل
اتوماتيك مكيفين لون ابيض ماشه 90 الف
لقيت مافى زول رده لى قلت اكتب ليك تانى امكن القى عندكم اجابه

[عوض الكريم الخواض]

سلام عليكم سمامسره مرطبين
اها طيب سعر البرادوا 2007 فل
اتوماتيك مكيفين لون ابيض ماشه 90 الف
لقيت مافى زول رده لى قلت اكتب ليك تانى امكن القى عندكم اجابه

أبو الشباب شوشة ...

ال ( هديدة ) دى فوق ال100 أرنب لكن بالضبط كم أرجو أن تصبر حتى نتأكد لك من السعر .

[سلطان العشاق]

يا سلطان العشاق موضوع الجمارك دا للمغترب عرفناهوا أما المواطن المقيم في السودان ليش راكب المسميات القبيحة دي وهو أصلاً موجود في السودان ورينا السر في أنو يركب سيارة لا تتعدى مساحتها وحجمها كرتونة


ليس محبة في الضيق او محبة في عدم الرفاهية...

يا سيدي العزيز بأختصار مد كرعينك علي قدر لحافك...

لعدة اسباب.. اولها واهمها غلاء اسعار تلك السيارات زات الجودة والرفاهية العالية...

وثانيا لغلاء المواد البتروليه.. التي تحرك تلك الالة... سعر جالون البنزين = 7 جنيهات..

وسعر جالون الجاز= 5جنيهات... ولك انت تقارن بين السودان واي دولة كانت... بتلقي السبب واضح... الغلاء... الغلاء... الغلاء....

[ود الجعلي]

مدنية والله غايتو جنس غايتو
هسي الشوبير ليك شنو
الجاب الهونداي للسيتي شنو!!! ؟؟
امانه ما وقع......



بالثابتة يا مدنية .......والله جنس شوبير:p:p:p

[ود الجعلي]

ابو كريم صباح الخير

كورلا 2004 بحالة جيدة سعرها للبيع كم وبدون جمارك بس سعر العربية فقط وهل مرغوبة ولا امشي وتعال

شكري ومحبتي

[ابوخالد]

سلام عليكم سمامسره مرطبين
اها طيب سعر البرادوا 2007 فل
اتوماتيك مكيفين لون ابيض ماشه 90 الف
لقيت مافى زول رده لى قلت اكتب ليك تانى امكن القى عندكم اجابه


سلام

يا أبو الشباب ,,,

صاحبنا نزل السودان سنة 2008 ,, ومعاه

برادو فضى 2007 ,, وقال نشوف السعر كم ,,,

طبعآ نازل بيهو الإجازة بس ( إفراج مؤقت )

أها إتلموا السماسرة كل يوم يجى واحد شكل ,,,

المهم آخر كلام ,,, 60,000,000 كاش والجمارك عليهم

والجمارك 47,000,000 (كله بالقديم )

والعربية ماشا 28,000 كم

وفى الخرطوم أدوه 72,000,000

والجمارك عليهم (على قسطين)

صاحبنا قال على شنو أدخل فى صراع الشيكات ورجع بيها

السعودية ,,, البرادو قير عادى و4 سلندر ,,,


وللعلم الأتومتيك مرغوب واللون الأبيض كذلك ,,,

إن شاء الله تكون عرفت حاجة ,,,

مع صادق الود والإمتنان

[النويري]

سلام

يا أبو الشباب ,,,

صاحبنا نزل السودان سنة 2008 ,, ومعاه

برادو فضى 2007 ,, وقال نشوف السعر كم ,,,

طبعآ نازل بيهو الإجازة بس ( إفراج مؤقت )

أها إتلموا السماسرة كل يوم يجى واحد شكل ,,,

المهم آخر كلام ,,, 60,000,000 كاش والجمارك عليهم

والجمارك 47,000,000 (كله بالقديم )

والعربية ماشا 28,000 كم

وفى الخرطوم أدوه 72,000,000

والجمارك عليهم (على قسطين)

صاحبنا قال على شنو أدخل فى صراع الشيكات ورجع بيها

السعودية ,,, البرادو قير عادى و4 سلندر ,,,


وللعلم الأتومتيك مرغوب واللون الأبيض كذلك ,,,

إن شاء الله تكون عرفت حاجة ,,,

مع صادق الود والإمتنان

أبو خالد 72 مليون ما هي سيئة لوحولتها ريالات بتعمل ليه قرابة المائة وثلاثين ألف ريال في الوقت النزل فيه صاحبك السودان يعني ما بطالة بس المشكلة تبقى في الكاش عشان يقلل النقاش

[النويري]

ليس محبة في الضيق او محبة في عدم الرفاهية...

يا سيدي العزيز بأختصار مد كرعينك علي قدر لحافك...

لعدة اسباب.. اولها واهمها غلاء اسعار تلك السيارات زات الجودة والرفاهية العالية...

وثانيا لغلاء المواد البتروليه.. التي تحرك تلك الالة... سعر جالون البنزين = 7 جنيهات..

وسعر جالون الجاز= 5جنيهات... ولك انت تقارن بين السودان واي دولة كانت... بتلقي السبب واضح... الغلاء... الغلاء... الغلاء....


التحية ليك سلطان العشاق وفي دي صدقت بس زمان برضك كان في الليفت باك والسهان والكوريلا وحاجات كدا برضك صغيرة وما بتصرف ولكنها محترمة أحسن من تصنيع الفايبر وين الحاجات دي أختفت زمان لمن يقول ليك دا معاهو سهان بيرت ولا الليفت باك يا علي الكلام انتهى يحليل الأيام ديك هو غير الكوري شيء دمر السودان مافي

شكراً سلطان العشاق وإنشاء الله ما تكون زعلت بس من كلامي تقبل خالص التحيات

[عوض الكريم الخواض]

ابو كريم صباح الخير

كورلا 2004 بحالة جيدة سعرها للبيع كم وبدون جمارك بس سعر العربية فقط وهل مرغوبة ولا امشي وتعال

شكري ومحبتي

ود الجعلى ...
الكوريلات هن ( ملكات السوق ) فى السودان ...
وخصوصاً لو كانت بيضاء اللون ونوافذ كهربائية ...
أسعارها بعد الجمارك فى حدود 30 الى 35 ألف حسب الحالة ...
أما جماركها فلا أعلم عنها شيئاً .

[عوض الكريم الخواض]

أخوانا الكرام ...
معذرة لمن لم أرد عليه مستفسراً كان أو مستشيراً ...
فأنا ( أفتى ) بما أعلم ... وأترك دونه .

[ابوالشباب شوشه]

أبو الشباب شوشة ...

ال ( هديدة ) دى فوق ال100 أرنب لكن بالضبط كم أرجو أن تصبر حتى نتأكد لك من السعر .

عوض اخوى ارجوا الرد يكون سريع لانو الاجازة على الابواب

[عبدالرحمن مدثر]

عوض اخوى ارجوا الرد يكون سريع لانو الاجازة على الابواب


والعيد برضو على الابواااااب .... العمولة وكدا:p

[ابوالشباب شوشه]

والعيد برضو على الابواااااب .... العمولة وكدا:p

من هسى بدينا الامور دى

[صالح شرف]

ارجع بيكم للاتوس

ونحن ناس مدني الاتوس ( ذات اللون الاحمر ) مرغوبة لعملها كتاكسي وحتي اذا كانت بلوحة بيضاء ( فتصلح للايجار ، المشاوير الطويلة وداخل المدينة في كثير من الاحيان) طبعا الكلام ده ما بدوروه ناس المرور قصة اللوحة البيضاء وكدة لكن .. قلنا ندلو بدلونا

[ابوالشباب شوشه]

سلام

يا أبو الشباب ,,,

صاحبنا نزل السودان سنة 2008 ,, ومعاه

برادو فضى 2007 ,, وقال نشوف السعر كم ,,,

طبعآ نازل بيهو الإجازة بس ( إفراج مؤقت )

أها إتلموا السماسرة كل يوم يجى واحد شكل ,,,

المهم آخر كلام ,,, 60,000,000 كاش والجمارك عليهم

والجمارك 47,000,000 (كله بالقديم )

والعربية ماشا 28,000 كم

وفى الخرطوم أدوه 72,000,000

والجمارك عليهم (على قسطين)

صاحبنا قال على شنو أدخل فى صراع الشيكات ورجع بيها

السعودية ,,, البرادو قير عادى و4 سلندر ,,,


وللعلم الأتومتيك مرغوب واللون الأبيض كذلك ,,,

إن شاء الله تكون عرفت حاجة ,,,

مع صادق الود والإمتنان

ماقصرته تب ياابو خالد تسلم ياغالى

[علم الدين]

والله نحن ناس كداري الاسعار دي نعاين ليها من اجل الثقافة

[عبدالرحمن مدثر]

سلام عليكم سمامسره مرطبين
اها طيب سعر البرادوا 2007 فل
اتوماتيك مكيفين لون ابيض ماشه 90 الف
لقيت مافى زول رده لى قلت اكتب ليك تانى امكن القى عندكم اجابه



ياشوشة انا بحاول اقربا ليك شوية

برادو 2009 نضيفة معروضة بمبلغ 115000 جنية بالجديد

معناها بحسابات فارق سنتين .. وكدا .. وكدا

بكون سعرها بين 80 الى 85000 جنية

دى كلام واحد بتاع عربات قلنا نستعين بيهو

[ابوالشباب شوشه]

ياشوشة انا بحاول اقربا ليك شوية

برادو 2009 نضيفة معروضة بمبلغ 115000 جنية بالجديد

معناها بحسابات فارق سنتين .. وكدا .. وكدا

بكون سعرها بين 80 الى 85000 جنية

دى كلام واحد بتاع عربات قلنا نستعين بيهو

شكرا ياغالى بس لكن الاسعار دى قبل الجمارك ولابعد الجمالك

[ابوخالد]

شكرا ياغالى بس لكن الاسعار دى قبل الجمارك ولابعد الجمالك


[center]أبو الشباب ,,,

الأسعار دى قبل ما يجى مالك ,,,

لو جاء مالك بتزيد حبتين ,,,

الأصفار ... بتعمل طشاش ,,,[/center

[النويري]

الأخوة الأعزاء عوض الكريم الخواض / عبد الرحمن مدثر / أبو خالد أشرف صلاح السعيد أبو الشباب شوشة / صالح شرف / abbas/ محمد النور أبو وائل / مدنية تحية عيد خاصة لأهل هذا البوست كل عام وأنتم بألف خير وإنشاء الله في العيد دا بعتوا عربات وربحتوا


انتو عارفين أنا تعبت تعب شديد جداً لحد ما لقيت البوست دا يا سماسرتنا ( البوست دا حقوا يثبتوهوا لأنو ضروري )عندي طلب عاجل جداً عايزيز سعر لسيارة تايوتا هايلوكس 2009 جديدة من غير جمارك

[رضاك ياصفيه]

والله البسمعكم اقوووووووووووووووول عندكم مصانع سيارت جنس كبكبه
معروفين السوادنا في اي مكان ي

[ABUZAID]

يا شباب


طولنا من المواكبة

عساكم بخير ! ! !


تحياااااااتي

[al zeer]

سلااااااااااام يا شباب
عندى ليكم الموقع
http://www.sabilsd.net/
فى اسعار و صور العرابت مستعملة و جديده و ممكن التس تشترى و تعرض فى الموقع فى السوادن
بدى تصور لى وضع السوق فى العربات
انشاء الله تلقوا الفايده منو

[ابو علا]

طولنا ماسمعنا اسعار السيارات
نامل من من لديه معلومات
مايبخل علينا
الكامري من موديل 2000 وانت طالع بي كم ( ) المواصفات ............................

الكورلا من موديل 2000 وانت طالع بي كم ( ) المواصفات ..............................

هونداي اكسنت موديل 2000 وانت طالع كم ( ) المواصفات ............................

هونداي النترا موديل 2000 وانت طالع بي كم ( ) المواصفات ..........................

تويوتا برادو موديل 2000 وانت طالع بي كم ( ) المواصفات ............................

[مدنيّة]

غايتو ياابو علا
سالت عن عظيم

الايام دي الحديد ما بتهبش نهاااااااااااااااائي

-------
امس عندي زميلي بتكلم معاي قالي
اشتروا عربية كلك موديل 2006
مانيوال ، لون ذهبي (يعني ما مرغوب) ، وبمجاملة
دفعوا فيها 75 مليون!!

-------
تسلم ابو علا

[آلاء عبد الرحمن]

http://www.bezaat.com/sudan/khartoum/cars/all/1

موقع للبيع والشراء

[ايمن عبد الله]

آلاء انتي بقيتي سمسارة ولا شنو ..

جايبة خبر محلات البيع كمان .. :confused:

وملاحظة : الموقع ده سياراتو كلها غالية وشكلهم بتمنو منى في الاسعار ..


:confused:

[ابو علا]

غايتو ياابو علا
سالت عن عظيم

الايام دي الحديد ما بتهبش نهاااااااااااااااائي
-------
امس عندي زميلي بتكلم معاي قالي
اشتروا عربية كلك موديل 2006
مانيوال ، لون ذهبي (يعني ما مرغوب) ، وبمجاملة
دفعوا فيها 75 مليون!!

-------
تسلم ابو علا
مدنية
نسوي شنو ؟؟؟ قولو لينا
نسال عن السيارات تقول مابتتهبش
نتجه على الاراضي يمسكنا احباط

[ابو علا]

http://www.bezaat.com/sudan/khartoum/cars/all/1

موقع للبيع والشراء
الاء ماقصرتي بس يمنع دخول الوسطاء

نتمنى نعرف السعر ناشف من البائع للمشتري

عشان السماسرة بقوا طماعين شويتين وبزيدو الصاع صاعيين

[ZANOON]

http://www.bezaat.com/sudan/khartoum/cars/all/1

موقع للبيع والشراء

اوووووووو....وظيفه جديييييده....
خليتي..ال........ولا شنو...؟؟؟

[آلاء عبد الرحمن]

آلاء انتي بقيتي سمسارة ولا شنو ..

جايبة خبر محلات البيع كمان .. :confused:

وملاحظة : الموقع ده سياراتو كلها غالية وشكلهم بتمنو منى في الاسعار ..


:confused:


اوووووووو....وظيفه جديييييده....
خليتي..ال........ولا شنو...؟؟؟

اي ياخ
الزول يتتطور وينبثق وكده
شفتو كيف

[آلاء عبد الرحمن]

الاء ماقصرتي بس يمنع دخول الوسطاء

نتمنى نعرف السعر ناشف من البائع للمشتري

عشان السماسرة بقوا طماعين شويتين وبزيدو الصاع صاعيين

اها انا لغاية هنا ومابعرف
بث
الاسعار طارت

[ايمن عبد الله]

اي ياخ
الزول يتتطور وينبثق وكده
شفتو كيف

هي لكن ما لقيتي الا تنبثقي هسة مع السوق النار الحار ده ..
كان تنبثقي قبل الانفصال ..

[ابن الشمال]

مساء الخير جميعا عساكم بخير

[ابو علا]

مساء الخير جميعا عساكم بخير
صبحك الله بالنور والسرور بن الشمال
هات ماعندك في عالم السيارات

[آلاء عبد الرحمن]

هي لكن ما لقيتي الا تنبثقي هسة مع السوق النار الحار ده ..
كان تنبثقي قبل الانفصال ..

الانبثاق ده ماسببو السوق النار والانفصال

[ابو علا]

الانبثاق ده ماسببو السوق النار والانفصال
بت عبد الرحمن تحياتي
الانبثاق دي مكانها في المنتدى الثقافي
والانفصال مكانها في المنتدى السياسي
عايزين تساعدونا هنا بي لغة السوق
عشان ننبثق معاكم في الخط السريع :cool:

[ابوالنور]

داير لي تايوتا بيبي همر 2014 يا ربي بتكون بكم وتكون صفراء ياخ