عيـــــــــن ... وصــــابتنــــــا ,,, [الأرشيف]

محمد حسين (المميز)

15-11-2009, 11:48 AM

ممكن واحد نضيف ظريف شفيف خفيف

يجي يقنعنـا ويورينـا الحاصــل شنــو؟؟

البلاوي والمشاكل زايده يوم بعد يوم

ياجماعه كنا في يوم من الايام من المنتديات الراقيه

هسه بقينا نتفنن في المشاكل والخلاف

مشاكل سياسيه واجتماعيه ودينيه كمان

ماعاوز اتطرق للمشاكل بالتفصيل لكن السؤال

هل هذه صدفه؟؟

ام هناك من يختلق المشاكل؟؟

وهل هناك ضعف في الاداره ام تعنــّــد من بعض الآعضاء؟؟

ام هنــاك ماهو خفي وغير مرئي؟؟

حسبنــا اللــه ونعم الوكيـل عليك يا منتديات ودمدني:(

تكون امريكا ورا البيحصل ده؟؟!!:p

mutasim

15-11-2009, 11:57 AM

هو شخص واحد عمل كل المشاكل دى ونزل مستوى النقاش للحضيض ذى نقاش هلال مريخ زمان
دا ماشبه مدنى وفكر ناس مدنى

ابراهيم

15-11-2009, 12:46 PM

ياجماعه كنا في يوم من الايام من المنتديات الراقيه

دة لما كان مافي بوستات تلميع، استعراض (حاجات) ، تكتلات، شلليات وحاجات تانية ما حامياني لكن مافي ليها زمن يا المميز ...!!
الواحد كان بيجي المنتدي عشان يرتاح ويحس بالوطن
لكن الآن الواحد بقى يهرب منو عشان يرتاح وما يشوف أطلالو
كان زمان الناس بتكتب بالسجية والله تحسها في حروفهم
والونسة كانت سمحة وبسيطة والإحترام كان قاسم مشترك بين الكل ..!!
كان الإختلاف لا يفسد الود ..!! وكان الود هو الجاذبية التي تاخذنا إلى هنا رغم زحمة الجداول
لكن يبدو أن مقولة "دوام الحال من المحال" قد اصابت المنتدى بصورة سلبية بشعة للأسف
والنتيجة هي فقدان الكثير من الأعضاء الذين جوهروا المنتدي بكل ما هو جميل
وفقدان المنتدى لنكهته الشهية

التيمان

15-11-2009, 12:59 PM

لا تعليق ..

الجديد شديد تعال بهناك بس

Almostshar

15-11-2009, 01:05 PM

منتدى ود مدني من المنتديات التي كانت تزخر بكل جديد وما زالت مع اعترافي بوجود ضعف غير مفهوم ....

نتمنى ان نعود لسابق العهد الأول وسنعود رغم الدخلاء الذين لا يريدون لنا ان نرتاح في واحة منتدانا ...

كم تمنيت أن اعود إليك أيها الثقافي فما كان حالي بدونك سوى شخص تائه يبحث عن فانوس براق يضيئ لي الطريق لأن أبحث وأجد تلك الحروف التي تبعثرت من حولي ولأقطف الجميل المذاب من كلمات الحب العفيف والجمال المنساب في جدائل الأشواق كم احن اليك وإلى واحاتك التي كنت اتدحرج فيها وانتقل من روضة لأخرى اقطف الجميل وارتب الحسن واشدو مع اصحابي وروادك ومحبيك نشدوا بكل فن جميل وخاطرة عذبة وبيت شعر عاشق وله

ود سعدابى

15-11-2009, 01:05 PM

ممكن واحد نضيف ظريف شفيف خفيف

يجي يقنعنـا ويورينـا الحاصــل شنــو؟؟

البلاوي والمشاكل زايده يوم بعد يوم

ياجماعه كنا في يوم من الايام من المنتديات الراقيه

هسه بقينا نتفنن في المشاكل والخلاف

مشاكل سياسيه واجتماعيه ودينيه كمان

ماعاوز اتطرق للمشاكل بالتفصيل لكن السؤال

هل هذه صدفه؟؟

ام هناك من يختلق المشاكل؟؟

وهل هناك ضعف في الاداره ام تعنــّــد من بعض الآعضاء؟؟

ام هنــاك ماهو خفي وغير مرئي؟؟

حسبنــا اللــه ونعم الوكيـل عليك يا منتديات ودمدني:(

تكون امريكا ورا البيحصل ده؟؟!!:p

منتدانا جميل وما محتاج انتقاد محتاج شغل إبدا بنفسك

تقبل مرورى

samia

15-11-2009, 03:12 PM

شنو ياجماعه نحن جدد نتسحب ولا شنو لاننا والله ما بنحب المشاكل

أشرف صلاح السعيد

15-11-2009, 06:43 PM

التحية للجميع..
كان ولازال منتديات ودمدنى أحد أفضل المواقع من حيث المواضيع التى تطرح والكتاب الذين يضعون بصماتهم فيه..
الاختلاف بوجهات النظر وحتى بالمسائل العقائدية لا يحسب على المنتدى ولا على ادارته ..ولكن على الجميع الالتزام بأدبيات الحوار والنقاش حتى نثرى من ذلك وهنا يجب على الاشراف لعب دوره بشفافية ووعى..
دعونا ألا ننزلق إلى فكر "من ليس معنا بنفس التوجه الفكر فهو ضدنا" فالاختلاف فى حد نفسه ليس غاية وإنما الوصول الى نتيجة منه كنا نتفق معها او ضدها..
لازال المنتدى بخير ودعونا الا نتخوف على العلاقات بين الاعضاء بسببه فعلينا جميعا كأعضاء الارتقاء وعدم شخصنة الاختلافات الفكرية..

ahmed algam

15-11-2009, 07:42 PM

telecom

15-11-2009, 10:21 PM

ممكن واحد نضيف ظريف شفيف خفيف

يجي يقنعنـا ويورينـا الحاصــل شنــو؟؟

البلاوي والمشاكل زايده يوم بعد يوم

ياجماعه كنا في يوم من الايام من المنتديات الراقيه

هسه بقينا نتفنن في المشاكل والخلاف

مشاكل سياسيه واجتماعيه ودينيه كمان

ماعاوز اتطرق للمشاكل بالتفصيل لكن السؤال

هل هذه صدفه؟؟

ام هناك من يختلق المشاكل؟؟

وهل هناك ضعف في الاداره ام تعنــّــد من بعض الآعضاء؟؟

ام هنــاك ماهو خفي وغير مرئي؟؟

حسبنــا اللــه ونعم الوكيـل عليك يا منتديات ودمدني:(

تكون امريكا ورا البيحصل ده؟؟!!:p

الحقيقة فى ناس بتدخل وتقصد الفتن والمشاكل ومن هنا بوجه نداء لادارة المنتدى التعامل مع المواضيع التى تدعو للفتن والطائفية بمنتهى الحذر ومراجعة المواضيع قبل عرضها فى المنتدى كما ادعوهم الى توخى الحذر فى تسجيل الاعضاء الجدد هناللك بعض المنتديات تقوم بقفل باب التسجيل ممكن كلامى يكون صعب شوية بس والله ما قصدى زول بعينه لكن حفاظا على المنتدى وعدم السماح للمشاركين بالتعامل بالفاظ غير حميدة والله من وراء القصد

عبدالله محمد العقاد

15-11-2009, 10:53 PM

تكون امريكا ورا البيحصل ده؟؟!!:p

لا يا الحبيب حزب المؤتمر الوطني الحاكم وراء الحاصل

الحبيب المميز اسمح لي احلل شوية

قديما قيل ان الابناء على دين ابائهم او الناس على دين ملوكهم و طبعا نحن في السودان السودانيين على دين رؤسائهم
و من هم رؤسائنا هم القابعون في قصور مشيدة و لا يسمعون الا انفسهم و هم فوق القانون و هم فوق المحاسبة و هم الصاح و الباقي ( هبوب ساي ) و هم الاعلون و العوام هم اللي تحت ( اوي )
و انظر لعجرفة دكتور نافع و تسلطه و تفرده برايه و انه هو الوحيد اللي بيفهم و الباقيين ما بيعرفوا اي شي
دا طبعا الشي السائد في البلد و نجي لتاثيره على سلوك المواطن السوداني العادي و اللي عندنا بيتمثل في اعضاء المنتدى

الانسان بطبعه يملك شخصتين شخصية يمكن ان يتحكم فيها و ان يهذبها برغبته او بالقوانين المنظمة للمجمتع و لكن ما كل السلوكيات الظاهرة من الناس او الصفات هي الصفات الراسخة في عقل الانسان الباطن
فالانسان أذا عايز تعرفه على حقيقته اديه سلطة و مال و هنا تظهر كل اماني النفس و غرورها و توجهاتها
فالشعب السوداني كله اصبح يرى في اشخاص الحزب الحاكم حلم امانيهم و منتهى اشواقهم في السلطة و المال و الامر و النهي
و انتقلت اليهم صفات الحزب الحاكم في نقطة لا وعيهم و اصبحوا يتصرفون بتصرفات هم احيانا يعجزون عن تفسيرها من ضمنها ان يكون الشخص هو الصاح و الاخر غلط في غلط و الا يسمح له بإبداء راي مخالف
و هذا تبرير لتأثرهم برؤسائهم دون ان يشعروا هم بذلك
دا واحدة و الشي الثاني ظروف الاغتراب احيانا تولد فيك احساس بالقهر و تهز اشياء كثيرة في دواخل الانسان فتجد الانسان لكي ينتفس ياتي بهكذا نقاشات و تصرفات ينفس فيها عن نفسه شوية و يرمي الكلمات و الالفاظ الجارجة دون ان يهتم لمشاعر الاخرين ودا لانه مقهور برب عمل و بكفيل
و ايضا الانسان لا يهتم لمشاعر الاخرين دي مردها لحياة الشقق في الاغتراب و التي تولد للواحد شعور بالتوحد و الانغلاق و تولد في الواحد نوع عدم قبول الآخر و اختزال عالمك فقط في شقتك و اسرتك و الباقيين في امان الله
فلو نلاحظ ان المغتربين و بالذات ناس السعودية ظروف العمل عندهم شوية صعبة اي عدم وجود استقرار وظيفي و قلق دائم و مستقبل الواحد واسرته دائما بيكون في يد واحد مزاجي و دا طبعا في مؤسسات الفرد الواحد التي لا تحكمها قوانين او لوائح
و لو تلاحظ دائما ماشالله تبارك الله ما نسحرهم الناس اللي بتلقاهم في الغرب امريكا و بريطاينا دائما دمهم خفيف و روحهم طيبة و دا لانعكاس لواقعهم العايشنو
و تلقاهم هسع بيستغربوا الناس ديل بيتشاكلوا مالهم مجانين و لا شنو
ويبدو لي دي كلها عوامل يمكن ان تفسر صفات و افعال الناس اللي حولك
اما مجتمع منتديات ودمدني اخوي المميز و واضح جدا ان المنتديات بنيت على العلاقات الشخصية يعني الاخ ابوبكر المبارك لما فتح هذه المنتديات ما نزل ليها اعلان في الصحف و المجلات و قال دي منتديات ودمدني
و انما اتصل على اصحابه و معارفه للمشاركة و اصبحت المنتديات قائمة على العلاقات الشخصية و اللي كان محورها الاخ ابوبكر المبارك
و يبدو لي الاخ ابوبكر ما كان عامل حسابه انو الشفوت ديل ح يعرفوا درب منتدياته و يبدعوا الابداع دا كله و يحيروه
و دي تفسير لاندهاشك انت شخصيا اخوي المميز للشي الحاصل في المنتديات لانه يبدو لي ايضا انت من انضم للمنتيديات في تلك الفترة الطيبة
و اخير يبدو لي دي ظاهرة صحية هذه الاختلافات و ارتفاع الاصوات فيبدو اي بناء لابد له احيانا من ترميم و صوت الترميم احيانا مزعج و بيصدع بالواحد لكن ان شالله المحصلة النهائية ان شالله اجمل

و لا رائك المميز

أشرف صلاح السعيد

15-11-2009, 11:30 PM

الحبيب اخى العقاد سلام..

غايتو ياالعقاد عندك بعض تحليلات واحكام بتعرف ليها براااك.. قلت ليى :

"فلو نلاحظ ان المغتربين و بالذات ناس السعودية ظروف العمل عندهم شوية صعبة اي عدم وجود استقرار وظيفي و قلق دائم و مستقبل الواحد واسرته دائما بيكون في يد واحد مزاجي و دا طبعا في مؤسسات الفرد الواحد التي لا تحكمها قوانين او لوائح "
عشان كدا بيبقو شكاااليين ههههههههه..
الله يجازى محنك الطلعتنا شكالين وناس امريكا على لسانم عملتنا مجانين..شنو رايك نعمل رحلات جماعية للناس ديل لمكة والمدينة..بس ما يقعدو مع ناس مكة هم زاتم شكالين رغم الحرم المكى عندهم "دا هسى ما بيهدم نظريتك؟؟"..وسبحان الله ناس المدينة معظمهم زى أبو قرجة وود العمدة عاقلين وهاديين "يا زول خلينا نركز التفويج للمدينة"..
بس تعرف قلبت الهوبة "عشان تعرف الزول جد أديو سلطة ولا مال"..فعلا السلطة والمال كاشفين لمعادن الانسان الحقيقية..
أها اول فوج متين "بس انت اول زول فيو عشان نطاتك بالجوز ديل تخففن وببقى معاك منها أبطل جن وأتأكد إنك فى الفوج"..
قلت ليا الشفاتة جو المنتدى حيرو ود المبارك "إن شاء الله يوقفوك اسبوع ولا يوقفونى عشان ارتاح من جنك واريح بطنى القطعتها ليى من الضحك"..
لك كل الود وشكيت محنك..
والله يسترك ما يجوك كم واحد ويعملو معاك شمطة..

تغريد

16-11-2009, 04:29 AM

ما في عين صابتنا ولا حاجة يا المميز بس دي عيونا نحنا بدل ما تعاين لي برة عشان تشوف بالشكل الطبيعي عاينت لي جوه وبصورة فردية كمان يعني انانية بحتة ففقدنا الرؤية للأسف وبقينا بس ننظر للأشياء بمنظور خالف تذكر وتلاقي الاضداد وأكييد نحنا بقينا ذي الغابة البقاء للأقوي لسانا وأكبر حروفا معنويا ما شكليا طبعا وحكاية الشلليات دي كترت بياخة الموضوع زيادة

عموما الادارة ما عليها لوم لو في لوم حقوا نلوم أنفسنا لأننا ما ممكن نعمل المشاكل وننتظر الادارة تحلها لينا نحنا في فصل ولا شنو ؟؟؟؟؟

نعي أليم

انتقلت الي مقبرة الجمل المفيدة السيدة جملة ( أختلاف الراي لا يفسد لود قضية ) وعسي الله يلهمنا الصبر وحسن العزاء

حاتم مرزوق

16-11-2009, 05:33 AM

هي الديمقراطية تحتاج الي ممارسة وستطور نفسها بنفسها.

المطلوب يا مميز ممارستها حتي تصبح واقعا معاشا في سلوكيات الناس.

قد تعتاد النفس البشرية علي الديكتاتورية وترتاح معها!! فهي حالة من الخنوع لا يألفها اصحاب الآراء الحرة والجريئة.

تعود الناس ان يتكتموا علي أي شئ حتي لو امرا بسيطاً لا يستحق ان يُتكتم عليه.

الكثير من الناس مرضي بداء السكر ويتكتمون علي ذلك، مع العلم ان مصلحتهم في ان يعرف الآخرون.

لا تقلقوا ايها الأحباب، خصوصاً الذين لا يستوعبون الرأي الآخر ولا يألفونه و يُحفون سلوكهم بحذر شديد غير مبرر ، فقط عليهم ان يعلموا ان هناك آخرون يعيشون معهم في مجتمعهم ولديهم آراء و حقوق.

بقليل من التواضع والتفاعل وسعة الصدر تسير الأمور الي ما هو افضل.

حظاً سعيداً.

محمد حسين (المميز)

16-11-2009, 08:15 AM

هو شخص واحد عمل كل المشاكل دى ونزل مستوى النقاش للحضيض ذى نقاش هلال مريخ زمان
دا ماشبه مدنى وفكر ناس مدنى

أشكرك اخي معتصم على المشاركه

ولكن لا اعتقد ان المسؤوليه تنصب على شخص واحد

ولا يمكن ان يكون شخص وااااااحد هو المسؤول عن الدربكه

الحاصله في المنتدى

وربنا يصلح الحـــــــــال

محمد حسين (المميز)

16-11-2009, 08:20 AM

دة لما كان مافي بوستات تلميع، استعراض (حاجات) ، تكتلات، شلليات وحاجات تانية ما حامياني لكن مافي ليها زمن يا المميز ...!!
الواحد كان بيجي المنتدي عشان يرتاح ويحس بالوطن
لكن الآن الواحد بقى يهرب منو عشان يرتاح وما يشوف أطلالو
كان زمان الناس بتكتب بالسجية والله تحسها في حروفهم
والونسة كانت سمحة وبسيطة والإحترام كان قاسم مشترك بين الكل ..!!
كان الإختلاف لا يفسد الود ..!! وكان الود هو الجاذبية التي تاخذنا إلى هنا رغم زحمة الجداول
لكن يبدو أن مقولة "دوام الحال من المحال" قد اصابت المنتدى بصورة سلبية بشعة للأسف
والنتيجة هي فقدان الكثير من الأعضاء الذين جوهروا المنتدي بكل ما هو جميل
وفقدان المنتدى لنكهته الشهية

عجبتك كنـّــا دي يا هيمــه:p

بالله فاكر يا هيمه المنتدى ده كان كيف ايام 2006 :rolleyes:

افكار اخبار تعليقات جميله مداعبات لطيفه

مغارز رائعه مواضيع ساخنه بوستات مفيده

وهسه مازالت هناك مواضيع رائعه ومفيده

لكن في بوستات سغيله وناس بتخترع حاجات غريبه

لكن لابد ان تنتهي وستنتهي وستنتهي

كلامي حيجيب لي الكلام:D

محمد حسين (المميز)

16-11-2009, 08:24 AM

لا تعليق ..

الجديد شديد تعال بهناك بس

ياتومكــــس;)

جيب بس العنوان وتلقوني هناك

محمد حسين (المميز)

16-11-2009, 08:26 AM

منتدى ود مدني من المنتديات التي كانت تزخر بكل جديد وما زالت مع اعترافي بوجود ضعف غير مفهوم ....

نتمنى ان نعود لسابق العهد الأول وسنعود رغم الدخلاء الذين لا يريدون لنا ان نرتاح في واحة منتدانا ...

كم تمنيت أن اعود إليك أيها الثقافي فما كان حالي بدونك سوى شخص تائه يبحث عن فانوس براق يضيئ لي الطريق لأن أبحث وأجد تلك الحروف التي تبعثرت من حولي ولأقطف الجميل المذاب من كلمات الحب العفيف والجمال المنساب في جدائل الأشواق كم احن اليك وإلى واحاتك التي كنت اتدحرج فيها وانتقل من روضة لأخرى اقطف الجميل وارتب الحسن واشدو مع اصحابي وروادك ومحبيك نشدوا بكل فن جميل وخاطرة عذبة وبيت شعر عاشق وله

سعــــــــــادة المستشــــار

كم نتمنى ونتمنى عودة الهدوء وعودة الأعضـاء المنقطعين والممتنعين

الى منتداهم

وعودة المواضيع المفيده والحوار المقبول والاحترام المتبادل

محمد حسين (المميز)

16-11-2009, 08:32 AM

منتدانا جميل وما محتاج انتقاد محتاج شغل إبدا بنفسك

تقبل مرورى

منتدانا جميــــــل ... مافيهو كلام

ما محتـاج انتقـاد ... لا يا سيدي محتاج ومحتاج حتى ينصلح الحال

محتاج شغـــــل ... بالتأكيــد محتاج شغل واصلاح وترميم فكري

إبدأ بنفســــــك ... الحمدلله ما غلطت في زول ولا طرحت مواضيع تجلب البلبله

بين الأعضاء وتزرع الفتنه في قلب المنتدى

فابدأ بنفسك ان اردت يا اخي

محمد حسين (المميز)

16-11-2009, 08:36 AM

شنو ياجماعه نحن جدد نتسحب ولا شنو لاننا والله ما بنحب المشاكل

اهلا بيـك اختنــا ساميه

بالعكس بدل ما تفكري تنسحبي حاولي تضعي بصمتك معانا

واتحفينا بما يزين منتدانا ويزده بريقا

معليش جيتي في ايام مصيفه:p

محمد حسين (المميز)

16-11-2009, 08:39 AM

التحية للجميع..
كان ولازال منتديات ودمدنى أحد أفضل المواقع من حيث المواضيع التى تطرح والكتاب الذين يضعون بصماتهم فيه..
الاختلاف بوجهات النظر وحتى بالمسائل العقائدية لا يحسب على المنتدى ولا على ادارته ..ولكن على الجميع الالتزام بأدبيات الحوار والنقاش حتى نثرى من ذلك وهنا يجب على الاشراف لعب دوره بشفافية ووعى..
دعونا ألا ننزلق إلى فكر "من ليس معنا بنفس التوجه الفكر فهو ضدنا" فالاختلاف فى حد نفسه ليس غاية وإنما الوصول الى نتيجة منه كنا نتفق معها او ضدها..
لازال المنتدى بخير ودعونا الا نتخوف على العلاقات بين الاعضاء بسببه فعلينا جميعا كأعضاء الارتقاء وعدم شخصنة الاختلافات الفكرية..

تسلم يارائع

نتمنى ان نتحاور ونتفاكر بكل احترام

وان نبتعد عن المهاترات والتكتلات

محمد حسين (المميز)

16-11-2009, 08:41 AM

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/00020344.gif" border="0" title="Click to get more." ></a>

وانا كمـــــان:o

محمد حسين (المميز)

16-11-2009, 08:43 AM

الحقيقة فى ناس بتدخل وتقصد الفتن والمشاكل ومن هنا بوجه نداء لادارة المنتدى التعامل مع المواضيع التى تدعو للفتن والطائفية بمنتهى الحذر ومراجعة المواضيع قبل عرضها فى المنتدى كما ادعوهم الى توخى الحذر فى تسجيل الاعضاء الجدد هناللك بعض المنتديات تقوم بقفل باب التسجيل ممكن كلامى يكون صعب شوية بس والله ما قصدى زول بعينه لكن حفاظا على المنتدى وعدم السماح للمشاركين بالتعامل بالفاظ غير حميدة والله من وراء القصد

كلام سليم

وفي انتظار التطبيق والتعامل بشده مع كل من يحاول زرع الفتنه

محمد حسين (المميز)

16-11-2009, 09:01 AM

لا يا الحبيب حزب المؤتمر الوطني الحاكم وراء الحاصل

الحبيب المميز اسمح لي احلل شوية

قديما قيل ان الابناء على دين ابائهم او الناس على دين ملوكهم و طبعا نحن في السودان السودانيين على دين رؤسائهم
و من هم رؤسائنا هم القابعون في قصور مشيدة و لا يسمعون الا انفسهم و هم فوق القانون و هم فوق المحاسبة و هم الصاح و الباقي ( هبوب ساي ) و هم الاعلون و العوام هم اللي تحت ( اوي )
و انظر لعجرفة دكتور نافع و تسلطه و تفرده برايه و انه هو الوحيد اللي بيفهم و الباقيين ما بيعرفوا اي شي
دا طبعا الشي السائد في البلد و نجي لتاثيره على سلوك المواطن السوداني العادي و اللي عندنا بيتمثل في اعضاء المنتدى

الانسان بطبعه يملك شخصتين شخصية يمكن ان يتحكم فيها و ان يهذبها برغبته او بالقوانين المنظمة للمجمتع و لكن ما كل السلوكيات الظاهرة من الناس او الصفات هي الصفات الراسخة في عقل الانسان الباطن
فالانسان أذا عايز تعرفه على حقيقته اديه سلطة و مال و هنا تظهر كل اماني النفس و غرورها و توجهاتها
فالشعب السوداني كله اصبح يرى في اشخاص الحزب الحاكم حلم امانيهم و منتهى اشواقهم في السلطة و المال و الامر و النهي
و انتقلت اليهم صفات الحزب الحاكم في نقطة لا وعيهم و اصبحوا يتصرفون بتصرفات هم احيانا يعجزون عن تفسيرها من ضمنها ان يكون الشخص هو الصاح و الاخر غلط في غلط و الا يسمح له بإبداء راي مخالف
و هذا تبرير لتأثرهم برؤسائهم دون ان يشعروا هم بذلك
دا واحدة و الشي الثاني ظروف الاغتراب احيانا تولد فيك احساس بالقهر و تهز اشياء كثيرة في دواخل الانسان فتجد الانسان لكي ينتفس ياتي بهكذا نقاشات و تصرفات ينفس فيها عن نفسه شوية و يرمي الكلمات و الالفاظ الجارجة دون ان يهتم لمشاعر الاخرين ودا لانه مقهور برب عمل و بكفيل
و ايضا الانسان لا يهتم لمشاعر الاخرين دي مردها لحياة الشقق في الاغتراب و التي تولد للواحد شعور بالتوحد و الانغلاق و تولد في الواحد نوع عدم قبول الآخر و اختزال عالمك فقط في شقتك و اسرتك و الباقيين في امان الله
فلو نلاحظ ان المغتربين و بالذات ناس السعودية ظروف العمل عندهم شوية صعبة اي عدم وجود استقرار وظيفي و قلق دائم و مستقبل الواحد واسرته دائما بيكون في يد واحد مزاجي و دا طبعا في مؤسسات الفرد الواحد التي لا تحكمها قوانين او لوائح
و لو تلاحظ دائما ماشالله تبارك الله ما نسحرهم الناس اللي بتلقاهم في الغرب امريكا و بريطاينا دائما دمهم خفيف و روحهم طيبة و دا لانعكاس لواقعهم العايشنو
و تلقاهم هسع بيستغربوا الناس ديل بيتشاكلوا مالهم مجانين و لا شنو
ويبدو لي دي كلها عوامل يمكن ان تفسر صفات و افعال الناس اللي حولك
اما مجتمع منتديات ودمدني اخوي المميز و واضح جدا ان المنتديات بنيت على العلاقات الشخصية يعني الاخ ابوبكر المبارك لما فتح هذه المنتديات ما نزل ليها اعلان في الصحف و المجلات و قال دي منتديات ودمدني
و انما اتصل على اصحابه و معارفه للمشاركة و اصبحت المنتديات قائمة على العلاقات الشخصية و اللي كان محورها الاخ ابوبكر المبارك
و يبدو لي الاخ ابوبكر ما كان عامل حسابه انو الشفوت ديل ح يعرفوا درب منتدياته و يبدعوا الابداع دا كله و يحيروه
و دي تفسير لاندهاشك انت شخصيا اخوي المميز للشي الحاصل في المنتديات لانه يبدو لي ايضا انت من انضم للمنتيديات في تلك الفترة الطيبة
و اخير يبدو لي دي ظاهرة صحية هذه الاختلافات و ارتفاع الاصوات فيبدو اي بناء لابد له احيانا من ترميم و صوت الترميم احيانا مزعج و بيصدع بالواحد لكن ان شالله المحصلة النهائية ان شالله اجمل

و لا رائك المميز

كم جميــل هو تحليلك اخي ودالعقــاد

بصراحه نظريتك جميله ورائعه

لكن شكلك زعلاااااااان من الحكومه:D :d

معليش لابد ان ينصلح الحال سواء معهم او مع غيرهم

نجي لموضوع المغتربين في امريكا واوروبا

فعلا هم افضل حالا منا من الناحيه النفسيه

لانهم عايشين مع الناس الحقيقيين

اما نحن هنا في الخليج فنعيش مع من هم في شكل آدمييـن

وهم كائنات مسخوطه:D:p:D :d:d

اخشى على نفسي من جهلهم لذلك لا احاول الاختلاط بهم;)

احييـــك اخي عبدالله العقــاد على تحليلك

واحيي اخونا ابوبكر المبارك الذي جمع الالاف حول هذا المنتدى

محمد حسين (المميز)

16-11-2009, 09:05 AM

والله يسترك ما يجوك كم واحد ويعملو معاك شمطة..

هههه:Dهههه:Dهههه

والله يا اشرف يجوهو جيه

مجانين وشكالين

ناس كايسه سبب:p

محمد حسين (المميز)

16-11-2009, 09:07 AM

نعي أليم

انتقلت الي مقبرة الجمل المفيدة السيدة جملة ( أختلاف الراي لا يفسد لود قضية ) وعسي الله يلهمنا الصبر وحسن العزاء

:confused::(:confused:

الفـــــــــاتحه

محمد حسين (المميز)

16-11-2009, 09:15 AM

بقليل من التواضع والتفاعل وسعة الصدر تسير الأمور الي ما هو افضل.

.

كل منا له طريقته في التعامل والمشاركه

لا اعتقد انه ما زال هناك من يقبل الدكتاتوريه على نفسه

ولا اعتقد ان هناك من يقبل ان يقاد دون رأي

ولكن الراي والراي الآخر له صفاته وله طريقته

وما يحدث في المنتدى في الفتره الاخيره

لايندرج تحت مسمى الراي والراي الاخر

ولا يشبه مايسمى بالديموقراطيه

شكرا اخي حاتم على المرور وتقبل رأيي

moh_alnour

16-11-2009, 04:14 PM

غايتو يا العقاد عندك بعض تحليلات واحكام بتعرف ليها براااك.. قلت لي :
" فلو نلاحظ ان المغتربين و بالذات ناس السعودية ظروف العمل عندهم شوية صعبة اي عدم وجود استقرار وظيفي و قلق دائم
و مستقبل الواحد واسرته دائما بيكون في يد واحد مزاجي و دا طبعا في مؤسسات الفرد الواحد التي لا تحكمها قوانين او لوائح "
عشان كدا بيبقو شكاااليين ههههههههه .. الله يجازى محنك الطلعتنا شكالين وناس امريكا على لسانم عملتنا مجانين

تعرف يا أشرف ود العقاد دا مرات كلامو ما بيقع واطة ;) شوف كلام أختنا العزيزة سامية دي كانت في ( بلجيكا ) و حسي في ( أمريكا ) :eek:

شنو يا جماعه نحن جُداد ننسحب ولا شنو لأننا و الله ما بنحب المشاكل

و كمان شوف ناس المدينة المنورة ( خالد أبقرجة ، ود العمدة ، المستشار ، فدوى الحسن ، باراديس ) ما شاء الله عليهم

أبو جودي

16-11-2009, 09:40 PM

تعرف يا أشرف ود العقاد دا مرات كلامو ما بيقع واطة ;) شوف كلام أختنا العزيزة سامية دي كانت في ( بلجيكا ) و حسي في ( أمريكا ) :eek:

و كمان شوف ناس المدينة المنورة ( خالد أبقرجة ، ود العمدة ، المستشار ، فدوى الحسن ، باراديس ) ما شاء الله عليهم

والله يا أخوي ود النور جبت الرايحة ،،، وبعد كلامك ده ما في كلام بتقال ،،، واتفق معك ومع الأخ العقاد فيما ذهبتم له .
ولك تحياتي