جامعة الخرطوم واتحاد طلابها الى اين ؟؟؟

[okasha]

تتوجه الانظار هذه الايام نحو بؤرة اشعاع العلم والمعرفة

الجميلة ومستحيله
الصرح الشامخ
ذات النخيل


جامعة الخرطوم وهى تسستعد هذه الايام لخوض انتخابات اتحاد طلاب جامعة الخرطوم ومن منّا لايعرف اتحاد طلاب جامعة الخرطوم ذلك الاتحاد مفجر الثورات والذى ظل دوما وابدا يعكس وعى طالب الجامعة نحو مجتمعه وظل دوما يقف مع ارادة الشعب السودانى وما ثورة اكتوبر وانتفاضة ابريل ببعيدة عن الاذاهان .


ساكون معكم فى هذا البوست انقل لكم بمشيئة الله كل ما قدر ان انقله لكم لاسيما واننا مقبلين على انتخابات عامة

[okasha]

تغيب المنبر النقابى لاتحاد طلاب جامعة الخرطوم لسدورتين اثنتين , الاولى لم تكون هناك عملية انتخابية والثانية لم يكتمل النصاب وكان ذلك فى السنة الماضية حيث قاطع كل التنظيمات الانتخابات عدا المؤتمر الوطنى .

وفى هذه السنة قد اكتست الجامعة باللون الدعائى واكسبتها حمى التنافس طعم ومذاق خاص لايتذوقه الا من كان داخل اسوارها وعاش فى حقب الديمقراطية

[okasha]

بدأت العملية النتخابية بالفعل بنشر كشوفات الناخبين ثم الطعون وتقديم القوائم والطعون فيها

وسيكون يوم الاربعاء الثامن عشر من شهر نوفمبر الجارى هو يوم الاقتراع (التصويت) وسوف تكون النتيجة فى صبيحة اليوم التالى له بمشيئة الله

[okasha]

يا جميله..
ومستحيله
انتِ دايماً زى سحابه
الريح تعجّل بى رحيلها
وعيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عَلَىْ..
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعَلَىْ رحالى..
لمداين في عيونك يا محالى
ريّحينى..
أسُتْرى حالى
وعيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتّو فى صمّ الحجارة
وبحت للشمس البتقدل..
فى مدارها
وعيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرّة أسرح..
ومرّة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلّى من حضنك ضرايا
وع! يونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ..
ولا عندى حيلة

[ودأبوالعول]

الغالى / عكاشه

بعد التحية والتقدير .. عذار .. هل لديك أنت متواجد بجامعة الخرطوم فى لافترة الحالية .. عاوز أوصيك على شخص عزيز بالجامعة ..

مع خالص الشكر

[رزة مدني]

شكرا عكاشة على الموضوع الجيد وانت تثير قضية انتخابات جامعة الخرطوم
اتمنى ان تكون قريبا لتوافينا بالجديد
يااااااه .. ايام لها ايقاع
زكرتني الجامعة وايام الجامعة
انشاللة الكيزان ما يقدرو عليها كلو كلو
ياريت يا okasha لو تدعم اخبارك بالصور
عشان نكون متابعين عن قرب
لك التحية ..

[عثمان جلالة]

بدأت العملية النتخابية بالفعل بنشر كشوفات الناخبين ثم الطعون وتقديم القوائم والطعون فيها

وسيكون يوم الاربعاء الثامن عشر من شهر نوفمبر الجارى هو يوم الاقتراع (التصويت) وسوف تكون النتيجة فى صبيحة اليوم التالى له بمشيئة الله

نحن في إنتظار يوم الخميس .. بوست موفق يا أوكاشا ... فـ في هذا اليوم سيتحدد الصاعد أو الممثل العربي الوحيد لـ كأس العالم وسيخرج من جديد إتحاد جامعة الخرطوم .. إنه يوم تاريخي :)

لك الود،،،،

[okasha]

الغالى / عكاشه

بعد التحية والتقدير .. عذار .. هل لديك أنت متواجد بجامعة الخرطوم فى لافترة الحالية .. عاوز أوصيك على شخص عزيز بالجامعة ..

مع خالص الشكر

لك اندى واعذب التحايا

انا حاليا داخل اسوار قلعة العلم والمعرفة

وطالب بالمستوى الخامس كلية العلوم الرياضية

ورئيس رابطة مدنى بجامعة الخرطوم

ودا تلفوني 0924399309

يعني موضوعك مقضي انشاء الله

[okasha]

تشهد جامعة الخرطوم عذه الايام مفأجات عدة لا تدع الفرصة تفوتك



ندوات -احتفالات -استقبالات- مخاطبات والمفأجاة الكبرى اعتقالات



ونمش نختف لينا حاجة ونجيكم

[okasha]

تتسابق اربع قوائم لنيل ثقة الطلاب وهى :



1 - تحالف القوى الوطنية الديمقراطية (احزاب المعارضة)
2 - التيار الاسلامى (المؤتمر الوطنى)
3 - الاصلاح (انصار السنة)

4- الحركة الاسلامية الطالبية (المؤتمر الشعبى)

[okasha]

شكرا عكاشة على الموضوع الجيد وانت تثير قضية انتخابات جامعة الخرطوم
اتمنى ان تكون قريبا لتوافينا بالجديد
يااااااه .. ايام لها ايقاع
زكرتني الجامعة وايام الجامعة
انشاللة الكيزان ما يقدرو عليها كلو كلو
ياريت يا okasha لو تدعم اخبارك بالصور
عشان نكون متابعين عن قرب
لك التحية ..


الغالية رزة مدنى كل الدلائل والقراءت تشير الى اكتساح التحالف والفوز بالانتخابات


وانتظرى منى الكثير

[امال مالك]

هاكذا ابناء ودمدنى قائلين للحق متابعين للاحداث منتظرين البقيه والنتائج col
وامشى اختطف لينا حاجه بى سرعه

[رزة مدني]

ااااااااااه يا وجعي
ماذا حدث يا kasha حتى تصيرجامعة الخرطوم ملك للكيزان
ماذا حدث يا جماعة
نريد اجابات شافية وكافية
حتى وان كانت تخمينية
انة حقا" يوم الحزن الاعظم

[telecom]

عكاشة نحنا فى انتظار الجديد المثير من قلعة العلم والمعرفة ونتمنى فوز التحالف لانو نحنا خلاص بلغ السيل الذبى واعملوا حسابكم من الناس ديل بكونوا مسلحين وبتطلعوا مطاوى وحاجات عجيبة باقى كان عندنا معاهم صولات وجولات اتمنى ليكم التوفيق وابقوا عشرة ونحنا متابعين معاك

[telecom]

عكاشة الحق قالوا الجماعة فازوا ومحتفلين من الصباح متى تشرق شمس الحرية فى بلادىمتى؟؟؟؟؟؟؟؟

[رزة مدني]

لاتحلموا بعالم سعيد

[ودأبوالعول]

الفاضل / عكاشه

طبعا نتيجة الإنتخابات عرفناها .. ومشكور ومنحت تلفونك وسوف يتصل بك ويتعرف عليك العزيز الذى وصيتك عليه من داخل أسوار الجامعة ..

مع خالص الشكر والتقدير

وكل عام وأنت بخير

[رزة مدني]

اين انت يارفيقي في الحزن والوجع الانيق
اين انت يا okasha اين؟؟؟؟؟
اسميك شهقة النضار
واناجيك ..
الحلم اكمل زفرتين ثم عاد
وانثنى قبيل الفجر واستدار
انة الفشل ..
بكامل تفاصيلة
لتزكيرنا بفقراء قومنا
ونحن ..
اصحاب الجرح
اصحاب الحلم
اصحاب الالم
من يزكرنا
او يزكر الاخرين بنا
......
ماذا فعلنا حتى نستحق كل هذا الالم؟؟؟
الاننا حلمنا بذلك الغد المشرق؟؟؟
الا نستحقة؟؟
الا تستحق جامعة الخرطوم ان تبفى طاهرة من دنسهم؟؟
الا تستحق جامعة الخرطوم ان تظل قلعة الصمود والثورة؟؟
الا تستحق ان تبقى منارة للوعي ومنبرا" للحقيقة ؟؟
الا نستحق شرف الانتماء الا تلك الجميلة المستحيلة؟؟
الا يستحق شهداء الحركة الطلابية بان يظلوا شهداء؟؟
ام انهم ماتوا فطيسا"؟؟
الا تستحق خالتي حلاوة وخالتي خديجة ست الشاي ان تحلم
بغد لا يحمل كل ذلك العدر من التضحيات؟؟
الا يستحق اهلنا الطيبون ان ينعموا ببعض رخاء؟؟
اما آن لهم ان يستريحوا من ضنك العيش؟؟
ماذا فعلوا حتى تكون الاجابة بلا؟؟
الا يستحق ان يكون سوداننا افضل بقاع الارض؟؟
الا نستحق ان يكون وطننا اجمل واحلى الاوطان
باللة عليكم
قولوا لي
فكل اجوبتي عمياء
وحدها الاسئلة ترى
...........
رفيقي عكاشة
ان القلب ليحزن
وان العين لتدمع
وانا لفراق اتحادنا لمحزونون

[okasha]

اندى واعذب التحايا لكل المتداخلين فى هذا البوست


رزة مدنى

ودابوالعول

telecom

امال مالك

عثمان جلالة

واعتذر واتاسف عن غيابى فى الفترة الماضية فلكلم يا من منحتونا معنى الصمود ومعنى البطولة لكم خالص الود والتقدير


غيابى فى الفترة الماضية لم يكن بيدى واسبابى مقنعة تعلمها الاخت رزة مدنى جيدا

نعم عاد الاتحاد للحركة الاسلامية بعد اكثر من عقد وما تعيشه الجامعة هذة الايام من شعور ما بين الفرح الطاغى والحزن المرير والدهشة البلاهية لايمكن نقله عبر السطور ولكن سنحاول ان ننقل لكم ولو جذء يسير

تقبلو احترامى وتقديرى



ومرة ثانية اكرر اسفى

[okasha]

فازت قائمة التيار الاسلامى بمقاعد اتحاد طلاب جامعة الخرطوم ونالت ثقة الطلاب بعد غيب عن سدة حكم الاتحاد لفترة بلغت ال 14 عاما

واليكم الاحصائيات باختصار

عد كافة الطلاب 23380

النصاب القانونى 11916

الذين صوتوا 12228

نسبة الاقتراع بلغت 15.3

ونصيب القوائم كان على النحو التالى :


التيار الاسلامى 5194

التحالف 4522

الاصلاح 1151

التجاه الاسلامى 82

ولى عودة انشاء الله للوقوف على موقف بعض الكليات

[okasha]

خبر عاجل .....



بعد فاز التيار الاسلامى بمقاعد الاتحاد وفى اول برامجة بعد تكوين لجنته التنفيذية شرع فى الاعلان عن برنامج السفر الجماعى لولايات السودان المختلفة لطلاب الجامعة مجانا من امام مجمع الوسط يوم الاربعاء القادم الساعة العاشرة صباحا والتسجيل بمناديب الكليات والروابط الاقليمية .

[okasha]

زمنا تجي وبتمر

عبر النشــيد المر

وســط الغنا المحظور

تنده تنادي الشـعب

الصـامد المقهور

هب من ظلامك هب

الشمس جوه الجب

والحكمة خلف السور

ضمد جراح الحب

والخاطر المكسور

[تغريد]

خبر عاجل .....



بعد فاز التيار الاسلامى بمقاعد الاتحاد وفى اول برامجة بعد تكوين لجنته التنفيذية شرع فى الاعلان عن برنامج السفر الجماعى لولايات السودان المختلفة لطلاب الجامعة مجانا من امام مجمع الوسط يوم الاربعاء القادم الساعة العاشرة صباحا والتسجيل بمناديب الكليات والروابط الاقليمية .

طبعا لاااااااازم يبدوها كدا دا تكتيك الكيزان الوحيد يبدوا بحركة حلوة عشان يقولوا للناس انو نحنا الاصلح والوحيدين اللي حنخدم مصالحكم وبعدكدا عينكم ما تشوف الا النور

بارعين اولئك الكيزان في استعمال الحيل الذكية احيانا والحيل البارعة الغباء احيانا اخري

سيعود الاتحاد يوما ما الي من يهمه التعليم ومستقبل البلاد ويا خوفي من ان يكون السودان اتحادا اخر ترمح فيه قوات المؤتمر الوطني

في ايامنا بجامعة الخرطوم قبل سنوات قليلة لم تقم للمؤتمر الوطني او الشعبي اي قائمة وكان الكل تحالف اتحاد ديمقارطي وكنا نحتفل بطعم الفوز بعد كل دروة انتخابات ولكن دارت الدائرة و اسيقظ النائم في التابوت سنينا

اسفي علي اتحاد جامعة الخرطوم وعلي السودان فيا تري ما القادم الاسوأ

[okasha]

طبعا لاااااااازم يبدوها كدا دا تكتيك الكيزان الوحيد يبدوا بحركة حلوة عشان يقولوا للناس انو نحنا الاصلح والوحيدين اللي حنخدم مصالحكم وبعدكدا عينكم ما تشوف الا النور

بارعين اولئك الكيزان في استعمال الحيل الذكية احيانا والحيل البارعة الغباء احيانا اخري

سيعود الاتحاد يوما ما الي من يهمه التعليم ومستقبل البلاد ويا خوفي من ان يكون السودان اتحادا اخر ترمح فيه قوات المؤتمر الوطني

في ايامنا بجامعة الخرطوم قبل سنوات قليلة لم تقم للمؤتمر الوطني او الشعبي اي قائمة وكان الكل تحالف اتحاد ديمقارطي وكنا نحتفل بطعم الفوز بعد كل دروة انتخابات ولكن دارت الدائرة و اسيقظ النائم في التابوت سنينا

اسفي علي اتحاد جامعة الخرطوم وعلي السودان فيا تري ما القادم الاسوأ

تخيلى يا تغريد بكرة الاربعاء السفر الجماعى من قدام الجامعة

ومن مصادرى عرفت انو الجماعة بكرة جايبين مية بص يعنى 100 بص عديييييل


بكرة طبعا الميناء البرى نقلو عندنا فى الجامعة

يعنى الناس التانين تعبو عديييييييييييييل والسوق السوداء فى الميناء تلعب دورا