المساعد الشخصي الرقمي

مشاهدة النسخة كاملة : جدى وود حبوبه



mutasim
17-11-2009, 09:06 PM
السلام
اظن اغلبنا تابع المقابلة التى اجرتها قناة النيل الازرق مع الاخ عثمان عبالقادر العريف الذى هرب عبدالخالق محجوب وهو من اولاد ام سنط .
عجبنى فى المقابله التوثيق لشخصيات عاديه غيرت مجرى التاريخ فى السودان وهم كثر ولكن لااهتمام بهم اطلاقا وحركة المؤرخين عندنا ضعيفه او تكاد تكون لاتذكر ابدا , اما برنامج عمر الجزلى فهو مهتم بالمشهورين وناس مايو وبيض البشره ,

اذكر مرة كنت جالس مع جدى خال الوالد ويسكن الخرطوم بعد رحيلهم من مدنى فى وقت مبكر جدا وكان رجل معمر فى السن توفى اواخر الثمانينات
وفجاءه قال لى بتعرف ود حبوبه فقلت نعم فرد هذا عربى مفترى خلاص انا ماشفته مثله فسالته ليه فرد قتل المفتش بدون اى سبب فلما حاولت اناقشه قال لى اسمع انا الشخص الوحيد اللى كنت حاضر كنا ماشين انا والمفتش انا ولد صغير كنت اعمل صبى خيل وطلعنا ندرب حصان المفتش راكب وانا جارى وقام لاقانا العربى المفترى ده وطوالى شال البندقيه وقتل المفتش والمفتش ده كان زول طيب خلاص وبعدها جريت انا لمركز الكاملين وقلت ليهم الحقوا العربى قتل المفتش.
المهم فهمت انه الشاهد الوحيد لحادثةمقتل البريطانى وهو من بلغ فسالته هل فى ناس سالوك عن الموضوع ده بعد الاستقلال فقال لا
اين مؤرخينا؟؟؟؟؟؟؟؟

عثمان جلالة
17-11-2009, 09:55 PM
اين مؤرخينا؟؟؟؟؟؟؟؟

الحبيب معتصم .. التحية للمناضل السوداني الجسور ود حبوبة .. والتحية لكل من قاوم المستعمر في بلادي،،، فالتاريخ جهل الكثيرين ممن قالوا لا في وجه المستعمر .. في كل بقاع السودان ... رغم أن التاريخ يحفظ جيدا من وقف مع او ضد المستعمر .. فـــ هذا الانجليزي "المفتش" رغم طيبته التي تحدث عنها جدك بذاكرة "طفل" ... يظل مستعمرا يأخذ خيرات البلد وينهب ثرواته،،، ربما يكون البطل ود حبوبه قد قتل الإنجليزي فقط .. لأنه كان يركب حصانه بينما جدك "الطفل" يجري ويلهث وراءه بمعنى "كيف الغريب يركب حصان وأهل البلد يجروا وراهو حفايا" :).. التحية لكل المناضلين في بلادي ... والتحية للشهيد البطل ود حبوبة.

لك الود،،،

عبدالله محمد العقاد
17-11-2009, 11:11 PM
السلام
اظن اغلبنا تابع المقابلة التى اجرتها فناة النيل الازرق مع الاخ عثمان ميرغنى العريف الذى هرب عبدالخالق محجوب وهو من اولاد ام سنط .
عجبنى فى المقابله التوثيق لشخصيات عاديه غيرت مجرى التاريخ فى السودان وهم كثر ولاكن لااهتمام بهم اطلاقا وحركة المؤرخين عندنا ضعيفه او تكاد تكون لاتزكر ابدا , اما برنامج عمر الجزلى فهو مهتم بالمشهورين وناس مايو وبيض البشره ,

اذكر مرة كنت جالس مع جدى خال الوالد ويسكن الخرطوم بعد رحيلهم من مدنى فى وقت مبكر جدا وكان رجل معمر فى السن توفى اواخر الثمانينات
وفجاءه ذكر قال لى بتعرف ود حبوبه فقلت نعم فرد هذا عربى مفترى خلاص انا ماشفته مثله فسالته ليه فرد قتل المفتش بدون اى سبب فلما حاولت اناقشه قال لى اسمع انا الشخص الوحيد اللى كنت حاضر كنا ماشين انا والمفتش انا ولد صغير كنت اعمل صبى خيل وطلعنا ندرب حصان المفتش راكب وانا جارى وقام لاقانا العربى المفترى ده وطوالى شال البندقيه وقتل المفتش والمفتش ده كان زول طيب خلاص وبعدها جريت انا لمركز الكاملين وقلت ليهم الحقوا العربى قتل المفتش.
المهم فهمت انه الشاهد الوحيد لحادثةمقتل البريطانى وهو من بلغ فسالته هل فى ناس سالوك عن الموضوع ده بعد الاستقلال فقال لا
اين مؤرخينا؟؟؟؟؟؟؟؟



الحبيب معتصم

مؤرخينا مشغولين بتعظيم ناس ثورة الانقاذ الوطني ناس بدرية الانقلابية واخوتها
و الله انا استغرب تلفزيون السودان او الشروق يجيب لقاء مع عبدالباسط سبدرات او مع امين حسن عمر او الطيب مصطفى
ديل منو و يمثلوا شنو في تاريخ السودانيين و عظمة السودانيين
لكن نقول شنو كل الاجهزة الاعلامية والثقافية في ايد هذه الفئة المبدعة

mutasim
18-11-2009, 12:30 AM
تحياتى لك الاخ عثمان

طبعا ود حبوبه بطل وثورته كبيرة اما رواية جدى هى حسب مايعتقد وحسب علاقته مع المفتش بحكيها ومافى طريقه تناقشه
الهدف من البوست الاهتمام بمثل هذه الشخصيات البسيطه التى لها دور او ذكرى مهمه فى التاريخ ووالله البرنامج عجبنى رغم انى لابعجبنى العجب ولا الصيام فى رجب ...

mutasim
18-11-2009, 12:37 AM
الاخ العقاد ليك وحشه
اجهزتنا الاعلاميه تحت يد ناس الوطنى وعندهم استراتيجيه لتلميع ناسهم لمعوهم لما ظلطوهم لكن مافى فايده
مثل الاخ عثمان اللى هرب عبدالخالق لم نسمع عنه ابدا رغم انه من مدنى لكنى اعجبت بشجاعته رغم انى ماشيوعى ابدا
فنحن عندنا مشكله فى التاريخ السياسى المعاصر فى شخصيات كثيره منسيه رغم ضخامة اعمالهم بس لانهم مش خريجين ؟

عوض الكريم الخواض
18-11-2009, 11:51 PM
اذكر مرة كنت جالس مع جدى خال الوالد ويسكن الخرطوم بعد رحيلهم من مدنى فى وقت مبكر جدا وكان رجل معمر فى السن توفى اواخر الثمانينات
وفجاءه ذكر قال لى بتعرف ود حبوبه فقلت نعم فرد هذا عربى مفترى خلاص انا ماشفته مثله فسالته ليه فرد قتل المفتش بدون اى سبب فلما حاولت اناقشه قال لى اسمع انا الشخص الوحيد اللى كنت حاضر كنا ماشين انا والمفتش انا ولد صغير كنت اعمل صبى خيل وطلعنا ندرب حصان المفتش راكب وانا جارى وقام لاقانا العربى المفترى ده وطوالى شال البندقيه وقتل المفتش والمفتش ده كان زول طيب خلاص وبعدها جريت انا لمركز الكاملين وقلت ليهم الحقوا العربى قتل المفتش.
المهم فهمت انه الشاهد الوحيد لحادثةمقتل البريطانى وهو من بلغ فسالته هل فى ناس سالوك عن الموضوع ده بعد الاستقلال فقال لا
اين مؤرخينا؟؟؟؟؟؟؟؟

أخى معتصم من خلال حديث جدك فهو يعتبر شاهد على العصر .
ولا أعتقد أن له مصلحة فى ابدا حقيقة ما شاهده .
وتاريخنا للأسف لا يعتمد على الروايات الحقيقية المشاهدة .
وفيه كثير من المبالغات التى خدعتنا وأضرتنا .

mutasim
19-11-2009, 07:44 AM
أخى معتصم من خلال حديث جدك فهو يعتبر شاهد على العصر .
ولا أعتقد أن له مصلحة فى ابدا حقيقة ما شاهده .
وتاريخنا للأسف لا يعتمد على الروايات الحقيقية المشاهدة .
وفيه كثير من المبالغات التى خدعتنا وأضرتنا .



العزيز عوض الكريم والله نحن اكثر شعب مابعرف تاريخه ياخى الى الان بيدرس ان السودان حكم بواسطة الدوله العثمانيه او الاتراك وهم عمرهم ماجوا السودان حكمه محمد على والمرتزقه اللى انفصلوا من الدوله العثمانيه واحتلوا مصر طبعا المصريين معتبرنهم مصريين وهذا غير صحيح هذا مجرد مثال وثورة ودحبوبه فيها كلام كثير لكن لايوجد لنا مورخين ولاحتى توجد لهم جمعيه او منظمه بلد ماشه بالبركه

moh_alnour
19-11-2009, 04:37 PM
حقيقي أنا من أشد المعجبين ببرنامج ( مراجعات ) بقناة النيل الأزرق
و أكاد أجزم بأنني شاهدت كل حلقات هذا البرنامج
و قد اُعجبت جدا ً بحلقة الدكتور ( منصور خالد ) و الدكتور ( عبد الله علي إبراهيم ) و الأستاذ المحامي ( غازي سليمان ) و الأستاذ ( مهدي إبراهيم )
و قد أستمعت أيضا ً بالحلقة التي كان ضيفها العريف ( عثمان ) أبن أم سنط و شهادته حول تهريب الراحل ( بعد الخالق محجوب )
و في أعتقادي أنه من أنجح البرامج التوثيقية بالقنوات السودانية من حيث تميز مُعد البرنامج
و إلمامه بأطراف الموضوعات المطروحة للنقاش مع ضيف الحلقة و أيضا ً طريقته في المميزة في التقديم
و قد شاهدت أيضا ً حلقة مسجلة مع اللواء ( عبد الحي محجوب ) و العريف ( الكودة ) حول أحداث بيت الضيافة
و كل الذين أستضافهم البرنامج كانوا ( شاهد على العصر ) لأحداث و مواقف في الحياة السودانية المعاصرة

العاقب مصباح
20-11-2009, 10:21 PM
الجيش البريطانى عندما غزا السودان كان يحمل بعضهم فكرة التوثيق

تخرج منهم مستشرقون

ولم يخرج من بيئتنا وخرج من بيئتنا العربية مستغربون ... من الإستغراب

مشكلتنا فى السودان هو المحو من الذاكرة

وكنس آثار

كما حدث فى عهد الديمقراطية الثالثة وكنس آثار مايو

وفى عهد الإنقاذ كنس آثار الديمقراطية

دائما ما تجب حكوماتنا ما قبلها

كحضور الماء فى خاطرها يُبطل تيممها

ولو كان ماءاً غير طهور

لك المحبة معتصم

mutasim
21-11-2009, 12:14 AM
الجيش البريطانى عندما غزا السودان كان يحمل بعضهم فكرة التوثيق

تخرج منهم مستشرقون

ولم يخرج من بيئتنا وخرج من بيئتنا العربية مستغربون ... من الإستغراب

مشكلتنا فى السودان هو المحو من الذاكرة

وكنس آثار

كما حدث فى عهد الديمقراطية الثالثة وكنس آثار مايو

وفى عهد الإنقاذ كنس آثار الديمقراطية

دائما ما تجب حكوماتنا ما قبلها

كحضور الماء فى خاطرها يُبطل تيممها

ولو كان ماءاً غير طهور

لك المحبة معتصم




مشكور الاخ العاقب
وكلامك عين الحكمه ومفهوم ذى ده عندنا مافى للاسف مشكور