***ود المأذون***كل عام وأنت الفرح

[littlestar]

لا... لا... لا
أصلووووووووو ما بصدق
إنو تجينى الفرصه دى حافيه على رجليها لحدى عندى :eek:
معقوله بس
أ....أأ.... آآآ
معليش لكن نقول شنو
أكيد الواحد لما يكون ف حضرة القامات
ضرورى يتلجلج... ويتلخبت... ويتكبكب كمان كبكبه شديده (وش أحممممممممر طماطم بس)

تست.. ون... ون
تست ألو... ون

أستاذى/ أبو بكر حامد (ود المأذون)
أجمل التهانى وأندى الأمنيات
وصادق الوعود
كل عام وإنت الخير لكل الأعوام
وربنا يجعلك دنيتك كلها أعياد وأفراح

تلويشة:
قرررررررررربت أسرق خروف ناس البيت وأضبحو بجاى
لكن وكت ما قدرنا عليها
خلينا ال نضبح ليك التورتات دى على شرف بهاك وطلتك

http://www.waraqat.net/2008/02/Caykah6.jpg

http://www.waraqat.net/2008/02/Caykah7.jpg

http://www.waraqat.net/2008/02/Caykah8.jpg

http://www.waraqat.net/2008/02/Caykah19.jpg

http://www.weddingegypt.com/images/dress/cakes/Weddingegypt_4/RibbonCake-300.jpg

[ابوخالد]

المستشار الخلوق

ود الماذون



عامٌ

مضى

وعامٌ

سيأتى

فسعيدٌ

دومآ

ما سياتى





http://ahsaup.net/uploads/9a1844ef54.jpg


كل عام وأنت بألف خير

[أبو جودي]

أخينا العزيز الغالي أبوبكر لك التحية والود ،،،
وكل عام وأنت بخير وعافية
وإن شاء الله سنة حلوة وسعيدة لك ولمن تحب

[بت أم درمان]

http://up4.m5zn.com/9bjndthcm6y53q1w0kvpz47xgs82rf/2009/11/23/10/3ap18nvf0.jpg (http://www.tobikat.com)

[esmat]

كل سنة وانت طيب
وعيد ميلاد سعيد
ربنا احقق امانيك يارب

وما تقول جاييك فاضي
اصلو التورتة الجابها ابو خالد دي
شراكة وكدا

[ابو لوزة]

كل عام وانت بخير
وعيد ميلاد سعيد
ربنا احقق امانيك يارب

[النويري]

كل عام وأنت حبيب الكل ود المأذون لك منا كل التحايا العطرة

[أبوبكرحامد]

لا... لا... لا
أصلووووووووو ما بصدق
إنو تجينى الفرصه دى حافيه على رجليها لحدى عندى :eek:
معقوله بس
أ....أأ.... آآآ
معليش لكن نقول شنو
أكيد الواحد لما يكون ف حضرة القامات
ضرورى يتلجلج... ويتلخبت... ويتكبكب كمان كبكبه شديده (وش أحممممممممر طماطم بس)

تست.. ون... ون
تست ألو... ون

أستاذى/ أبو بكر حامد (ود المأذون)
أجمل التهانى وأندى الأمنيات
وصادق الوعود
كل عام وإنت الخير لكل الأعوام
وربنا يجعلك دنيتك كلها أعياد وأفراح

تلويشة:
قرررررررررربت أسرق خروف ناس البيت وأضبحو بجاى
لكن وكت ما قدرنا عليها
خلينا ال نضبح ليك التورتات دى على شرف بهاك وطلتك

http://www.waraqat.net/2008/02/caykah6.jpg

http://www.waraqat.net/2008/02/caykah7.jpg

http://www.waraqat.net/2008/02/caykah8.jpg

http://www.waraqat.net/2008/02/caykah19.jpg

http://www.weddingegypt.com/images/dress/cakes/weddingegypt_4/ribboncake-300.jpg



أهلين دينا رمضان ( والله عاجبنى الإسم عجب ، أوّل ماقريت بوست عقبة إفتكرتو متعاون مع كاتبة مصرية ، أها تقومى إنتى تجى قادلة ، قلتا أعلن إكتشافى الخطير إنك دينا رمضان ، تانى قلت أحسن أبطل الشلاقة والمقابضة لغاية ماتتضح الصورة )

سعيد بهذه التهنئة الرقيقة ، لك كل الأمنيات ومودّة لم يتم التواضع بعد على مقاييس أو مكاييل لها (من شاكلة أسكُت كِب).

تلويشة: مابلقا لى عندكم حتة جاتوه دايت لزوم السكرى وكده :)

[أبوبكرحامد]

المستشار الخلوق

ود الماذون



عامٌ

مضى

وعامٌ

سيأتى

فسعيدٌ

دومآ

ما سياتى





http://ahsaup.net/uploads/9a1844ef54.jpg


كل عام وأنت بألف خير

وأنت الخير لكل العصور صديقى ودفعتى يوسف صالح ( مصر وملح 44 مرّة - رايك شنو)

تلويشة: يايوسف الناس الكتيرين المصورين مع الكيكة أوعا إكونو معزومين معانا ، عشان لو معزومين نفكر نوزِّعا بى (الدِرِب) عشان تكفّى :):):)

[أبوبكرحامد]

أخينا العزيز الغالي أبوبكر لك التحية والود ،،،
وكل عام وأنت بخير وعافية
وإن شاء الله سنة حلوة وسعيدة لك ولمن تحب

لا لا لا لا ماراضى:mad: ، هسّى أنا قلتا نسيبى إجى دافر الباب بى كتفو من شدة إيدينو مليانات بى الهدايا ، تجينى فاضى ، أها هداك عمّك حافظ بفضّى فى العربية ، معليش يا أبوجودى الشفقا كاتلانى ، العتب على النظر :) ، لك التحية أبو جودى وجعل الله الخير فى حياتك وذريتك

[أبوبكرحامد]

http://up4.m5zn.com/9bjndthcm6y53q1w0kvpz47xgs82rf/2009/11/23/10/3ap18nvf0.jpg (http://www.tobikat.com)

صاحبة التوقيع المميز - حافظوا على نظافة قلوبكم - الرائعة بت امدرمان لن نسأل النيلين عنك ولاعن عزمات فتاك ، حسبك أنك متشربة النيل الأزرق وقد مزجت مياهه بلواعج وأشواق أهل مدنى ، أما الأبيض فقد إنسرب لدواخلك النقية وزاحم الأذين والبطين فتغنى الجميع : فى الفؤاد ترعاهو العناية ......... بين ضلوعى الوطن العزيز.

لكِ منّى أقصى ماتدركه الحواس من محبّة وتقدير

[أبوبكرحامد]

وما تقول جاييك فاضي
اصلو التورتة الجابها ابو خالد دي
شراكة وكدا

العريس عصمت هنا ، ياخى زارتنا الملايكة وعمّت بشايرنا ودام الفرح لينا ، نتمنى لك أيها الحبيب كل الخير والسعادة لك ولحرمكم المصون .

تلويشة: ياخوى التورتة جابا يوسف صالح ما يوسف على الخضر ، كان نقول متكوكب على نسابتو ومتقاسم معاهم التورتة والثروة ( أسمع نصيحتى ياعصمت أصلاً ماتفكر فى السلطة ، وكان لقيت ليك فيها هامش ربح فكّها وأدّيهم معاها العِصمة مهاودا فوق البيعه ، بلا سلطة بلا قلق) :)

[أبوبكرحامد]

كل عام وانت بخير
وعيد ميلاد سعيد
ربنا احقق امانيك يارب

كل سنة وأنت أخى أبو لوزة وأهل بيتك بصحة وسلامة ، وأمنياتنا للوزة أن تنبت مائة سنبلة فى كل سنبلة مائة حبة خير ونماء وصلاح.

[ابوخالد]

كل سنة وانت طيب
وعيد ميلاد سعيد
ربنا احقق امانيك يارب

وما تقول جاييك فاضي
اصلو التورتة الجابها ابو خالد دي
شراكة وكدا



تعرف يا عريس تستاهل أكتر
لكن الشراكات كترن
شى تورتة وشى منقة
وشى كوانين
وشى شواشى ,,, وأنا ماشى ,,

وكل عام وأنت فى ضل السعادة والعروسة

وبرضو راجينك تجى ,,

[esmat]

العريس عصمت هنا ، ياخى زارتنا الملايكة وعمّت بشايرنا ودام الفرح لينا ، نتمنى لك أيها الحبيب كل الخير والسعادة لك ولحرمكم المصون .

تلويشة: ياخوى التورتة جابا يوسف صالح ما يوسف على الخضر ، كان نقول متكوكب على نسابتو ومتقاسم معاهم التورتة والثروة ( أسمع نصيحتى ياعصمت أصلاً ماتفكر فى السلطة ، وكان لقيت ليك فيها هامش ربح فكّها وأدّيهم معاها العِصمة مهاودا فوق البيعه ، بلا سلطة بلا قلق) :)


غايتو يامستشارنا كلهم يوسف
سمعتا بي كان دا كان داك
(غازين عودنا) برضو شراكة
وانا كنت عايز ابيعها لي نون النويري
لكن رسلنا ليهم كرتونة ساااي

[مدنيّة]

ود الماذون
انت الخير في كل عام

[الزونية]

أخي ود الماذون..
كل عام وانت كما انت كنخيل بلادي..
وكل الفرح لك ..
وكل عام وأنت بألف خير.وربنا يحقق الأماني

[esmat]

تعرف يا عريس تستاهل أكتر
لكن الشراكات كترن
شى تورتة وشى منقة
وشى كوانين
وشى شواشى ,,, وأنا ماشى ,,

وكل عام وأنت فى ضل السعادة والعروسة
وبرضو راجينك تجى ,,


حبيبنا يوسف (ابو العريس خالد)

بالله انت شفت الكوانين
غايتو العيد دا جاهزين ليهو
بالتحلية بتاعتو
شي باقة عسل وتورتات المستشار
وكل سنة وانت طيب
وانتظر جايبها ليك في الرياض كمان

[littlestar]

أهلين دينا رمضان ( والله عاجبنى الإسم عجب ، أوّل ماقريت بوست عقبة إفتكرتو متعاون مع كاتبة مصرية ، أها تقومى إنتى تجى قادلة ، قلتا أعلن إكتشافى الخطير إنك دينا رمضان ، تانى قلت أحسن أبطل الشلاقة والمقابضة لغاية ماتتضح الصورة )

سعيد بهذه التهنئة الرقيقة ، لك كل الأمنيات ومودّة لم يتم التواضع بعد على مقاييس أو مكاييل لها (من شاكلة أسكُت كِب).

تلويشة: مابلقا لى عندكم حتة جاتوه دايت لزوم السكرى وكده :)



طوااااااااالى بديهو ليك
ولا يغلى عليك الإسم
ده إنتو مكانتكم الأسما من كده

هههههههههه لكن ضحكتنى بحكاية الكاتبة المصريه دى
يعنى حقو أسوق فيها بعد ده :cool:؟؟

والله أنا الأسعد واليوم بقى يوم فرحنا
بمناسبتك الميمونه دى
ربى يديمها عليك نعمه

كرررررر على يا أبوى وسلامتك من السكرى
وإن شاء الله عدوينك :o:(:(
وإن كنت جازمه أكيد بنوهائيتن وبتاتن إنو يكون ليك أعداء

لكن كل طلباتك مجابه اليوم
إنت عليك تأمر ونحن علينا التنفيذ

http://www.yabdoo.com/users/623/gallery/366_p42890.jpg

دى حته سغيرووووووووونه
لزوم الدايت وكده

[أبوبكرحامد]

كل عام وأنت حبيب الكل ود المأذون لك منا كل التحايا العطرة

لك التحية أخى النويرى ، كل سنة وانت بخير ، سعادتى لاتوصف بدعوتك لى بمحبة الكل فهم زادى ورصيدى فى هذه الدنيا الفانية ، أسأل الله ان اغادرها والكل يدعوا لى بالرحمة وألسنتهم تلهج بالدعاء لى .

[أبوبكرحامد]

ود الماذون
انت الخير في كل عام

أم جمال النيل والخرطوم بى الليل ، والقلعة الحمراء التى لولاها لصرخنا فى وجه المصريين ( الحمرا الأباها المهدى ) ، لك التحية أم جمال وأمنيات لاتحدها حدود بدوام الصحة وموفور العافية لك وللأسرة الكريمة.

[أبوبكرحامد]

أخي ود الماذون..
كل عام وانت كمان انت كنخيل بلادي..
وكل الفرح لك ..
وكل عام وأنت بألف خير.وربنا يحقق الأماني

لك التحية أيتها الرائعة ، والتحية عبرك لحواء بلادنا إمرأةً نخلة نصبو لحلو ثمرها وسمرها ، ونستظل بوعيها وتحنانها ، لكِ كل الأمنيات ليومك ولما هو آت.

[أبوبكرحامد]

طوااااااااالى بديهو ليك
ولا يغلى عليك الإسم
ده إنتو مكانتكم الأسما من كده

هههههههههه لكن ضحكتنى بحكاية الكاتبة المصريه دى
يعنى حقو أسوق فيها بعد ده :cool:؟؟

والله أنا الأسعد واليوم بقى يوم فرحنا
بمناسبتك الميمونه دى
ربى يديمها عليك نعمه

كرررررر على يا أبوى وسلامتك من السكرى
وإن شاء الله عدوينك :o:(:(
وإن كنت جازمه أكيد بنوهائيتن وبتاتن إنو يكون ليك أعداء

لكن كل طلباتك مجابه اليوم
إنت عليك تأمر ونحن علينا التنفيذ

http://www.yabdoo.com/users/623/gallery/366_p42890.jpg

دى حته سغيرووووووووونه
لزوم الدايت وكده





ذكّرتينى قصّة واحد عمّنا عندو سكرى وناس البيت فارضين عليهو حظر على الحلويات ، يوم فتح التلاجة لقا ليك الباسطة الماخمج ، كجم ليهو كم قطعة وشال ليهو قطعتين فى يدو ، إتلفت وراهو لقا بناتو واقفات إعاينن ليهو ، إتصرّف بى سرعة قال ليهن : الباسطة دى مالا مسيخه كده :)

[عوض صقير]

أستاذنا وحكيمنا

أبوبكر حامد الأمين


كل سنة وأنت طيب

تخريمة : عشان الدايت وكده .. بدلنا ليك التورتة بسرويس شية جمر من النار مع شطة خضرة كاربة ..

[أبوبكرحامد]

أستاذنا وحكيمنا

أبوبكر حامد الأمين


كل سنة وأنت طيب

تخريمة : عشان الدايت وكده .. بدلنا ليك التورتة بسرويس شية جمر من النار مع شطة خضرة كاربة ..

يا صقرة ياخى وينا الشيّة ، خليتنى أحوم تحت مشاركتك وأعمل دبل كليك بى الماوس ، الله إجازيهو أبو النور كل ما إنزّل ليهو مشاركة تلقانى بفتش إمكن إكون كاتبا بى الحبر السرّى .

لك التحية أستاذى عوض صقير ، كل الأمنيات لك وللأسرة الكريمة بموفور الصحة والعافية .

[okasha]

الرائعون كالأحجار الكريمه لانصنعهم بل نبحث عنهم لتهنئتهم

المستشار الخلوق والاستاذ المربى

ود الماذون



بكل انـواع البخـور ,,,,
وبكل عطر الزهور ,,,,
وبكل اصوات الطيور ,,,,
كل عام وانت بخير

وكل عام وأنت شعاع
ينير قلوب المحبين





شخبطة ::
شمار سااااى دى الشمعة الكم ؟؟؟؟؟؟؟؟؟؟؟؟؟؟؟؟؟؟؟؟

[أبوبكرحامد]

الرائعون كالأحجار الكريمه لانصنعهم بل نبحث عنهم لتهنئتهم

المستشار الخلوق والاستاذ المربى

ود الماذون



بكل انـواع البخـور ,,,,
وبكل عطر الزهور ,,,,
وبكل اصوات الطيور ,,,,
كل عام وانت بخير

وكل عام وأنت شعاع
ينير قلوب المحبين





شخبطة ::
شمار سااااى دى الشمعة الكم ؟؟؟؟؟؟؟؟؟؟؟؟؟؟؟؟؟؟؟؟

الحبيب عكاشة .... كل سنة وأنت بأخير ما أتمناه لك.

شمار ساى : إنت متحرّى ياعكاشة ، قلنا ليك يوم 24/11 يعنى أحسبا كده تطلع كم :) وبعدين أنا عمرى ماطفيت شمعة كان فى زول طفاها لى الإجاوبك عددن كم :) ، عموماً أنا دفعتى أبو خالد وبهدى ليهو أغنية ثنائى العاصمة :

الببقا على أنا هيِّن .......لو إنتَ بتقبلوا لىَّ

[عوض الكريم الخواض]

http://happy2day.org/images/castle_wedding_cake.jpg

حبيبنا ود الماذون ...كل عام وأنت كل الخير ...
وربنا يبارك فى جميع أيامك ...

أها التورتة دى جبتها ليك من محلات عمك (قوقل) الله يطراه بالخير . :o:o:o

بالمناسبة دايت( يا عمك أضرب) ساااااااااي . :rolleyes::rolleyes:

[ahmed algam]

استاذنا استاذ الاجيال



عمنا ود المازون



كل عام وانت بخير


وكل سنه وانت طيب



وانشاء الله عقبال الشمعة الــ((الباقي ىتموا خيال ))



ربنا يديك الصحة والعافية يارب

[أبوبكرحامد]

http://happy2day.org/images/castle_wedding_cake.jpg

حبيبنا ود الماذون ...كل عام وأنت كل الخير ...
وربنا يبارك فى جميع أيامك ...

أها التورتة دى جبتها ليك من محلات عمك (قوقل) الله يطراه بالخير . :o:o:o

بالمناسبة دايت( يا عمك أضرب) ساااااااااي . :rolleyes::rolleyes:

العوض صاقعة النجم ، حبابك وحباب عمك قوقل وياسلام على الدايت وإحترام الأقليات الغير الغير مُسكرة ( من سُكَّر - وحاة عينىَّ سُكِّّر واكتر ، بالله الأغنية دى بقيت مابقدر أتِّمَّها :) ).

تعرف ياعوض الكريم زمان زمن الدنيا بى خير شارع الجمهورية ده حكاية تانية خالص ، فيهو محل عمّك طه (سلوى بوتيك) وحلوانى الجامع تاكل عندو (سرندبل) وتقدل يادنيا مافيك إلا أنا ، خايف ياعوض أسترسل فى الموضوع ده البوست إصفا علينا أنا وأبوشوارب وعمر سعيد النور وعمر غلام الله ( لاحظ الأسامى حاف كده لزوم الكتوف إتلاحقت ، نظام الود كِبِر وكده ، أكيد المقامات محفوظة ).

لك أبوكريم معزّة فى القلب تجعلنى أتحاشى الغضب خشية أن أقلق إتكاءك بين حنايا القلب ، لك منّى ولكريم ولعموم آل الخوّاض الكرام محبةً خالصة فى فالق الحبِّ والنوى.

[moh_alnour]

هابي بيرث دي تو يو
سنة حلوة يا ( ود المأذون )
عيد ميلاد سعيد و عمر مديد
كل سنة و كل ثانية و أنت بألف خير
و عقبال المائة شمعة يا رب

http://file14.9q9q.net/local/thumbnail/38422227/600x600.jpg

[أبوبكرحامد]

استاذنا استاذ الاجيال



عمنا ود المازون



كل عام وانت بخير


وكل سنه وانت طيب



وانشاء الله عقبال الشمعة الــ((الباقي ىتموا خيال ))



ربنا يديك الصحة والعافية يارب

لك كل المودة أحمد علقم ، ياسلام عليك وعلى الخيال ، أقوم كده وأهمس ليك إنو الشمعة الجاية ح تكون رقم 19 ، عمر الزهور عمر الغرام عمر المنا :)

[أبوبكرحامد]

هابي بيرث دي تو يو
سنة حلوة يا ( ود المأذون )
عيد ميلاد سعيد و عمر مديد
كل سنة و كل ثانية و أنت بألف خير
و عقبال المائة شمعة يا رب

http://file14.9q9q.net/local/thumbnail/38422227/600x600.jpg

لك التحية ياود الجاك ، بكم ومعكم تأتلق الجنّة أنهاراً وظلا

[العاقب مصباح]

هههههههههههههههههههههههههههههههههههااااااااااااااا ااااى

ياخ لكن عيدك وعيد الضحية سوا

نحن الفرحة ماليانا يا ود المازون والله

كل عام وانت بخير كتير جدا

ربنا يطول عمرك

ويحضرنى عرسك التانى ولا عرسى التالت قول امين

اها دا الكم وخمسين صح

والله بتمنى ليك كل السمح

[أبوبكرحامد]

والله بتمنى ليك كل السمح


والله مصدِّقك من غير قسم

يا البيك دوام حظّى ابتسم

غالى الحروف سمح النضم

شاحد الكريم تِتلم تلِم

لى عش السعادة تكمِّل تتم

فيهو دوام تتهنّا لا كدر لا هم

[مبارك عمر عباس]

كل عام وانت بخير
وعيد ميلاد سعيد

[أبوبكرحامد]

كل عام وانت بخير
وعيد ميلاد سعيد

كل عام وأنت بمليون خير يابركة ، اللهم اجمعنا سوياً فى رحاب عرفات

[tigani18]

اللهم في كل يوم يمر على أبوبكر حامد،،
أكرمه بعظيم غفرانك ،،
ويسر له طريقه ،،
وسخر له الطيبين من خلقك ،،
واشرح صدره بذكرك ،،
ولا تجعل في يومه سوءا إلا دفعته ,,
ولا ذنبا إلا غفرته ،،
يا أرحم الرحمين,,,

كل عام وانت بالف خير
كل عام وأنت في سعادة لاتزول

[أبوبكرحامد]

اللهم في كل يوم يمر على أبوبكر حامد،،
أكرمه بعظيم غفرانك ،،
ويسر له طريقه ،،
وسخر له الطيبين من خلقك ،،
واشرح صدره بذكرك ،،
ولا تجعل في يومه سوءا إلا دفعته ,,
ولا ذنبا إلا غفرته ،،
يا أرحم الرحمين,,,

كل عام وانت بالف خير
كل عام وأنت في سعادة لاتزول

أخى الحبيب التجانى ...... أسأل الله بإسمه العظيم الأعظم ورضوانه الأكبر أن يعطيك أضعاف أضعاف ما دعوت لى به ، وأرجوه أن يجعل حياتك عامرةًَ بالمحبة وفعل الخيرات ، كل عام وأنت وكل من تحب بخير وسعادة فى الدارين.

[بت مارنجان]

الاستاز القدير ابوبكر
كل عام وانت بالف خير وربنا يحقق كل امانيك ويديك الصحة والعافية
وطولت العمر وتتهني وتفرح بي ايامك مع وليداتك ...

[أبوبكرحامد]

الاستاز القدير ابوبكر
كل عام وانت بالف خير وربنا يحقق كل امانيك ويديك الصحة والعافية
وطولت العمر وتتهني وتفرح بي ايامك مع وليداتك ...

إلهى إدّيك الفى مرادك يابت مارنجان يا البيكى الكون سعيد فرحان