monim
24-11-2009, 06:38 AM
سعاد
سعاد
يا روعة الزمن الجميل
اللا بتنسي ولا بيستعاد
يا ذروة العشق النبيل
الغرقني في بحر السهاد
أنا في ضفاف عينيك سكن
أجمل سكن ... أجمل ضفاف
لا حزن فيها ولا عوارض ولا محن
آه يا سعاد
لما يبقى الزول مكتف في الولف
وفي متاهات الشجن
بتبقى عينيك الملاذات والمدن
ويفارق السكة الحزن
وتعانق الموجة الضفاف
والصحراء بتعانق المزن
وتجينا غيمات في الدرت
وترش عذابات الزمن
وتفرح مدن
وترسل بشايرك لي مدن
ويعم رحيقك كل أرجاء البلاد
آه يا سعاد
يا نشوة الريد الجميل
يا نسمة في زمن العذاب
أنا زول بسيط مسكين ومكسور الجناح
جاك واستكان
في هواك ذاب
والحزن فارق سكتو
وطيبة مشاعرك بكتو
وعاش في زمانك يا سعاد
وباع حبايبو وكل صحابو وحتته
طال النجوم مسك السحاب
آه يا سعاد
النجمة ديك بتقول سعاد
القمرة دابره تزيد شعاع من نور سعاد
الناس مودرة في سعاد
رقة سعاد
طيبة سعاد
طلة سعاد
ضحكة سعاد
الدنيا تفرح وتنتشي
الغريب لي أهله عاد
الحزين كفكف دميعات السواد
تسلم سعاد
تسلم ربوعك والبطاح
تخضر شجيرات الوفا
أنا ليك بعمل انتباه
عينيك لما تقول صفا
لا يعاود الصحراء الجفاف
تنشف عروق حبل الجفا
نرفع كتف حيل الغنا
والدنيا تصبح مرهفة
تفضل سعاد
قنديله شمعة وزنجبيلا
زهرة قرنفل وسلسبيلا
تعيش أصيلة
تنشر الحب والفضيلة
وتظل جميلة ... وشاده حيلا
ومستحيلة
...
عبد المنعم الحسن
يونيو 2008م
سعاد
يا روعة الزمن الجميل
اللا بتنسي ولا بيستعاد
يا ذروة العشق النبيل
الغرقني في بحر السهاد
أنا في ضفاف عينيك سكن
أجمل سكن ... أجمل ضفاف
لا حزن فيها ولا عوارض ولا محن
آه يا سعاد
لما يبقى الزول مكتف في الولف
وفي متاهات الشجن
بتبقى عينيك الملاذات والمدن
ويفارق السكة الحزن
وتعانق الموجة الضفاف
والصحراء بتعانق المزن
وتجينا غيمات في الدرت
وترش عذابات الزمن
وتفرح مدن
وترسل بشايرك لي مدن
ويعم رحيقك كل أرجاء البلاد
آه يا سعاد
يا نشوة الريد الجميل
يا نسمة في زمن العذاب
أنا زول بسيط مسكين ومكسور الجناح
جاك واستكان
في هواك ذاب
والحزن فارق سكتو
وطيبة مشاعرك بكتو
وعاش في زمانك يا سعاد
وباع حبايبو وكل صحابو وحتته
طال النجوم مسك السحاب
آه يا سعاد
النجمة ديك بتقول سعاد
القمرة دابره تزيد شعاع من نور سعاد
الناس مودرة في سعاد
رقة سعاد
طيبة سعاد
طلة سعاد
ضحكة سعاد
الدنيا تفرح وتنتشي
الغريب لي أهله عاد
الحزين كفكف دميعات السواد
تسلم سعاد
تسلم ربوعك والبطاح
تخضر شجيرات الوفا
أنا ليك بعمل انتباه
عينيك لما تقول صفا
لا يعاود الصحراء الجفاف
تنشف عروق حبل الجفا
نرفع كتف حيل الغنا
والدنيا تصبح مرهفة
تفضل سعاد
قنديله شمعة وزنجبيلا
زهرة قرنفل وسلسبيلا
تعيش أصيلة
تنشر الحب والفضيلة
وتظل جميلة ... وشاده حيلا
ومستحيلة
...
عبد المنعم الحسن
يونيو 2008م