العيد بعيد من مدني

[طه بورتبيل]

في الحقيقه العيد بعيد من مدني حاجه ماتتوصف يعني حاجه كده أشبه بي أداء الواجب نمشي الصلا بس مافي حاجه إلا تصاقر ناس البيت قاعد يعني إتخيل العيد مايغير في نفسياتك ولا بي أي شي فمابالك الأطفال البيحتفلو بالعيد ذي مابنشوف في ساحات مدني وعموم الجزيره ياخ حاجه ترد للزول روحو لكن تعالو شوفو شفعنا بس مشو الصلا معانا وبقو راجعين على البيت جادين مافي ضحك ولالعب ولاحاجه بتوحي بالطفوله زاتو يعني تحسهم متابعننا وبس أما نحنه جوه البيت مع بعضنا من كتره الظرافه التي لاتطاق يعني متعودين عليها قت مسيخه وهي الممسخه العيد أصلا" بس نصيحه لكل زول هو جوه السودان ما يعيد بعيد من بلدو الأصليه بالزات لو عندو أطفال ياخ تعالو مانحرمن من البهجه تربينه بيها بس ربنا إكفينا شر البعد من الغاليه مدني في الختام أنا زهجته خلاص ومن الأن قاطع تذكره وجاييك يامدني كل عام والجميع بالف خير .

[خالد أحمد الصول]

والله ما قلت إلا الصح

[أبوعماد]

الغربه ما بعد المسافه ولا السفر اخر مطافه
الغربه في القلب البيبعد وفي السحابه الطشه جافه
الغربه في زولا تريدو تلقى في ابعد مسافه
شفت بلاد ولفيت بلاد ما لقيت في الغربة ذرة حنان
وصحبت ناس وعرفت ناس لكن صحبه ما لهاش امان
كل اللي يكلمك اللي في قلبه مش على اللسان
زمالة ملهاش جذور والناس ما تلاقي فيها انسان
تشقى وتتعب ليل نهار ما تسمعش كلمة امتنان
الكل بيمص دم الغريب والله هو المستعان
والقسوة كترت واتفرعت والحب ده كان زمان
ما تلاقيش كلمة تحية ولا نظرة مودة ولا احسان
قلوب من القسوة اتحجرت وبقت اشد من حجر الصوان
بيوحشك الحبيب ما تلاقي الصديق وتعيش حياه كلها حرمان
وتسرح في دنيتك وتكره غربتك وتعيش الماضي وأيام زمان
وتلاقي نفسك بتصرخ انا ايه كان على الغربة رماني وليه ده كان
الحنين يامدنـــــــــي ليكي