المساعد الشخصي الرقمي

مشاهدة النسخة كاملة : قصيدة أعجبتني



امال مالك
08-12-2009, 09:52 AM
[بسم الله الرحمن الرحيم]


السر الضايع


بعد تجوال وطولة بال***أعيش في دياركم أحلى سنين
ما انت بعيد وفي الخاطر*** بلاك كم ضقت نار البين
أشوفك زي صباح العيد *** أصافح أناملك الحلوين
أعطر بي عبيرم إيــدي *** وأفرح بي لقا القلبين
عبير ياحلوة انفاسك *** محال انا لي كرامتك أهين
فيك كم صورو العزال *** وبيك ياحلوة مادارين
حباك المولى في الإبداع *** جمالك صافي ماتلوين
وما بتظهر حروف وكلام *** ردود بنشوفا في العينين
وكم توقني شوق لقياك *** أغالب فرقتك لمتين
أغالب في الدموع مشتاق*** أريت لو يوم قليبك يلين
وترجع انت لي حبك *** تقول أقسمت صادق آمين
تباعد للشكوك والظن *** وليك أنا كم أرد الدين
أحسك نبضة في قلبي *** في دعواتي في آمين
وترجع تاني لي حبك ***ونبع الريدة صافي يبين
عشان الغاية بس شوفتك *** نبارك ليك عديلة وزين
ومنك يا العرفت أحب *** وأنو البوفي فيهو ضنين
عشان أوفيك حقك قول *** أسامح اصافح الوالدين
قالو كلام كتمتو في سر *** ليك أبوحو في سطرين
سألت المولى يشفع لي *** أريت يتولفو القلبين
يبارك لينا في ريدنا *** وتجري دماهو في القلبين
ومايفرقنا بعد الإلفة *** ونصبح ليك مشتاقين

كف المطر
08-12-2009, 07:34 PM
اختيار من حس شاعري يتلمس مكامن الحروف الشجية