المساعد الشخصي الرقمي

مشاهدة النسخة كاملة : عالم يا وهم تغشكم حكومة السجم والمعارضه



عباس الدسيس
08-12-2009, 10:30 PM
الباستيل سجن في فرنسا يضم المعتقلين السياسيين أكثر كثيرا من المجرمين، ثار الشعب الفرنسي علي الملك لويس وزوجته (ماري أنطوانيت) التي تعجبت من ثورة الرعاع الذين اقلقوا راحتها وعكروا صفوتها، وعندما علمت بأنهم لا يجدون الخبز الأسود أجابت في تعجب ولماذا لا يأكلون البسكويت أو البيتي فور أو الباتون سالية. ثار الشعب في الميادين العامة والشوارع والحواري ولكنهم لم يستطيعوا الوصول إلي قصر جلالة الملك لويس نظرا للحراسة المشددة، وباتت المظاهرات في تخبط حتى صاحت امرأة حافية من الرعاع: إلي الباستيل، واندفعت الجماهير بعشرات الألوف (فقد وجدت هدفا لها)، وأخرجت ألاف المسجونين والمعتقلين والذي كان آلامهم وغضبهم قوة دافعة لدحر حرس الملك والقبض عليه وزوجته ثم إعدامهما بمس جيلوتين (المقصلة).
كان اجدي للمعارضه والحركة الشعبية بدل اخذ تصريح للمظاهره السلميه لعدم قانونيتها وبعد الامور ما جاطتت وبقي فيها دق واعتقالات الهجوم الاستعانة بالمعتقلين في سجون النظام كما قال باقان في تصريحاته الاعلاميه انه يتحدث من المعتقل في سجون النظام وطلع في النهاية قسم شرطه للنشالين وصغار المجرمين والله جنس اضطهاد يا عالم يا وهم عايزننا نصدق الاكذوبه الوهميه النضاليه والمغالطات حول الحق الدستوري للمظاهره التي تطلقها المعارضه والحكومه في ظل لا وجود لدستور؟؟؟؟
عايزننا نصدق أن هناك أمن لحماية المواطنين ؟؟؟
عايزننا نصدق أن هناك قضاة يحكمون بالعدل وينفذون القوانين؟؟؟؟
مجموعة من (الممثلين) لهم أدوارهم المرسومة لهم طبقا لرغبات الفئة الحاكمة؟؟؟
كلوا صراع كراسي والمسكين المواطن المغلوب علي امره بين نضال المعرضه الزائف واستعراض الحكومة ام شنبات كبيره..
لو ان الامور تقاس بطول الشوارب لاصبح الفأر سيدا على هذا العالم فشنبات الفأر متينة وقوية زي شنبات حكومتنا تكمن في القمع والتخويف والترهيب وهنالك علاقة وثيقه بين قوة شنبات الفار واستخدامات الفار الاخري حيث يستخدم في التجارب العلميه والشعب السوداني اصبح كالفار في حقب التعاقب السياسي من عسكر لاحزاب لانتخابات مزوره كل يريد ان يجرب كما هنالك حلاقة اخري اصبحت وثيقه بحكومتنا الحالية وبميزة اخري من ميزات الفار وهي الخوف كان في اثنين شايلين ليهم شواهد لي ميت ماشين اختوها في المقابر تلقي الاحتياطي المركزي جاء جاري بي عرباتوا والشرطه وجهاز الامن اقولوا ليك دي مظاهره وفي النهاية الاثنين ديل اطلعوا ابطال والجرايد تشتغل شغلها هاك يا صور يعني الواحد لو قالوا في تجمع اي كان سلمي او خلافه الزمن ده لازم اهندم روحوا احلق الدقن ويشوف احسن بنطلون وقميص اخش فيهم احتمال اجد ليهوا بت اعجب بيها من بنات المظاهرات المثقفاتيه نظره ثم ابتسامه ثم لقاء ... كلوا اهون في سبيل الوطن واحتمال المظاهره تتقلب لي زواج جماعي والشرطه تهني وناس الامن إلخو الحنه في الصحن للعريس وحكاية الماذون ساهله اصلوا جماعة الشيخ الترابي بعد انسلخو من المؤتمر الوطني تلقاهم نص المظاهره اما الشهود فحدث ولا حرج اهو احتمال قناة الجزيره تجيب مراسم الزواج.... رقصني يا جدع ودقي يا مزيكه.... بالله فكونا من الاوهام دي يا معارضه ويا حكومه اعملوا انتخاباتكم ساكت كان مزوره ولا كان اتقسمتوا الغنيمه انتو هاميكم زول الناس في شنو والبلد في شنو

ابوالنور
08-12-2009, 10:42 PM
ود الدسيس اخوي علي قول مدنية صباحك سوداني
الحب هو أن تجلس قصاد
الشاشة السودانية وتراه يخرج من بين السناءات قمحاً يغذي الفضائية ولكن أن ترى الفقر والحرب يتحدان ليشكلان لونا رماديا في الأخبار فذلك مدعاة لأن يحيل قطعة الحب الزاهية الى مناديل (ورق) نرميها بمجرد أن تباغتنا الدموع والحروب نقطة

عثمان جلالة
08-12-2009, 10:44 PM
الحب هو أن تجلس قبالة
ود الدسيس اخوي علي قول مدنية صباحك سوداني
الشاشة السودانية وتراه يخرج من بين السناءات قمحاً يغذي الفضائية ولكن أن ترى الفقر والحرب يتحدان ليشكلان لونا رماديا في الأخبار فذلك مدعاة لأن يحيل قطعة الحب الزاهية الى مناديل (ورق) نرميها بمجرد أن تباغتنا الدموع والحروب نقطة

حبيبي ود الدسيس .. لن أزيد على تعليق ود عمي ده حرف واحد ... فعلا يعبر عن الواقع ...... شكرا أبو النور

بت مارنجان
08-12-2009, 10:51 PM
هم الاسرة السودانية الان في الفطور والغداء ومصاريف الدراسة ودواء محمد احمد الغير موجود وعايزين يلقوه ويفتشوه عليه .... لو لقيوه بكون حصلو الراجل خير ...
ولو ناس وزارة الصحة قالو الا يقيف في الدور لغاية مايجيهو الدواء بكون خلاص
عزرائيل دقا علي بابه مية مرة وبكون ودع ....

مافي مفهوم الادخار ولا حاجة لي بعدين ... الناس بتنوم وماعارفة لو في زول قبض بالليل حيلحقوه كيف ؟

مافي زول متزكر في انتخابات ولا مافي ولا ناس معارضة زعلو ولا قالو رفضو يدونا
تصريح ... تصريح حفلة هو :confused:

صحي الناس في شنو والشعب في شنو ؟؟؟