السيرة باللواري..دعوة محبة

[أبوعمرو]

الموضوع: زواج
الزمان: الجمعة 11/12/2009م.
المكان: الحلة.
العريس: خالنا العائد من الإغتراب
هدف البوست:
التعريف بعادات وتقاليد الزواج في المجتمع القروي الصالح والطالح منها، العودة بعد غياب، نظرة المجتمع للعائد والعكس... تفاصيل صغيرة صغيرة تحدث أثناء الأعراس ... حكاية السيرة .. الزفاف .. الفيديو ... الناس السكاري ... بنات الشاي موضوع الشقة في الخرطوم..
حبايبنا في النفاج ... الناس البهجة والنفوسا منشرحه... نريد مشاركتكم لنا هذه الإحتفالية عبر هذا البوست ... ننقل لكم ما تم.. ونترك لكم التعليق
مرحبا بكم في داركم
والحله نورت بيكم
ومعزومين للسيرة باللوري
ويرجي إستصحاب الأطفال

[بت مارنجان]

ياخ انا من الصباح امشي والاقيك واحل في الموضوع تكتب ....

نحن ناس السيرة واصل السيرة ... انحنا بنسير بلا سيرة ....

[أبوعمرو]

مدخل أول:
المكتب....
* ياجماعة الخير ... داير لي اسبوع إجازة؟؟
- انشاء الله خير
* كل الخير عندنا عرس خالنا في البلد!!
- لا حول ولا قوة إلا بالله ... خالك؟؟ لسه ماعرس وكان وين دا؟؟
* ياخوانا الزول كان مغترب ... ليهو عشرة سنه ... الناس في الحله عدموه القرش لمن ضربتو البورة والصلعه...والفلسه كمان.

[بت مارنجان]

في جلسة هاتفية مع الحجة الرضية وولدها محمد عثمان المغترب بالجماهيرية
العربية الليبية الاشتراكية العظمي :

هي ياولدي ماتبرد حشاي وتعرس اشوف جنياتك قبل مااموت ...
ياامي والله خلاص نويت ان شاء الله العيد دة جاي زول عقد عديل ...
ايويييييييييييوووووووووووووويييييييييييوووووووووي " ابشري ياخادم الله اخوك محمد
جاي للعرس ...

وتتعالي الزغاريد من البرندة والمطبخ وتقف الحجة " الرسالة " خالة محمد في نص
الحوش وتفقعها زغرودة كبيرة مأزنين بزواج قريب بالدار ...

ياتي الحاج عثمان من ديوان الرجال لتخبره البنية " البتول " عن انو محمد ضرب التلفون وقال جاي للعرس خلاص ...

يهلل الحاج عثمان وترقرق عيناه بانو خلاص حيشوف جديد ولدو الوحيد ....

تأتي حجة " مدينة والسرة " وهم دافرين باب المنزل ويصيحان الرضية هوووووووووووي
في شنو مالك بتزغردو ؟؟؟

تخبرها الرسالة بانو محمد جاي في العيد يعرس .... ويفقعوها الناس زغرودة كبيرة



اها لي تمو الباقي :p

[أبوعمرو]

سوق أمدرمان
حاجه كده زي (الريكه) فيها عود في النص ومغطية بقماش أحمر شفااااااااااااااف ...
ديل بودو فيها الريحه والصابون والمعجون والعلب المامنها فائدة...
عمك العريس مندهش من الاسعار وكل مره يقولب في الدولار ...ويتشهد التقول كان مغترب في اليمن!!!

[أبوعمرو]

سوق ليبيا
شنطة فاااااااااااااااااااضية قدر الهجمة 120 جنيه نهائي ....
سوق نمره (2)
تكييس وتدبيس معدات الشنطة
سوق العشرة
كم ريكه كده إضافية
الترحيل بعربية العريس اللانكروز لوحات بلاد بره.. والشاشه شغاااااااااله بندي القلعه والتنك التحت والفوق فل...
كل شويه كده يوقفك واحد ... ياخوانا العربية دي بايعنها ؟؟؟ دايرين نمشي بيها مكان الدهب في عطبرة!! عالم غريب

[أبوعمرو]

ياخ انا من الصباح امشي والاقيك واحل في الموضوع تكتب ....

نحن ناس السيرة واصل السيرة ... انحنا بنسير بلا سيرة ....
مارنجوز
وصف مبسط لسيرة اللوري
أولاً: يوضع بمبر كبير تركب بيهو النسوان
ثانيا: الرجال في السيخ كراع بره والتانية جوه... الكراع الطويله جوه ... ويتم التبديل في الملفات... الصناديق لحناكيش الحله ... والزول الراكب في السيخ ما عندو طريقه يمسك لأنو بكون ببشر بيديهو الأتنين!!!

[بت مارنجان]

كم ريكه كده إضافية
[/color][/size]

الكلمة دي غلبتني عديل :o

[أبوعمرو]

[QUO
TE=بت مارنجان;453026]الكلمة دي غلبتني عديل :o[/QUOTE]
الريكه: طبق من الزعف توضع عليه الكسره الرهيفة ويغطي بكيس من النايلون
وقيل في المثل (الصبي ريكه) ... بمعني أن الولد الصبي يأكل ريكه كامله من الكسرة لوحده ..دليل الصحة والعافية

[بت مارنجان]

[QUO
TE=بت مارنجان;453026]الكلمة دي غلبتني عديل :o
الريكه: طبق من الزعف توضع عليه الكسره الرهيفة ويغطي بكيس من النايلون
وقيل في المثل (الصبي ريكه) ... بمعني أن الولد الصبي يأكل ريكه كامله من الكسرة لوحده ..دليل الصحة والعافية[/QUOTE]


انحنا بناكل ريكة لكن مع الاسرة وكدي :p

[بت مارنجان]

حارسين السيرة دي حتحرك متين

[عبدالرحمن مدثر]

ياعمك

انا فى السيرات بحب (الانشحاطة ) التى تسبق عملية

ركوب اللوراى وتتزامن مع الجرتق .. وكدا

لكن هى انشحاااطة بفهم


وتانى بمنااااسبة الشتاء وهاك ياجنا (اطرش ) بالزيت عشان الحفلة

صباحى وتجى تلمع وانت ممسح وغبار الحفلة كلوا يسلم عليك

غباااار بعرق

ياعمك نحن قاعدين

ومنشحطين على فت رجل

اهااااااا

يالمبرووووك

واااااصل

[عبدالرحمن مدثر]

الريكه: طبق من الزعف توضع عليه الكسره الرهيفة ويغطي بكيس من النايلون
وقيل في المثل (الصبي ريكه) ... بمعني أن الولد الصبي يأكل ريكه كامله من الكسرة لوحده ..دليل الصحة والعافية


انحنا بناكل ريكة لكن مع الاسرة وكدي :p[/QUOTE]

:p:p:p:p:p:p:p:p:p:p:p:p
:p:p:p:p:p:p:p:p:p:p:p:p:

[okasha]

نجيب سيوترنا ونركب معاكم

مع الصقط التقيل دا

[telecom]

حارسين السيرة دي حتحرك متين

الله يسالنى السيرة عندكم
من ما الله خلقنى ما شفتا لى سيرة بلورى دى سيرة شنو يا جنا
والله بنخاف على شفعنا عشان كدى اخير تقول ممنوع اصطحاب الاطفال ..................لو سمحت :p:p:p

[telecom]

يا جماعة خفوا علينا شوية من المصطلحات الغريبة دى ريكة ......واطرش
بالعربى لو سمحتوا

[العاقب مصباح]

والله يا ابو عمرو ما قصرت

طولنا ياخ من ركوب السيخ والقعاد فى الصناديق

طبعا اهم منطقة فى اللورى الصناديق ولا فى السيخ جنب الصناديق

طبعا اشفت نوع بتلقاهو راكب فوق فى البوابة الخلفية وخاتى كرعيهو فى السيخ الفوق لى البمبة

انا معاك غايتو

حتى لو اركب فى التندة

[telecom]

(بمبة ) (وتندة) يا جماعة قلنا بالعرببببببببببببببببببببببببببببببببببببببببببببب ببببببببى لو سمحتوا ما تخلونا نقعد كنب نكورك

[عبدالرحمن مدثر]

اتذكرت بص ناس ودالسنى
لمن يضرب البورى يازول الكلام انتهى

اى زول يفسر صوت البورى الممططططوط على حسب مزاجى

تالووووللوووو

وحاجات كدا

مره واحد زهجان من البص من سمع صوت البورى ارهف السمع

وقال انتو عارفين بوررى البص بقول شنو:



ودالسنى قام مشحون

حلاة القلبة فى الخرتوووم



الكع ياجنا اديتنا الصقيعة والزيفة

[ود سعدابى]

يا سلاااااااااااااااااااام ياخ زكرتنا زمن كنا صغاااااااااااااااار

ياخ انا من النوع البحرس الحفلة فى محلها تلقانى نايم فى الصيوان واغباااااااااااااااش

دا كلو عشان الحفلة ما تفوتنى

كان زمان الحفلة صباحى لو فاتتك الحفله لازم تصحى بدرى مع طقت الديك الاولانى وتحفظ ليك غنية غنيتين من باقى الفاصل عشان لو اصحابك غالطوك وقالو ليك انت ما جيت الحفله توريهم اخر اغنية غناها الفنان كانت شنو

[بت مارنجان]

انحنا بناكل ريكة لكن مع الاسرة وكدي :p


:p:p:p:p:p:p:p:p:p:p:p:p:[/QUOTE]

:mad::mad::mad::mad::mad:

اعزمونا ريكة بي مندي :p

[أبوعمرو]

وجينا... راجعيين
العرسان في الشقة
رووووووووووووحنا طلعت
خسااااااااااااااااااااائر بالجملة
التفاااااااااااااااااصيل قدام
نصيحة
المابعرف المصلحات ومحتاج لمترجم مافي داعي يدخل
خلو لي ودمدثر والعاقب وسعدابي
تخريمه:
منااااااااااااال
قلنا السيرة باللوري ما أتوس

[بت مارنجان]

ياخوانا انحنا من الصباح خاتين تيابنا تحت المخدة المروق متين ؟؟؟

[بت مارنجان]

المابعرف المصلحات ومحتاج لمترجم مافي داعي يدخل

:eek::eek::eek::eek::eek:

قلنا السيرة باللوري ما أتوس

لابد من التعلم يااخي ابو عمرو ولا شنو :p

[أبوعمرو]

العريس طبعا ماقصر
كل ذكر بالغ مقطع جلابية وعمه
وكل بنت أنثي ثوب
والشباب صابون قدر حجر الطاحونه ومعجون قدر الكتله
والناس الراقين شوية شويه ريحه كااااااربه

[أبوعمرو]

:p:p:p:p:p:p:p:p:p:p:p:p:

:mad::mad::mad::mad::mad:

اعزمونا ريكة بي مندي :p[/QUOTE]
مارنجوز
والله عشانك سألت (تاني) من المثل (الصبي ريكه)... وحدثني أحد الأعراب الذين أثق في تفسيرهم ان المثل يعني (قدرة التحمل) بمعني أن (ريكه) الكسرة تتحمل (طرقات الكسرة) ولاتأبي الزيادة مهما زادت ....
(ريكه بي مندي)... الله إقطع الشتاء

[أبوعمرو]

بمناسبة الزواج في (الحلة)... تتحول جميع المنازل الي بيوت فرح ... وتفتح (الدواويين) القريبة لمنزل العريس لإستقبال الضيوف والإمعان في إكرامهم ... وقد تأكد لي بما لا يدع مجال للشك اننا شعب كريم مضياف وأبي... فهولاء فعلا يعزمون علي (المافيش) وان صفة الكرم لا علاقه لها بالمال وهي شئ يخرج من القلب وليس الجيب ....
ولكم ياسادتي ان تعلموا أن أسرة صغيرة تحملت البرد القارس لمدة ثلاثة أيام لأنها منحت جميع (البطاطين) ليتدفئ بها الضيوف

[عبدالرحمن مدثر]

نحن قاعدين ياعمك فى الضراء
السقط يااااااخ

بمناسبة الريكة يوم العرس فى الحلة كل النسوان بجن بريكاااااتن

يقطع البلد دى الكلها بريكاااااااات


واصل ياعمك

[بت مارنجان]

:mad::mad::mad::mad::mad:

اعزمونا ريكة بي مندي :p
مارنجوز
والله عشانك سألت (تاني) من المثل (الصبي ريكه)... وحدثني أحد الأعراب الذين أثق في تفسيرهم ان المثل يعني (قدرة التحمل) بمعني أن (ريكه) الكسرة تتحمل (طرقات الكسرة) ولاتأبي الزيادة مهما زادت ....
(ريكه بي مندي)... الله إقطع الشتاء
[/QUOTE]

اي والله :o
بالمناسبة دي فطرتو :o

[أبوعمرو]

[quote=عبدالرحمن مدثر;454867]نحن قاعدين ياعمك فى الضراء
السقط يااااااخ

بمناسبة الريكة يوم العرس فى الحلة كل النسوان بجن بريكاااااتن

يقطع البلد دى الكلها بريكاااااااات


واصل ياعمك

عمنا
القعده في الضراء لايعلم قيمتها إلا من تحكر في الضرا وتلفح بالفردة الصفراء ولفحت وجهه حبيبات الغبار الممزوجه بروث البهائم... وهو يضحك ملء شدقيه لموقف يحكيه أحد الظرفاء ...
تعرف ياعمك أنو الجماعه هناااااك اليومين ديل ضحكتم نص كم ... والسبب شقيق الشلاليف من السقط

[أبوعمرو]

أشتهر سكان الجزيرة علي وجه العموم بزيادة السكر في الشاي (يعني شاي عسل) ... وعندما إستنكرت ذلك أخبروني أننا (مغذيين) في الخرطوم ولا نحتاج للسكر أضافه الي اننا لا نبذل مجهود يذكر...

[الزونية]

أبو عمرو
والله البوست رهيب .واصل
وخلونا نشوف السيرة حترسى علي شنو..
وتخيلت تماماً منظر الناس مشعلقين في اللوري.
هو العريس عندو لاندكروزر..
مالو مسير الناس باللوري..
ماأتبيّن..
أها ورونا بغنو شنو

[telecom]

وجينا... راجعيين
العرسان في الشقة
رووووووووووووحنا طلعت
خسااااااااااااااااااااائر بالجملة
التفاااااااااااااااااصيل قدام
نصيحة
المابعرف المصلحات ومحتاج لمترجم مافي داعي يدخل
خلو لي ودمدثر والعاقب وسعدابي
تخريمه:
منااااااااااااال
قلنا السيرة باللوري ما أتوس

يعنى ما نتابع سيرتكم ولا قصدك شنو
انتو تركبوا المرسيدس واللاندكروزر وتسيروا الناس باللوارى
شينة منكم :mad::mad::mad:

[أبوعمرو]

[quote=الزونية;454921]
أبو عمرو

والله البوست رهيب .واصل
وخلونا نشوف السيرة حترسى علي شنو..
وتخيلت تماماً منظر الناس مشعلقين في اللوري.
هو العريس عندو لاندكروزر..
مالو مسير الناس باللوري..
ماأتبيّن..

أها ورونا بغنو شنو
فوائد سيرة اللوري:
1- اللوري يتحمل أكبر كمية من البشر... علي الأرضية وفوق السيخ.
2- مجاملة العريس والركوب في اللوري يدل علي مجاملة حقيقة بإعتبار أن المجبور فقط هو الذي يتحمل هذا الوضع.
3- بعض الشبان في الحله يجازفون بركوب السيخ للتدليل علي الشجاعه ومحاوله خطف اعجاب الجكاسي المتتفن علي أرضية اللوري وينظر بإعجاب لراكبي الأمواج.
4- عادةً يتبرع سائق اللوري بهذه السيرة مجاناً وانا متأكد أنه لايقصد المجاملة وأنما محاوله لإظهار إمكانيات اللكزس.

[العاقب مصباح]

انا مستغرب فى تليكوم دى

ماشة تعمل شنو

ولا بتركب لورى ولا بتشيل ريكتها

ولا راسمة زى البنات

ولا دايرة تواجب العروس

غايتو جنس ناس

[الزونية]

[quote=الزونية;454921]
أبو عمرو



والله البوست رهيب .واصل
وخلونا نشوف السيرة حترسى علي شنو..
وتخيلت تماماً منظر الناس مشعلقين في اللوري.
هو العريس عندو لاندكروزر..
مالو مسير الناس باللوري..
ماأتبيّن..


أها ورونا بغنو شنو
فوائد سيرة اللوري:
1- اللوري يتحمل أكبر كمية من البشر... علي الأرضية وفوق السيخ.
2- مجاملة العريس والركوب في اللوري يدل علي مجاملة حقيقة بإعتبار أن المجبور فقط هو الذي يتحمل هذا الوضع.
3- بعض الشبان في الحله يجازفون بركوب السيخ للتدليل علي الشجاعه ومحاوله خطف اعجاب الجكاسي المتتفن علي أرضية اللوري وينظر بإعجاب لراكبي الأمواج.
4- عادةً يتبرع سائق اللوري بهذه السيرة مجاناً وانا متأكد أنه لايقصد المجاملة وأنما محاوله لإظهار إمكانيات اللكزس....


غايتو مبررات عجيبة..
لكن أهو منتظرين التحرك عشان نشوف المنظر..
أكيد سيرة مبااااااااااالغة..
انا غايتو ماحأفوتا ..نادو لي منولة دي ..
ده مشهد لن يتكرر ..

وبعدين اللكزس دي أوعى اللوري؟؟؟؟
فهم برضو...

[أبوعمرو]

[quote=العاقب مصباح;455413]انا مستغرب فى تليكوم دى

ماشة تعمل شنو

ولا بتركب لورى ولا بتشيل ريكتها

ولا راسمة زى البنات

ولا دايرة تواجب العروس

غايتو جنس ناس
/عقبة
تذكر زماااااااااااااااااااااااااااااااااان
السيرة الكداري قداااااااااااام الحلة
مواجبة العروس دي بي طقم شاي ولا صحن عضمquote]

[أبوعمرو]

حنة العريس
تبدأ عادة حنة العريس قبل ثلاثة أيام من السيرة... وتكون الحنة الأولي بمنزل والدة العريس ويتم رص السراير والكراسي في حوش المنزل ويوضع سرير ضخم عليه مفرش أحمر... يجلس عليه العريس الذي يرتدي الجلابية والسديري وينتعل الحذاء الأبيض ويحمل بيده سوط للتبشير بيه علي الأصدقاء ... ثم تأتي صينية الحنة يتوسطها صحن الحنة مغروزة فيه الشموع وعلي جانبي الصينية أدوات الجرتق وعطور الحنة ... أثناء (خت) الحنة يرتفع الغناء الحماسي من الفتيات وتكثر الزغاريد من الخالات والعمات

[الزونية]

حنة العريس
تبدأ عادة حنة العريس قبل ثلاثة أيام من السيرة... وتكون الحنة الأولي بمنزل والدة العريس ويتم رص السراير والكراسي في حوش المنزل ويوضع سرير ضخم عليه مفرش أحمر... يجلس عليه العريس الذي يرتدي الجلابية والسديري وينتعل الحذاء الأبيض ويحمل بيده سوط للتبشير بيه علي الأصدقاء ... ثم تأتي صينية الحنة يتوسطها صحن الحنة مغروزة فيه الشموع وعلي جانبي الصينية أدوات الجرتق وعطور الحنة ... أثناء (خت) الحنة يرتفع الغناء الحماسي من الفتيات وتكثر الزغاريد من الخالات والعمات ..


يمة الخير بريدو حننو الليلة يوم جديدو حننو
شوف اصحابو جوهو حننو وقفو شرفوه سيرو
شوف خالاتو جوهو حننو وقفوا جرتقوه الليلة سيرو

[الزونية]

ياخوانا السيرة فاتت والا شنو؟؟؟؟؟!!!!!

[من بيكة]

والله يا ابو عمرو ذكرتني سيرة لوري حبوبتنا ام العروس ما رضيانة تودي بتا لا هل العريس لزوم المفروض اجو هم وهاك يا اتي ارفعي يدك واندهي شخيك ( يابشرا تقلبا )
وهااا اسمعي يالاخت التننية واندهي شيخك (هيييي كا ابشرا اقلبا الخدام بعدلا):)

[ود سعدابى]

وايضا قبل السيرة وفى طقوس الحنة

وتجول اخوات العروس وبنات اعمامه بصوانى بها صحانت صينى مشجرة ممتلئة على اخرها رز باللبن وتوزع على مجموعات كل مجوعه صحن بدون ملاعق

وتختم الضيافه بشاى اللبن المقنن الذى يحمل ايضا فى براريد من الفخار القيم او براد صينى ابيض



وما ان ينفك الناس من تخليص ما بحوزتهم من ضيافة اهل العريس يسارع الكل ويمد يده اليمنى لكى تلتخ بالحناء ايضا وهنا يتسابقن الحسان بكل رشاقة وجمال يضاهى جمال الرتينة فى تلك الليله

على الشباب كل فتاه تتمنى ان تحنن الذى فى خاطرها وكل شاب يتمنى ان تحننه الفتاه التى بخاطره



ابو عمرو ....ابوعمرو



تتجازى وتاخد الاجازة خجيتنا خج بالسيرة دى

[telecom]

انا مستغرب فى تليكوم دى

ماشة تعمل شنو

ولا بتركب لورى ولا بتشيل ريكتها

ولا راسمة زى البنات

ولا دايرة تواجب العروس

غايتو جنس ناس


انت متضايق مالك يا عقبة انا شدة ما عزونى نزلونى من اللورى وركبونى الاند كرزر قايلنى هينة ولا هينة بعدين القليك منو ما حاواجب العروس اهو خاتمى شايلا معاى تانى فى حاجة
بعدين تعال نسعلك يا عقبة ريكة شنو البشيلا هى شنو ذاتها والرسم دا لو سمحتا ما تجيب سيرتو قالوا اب سنة يضحك على اب سنتين

[ود سعدابى]

ناس السيرة ديل مالم لسه ما جو وقالو اتحركو من بعد الفطور


وهسى تماينه مفروض يكون وصلو من سبعه مع المغيبرب الغدا دا برد وملاح القرع دا ما بتاكل بالليل تانى


والضلع زاتو الزيت الفيهو جمد


ياربى يكونو راحو من الشارع ؟؟


كدى يا جنون امشو على الخلا واطلعو فى ضهر الترعه امكن تلقو ليكم نور شااالع فى الصى


بطرو ليهو بالبطاريه عشان يشوف النور ويهج عليهو


ابو عمرو


اللورى دا مالو اتاخر


ياخ

[خالد علونى]

[quote=عبدالرحمن مدثر;454867]نحن قاعدين ياعمك فى الضراء
السقط يااااااخ

بمناسبة الريكة يوم العرس فى الحلة كل النسوان بجن بريكاااااتن

يقطع البلد دى الكلها بريكاااااااات


واصل ياعمك

عمنا
القعده في الضراء لايعلم قيمتها إلا من تحكر في الضرا وتلفح بالفردة الصفراء ولفحت وجهه حبيبات الغبار الممزوجه بروث البهائم... وهو يضحك ملء شدقيه لموقف يحكيه أحد الظرفاء ...
تعرف ياعمك أنو الجماعه هناااااك اليومين ديل ضحكتم نص كم ... والسبب شقيق الشلاليف من السقط









الله يجازي محنك يا ابو عمرو
زكرتني شقيق الشلاليف
والفي الشدوق من حمام الكنار
كان زمن
بي المناسبة
عندنا لوري في الحلة اسالوا منو خالنا المكاشفي كا نفي الصقت لو ما شمموه التمباك ما بدور
اظنوا لوري عوض الكريم
السنة كلها شغال يوم واحد ماقالوا خسران






هاك اللوري دا
http://www.abu-nawaf.com/albumsm/678.jpg

[محمد النويري-الفقراء]

اها يا ابوعمرو انا جيتك تب وبعكازي عشان اركب في سيخة اللوري سيرة زي دي ما بتتفوت وما بقصر معاك الكراعين الاتنين برة عشان تآمن . واهم حاجة الزقاريد في السماء