سمر ادم
09-12-2009, 12:40 PM
بسم الله الرحمن الرحيم
السلام عليكم
طبعاً يا جماعه عباس مرقه ده شخصيه غريبة الاطوار مره تلقاهو عامل شعرو للخلف ومره بالجنبه اليمين ومره بالشمال الخ...... وطوالى بيتاثر باى شئ يشوفو مره قال مسافر قلت ليهو وين قال لى ماشى امريكا عشان اقابل ويل سميث واعرف بيشترى ملابسو الحلوه دى من وين وبرضو اعرف منو بيحلق شعرو وين؟
والغريبه انو مرات تلقاهو قاعد بيفكر ولمن تسالو بتفكر فى شنو يقول انا لازم اغير حياة البشريه دى ولازم تكون لى بصمه فى حياة كل انسان... مسكين اصلو دايش وقايل نفسو انيشتاين والا لويس باستير.
مره قال لى انا عايز اصنع قنبله اقوى من القنبله الذريه تكون مصنوعه من الاكياس الكتيره المرميه فى الشوارع دى وامشى افجرها فى الجبال الوراء الصالحه بعد امدرمان قمت قلت ليهو اها يا النجيض دى حتصنعها كيف؟ قال لى بسيطه... حالم الاكياس والخبتها بزيت سمسم وشوية بنزين + كريم لوف لى واقدح فيها قشة كبريته اخلى العالم ده كلو رماد .
اها انا حسيت انو صحبى ده ماشى شاطح وقريب شكلو حيجلى قلت اخير يا يابت توديهو التجانى الماحى عشان يشوفو سبب الشطحه دى شنو...
انتظروا
الحلقه القادمه(عباس مرقة فى مستشفى المجانين)
السلام عليكم
طبعاً يا جماعه عباس مرقه ده شخصيه غريبة الاطوار مره تلقاهو عامل شعرو للخلف ومره بالجنبه اليمين ومره بالشمال الخ...... وطوالى بيتاثر باى شئ يشوفو مره قال مسافر قلت ليهو وين قال لى ماشى امريكا عشان اقابل ويل سميث واعرف بيشترى ملابسو الحلوه دى من وين وبرضو اعرف منو بيحلق شعرو وين؟
والغريبه انو مرات تلقاهو قاعد بيفكر ولمن تسالو بتفكر فى شنو يقول انا لازم اغير حياة البشريه دى ولازم تكون لى بصمه فى حياة كل انسان... مسكين اصلو دايش وقايل نفسو انيشتاين والا لويس باستير.
مره قال لى انا عايز اصنع قنبله اقوى من القنبله الذريه تكون مصنوعه من الاكياس الكتيره المرميه فى الشوارع دى وامشى افجرها فى الجبال الوراء الصالحه بعد امدرمان قمت قلت ليهو اها يا النجيض دى حتصنعها كيف؟ قال لى بسيطه... حالم الاكياس والخبتها بزيت سمسم وشوية بنزين + كريم لوف لى واقدح فيها قشة كبريته اخلى العالم ده كلو رماد .
اها انا حسيت انو صحبى ده ماشى شاطح وقريب شكلو حيجلى قلت اخير يا يابت توديهو التجانى الماحى عشان يشوفو سبب الشطحه دى شنو...
انتظروا
الحلقه القادمه(عباس مرقة فى مستشفى المجانين)