زمان كنا بنعرف إيجار العجلات بس ايجار الجرايد ده اطرشنا ...

[عباس الدسيس]

الاستياء حالة تصيب الانسان عندما لا يكون هنالك توافق في رغباته بمعني ما لقي الدايرو حسب هواه او امنياته كنت لما اكون طالع مشوار مهم وابحث عن القميص العاجبني والقي اخوي لبسوا وطلع بستاء وكان اتغلب المريخ بستاء واذ واعدته الحبيبه وشرتني بستاء لاكن الحصل لي عندما ذهبت اجازه للسودان واصابني ده شنو والله ما قادار اصنفوا من اي نوع من انواع الاصابة النفسية.
قررت الذهاب الي اجازه سنوية ولسؤ الحظ قررت ان اذهب بالسيارة من الرياض نسبة لان هنالك اشغال كثيره اود ان انجزها بين الخرطوم ومدني مما تستدعي السفر المتكرر بالاضافة لبعض الالتزاماتالاسريه في التعزية والموجب زي ما بقولوا النسوان مما تستدعي السفر لمدن مختلفه وقري بالجزيره استشرت المدام تكون رحله جميلة في صحبتها هي والصغار لم اوفق في اقناعها قالت لي السفينة تشيل شاحنه الله معاك ... توجهت للسودان اشواقي وفرحتي تسبقني عابرة البحر الاحمر بقضاء ايام جميلة كان الوصول الي ميناء سواكن حيث الذباب الكثيف والغبار تجد الحمالين الذين يرغموك علي العمل في تنزيل اغراضك بمبالغ كبيرة مرغما ولا لك طريقة للاحتجاج ولقد شاهدته منظرا مؤسف بمعني الكلمة اذ رفض احد المغتربين ان يتم انزال حاجاته من السياره بواسطة الحمالين فتعرض للاستفذاذ وتطورت الملحمه الي المهاترات والتدفر حتي وصلت الي ان تم طرحه ارضا امام زوجته واولاده استفزني الموقف تدخلت لكي اساعد الرجل في النهوض من الارض وتلقائيا اصبحت جزء من الاشكال والشرطه شاهد علي هذه الاحداث تناقشت مع رجل الشرطه... قال انت الدخلك شنو مالك ومال الراجل عامل فيها عنتر.... تطور النقاش الي ان تم تهديدي بالحجز في السجن اتصلت علي احد اقربي عقيد شرحت له الموقف المستفز وذلك لنصرة الرجل المسكين كان رده انت في زول سألك الموضوع ده اطلع منوا الناس ديل ممكن اختوا ليك سجارة بنقو في عفشك ... وكان هذا اول استقبال لنا في ربوع وطننا الحبيب.... بعد ان قمنا بدفع جميع الرسوم والتي كانت جزء منها بايصالات والاخر بدون ايصالات ماليه غير معروفة الهوية توجهنا الي الخرطوم بالطريق الجديد بعطبره بعد الاستراحه بها توجهت خارجا منها في صينة عطبره وقفت للسؤال عن الطريق المتوجه للخرطوم للتاكيد وسألت احد سائقي الشاحنات وكنت اتكلم معه وبدون مقدمات ظهر رجل شرطه شهم خاطبني (( نحن الشرطه في خدمة الشعب نسهر لاراحتكم اي سؤال)) اعتبرته هذا موقف جميل من انسان يحترم مهنته وكان فعلا قمة الاحترام والتعامل الجيد حيث ظننت ان هذا التعامل سوف يمسح الصوره البائسه والمظلمه عند ميناء سواكن وبعد ان قام بوصف الطريق مال برأسه داخل السياره وخاطبني (( يا دكتور والله انا ام العيال قاعده في البيت ضلمه الجمره الخبيثه قطعت منها شوف لينا حاجة كده بي حلاوة الرجوع للبلد )) اديتوا خمسه جينه رفض اشيلا والكلام ده كلوا الراجل مدخل راسو جوه العربية وبعاين للجيب لا تقدر تمشي ولا تقدر تتفك منوا عشان اخلص نفسي طلعت خمسه جنيه تاني وقعدته اترجي فيهوا عشان اطلع راسوا اخلينا نمشي.... هل اخلاقيات الناس اتغيرت ام نحن تغيرنا مع الغربة واصبحنا ننظر للمسائل المادية والشحده مخجلة وهي اصبحت عادية في السودان سابقا كنا نسمع بالرباطين مع تطور الحياة والعولمه اختلفت الطرق والدليل طيلة فترة وجودي بالسودان لم اسمع ان هنالك احد تم نشله في السوق او المواصلات مع ان هذه الظاهره كانت كثيره سابقا ياربي الناس بقت ما عندها قروش عشان تتنشل الواحد تلقي في جيبوا كيس الصاعوط الجرايد الناس بقت تقرأ العناوين بتاعتا من بعيد نادرا ما تشوف ليك واحد شايل ليهوا جريده في يدوا وصلت الحال بي الناس بقت تاجر الجرايد نهاية اليوم ترجعا زمان كنا بنعرف إيجار العجلات بس ايجار الجرايد ده اطرشنا ... كل مره الاقيك واحد اسلم عليك بي ترحاب اقول ليك شنو يعني نسيتني تجاريهوا في الكلام الحكاية في النهاية تطلع ياخي ما تشوف لينا حاجة اخوك تعبان جيبوا ضاربوا السلك ... في واحد قال لي بنتوا الصغيره عيانه ما عندوا حق الدواء شوف لينا كده خمسين جينه يا ابو الشباب انا قلته مره واحده خمسين جنيه لو كل واحد بجيني اديهو خمسن جنيه ما يعادل تقريبا مائة ريال معناها في نهاية اجازتي انتظر المغتربين الجايين عشان اخش نفس الموال بتاع الجماعه ديل وابقي زيهم ... عامل فيها الود شاطر قلت ليهو جيب الروشته الكتبه ليك الدكتور انا بشتري ليك الدواء عشان اشيل العشرين الطلعتها ليهوا واتفكا منوا الراجل زعل ومشي مني قلته الحمدلله اتفكينا جاني راجع بعد ساعتين قلته احتمال فكر قال احسن اشيل العشرين من اول كان احسن ليهوا بدل متلتل نفسوا في مشيه وجيه اها لما وصلني طلع لي الروشته بتاعت العلاج قلته ليهو خلاس المساء تلقي الدواء عندك مشيت الصيدلية الدواء طلع بي 220 جنيه اشتريتوا اعمل شنو وانا طالع من الصيدلية دقشته لي حجر قلع ظفري ماعرفته ده من القروش الدفعتها ولا من حسرتي علي ما اديتوا الخمسين بقينا لو في واحد دقا الباب سأل منك تقول لي ناس البيت قولوا ليهوا نايم فعلا الانقاذ قامت بصياغة الفرد السوداني رجعتوا لي ايام الاستعمار فهنيئا لها بالبرنامج الحضاري والانتخابات ... ده نسميهوا شنوا في اي خانة من خانات الحالة النفسيه عند زيارة السودان استياء ام مرحلة اعلي من ذلك.

[أبوريلان]

الحبيب عباس الدسيس
حمداً علي سلامة العودة
وإن شاء الله لقيت الأهل بخير وصحة
وناس الدباغة طيبين
ياخي ناس الميناء بعد القلع ده كلو أحسن من
مرمطة سودانير وزيادة العفش .


أها البرادو رجعت بيها ولا بعتها ؟

[عباس الدسيس]

حبيبنا ياسر ود الاستاذ سلامات كل ناس الدباغة بخير وجميع الاهل بخير وصحه جيده .... والله ياسر ما عرضتها للبيع لاكن في واحد جاني قال لي عندوا جنينه معاها رقشات قال بديني الفرق قروش اها نقعد لي زي ده واحد تاني جاني قال عندو بوكس موديل 83 وقطعة ارض في حنتوب والباقي بشيك ديل اقولوا ليهم شنو

[أبوريلان]

حبيبنا ياسر ود الاستاذ سلامات كل ناس الدباغة بخير وجميع الاهل بخير وصحه جيده .... والله ياسر ما عرضتها للبيع لاكن في واحد جاني قال لي عندوا جنينه معاها رقشات قال بديني الفرق قروش اها نقعد لي زي ده واحد تاني جاني قال عندو بوكس موديل 83 وقطعة ارض في حنتوب والباقي بشيك ديل اقولوا ليهم شنو


قول ليهم بشاور أمي وبرجع ليكم .

[عباس الدسيس]

مع خالص تقديري وشكري بمروركم حبيبنا ياسر وسلامي للاسرة الكريمه

[مدنيّة]

انت شفت حاجة يادسيس

خليها علي الله


همسة : حمدا لله علي السلامة

[عباس الدسيس]

ازيك يا مدنية والله اسلمك واديك الصحه والعمر الطويل .... خليناها علي الله ومركب علي الله بتعرفيها دي قالوا المركب مقدوده كمان مجاديفا مكسرات عمنا علي الله واقف بيها في المشرع انقل بيها الناس كمان مصر اشيل معاهم الغنم ده ياهو السودان

[esmat]

عباس الدسيس حمد الله على السلامة
وربنا اسهل للجميع ان شاء الله

[ام قبس]

الدسيس
السلام عليكم
اولا حتي لا تكون هناك رواسب
اكيد مازعلان من ردي في البوست القديم
ولو زعلان .................................................. ...............ازعل:eek:
لا والله اشكرك علي اختلاف الراي الذي يوضح معادن الاشخاص

بالجد وصف مؤلم شيق
هل انت متاكد مشيت السودان ما مصر

حمدلله علي السلامه وخوفتنا عديل من الرجعه
وتقبل مروري بي نفس صافيه ارجوك

[moh_alnour]

الأخ : عباس الدسيس
ألف حمدا ً لله على سلامة العودة من أرض الوطن الجريح و أتمنى أن تكون قد وجدت الجميع في خير و عافية
بس طبعا ً جاني إحباط خاصة و إنو أخوك قرر الذهاب إلى أرض الأهل و الأحباب في مُقبل الأيام بمشيئة الله
و نسبة لقِصر فترة الإجازة الممنوحة فقد عدلت عن فكرة الذهاب بالسيارة و أستبدلتها بالخطوط السعودية ( لسه ما ضقتا حنة ولا ضريرة )
عشان أجازف و أمشي بالناقل الوطني ( سودانير ) و الذي تقع طائرته مثل أوراق الأشجار في فصل الشتاء :(
أو كما قالت أختنا مدنية تعريفا ً بمحل إقامتها الدائم في البندر ( محل ما الرئيس بنوم و الطيارة بتقع رَب ) ;)



تناقشت مع رجل الشرطه... قال انت الدخلك شنو مالك ومال الراجل عامل فيها عنتر



اتصلت علي احد اقربي عقيد شرحت له الموقف المستفز وذلك لنصرة الرجل المسكين كان رده انت في زول سألك الموضوع ده اطلع منوا الناس ديل ممكن اختوا ليك سجارة بنقو في عفشك



وبعد ان قام بوصف الطريق مال برأسه داخل السياره وخاطبني (( يا دكتور والله انا ام العيال قاعده في البيت ضلمه الجمره الخبيثه قطعت منها شوف لينا حاجة كده بي حلاوة الرجوع للبلد )) اديتوا خمسه جينه رفض اشيلا

:mad: :mad: :cool: :mad: :mad:
و فيك يا بلدي شفنا كل جديد ، دي على وزن و فيك يا مروي شفتا كل جديد مع الأعتذار للفنان الأستاذ الكابلي

[عباس الدسيس]

الله اسلمك يا الحبيب عصمت والف شكر علي المرور

[محمد عبد الله عبدالقادر]

ود الدسيس الدسيس
حمد الله على السلامة
وانشاء خليت الاهل كلللهم طيبين

الظاهر عليك طولت ما مشيت اجازة السودان
لا تستغرب ولا تستعجب
اللللللله يستر من الجاي


قابلني واحد انا ومعاي الوالد في مدني دي
وبرضو دخل راسو جوه العربية و سلام بحرارة
ويشيل ويقول لي - مافي كورنر...مافي كورنر
والله ما عرفت الكورنر دي شنو الا لمن ابوي لكزني وقال لي اديهو حاجه

[عباس الدسيس]

عزيزتنا ام قبس اولا سلامات والف تحية عشان اوريك انا زول قلبي ابيض والله قعدته اذكر في البوست القلتيهو امكن بعد تفتيش لي واراء وبحث حتي اذكرته ردك كان ما ذكرتيني والله ما بذكروا امكن عشان ذي ما قلته ليك طيبة القلب والله امكن عشان انا بتاع مشاكل من كثرة المشاكل بقيت انسي الشكله دي كانت وين يا ربي .....هههههههههه ظريفه صاح.
اسعدني مرورك يا ام قبس كان عارفين شكلنا معاك بخليك تزورينا كان كل يوم عملنا معاك مشكله علي الاقل نكسب طلتك الحلوة ... كان علي الرجعه احسن ليك تقعدي في محلك احنا الاجازه دي بنمشيها لما نذهج من البلد دي ونقول عايزين نقدم استقالتنا من الشغل بنمشي اجازة ونجي تاني ثلاثة سنين الواحد ما اقول بقم .... عموما مرحب بيك مع فائق تقديري

[عباس الدسيس]

محمد النور سلامات والف تحية غايتوا انت الما ضقته حنة ولا ضريره الله اكون في عونك تقل جيبك واعمل حسابك من تشربك الجكس فيك وانشاءالله ترجع لينا من الاجازة وانتو ثلاثة قول امين

[esmat]

والله ما عرفت الكورنر دي شنو الا لمن ابوي لكزني وقال لي اديهو حاجه


حبيبنا محمد عبد الله
والله ضحكتني
يعني انت كورتك فكت بقيت ما فاهم اي شي

ود النور ظبط الجيب عشان تشوت كويس

حمد الله على السلامة ام قبس

[عباس الدسيس]

محمد عبدالله يا حبيبنا كيف والاولاد انشاءالله الاخبار تمام الكورنر خليها اعمل حسابك من الباص القصير شكرا علي طلتك الحلوة

[أشرف صلاح السعيد]

الدسيس الف حمدا على السلامة وبركة الجيت بركة الجيت..
يا زول مالك طيّرتا لينا قلبنا من الرجعة يااخ؟..أكان قصة العربيات دى بتجبلها ملاززا الطيارة ما بنبدلا تب بس المشكلة النتلزز نلاقيو كمان فى الميطار ..غايتو تانى الا نرجع سباحة..
مشتاقين جد والجاتك فى اجازتك سامحتك..

[ابوالنور]

الاستياء حالة تصيب الانسان عندما لا يكون هنالك توافق في رغباته بمعني ما لقي الدايرو حسب هواه او امنياته كنت لما اكون طالع مشوار مهم وابحث عن القميص العاجبني والقي اخوي لبسوا وطلع بستاء وكان اتغلب المريخ بستاء واذ واعدته الحبيبه وشرتني بستاء لاكن الحصل لي عندما ذهبت اجازه للسودان واصابني ده شنو والله ما قادار اصنفوا من اي نوع من انواع الاصابة النفسية.
قررت الذهاب الي اجازه سنوية ولسؤ الحظ قررت ان اذهب بالسيارة من الرياض نسبة لان هنالك اشغال كثيره اود ان انجزها بين الخرطوم ومدني مما تستدعي السفر المتكرر بالاضافة لبعض الالتزاماتالاسريه في التعزية والموجب زي ما بقولوا النسوان مما تستدعي السفر لمدن مختلفه وقري بالجزيره استشرت المدام تكون رحله جميلة في صحبتها هي والصغار لم اوفق في اقناعها قالت لي السفينة تشيل شاحنه الله معاك ... توجهت للسودان اشواقي وفرحتي تسبقني عابرة البحر الاحمر بقضاء ايام جميلة كان الوصول الي ميناء سواكن حيث الذباب الكثيف والغبار تجد الحمالين الذين يرغموك علي العمل في تنزيل اغراضك بمبالغ كبيرة مرغما ولا لك طريقة للاحتجاج ولقد شاهدته منظرا مؤسف بمعني الكلمة اذ رفض احد المغتربين ان يتم انزال حاجاته من السياره بواسطة الحمالين فتعرض للاستفذاذ وتطورت الملحمه الي المهاترات والتدفر حتي وصلت الي ان تم طرحه ارضا امام زوجته واولاده استفزني الموقف تدخلت لكي اساعد الرجل في النهوض من الارض وتلقائيا اصبحت جزء من الاشكال والشرطه شاهد علي هذه الاحداث تناقشت مع رجل الشرطه... قال انت الدخلك شنو مالك ومال الراجل عامل فيها عنتر.... تطور النقاش الي ان تم تهديدي بالحجز في السجن اتصلت علي احد اقربي عقيد شرحت له الموقف المستفز وذلك لنصرة الرجل المسكين كان رده انت في زول سألك الموضوع ده اطلع منوا الناس ديل ممكن اختوا ليك سجارة بنقو في عفشك ... وكان هذا اول استقبال لنا في ربوع وطننا الحبيب.... بعد ان قمنا بدفع جميع الرسوم والتي كانت جزء منها بايصالات والاخر بدون ايصالات ماليه غير معروفة الهوية توجهنا الي الخرطوم بالطريق الجديد بعطبره بعد الاستراحه بها توجهت خارجا منها في صينة عطبره وقفت للسؤال عن الطريق المتوجه للخرطوم للتاكيد وسألت احد سائقي الشاحنات وكنت اتكلم معه وبدون مقدمات ظهر رجل شرطه شهم خاطبني (( نحن الشرطه في خدمة الشعب نسهر لاراحتكم اي سؤال)) اعتبرته هذا موقف جميل من انسان يحترم مهنته وكان فعلا قمة الاحترام والتعامل الجيد حيث ظننت ان هذا التعامل سوف يمسح الصوره البائسه والمظلمه عند ميناء سواكن وبعد ان قام بوصف الطريق مال برأسه داخل السياره وخاطبني (( يا دكتور والله انا ام العيال قاعده في البيت ضلمه الجمره الخبيثه قطعت منها شوف لينا حاجة كده بي حلاوة الرجوع للبلد )) اديتوا خمسه جينه رفض اشيلا والكلام ده كلوا الراجل مدخل راسو جوه العربية وبعاين للجيب لا تقدر تمشي ولا تقدر تتفك منوا عشان اخلص نفسي طلعت خمسه جنيه تاني وقعدته اترجي فيهوا عشان اطلع راسوا اخلينا نمشي.... هل اخلاقيات الناس اتغيرت ام نحن تغيرنا مع الغربة واصبحنا ننظر للمسائل المادية والشحده مخجلة وهي اصبحت عادية في السودان سابقا كنا نسمع بالرباطين مع تطور الحياة والعولمه اختلفت الطرق والدليل طيلة فترة وجودي بالسودان لم اسمع ان هنالك احد تم نشله في السوق او المواصلات مع ان هذه الظاهره كانت كثيره سابقا ياربي الناس بقت ما عندها قروش عشان تتنشل الواحد تلقي في جيبوا كيس الصاعوط الجرايد الناس بقت تقرأ العناوين بتاعتا من بعيد نادرا ما تشوف ليك واحد شايل ليهوا جريده في يدوا وصلت الحال بي الناس بقت تاجر الجرايد نهاية اليوم ترجعا زمان كنا بنعرف إيجار العجلات بس ايجار الجرايد ده اطرشنا ... كل مره الاقيك واحد اسلم عليك بي ترحاب اقول ليك شنو يعني نسيتني تجاريهوا في الكلام الحكاية في النهاية تطلع ياخي ما تشوف لينا حاجة اخوك تعبان جيبوا ضاربوا السلك ... في واحد قال لي بنتوا الصغيره عيانه ما عندوا حق الدواء شوف لينا كده خمسين جينه يا ابو الشباب انا قلته مره واحده خمسين جنيه لو كل واحد بجيني اديهو خمسن جنيه ما يعادل تقريبا مائة ريال معناها في نهاية اجازتي انتظر المغتربين الجايين عشان اخش نفس الموال بتاع الجماعه ديل وابقي زيهم ... عامل فيها الود شاطر قلت ليهو جيب الروشته الكتبه ليك الدكتور انا بشتري ليك الدواء عشان اشيل العشرين الطلعتها ليهوا واتفكا منوا الراجل زعل ومشي مني قلته الحمدلله اتفكينا جاني راجع بعد ساعتين قلته احتمال فكر قال احسن اشيل العشرين من اول كان احسن ليهوا بدل متلتل نفسوا في مشيه وجيه اها لما وصلني طلع لي الروشته بتاعت العلاج قلته ليهو خلاس المساء تلقي الدواء عندك مشيت الصيدلية الدواء طلع بي 220 جنيه اشتريتوا اعمل شنو وانا طالع من الصيدلية دقشته لي حجر قلع ظفري ماعرفته ده من القروش الدفعتها ولا من حسرتي علي ما اديتوا الخمسين بقينا لو في واحد دقا الباب سأل منك تقول لي ناس البيت قولوا ليهوا نايم فعلا الانقاذ قامت بصياغة الفرد السوداني رجعتوا لي ايام الاستعمار فهنيئا لها بالبرنامج الحضاري والانتخابات ... ده نسميهوا شنوا في اي خانة من خانات الحالة النفسيه عند زيارة السودان استياء ام مرحلة اعلي من ذلك.
(ذكر فأن الزكري تنفع المغتربين اقصد المؤمنين )

[عباس الدسيس]

يا باشمهندس ابو الشوش شوقنا والله بحر زي العايز ترجع بيهوا عوم ده لاكن نصيحتي ليك الاجازة السنوية دي ما بتنفع بيع الاجازه سنتين لي ناس الشركة والسنة الثالثة امشي سوريا ولا دبي اي حته والسنة الرابعة جيب الحجاج هنا حج ولا عمره السنة الخامسة اتوكل وانزل السودان .... اها ما حليت ليك المشكلة وثبت ليك قلبك

[عباس الدسيس]

ابو النور سلامات وكل سنة وانت طيب دي جرعه خفيفه التقيل جاي لي قدام وربنا اصلح حال البلد

[محمد حسين (المميز)]

ظهر رجل شرطه شهم خاطبني (( نحن الشرطه في خدمة الشعب نسهر لاراحتكم اي سؤال)) اعتبرته هذا موقف جميل من انسان يحترم مهنته وكان فعلا قمة الاحترام والتعامل الجيد حيث ظننت ان هذا التعامل سوف يمسح الصوره البائسه والمظلمه عند ميناء سواكن وبعد ان قام بوصف الطريق مال برأسه داخل السياره وخاطبني (( يا دكتور والله انا ام العيال قاعده في البيت ضلمه الجمره الخبيثه قطعت منها شوف لينا حاجة كده بي حلاوة الرجوع للبلد )) اديتوا خمسه جينه رفض اشيلا والكلام ده كلوا الراجل مدخل راسو جوه العربية وبعاين للجيب لا تقدر تمشي ولا تقدر تتفك منوا عشان اخلص نفسي طلعت خمسه جنيه تاني وقعدته اترجي فيهوا عشان اطلع راسوا اخلينا نمشي.... .

هاهاهاهااااااااااااي:D

ولسسسسسسسسسسه ياما تشــوف

احكي ليك موقفين باختصـار
الاول كان قبل كم سنه كده في ميناء سواكن في الصاله

ضابط طووول بعرررض نجوم وصقور في كتفه:p

يفتح الكرتونه حقت العفش حقتنا ويلقى فيهــا أيـــــــه؟؟؟:rolleyes:

يلقى فيها تفــاح:eek: فعلا تفاح كنا شايلنه معانا زمن التفاح لسسسه غالي

في السودان

بكل بجاحه وبكل وقاحه الضابط فتح الكرتونه ومن غير استئذان شال ليهو خمســه
تفاحــــات:confused:............ياخي استئذن وبطـّــل طفاسه:mad:


الموقف الثاني وانا ماشي على مدني بالطريق من بورتسودان

وقفني بتاع الحركه وقال لي انت ما رابط الحزام

قلت ليهو ياخي معليش قال لا:( 30ألف

ياخي يهديك يرضيك نحن ضيوف ... بصرّة وش شينه :mad:ابدااااااااا مافي طريقه

قلت ليهو طيب تنفع عشـره ألف من غير ايصــال:rolleyes:

طوااااااااااااالي وزع البسمــات وقال تنفــع

وشاااااااااالها ومشى:(



تقـــول لي شنــو...:rolleyes:

المهم حمداللــه عالسـلامه يا عبـّــاس


ونرجع ونقول


بــلادي وإن جارت عليّ عزيزة

وأهلي إن ضنـو علــيّ كــرامُ

[مدنيّة]

قلت ليهو طيب تنفع عشـره ألف من غير ايصــال:rolleyes:





شكلك خبرة يا مميز :rolleyes:

[عباس الدسيس]

والله يا محمد حسين الواحد بقي لما اكون ماشي السودان زي الماشي ليهوا وطن غريب عنوا متوجس ومهموم ياخي بريطانيا البعيده ديك انت ماشي ليها بتحس بي اريحيه وما تقابلك اي صعوبات بعد التاشيره يعني انت مطمئن مسافر جاي بس السودان وانت ماشي بتخت احتمال ما تجي راجع لي شغلك تاني لكثرة الصعوبات والمفاجأت البتقابلك وتحس في وطن ما وطنك وقتين تجي راجع محل شغلك هنا زي ما بقولوا في الغاز ناس الشياطين ال13 وناس تختخ تتنفس الصعداء ... وربنا طلعك من وطنك سليم بدون مشاكل اي كان نوعها

[ايمن محمد ابراهيم]

والله يا عباس انت ومحمد عبدالله خليتوني اضحك براااي زي المجنون من محن السودان (باقي لي سبعة سنوات مانزلت السودان )

[عباس الدسيس]

الحبيب ايمن سلامات بالله تم لينا السبعه دي عشره امكن الحال انعدل غايتوا كان نزلته اجازه تكون ما عاقل اصبر شوية روق المنقه سنه سنتين مع اكيد شكري علي مروركم

[انيس التوم]

الاستياء حالة تصيب الانسان عندما لا يكون هنالك توافق في رغباته بمعني ما لقي الدايرو حسب هواه او امنياته كنت لما اكون طالع مشوار مهم وابحث عن القميص العاجبني والقي اخوي لبسوا وطلع بستاء وكان اتغلب المريخ بستاء واذ واعدته الحبيبه وشرتني بستاء لاكن الحصل لي عندما ذهبت اجازه للسودان واصابني ده شنو والله ما قادار اصنفوا من اي نوع من انواع الاصابة النفسية.
قررت الذهاب الي اجازه سنوية ولسؤ الحظ قررت ان اذهب بالسيارة من الرياض نسبة لان هنالك اشغال كثيره اود ان انجزها بين الخرطوم ومدني مما تستدعي السفر المتكرر بالاضافة لبعض الالتزاماتالاسريه في التعزية والموجب زي ما بقولوا النسوان مما تستدعي السفر لمدن مختلفه وقري بالجزيره استشرت المدام تكون رحله جميلة في صحبتها هي والصغار لم اوفق في اقناعها قالت لي السفينة تشيل شاحنه الله معاك ... توجهت للسودان اشواقي وفرحتي تسبقني عابرة البحر الاحمر بقضاء ايام جميلة كان الوصول الي ميناء سواكن حيث الذباب الكثيف والغبار تجد الحمالين الذين يرغموك علي العمل في تنزيل اغراضك بمبالغ كبيرة مرغما ولا لك طريقة للاحتجاج ولقد شاهدته منظرا مؤسف بمعني الكلمة اذ رفض احد المغتربين ان يتم انزال حاجاته من السياره بواسطة الحمالين فتعرض للاستفذاذ وتطورت الملحمه الي المهاترات والتدفر حتي وصلت الي ان تم طرحه ارضا امام زوجته واولاده استفزني الموقف تدخلت لكي اساعد الرجل في النهوض من الارض وتلقائيا اصبحت جزء من الاشكال والشرطه شاهد علي هذه الاحداث تناقشت مع رجل الشرطه... قال انت الدخلك شنو مالك ومال الراجل عامل فيها عنتر.... تطور النقاش الي ان تم تهديدي بالحجز في السجن اتصلت علي احد اقربي عقيد شرحت له الموقف المستفز وذلك لنصرة الرجل المسكين كان رده انت في زول سألك الموضوع ده اطلع منوا الناس ديل ممكن اختوا ليك سجارة بنقو في عفشك ... وكان هذا اول استقبال لنا في ربوع وطننا الحبيب.... بعد ان قمنا بدفع جميع الرسوم والتي كانت جزء منها بايصالات والاخر بدون ايصالات ماليه غير معروفة الهوية توجهنا الي الخرطوم بالطريق الجديد بعطبره بعد الاستراحه بها توجهت خارجا منها في صينة عطبره وقفت للسؤال عن الطريق المتوجه للخرطوم للتاكيد وسألت احد سائقي الشاحنات وكنت اتكلم معه وبدون مقدمات ظهر رجل شرطه شهم خاطبني (( نحن الشرطه في خدمة الشعب نسهر لاراحتكم اي سؤال)) اعتبرته هذا موقف جميل من انسان يحترم مهنته وكان فعلا قمة الاحترام والتعامل الجيد حيث ظننت ان هذا التعامل سوف يمسح الصوره البائسه والمظلمه عند ميناء سواكن وبعد ان قام بوصف الطريق مال برأسه داخل السياره وخاطبني (( يا دكتور والله انا ام العيال قاعده في البيت ضلمه الجمره الخبيثه قطعت منها شوف لينا حاجة كده بي حلاوة الرجوع للبلد )) اديتوا خمسه جينه رفض اشيلا والكلام ده كلوا الراجل مدخل راسو جوه العربية وبعاين للجيب لا تقدر تمشي ولا تقدر تتفك منوا عشان اخلص نفسي طلعت خمسه جنيه تاني وقعدته اترجي فيهوا عشان اطلع راسوا اخلينا نمشي.... هل اخلاقيات الناس اتغيرت ام نحن تغيرنا مع الغربة واصبحنا ننظر للمسائل المادية والشحده مخجلة وهي اصبحت عادية في السودان سابقا كنا نسمع بالرباطين مع تطور الحياة والعولمه اختلفت الطرق والدليل طيلة فترة وجودي بالسودان لم اسمع ان هنالك احد تم نشله في السوق او المواصلات مع ان هذه الظاهره كانت كثيره سابقا ياربي الناس بقت ما عندها قروش عشان تتنشل الواحد تلقي في جيبوا كيس الصاعوط الجرايد الناس بقت تقرأ العناوين بتاعتا من بعيد نادرا ما تشوف ليك واحد شايل ليهوا جريده في يدوا وصلت الحال بي الناس بقت تاجر الجرايد نهاية اليوم ترجعا زمان كنا بنعرف إيجار العجلات بس ايجار الجرايد ده اطرشنا ... كل مره الاقيك واحد اسلم عليك بي ترحاب اقول ليك شنو يعني نسيتني تجاريهوا في الكلام الحكاية في النهاية تطلع ياخي ما تشوف لينا حاجة اخوك تعبان جيبوا ضاربوا السلك ... في واحد قال لي بنتوا الصغيره عيانه ما عندوا حق الدواء شوف لينا كده خمسين جينه يا ابو الشباب انا قلته مره واحده خمسين جنيه لو كل واحد بجيني اديهو خمسن جنيه ما يعادل تقريبا مائة ريال معناها في نهاية اجازتي انتظر المغتربين الجايين عشان اخش نفس الموال بتاع الجماعه ديل وابقي زيهم ... عامل فيها الود شاطر قلت ليهو جيب الروشته الكتبه ليك الدكتور انا بشتري ليك الدواء عشان اشيل العشرين الطلعتها ليهوا واتفكا منوا الراجل زعل ومشي مني قلته الحمدلله اتفكينا جاني راجع بعد ساعتين قلته احتمال فكر قال احسن اشيل العشرين من اول كان احسن ليهوا بدل متلتل نفسوا في مشيه وجيه اها لما وصلني طلع لي الروشته بتاعت العلاج قلته ليهو خلاس المساء تلقي الدواء عندك مشيت الصيدلية الدواء طلع بي 220 جنيه اشتريتوا اعمل شنو وانا طالع من الصيدلية دقشته لي حجر قلع ظفري ماعرفته ده من القروش الدفعتها ولا من حسرتي علي ما اديتوا الخمسين بقينا لو في واحد دقا الباب سأل منك تقول لي ناس البيت قولوا ليهوا نايم فعلا الانقاذ قامت بصياغة الفرد السوداني رجعتوا لي ايام الاستعمار فهنيئا لها بالبرنامج الحضاري والانتخابات ... ده نسميهوا شنوا في اي خانة من خانات الحالة النفسيه عند زيارة السودان استياء ام مرحلة اعلي من ذلك.

الاخ الدسيس
سلامات

والله ما كعبه لمن الزول يكون عندو ويساعد اخوه خصوصاً وضع البلد صعبه شويه وثق تماماً بان اي حاجه عملتها ربنا بخلف ليك ده حال الدنيا ، انا بحكي ليك موقف حصل معاي شخصياً جئت السودان والكانت معاي زاتها خليها ساكت يعني يادوب تمشي الحال المهم كلها انتهت لكن لمن رجعته ربنا عوضني وده حال الدنيا
تقبل مروري
اخوك
انيس التوم
كوريا الجنوبية

[عباس الدسيس]

هلا الحبيب انيس كيفك مع الناس العيونم دقاق الشكر لك علي المرور والاطلاع