مشاهدة النسخة كاملة : كيف تتحصل علي الزوجه الثانية
عباس الدسيس
14-12-2009, 04:36 AM
غالبية النساء يرفضن ان يتزوج الرجل عليها، وجميعهن لا يوافقن على وجود ضرة لإحداهن، حتى لو كنّ متأكدات من تقصيرهن بحق أزواجهن. يأتي ذلك بالرغم من أن انتشار العنوسة في المجتمعات، أما معظم الأزواج، وفي مراحل مختلفة من العمر، فيداعب خيالهم حلم الزوجة الثانية الأصغر والأجمل والأكثر أناقة، من دون النظر إلى ظروف حياتهم الأسرية. لكن قلة منهم من يتخذون القرار بالزواج الثاني وينفذونه لأسباب كثيرة.
- أنا متعب جداً ولم أجد حلاً لزوجتي ومشاكلها.
- اصبر يا خي الدنيا كلها مشاكل
اكثر من كده ما بقدر اصبر خاصه انا بقيت زهجي واخلاقي في نخرتي
طيب خلاس اتزوج بواحده ثانية امكن الحال اتعدل.
سااااااهله كده الواحد القي ليهو واحده
كان فتشت بتلقي الزمن ده راقدات زي التبش بعدين انت البنقصك شنو؟
لكن عندي مشكلة
مشكلتك شنو؟
البيت الجديد الواحد إأسسو بي شنو مع الفلس ده
ادين شوف ليك سلفية من بنك كب الزوغه بس ما تكون كثيره عشان الناس إطاردوك
طيبي الواحد ما بلقي ليهو واحده جاهزه من مجاميعوا وتأسس البيت وتصرف عليهوا
ههههههههه هههههاي انت بتهظر ولا جادي
ياخي انت ما صاحي ولا شنو البلد ملانه مطلقات وارامل وعوانس ... خلي ديل كلهم انشاءالله واحده شينه ما نلقاها عندها قروش.
طيب لو سلمنا بي كلامك ده وين الكرامه والشهامة الرجولية معقوله واحد ارضي بي حالة زي دي غايتوا انا حاجة زي لو كسروا رقبتي ما برضي بيها افووووو ده كلام.
الزمن ده والله شهامة مافي القرش تمثل الشهامة والرجولة كان عندها هي خليها تعمل لينا العايزنوا ونديها الشهامة والضكرنه بتاعتنا ما سمعته قصت صاحبنا داك البلعب معانا الكتشينه لا عندوا شغله ولا مشغله غيرها مرتاح قالوا مرتوا شايله الشيله.
قصتوا شنو يا الاخو والله شهيتني عشان اعرف الحكايه :
قالوا زولك العب في الكتشينه ما جايب خبر الجماعه قالوا ليهوا انت تلعب في الكتشينه وصاحبك فلان بخونك مع زوجتك مشي عشان اشوف الحكاية صاح وقت جاء تاني راجع للجماعه قالوا ليهوا اها عملته شنو قال ليهم انتو كذابين والله الزول داك لا صاحبي لا حاجة.
تقول لي شهامة ورجاله يا فاره
يا خوي كان كده ما نفتش سواء امكن القي لي واحده معااك..........
النويري
14-12-2009, 05:05 AM
غالبية النساء يرفضن ان يتزوج الرجل عليها، وجميعهن لا يوافقن على وجود ضرة لإحداهن، حتى لو كنّ متأكدات من تقصيرهن بحق أزواجهن. يأتي ذلك بالرغم من أن انتشار العنوسة في المجتمعات، أما معظم الأزواج، وفي مراحل مختلفة من العمر، فيداعب خيالهم حلم الزوجة الثانية الأصغر والأجمل والأكثر أناقة، من دون النظر إلى ظروف حياتهم الأسرية. لكن قلة منهم من يتخذون القرار بالزواج الثاني وينفذونه لأسباب كثيرة.
- أنا متعب جداً ولم أجد حلاً لزوجتي ومشاكلها.
- اصبر يا خي الدنيا كلها مشاكل
اكثر من كده ما بقدر اصبر خاصه انا بقيت زهجي واخلاقي في نخرتي
طيب خلاس اتزوج بواحده ثانية امكن الحال اتعدل.
سااااااهله كده الواحد القي ليهو واحده
كان فتشت بتلقي الزمن ده راقدات زي التبش بعدين انت البنقصك شنو؟
لكن عندي مشكلة
مشكلتك شنو؟
البيت الجديد الواحد إأسسو بي شنو مع الفلس ده
ادين شوف ليك سلفية من بنك كب الزوغه بس ما تكون كثيره عشان الناس إطاردوك
طيبي الواحد ما بلقي ليهو واحده جاهزه من مجاميعوا وتأسس البيت وتصرف عليهوا
ههههههههه هههههاي انت بتهظر ولا جادي
ياخي انت ما صاحي ولا شنو البلد ملانه مطلقات وارامل وعوانس ... خلي ديل كلهم انشاءالله واحده شينه ما نلقاها عندها قروش.
طيب لو سلمنا بي كلامك ده وين الكرامه والشهامة الرجولية معقوله واحد ارضي بي حالة زي دي غايتوا انا حاجة زي لو كسروا رقبتي ما برضي بيها افووووو ده كلام.
الزمن ده والله شهامة مافي القرش تمثل الشهامة والرجولة كان عندها هي خليها تعمل لينا العايزنوا ونديها الشهامة والضكرنه بتاعتنا ما سمعته قصت صاحبنا داك البلعب معانا الكتشينه لا عندوا شغله ولا مشغله غيرها مرتاح قالوا مرتوا شايله الشيله.
قصتوا شنو يا الاخو والله شهيتني عشان اعرف الحكايه :
قالوا زولك العب في الكتشينه ما جايب خبر الجماعه قالوا ليهوا انت تلعب في الكتشينه وصاحبك فلان بخونك مع زوجتك مشي عشان اشوف الحكاية صاح وقت جاء تاني راجع للجماعه قالوا ليهوا اها عملته شنو قال ليهم انتو كذابين والله الزول داك لا صاحبي لا حاجة. الأخ عباس الدسيس والله الواحد طول من كتاباتك وين يا خي أنت إنشاء الله طيب الجزئية الفوق دي ما أعتقد أنها بتحصل في مجتمع سوداني في لبنان ممكن إنما سوداني يتقال ليه الكلام دا مهما كان ما ممكن يقول والله لا صاحبي ولا حاجة كان على الأقل ضارب الجماعة القالوا ليه الكلام دا وبعدين شاف مشكلة زوجته وجاء راجع طبعاً دي (نكتة) برغم أن هنالك رجال دلاديل لكن لا أعتقد أنها تصل المرحلة دي
تقول لي شهامة ورجاله يا فاره
يا خوي كان كده ما نفتش سواء امكن القي لي واحده معااك.......... أما بخصوص الشهامة والرجالة الموضوع ما محتاج للشهامة والرجالة كل ما في الأمر أنو الناس لها رغبات وقضايا ومشاكل ذي ما قلت أنت في بداية الحديث وهناك أعزار وأسباب كثيرة للزواج من أخرى على الأقل تأديب الزوجة الأولى فبعضهن ما بجي رأسها إلا بأختها التانية وهنالك نماذج كثيرة وأسباب كثيرة للزواج من الثانية
سوف نعود ونواصل هذا الحديث حيث أننا من قبل عرضنا شبيه لهذا البوست وطلبنا أراء الناس وأبدوا أراء جيدة في هذا المجال
لك مني خالص التحايا
عباس الدسيس
14-12-2009, 06:24 AM
الحبيب النويري الف شكر علي مرورك والاضافة الثرة مع اكيد تقديري واحترامي
امال مالك
14-12-2009, 09:10 AM
اخى لك التحيه
القصه ما فصة الواحد يتزوج فيها عشان تتادب انت لو تزوجت عن حب وكان الود موجود بينكم وهو حلقت التفاهم بين الزوجين ويخفف كثير من المشاكل اما اذا كان زواج مصلحه دا زواج فاشل وينتهى بانتهاء المصلحه ....
اما عن الخيانه فهيه موجوده بين الطرفين اذا كان الخيانه من صديقك فانت مثل.............للحديث بقيه
حاتم مرزوق
14-12-2009, 10:47 AM
الحبيب العزيز عبس،
موضوعك هادف بس عايز ضكرنة زي ما قلت.
وجاييييك تاني.
عباس الدسيس
14-12-2009, 08:38 PM
حاتم فتحي الظاهر الفكره عجبتك انا منتظرك في الرجعه عشان نشوف جوه افكارك عندك شنو الف شكر علي المرور والمساهمة مع خالص تقديري
أبوريلان
14-12-2009, 11:52 PM
قالوا زولك العب في الكتشينه ما جايب خبر الجماعه قالوا ليهوا انت تلعب في الكتشينه وصاحبك فلان بخونك مع زوجتك مشي عشان اشوف الحكاية صاح وقت جاء تاني راجع للجماعه قالوا ليهوا اها عملته شنو قال ليهم انتو كذابين والله الزول داك لا صاحبي لا حاجة.
تقول لي شهامة ورجاله يا فاره
يا خوي كان كده ما نفتش سواء امكن القي لي واحده معااك..........
زدني من دلك شوية وكتر الاشواق علي
ربنا يستر غربتهم جميعاً.
أشرف صلاح السعيد
15-12-2009, 12:20 AM
سلام يا دسيس..
انا داخل هنا اسجل اسماء الرجال الرجال واكلم حريماتم..
1/ النويرى
2/ حاتم مرزوق
3/ ياسر عبد الرحمن
إصطبرو..الليلة والليلة..بكلم ليكم أمى قصدى بكلم ليكم حريماتكم..
وانتا يا الدسيس امانة ما سويتا كبيرة ..قلت ليا المرة التانية؟..بالله سفرة واحدة للسودان إجازة بتخلى الواحد يبقى صنديد كدا ؟يا زول المشية الجاية الله يسترنا منها..ووقتين اجازة السودان ابتعمل كدى امانة يا مصر ما جاك راجل..كبان كبان بس أعيش ..أُمال آيه..
حسام التنين
15-12-2009, 12:29 AM
ياخوااااانااااااااااااا سؤاااااالل
اشارات المرور الحايمة هنا دي شنو
ده قسم عام ولا قسم المروررر هه
اها موضوع المرة الاولي ده انا داير
لكن التانية ده داير اقراء
عباس الدسيس
15-12-2009, 02:47 AM
ابو الشوش خلي الفتن ما تخرب البيوت حسي الناس ديل السألك فيهم منوا .... واقضوا حوائجكم بالكتمان.... الناس بعملوا تحت تحت مستورين عايز تقلبا عليهم قول بسم الله ... ونبي يا بيه تاخدني معاك لمصر ام الدنيا .. ده انت النهار ده زي الإشطه...
عباس الدسيس
15-12-2009, 04:35 AM
tininana هلا ومرحب بيك الف شكر علي المرور والذيك ده والله ما بقيف الا في رقم اربعه
مدنيّة
15-12-2009, 06:03 AM
tininana كيف تتحصل علي الزوجه الثانية
اهااااااااا
جابت ليها زوجة تانية كمااااان
انت يادسيس رقم المدام ياهو القديم ولا غيرته !!؟؟
عاطف عولي
15-12-2009, 07:42 AM
يا دسيس غايتو المجربين قالوا.
1- اي راجل في بالوا التانية لمن يموت والاولي يا ذكرتو واستعجلتوا با نستوا ومهلتوا.
2- المراة بدقوها باختا ( يا راجل ما تدق دقك).
اها الصاح ياتو والغلط ياتوا وبمشي وبجيك
عباس الدسيس
15-12-2009, 08:14 PM
مدنبة ازيك اخبارك احنا كان الجماعه بفتحوا المنتدي ده بنكتب جنس الكلام ده .... الرقم القديم اتغير ثلاثة مرات مع الف شكر علي مروركم الكريم
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir