المساعد الشخصي الرقمي

مشاهدة النسخة كاملة : رجل ام انسان


ام قبس
14-12-2009, 03:22 PM
رجل ام انسان ام الاثنان معا
اب ام دكتاتور
اخ ام متسلط وحاكم بامرك
زوج ام قيد حديدي
صديق راقي مثقف متحضر ديمقراطي متفهم مستمع جيد
صديق قديم زوج حالي متزمر شكاك ملول مستجوب
حبيب قديم زوج الان عقدة تمشي علي قدمين
خائن سابقا زوج الان فقدان ثقه كامل جحيم اسمه رجل
جاوبوا يالرجال وقولن يالنسوان وانا جايه في نفس الميعاد



حنمسكها واحده واحده
وانت لو ماعاوز تكتب تشارك
اسالك نفسك براااااااك كدا
اكيد حتكون واحد منهم
يعني مامعقول ماتكون لا اب ولا اخ ولا زوج ولا صديق
نسيت اهم واحده ابن ولو مصاب بالصلف والغرور والتطنيش
جايه
شيل يدك من علي الرموت
الملكة اسماء ( ام محمد )
14-12-2009, 08:00 PM
رجل ام انسان ام الاثنان معا


صديق راقي مثقف متحضر ديمقراطي متفهم مستمع جيد



بالهداااااوة
خلينا نتفاهم

عايزة تخلينا نفتح ( النار ) في وش الآوادم ديل مالك ؟

ام قبس
ياغالية
عودا حميدا لهذا اليراع ..الذكي
فراس
14-12-2009, 08:04 PM
اختي الفاضلة ام قبس

عودا حميدا ويارب اخر الانقطاعات

حضور لالقاء التحية ثم العودة مجددا

بعد عودتك

دمتي بكل الخير
تيسير
15-12-2009, 01:29 AM
رجل ام انسان ام الاثنان معا
اب ام دكتاتور
اخ ام متسلط وحاكم بامرك
زوج ام قيد حديدي
صديق راقي مثقف متحضر ديمقراطي متفهم مستمع جيد
صديق قديم زوج حالي متزمر شكاك ملول مستجوب
حبيب قديم زوج الان عقدة تمشي علي قدمين
خائن سابقا زوج الان فقدان ثقه كامل جحيم اسمه رجل
جاوبوا يالرجال وقولن يالنسوان وانا جايه في نفس الميعاد

الرائعة ( ام قبس ).........
عودا حميدا وبركة الشفناك طيبة ...........
الحقيقة الجانب المشرق فى كلامك بقى عدم ولا فى السوق الاسود ما بتلقيه
الجانب المظلم من شدة ما كتير لمن بقيتى ما بتعرفى تختارى احسن السئين ودمتى بود جميل
ام قبس
15-12-2009, 01:56 AM
[quote=أسماء;455841]
بالهداااااوة
خلينا نتفاهم

عايزة تخلينا نفتح ( النار ) في وش الآوادم ديل مالك ؟

ام قبس
ياغالية
عودا حميدا لهذا اليراع ..الذكي[/quo


اسماء ازيك
الاوادم لانستطيع فتح النار عليهم
حنيه
ادب
تربيه
هرشه
الختيتي تحتها خط دي
اسمها ضرورة مرحله عند الرجل
ولو جربتي نفس هذا الخط تحت رجل شكل اخر بطلع ملولو
ام قبس
15-12-2009, 01:58 AM
اختي الفاضلة ام قبس

عودا حميدا ويارب اخر الانقطاعات

حضور لالقاء التحية ثم العودة مجددا

بعد عودتك

دمتي بكل الخير

فراس الذي اعتقد انه كائن مايكتب

سلام
الله يسلمك من كل شر

تعال سريع لاني اظنك يمكن ان تسطر نوع اخر من الرجال لم اكتبه هنا
ام قبس
15-12-2009, 02:01 AM
الرائعة ( ام قبس ).........
عودا حميدا وبركة الشفناك طيبة ...........
الحقيقة الجانب المشرق فى كلامك بقى عدم ولا فى السوق الاسود ما بتلقيه
الجانب المظلم من شدة ما كتير لمن بقيتى ما بتعرفى تختارى احسن السئين ودمتى بود جميل

تيتو القريبه

سلامات
ليس هناك جانب مشرق
هناك طبع يغلب التطبع
هناك طبيعه جبل
ولكن مايحيرني كيف عندما يتخطون باب المنزل ومع الجنس الذي يبصمون بلطفه
يتحولون مخلوقات ارق من الفراشات
خليك معانا
ام قبس
15-12-2009, 02:03 AM
مايسه الرائعه
مايسه
مايسه
مايسه
شنو ياخي ماقلت ليك ميه مرة نزلي الام بي 3 دا من اضنيك
تعالي يامايسه
عليك الله تعالي
ام قبس
15-12-2009, 02:29 AM
جيناكم يا حبايبنا
بعد غربه وشوق نغالب فيه
وقام غلبنا تلاته صفر

حته حته
اب يخاف علي بته
يمنعها الطلعه والدخله
الدخله بالفتحه
يتلببها ماتتكلمي مع الولد دا
لو شفتك واقفه مع بت الجيران دي بكسر ليك رجلك
من المدرسه للبيت
لو اتخرتي خمسه دقايق الله قال بي قولك
تعالي هنا دا شنو العاملاه في عيوانك دا
امشي غسليه قبل اخذقهم ليك الاتنين

الصفحه الجايه اب حنين شويه
ام قبس
15-12-2009, 02:57 AM
اب حنين
يابتي طالعه وين سوقي معاك اخوك الصغير دا
يابتي السوق كله شماشه وصعاليق
تمشي تسمعي ليك كلام مايهو
يابتي اقعدي انا بجيب ليك الشي الدايراه بس وصيفي لي
يا حاجه البت دي خلي بالك منها كلامها اليومين دي كتر في التلفون
راقبي اتصنتي
يامرة البت دي ماقلتي مع الجيران
ناديها يمكن مرقت حته تانيه
يابتي في الجامعه ماتقعدي جنب ولد
ولو القاعه مافيها حته غير جنب الاولاد ما تخشي المحاضره

الصفحه الجايه اب باهلها بهله شديده لاعتقاده ان حوجه البت اغراض ومال
عثمان جلالة
15-12-2009, 03:25 AM
وأنا يا أم قبس أب بالمواصفات التالية :

أب شايل هم اليوم كلو من طلبات بتو الـ غير منطقية أبدا .. والمستوحاة من القنوات الخيالية أم بي 3 و براعم و غيرها

كل يوم طلب .. مره اجنحة للطيران ... ومره "حلاوه خاتم":)

أب متمني .. يتابع ليهو مباراه حتى النهاية رغم إنو فريقو البشجعوا غالب 2 / 1 :D

أب قرر يجيب عدد (2) تلفزيون و (2) رسيفر .. وممكن البيت يتحول لـ الناس في شنو .. والبنات في شنو !!!! :confused:

لكن بصراحة كده

البوست جميل وهادف

ومرحب بـ عودتك للكتابة في العام

واجمل أحساس ... احساس الأبوه مع بنات حلواااات وطلباتهن كتيره

أم قبس

معليش .. هترشة أب قليل الخبرة :)

تقبلي مروري

وكما

وأرجو شاكرا ... تسمية أبوتي المذكورة أعلاه

أم قبس

لك الود،،، :):)
عباس الدسيس
15-12-2009, 03:26 AM
يا حليل زمن الرجال ولا كل الرجاله
الواحد شنب كبير وسمين كمان قال سايق سياره
تشوفوا اتكلم تقول شاطر شطاره
صوتوا العلع عالي زي النقاره
وقت اعاين ليك تقولي اسد والله عيونوا حمره وشراره
تاريهوا الزول شايل اضان القفه
خاتيها في ضهروا زي الحماره
تاني معاكم في رجاله
ما خلاص ركبتونا الطياره
اي والله التونسيه ... وجب جب وقعتونا في البياره
برضو تقولي دكتاتور ده كلام يا ام قبس ولا عواره
خليك منطقيه من عمايلكم الواحد بقي غنماية
أبو جودي
15-12-2009, 03:29 AM
[SIZE="4"]
أحب أن أشارك بقناعاتي في الموضوع وأحي أختي أم قبس على طرحها الموضوع ونأمل الصراحة ،،، بس براحة عليَّ ...
فمن طرحك أختي فسأجاوبك على خمسة من ثمانية أما الثلاثة ،،، لست منهم وليس لدي إجابة عليهم ...
يجتمع الخمسة فيني ،،، رجل وإنسان ،،، أب ،،، اخ ،،، زوج ،،، صديق أما بقية أوصاف الصديق فاتركها للأصدقاء ،،،
وآتي لكل واحدة على حدة:
[COLOR="blue"]رجل ام انسان ام الاثنان معا
رجل وإنسان ،،، عفوي ولا أحب التكلف ،،،
اب ام دكتاتور
أب ،،، مرح ،،، حنون ،،، جادي ،،، "في حدود"
اخ ام متسلط وحاكم بامرك

أخ ،،، ناصح ،،، محب
زوج ام قيد حديدي

زوج ،،، مرن ،،، محب ،،، مرح ،،، جادي جداً في بعض الأمور "عند تجاوز الحدود"

صديق راقي مثقف متحضر ديمقراطي متفهم مستمع جيد
صديق ،،، وفي ،،، " ما لم تتعدى حدود الصداقة"
ابن ،،، محب ،،، مسئول ،،، وأسأل الله أن أكون بار ،،، ويكفيني رضا والدي عني ،،،

صديق قديم زوج حالي متزمر شكاك ملول مستجوب

.................................................. . لا .
حبيب قديم زوج الان عقدة تمشي علي قدمين

.................................................. . لا .
خائن سابقا زوج الان فقدان ثقه كامل جحيم اسمه رجل
.................................................. . لا .



وأخيراً هذه قناعاتي وبكل صدق آمل أن أكون جاوبت على اسئلت الأخت أم قبس ،،، في انتظار كاتبة البوست لنرى إجاباتها.
وأختم بقدوتنا وحبيبنا المصطفى صلى الله عليه وسلم ،،،
اللهم صلى وسلم وزد وبارك على نبينا وحبيبنا وقدوتنا سيدنا محمد صلى الله عليه وسلم وآله وصحبه
.
ام قبس
15-12-2009, 03:46 AM
أحب أن أشارك بقناعاتي في الموضوع وأحي أختي أم قبس على طرحها الموضوع ونأمل الصراحة ،،، بس براحة عليَّ ...
فمن طرحك أختي فسأجاوبك على خمسة من ثمانية أما الثلاثة ،،، لست منهم وليس لدي إجابة عليهم ...
يجتمع الخمسة فيني ،،، رجل وإنسان ،،، أب ،،، اخ ،،، زوج ،،، صديق أما بقية أوصاف الصديق فاتركها للأصدقاء ،،،
وآتي لكل واحدة على حدة:
رجل ام انسان ام الاثنان معا
رجل وإنسان ،،، عفوي ولا أحب التكلف ،،،
اب ام دكتاتور
أب ،،، مرح ،،، حنون ،،، جادي ،،، "في حدود"
اخ ام متسلط وحاكم بامرك

أخ ،،، ناصح ،،، محب
زوج ام قيد حديدي

زوج ،،، مرن ،،، محب ،،، مرح ،،، جادي جداً في بعض الأمور "عند تجاوز الحدود"

صديق راقي مثقف متحضر ديمقراطي متفهم مستمع جيد
صديق ،،، وفي ،،، " ما لم تتعدى حدود الصداقة"
[size="5"][color="deepskyblue"]هنا قصدت صداقه الرجل للمراة التي يتجمل فيها الرجل مع عدم امكانيتها اساساابن ،،، محب ،،، مسئول ،،، وأسأل الله أن أكون بار ،،، ويكفيني رضا والدي عني ،،،

صديق قديم زوج حالي متزمر شكاك ملول مستجوب

.................................................. . لا .
هنا ليس سؤال قصدت لو كان الرجل صديق لزوجته في الجامعه مثلا او مكان العمل وتزوجا سيصبح زوج ملول شكاك مستجوب
حبيب قديم زوج الان عقدة تمشي علي قدمين

.................................................. . لا .
وهنا ايضا لو كان له علاقه عاطفيه معها طويله الامد واصبح زوج لصار هذا الرجل عقدة تمشي علي قدمينخائن سابقا زوج الان فقدان ثقه كامل جحيم اسمه رجل
.................................................. . لا .
وقس هذه ايضا علي تلك


وأخيراً هذه قناعاتي وبكل صدق آمل أن أكون جاوبت على اسئلت الأخت أم قبس ،،، في انتظار كاتبة البوست لنرى إجاباتها.
وأختم بقدوتنا وحبيبنا المصطفى صلى الله عليه وسلم ،،،
اللهم صلى وسلم وزد وبارك على نبينا وحبيبنا وقدوتنا سيدنا محمد صلى الله عليه وسلم وآله وصحبه
.

ابو جودي سلام
وتحايه كمان
بعض الاساله لم تصلك كمااردت
ولك الشرح
الرجل الاب اجابه صحيحه فالمرونه مع الحنيه مفتاح كل العواصي
الرجل الاخ ايضا النصح مع الصداقه مع الحب هي اخ

ابو جودي ردي جاء غير مرتب
لك شكري علي مداخلتك وواصل
معي
ام قبس
15-12-2009, 04:02 AM
وأنا يا أم قبس أب بالمواصفات التالية :

أب شايل هم اليوم كلو من طلبات بتو الـ غير منطقية أبدا .. والمستوحاة من القنوات الخيالية أم بي 3 و براعم و غيرها
وهنا الاشكال الحقيقي
هي الان طفله ولكن اذا تربت علي كل ماتريد مجاب انت تدرك انك تبني في فتها ومراهقه وامراة غدا
هنا انت المسؤول الاول وغدا انت النادم الاكبر
قل لا ولو علي سبيل التجربه لتقبلها لكلمه لا
لا في التأجيل وليس لا لماذا
اذا قالت لماذا اجب بالحقيقه ليس الان ليس لدي مال
ليس الان ليست لمثل عمرك انت صغيرة
ليس الان هذه لاتناسبك
كل يوم طلب .. مره اجنحة للطيران ... ومره "حلاوه خاتم":)
هي اشياء صغيرة ولكنها تبلور معاني كثيرة عند الاطفال اهمها ان كل ما اريد مجاب وهذا هو الخطر
أب متمني .. يتابع ليهو مباراه حتى النهاية رغم إنو فريقو البشجعوا غالب 2 / 1 :d
انت من تقر متي يجب ان تتحدث هي ومتي يجب ان تذهب لتلعب بعيده عنك ومتي يجب ان تجلس تذتذكر دروسها
انت من تقرر ليس هينحن نفعل هذه الاشياء بسعاده تفوق لوصف وقد نحكيها من باب الاعجاب بها
والخطر قابع في الغدأب قرر يجيب عدد (2) تلفزيون و (2) رسيفر .. وممكن البيت يتحول لـ الناس في شنو .. والبنات في شنو !!!! :confused:
هذه هي الحلول السهله رغم كثرة المال المصروف فيها

لكن بصراحة كده

البوست جميل وهادف

ومرحب بـ عودتك للكتابة في العام

واجمل أحساس ... احساس الأبوه مع بنات حلواااات وطلباتهن كتيره
ماقلت احساس جميل بس خطر
ربي علي الترتيب ترتاح طول عمرك
أم قبس

معليش .. هترشة أب قليل الخبرة :)

تقبلي مروري

وكما

وأرجو شاكرا ... تسمية أبوتي المذكورة أعلاه

أم قبس

لك الود،،، :):)
ابوتك كما الكثيرين فرحه عظيمه بفلذات الكبد تنسينا ان نرسم لهم الخطوط الحمراء
اسعدني مرورك
وكل عام وانت وهي بالف خير
ام قبس
15-12-2009, 04:05 AM
يا حليل زمن الرجال ولا كل الرجاله
الواحد شنب كبير وسمين كمان قال سايق سياره
تشوفوا اتكلم تقول شاطر شطاره
صوتوا العلع عالي زي النقاره
وقت اعاين ليك تقولي اسد والله عيونوا حمره وشراره
تاريهوا الزول شايل اضان القفه
خاتيها في ضهروا زي الحماره
تاني معاكم في رجاله
ما خلاص ركبتونا الطياره
اي والله التونسيه ... وجب جب وقعتونا في البياره
برضو تقولي دكتاتور ده كلام يا ام قبس ولا عواره
خليك منطقيه من عمايلكم الواحد بقي غنماية

بس عاوزةاعرف غنمايه ولا نعجه:eek:
لا بالجد ياتو تسلط حولكم كدا
يعني افتح بوست تاني ولا شنو
عباس الدسيس
15-12-2009, 04:15 AM
ههههههههههههههههههههههههههه نعجه دي لذيذه يا ام قبس والله نسيتها اها ما قلته ليك انتو برضو معشر النسوان فيكم البركه بتزكرونا بالمعني الصحيح ونحنا شنو اها ده نوع فكري واحد من انواع التسلط
ام قبس
15-12-2009, 04:20 AM
ههههههههههههههههههههههههههه نعجه دي لذيذه يا ام قبس والله نسيتها اها ما قلته ليك انتو برضو معشر النسوان فيكم البركه بتزكرونا بالمعني الصحيح ونحنا شنو اها ده نوع فكري واحد من انواع التسلط

عشان تعرف العقل الباطني دا صعب كيف
اول ماقريت البوست بتاع ام قبس المراة الغيمه
قريتها ام قبس المراة الغنمايه
اتخيل
وقيس لي كدا
جاياك راجعه
مدنيّة
15-12-2009, 06:21 AM
رجل ام انسان

ممكن يكون مكس

وممكن يكون واحد فقط معكوس زي ماقلتي وبتغير مع عتبة الباب

وخلينا نسمع من الرجالة اكتر



همسة : سعيدة اني اقرا ليك من جديد
ام قبس
15-12-2009, 06:57 AM
رجل ام انسان

ممكن يكون مكس

وممكن يكون واحد فقط معكوس زي ماقلتي وبتغير مع عتبة الباب

وخلينا نسمع من الرجالة اكتر



همسة : سعيدة اني اقرا ليك من جديد

مدون هلا بالغلا
ابدا مامكن يكون مكس في كل الرجل
يعني يكون سوبر مان
كلهم بتغيروا في عتبه الباب


صداء همستك : اسعد الله كل ايامك
عاطف عولي
15-12-2009, 07:37 AM
أم قبس تحياتي وبركة الشفناك وسلامة العودة.

والله قبل مداخلتي عندي سؤال محرقني من سنة 1996.

درست في جامعة الجزيرة كلية الاقتصاد قسم التنمية الريفية. وعندنا كورسات في الجندر والنوع شي تنمية وشي تمكين يعني هرونا جندر. واكتر طالب في الدفعة كتب بحوث ومقالات في المراءة كنت انا حتي التصقت كلمة جندر باسمي وتمددت في التواصل والمعرفة بجامعة الاحفاد وجمعية بابكر بدري ومعهد الدراسات الإنمائية جامعة الخرطوم. والسفارة الهولندية وتغلغلت وسط حركة الفمينست وكانت لنا معهم صولات وجولات من الحوار والنقاش. وكما نشطت وسط الجمعية السودانية للامومة والطفولةوالجمعية القومية لمحاربة العادات الضارة بصحة الام والطفل ولي ايضآ كتابات في هذا المجال.
وبعد تخرجي كان رئيس القسم وهو استاذ معروف أ. حاج موسي واظن محمد النور يعرفوا وهو يساري تصوف بعد حين.
وكان مقاله لي بعد ان صلينا الظهر سويآ وسط الجامعة.

( يا عاطف مع كل احترامي لكتاباتك وسمناراتك لكن عاوز اديك نصيحة وانت الان خريج خليك ديمقراطي في اي شي الا مع المراءة. انتهي كلامه.)

وسؤالي ليك عارفا الزول دا قاصد شنو؟
عبدالله محمد العقاد
15-12-2009, 07:54 AM
عشان تعرف العقل الباطني دا صعب كيف
اول ماقريت البوست بتاع ام قبس المراة الغيمه
قريتها ام قبس المراة الغنمايه
اتخيل
وقيس لي كدا
جاياك راجعه



ههههههههههههههههههه

حمد لله على السلامة يا ام قبس و ان شالله راجع اشوفك متحاملة شوية على الرجاجيل
أشرف صلاح السعيد
15-12-2009, 08:51 PM
اختى أم قبس سلام وعودا أحمد ومحمد..

سألونى كيفن أجيب
أعمل حريف وكمان فريد
أقول معاها بقيت سعيد
ولا اطلِّع الجواى عنيد
رغم المحاولة برجع من جديد
لشرقى متعلم لكن بحيد
مرة عاقل ومرة واعى
ومرات مكابر وجد بليد
عايز اكون اتنين سوى
أكون معاصر وأكون عتيق
أستغفر الله الكضب حرام
مرة ببقى حنين شديد
مرة فقرى ومرة صارم
مرة فاهم وبكون نديد
مرة حالم ومرة ظالم
بس بحاول أكون رشيد
مرة حاذق ومرة داقس
وبالمحنة بتدشدش رقيق
بدميعة من هوايا
برقد طراوة ورز كمان
وبديها نفسى مربوطة بفيونكة من وريد..
حاتم مرزوق
15-12-2009, 09:57 PM
الأخت أم قبس

كل عام وانت بخير

أعاده الله عليكم بالخير والبركات،



شلت يدي من علي الرموت ... ومسجل حضور في هذا البوست.
الزونية
15-12-2009, 10:01 PM
الغاية أم قبس
ألف الحمد لله على لسلامة..
والموضوع قضايا تدخل كل بيت..
ومتابعين لنسمع النصف الآخر....
وأكيد لي عودة..
ابوالنور
15-12-2009, 11:04 PM
رجل ام انسان ام الاثنان معا
اب ام دكتاتور
اخ ام متسلط وحاكم بامرك
زوج ام قيد حديدي
صديق راقي مثقف متحضر ديمقراطي متفهم مستمع جيد
صديق قديم زوج حالي متزمر شكاك ملول مستجوب
حبيب قديم زوج الان عقدة تمشي علي قدمين
خائن سابقا زوج الان فقدان ثقه كامل جحيم اسمه رجل
جاوبوا يالرجال وقولن يالنسوان وانا جايه في نفس الميعاد



حنمسكها واحده واحده
وانت لو ماعاوز تكتب تشارك
اسالك نفسك براااااااك كدا
اكيد حتكون واحد منهم
يعني مامعقول ماتكون لا اب ولا اخ ولا زوج ولا صديق
نسيت اهم واحده ابن ولو مصاب بالصلف والغرور والتطنيش
جايه
شيل يدك من علي الرموت
الغريبة إنو بعد التعليم والعولمة والحضارة والنت والكلام ده نظرتنا رجعية للعلاقات ، أنا رايي للحديث ده ، إنو مفروض العلاقة تبنى على العفة لأنو الحب عفة الزمالة عفة الجيرة عفة المعرفة عفة الأخوة عفة
انتي قلتي الموضوع شنو يا ام قبس
كل سنة وانتي طيبة والبركة الشفناك طيبة
telecom
16-12-2009, 01:17 AM
الغالية ام قبس تسجيل حضور ومتابعة
همسة : سعيدة جدا بطلتك الغالية من جديد
وانشاءالله برجع ليك تانى
أفراح
16-12-2009, 01:59 AM
أم قبس كل الحب ...
الرجل هو الانسان ...
وهو أخي الذي أحترمه .. والذي عندما يحتد علي أعرف أن ذلك من خوفه علي وحبه لي ..
وهو أبي عطر حياتي وأريجها , الحنين .. الصافي كنبع الماء ...
وهو صديقي الذي يسندني في كل أزماتي ...
وهو أيضاً حبيبي الذي يثق بي ويحترمني ..

قد تكون هنالك وجوهاً أخرى له ... ولكني هؤلاء من وجدتهم حولي ...
مشكلة الرجل الشرقي أختي أنه دائماً مايخفي حنيته وحبه ومشاعره كلها خلف ستار من الصرامة والجدية ...

ولي عوده ...
ودمتي بود
ام قبس
16-12-2009, 02:05 AM
أم قبس تحياتي وبركة الشفناك وسلامة العودة.

والله قبل مداخلتي عندي سؤال محرقني من سنة 1996.

سؤالك دا ليه الان تلتاطشر سنه ياعاطف
دا ماحرقك دا نجضك:)
درست في جامعة الجزيرة كلية الاقتصاد قسم التنمية الريفية. وعندنا كورسات في الجندر والنوع شي تنمية وشي تمكين يعني هرونا جندر. واكتر طالب في الدفعة كتب بحوث ومقالات في المراءة كنت انا حتي التصقت كلمة جندر باسمي وتمددت في التواصل والمعرفة بجامعة الاحفاد وجمعية بابكر بدري ومعهد الدراسات الإنمائية جامعة الخرطوم. والسفارة الهولندية وتغلغلت وسط حركة الفمينست وكانت لنا معهم صولات وجولات من الحوار والنقاش. وكما نشطت وسط الجمعية السودانية للامومة والطفولةوالجمعية القومية لمحاربة العادات الضارة بصحة الام والطفل ولي ايضآ كتابات في هذا المجال.
وبعد تخرجي كان رئيس القسم وهو استاذ معروف أ. حاج موسي واظن محمد النور يعرفوا وهو يساري تصوف بعد حين.
وكان مقاله لي بعد ان صلينا الظهر سويآ وسط الجامعة.

( يا عاطف مع كل احترامي لكتاباتك وسمناراتك لكن عاوز اديك نصيحة وانت الان خريج خليك ديمقراطي في اي شي الا مع المراءة. انتهي كلامه.)

وسؤالي ليك عارفا الزول دا قاصد شنو؟

بما انه قالو ليك انت وكنت الوقت داك مامتزوج
اكيد قصد يوقف حالك:p
لا لا رد تاني قصد يخليك لايص في السؤال دا تلطاشر سنه:confused:

خلاص خلاص اخر مرة قاصد الدمقراطيه معناها التشارك في الحكم
وهو نفاها ليك معناها اديها الحكم كلهوهي كل شيء القالها ليك دي امانه في ذمته وهو في شيء مافيه المراة:D


خلينا جادين شويه عاطف انت عارف لو الحتات المريت بيها في دراستك دي جيت بدري شويه كنت بتلقاني (( راجع الكرسي الساخن بعد يبداء)):cool:eek:
رد جادي اخير
درسنا في الفسلفه اليونانيه ان الديمقراطيه كلمه اصلها يوناني وتعني حكم الشعب لنفسه
اذا قصد استاذك منع المرة من حكم نفسها فمعه حق ليس لقله فهم او قصور فكري لا
ولكن وتأكيد لمقولتي لك في احد البوستات المراءة السودانيه في تكوينها الداخل تربت علي احتواء الرجل لكل مكنوناتها ولو تزوجت رجل غير هذا لاحست بالقصور وهنا تاتي تبعيات المراة المتخبطه
والله لا وراك المرة المتخبطه بتعمل شنو
ان شاء الله قدرت جاوبت ليك علي السؤال المخلل دا

خارج النص: استاذ الحاج موسي دا في اواخر التسيعينيات كان مدير جامعه الجزيرة وعاصر احداث الجامعه الاول مرة جلدوا فيها بنات الجامعه ولا واحد تاني
عاطف عولي اسعدني مرورك والله ونسيت ابارك ليك نجوميه الشهر الفات اعذرني
ام قبس
16-12-2009, 02:11 AM
ههههههههههههههههههه

حمد لله على السلامة يا ام قبس و ان شالله راجع اشوفك متحاملة شوية على الرجاجيل

والله عرفتك بتجي من الحته دي
مامعانا من الزعل
اتخيل لي انت خلاص اتعودت علي درابي تاني مابعوقك

الف مرحب بيك ياعبدالله ومنتظراك
ام قبس
16-12-2009, 02:19 AM
اختى أم قبس سلام وعودا أحمد ومحمد..

سألونى كيفن أجيب
أعمل حريف وكمان فريد
أقول معاها بقيت سعيد
ولا اطلِّع الجواى عنيد
رغم المحاولة برجع من جديد
لشرقى متعلم لكن بحيد
مرة عاقل ومرة واعى
ومرات مكابر وجد بليد
عايز اكون اتنين سوى
أكون معاصر وأكون عتيق
أستغفر الله الكضب حرام
مرة ببقى حنين شديد
مرة فقرى ومرة صارم
مرة فاهم وبكون نديد
مرة حالم ومرة ظالم
بس بحاول أكون رشيد
مرة حاذق ومرة داقس
وبالمحنة بتدشدش رقيق
بدميعة من هوايا
برقد طراوة ورز كمان
وبديها نفسى مربوطة بفيونكة من وريد..

اشرف الله يسلمك
احمد وقبس ياخي

والله لو جاك ابو حمزة بي جاي بفضل ليك بس السطر بتاع حمد الله علي السلامه:(

دي السدة بالرده (( بتاعه الانجليزي ديك تتذكرها)) مالقيت وش ينفع خت وش نيته سودا ودافنها ليك

واحيك علي الفيونكه طالما بتعرف الفيونكات معناه بتعرف الدببه والورود والفلنتاين ذاتو:eek:

خليك قريب
ام قبس
16-12-2009, 02:25 AM
الأخت أم قبس

كل عام وانت بخير

أعاده الله عليكم بالخير والبركات،



شلت يدي من علي الرموت ... ومسجل حضور في هذا البوست.

حاتم بيكاسو
اقصد حاتم شيل دا من دا وديه عند دا
متابعه بوستاتك ما تعبت يا ود امي من المساككه ذي بتاعه ناس الامن دي:(
كل عام وانت بخير الله يديك العافيه ان شاء الله
ام قبس
16-12-2009, 02:30 AM
الغاية أم قبس
ألف الحمد لله على لسلامة..
والموضوع قضايا تدخل كل بيت..
ومتابعين لنسمع النصف الآخر....
وأكيد لي عودة..


الزونيه سلامات
كل سنه وانت طيبه
الله يسلمك من كل شر

اكيد تدخل كل بيت وهو في بيت مافيه ادم
الا بيت الشعر:mad:
خليك معانا
ام قبس
16-12-2009, 02:35 AM
الغريبة إنو بعد التعليم والعولمة والحضارة والنت والكلام ده نظرتنا رجعية للعلاقات ، أنا رايي للحديث ده ، إنو مفروض العلاقة تبنى على العفة لأنو الحب عفة الزمالة عفة الجيرة عفة المعرفة عفة الأخوة عفة
انتي قلتي الموضوع شنو يا ام قبس
كل سنة وانتي طيبة والبركة الشفناك طيبة

ابو النور ياربي انا وين

شوف يا عزيز كلوووووووووووووووووووووووووووووو كوم ولمان نجي للجد كووووووووووووووووم تاني
النت والتعليم العولمه الحضارة
العلاقات بيننا
ياااااااااااااااااااااااااااخي علي العلاقات بيننا دي
دي براها دايرة مجلد بوستات
العفه وكون انت من غير زيف عشان البعرفك يقبلك او يرفضك
ماتقشر ماتتجمل
انت قلت لي انت راجل ولا انسان:)
ام قبس
16-12-2009, 02:37 AM
الغالية ام قبس تسجيل حضور ومتابعة
همسة : سعيدة جدا بطلتك الغالية من جديد
وانشاءالله برجع ليك تانى

تل كوم اسعد الله ايامك
لااااااااااااااااااااااااااازم ترجعي
ام قبس
16-12-2009, 02:39 AM
أم قبس كل الحب ...
الرجل هو الانسان ...
وهو أخي الذي أحترمه .. والذي عندما يحتد علي أعرف أن ذلك من خوفه علي وحبه لي ..
وهو أبي عطر حياتي وأريجها , الحنين .. الصافي كنبع الماء ...
وهو صديقي الذي يسندني في كل أزماتي ...
وهو أيضاً حبيبي الذي يثق بي ويحترمني ..

قد تكون هنالك وجوهاً أخرى له ... ولكني هؤلاء من وجدتهم حولي ...
مشكلة الرجل الشرقي أختي أنه دائماً مايخفي حنيته وحبه ومشاعره كلها خلف ستار من الصرامة والجدية ...

ولي عوده ...
ودمتي بود

بتمني ان تحظي كل حواء بما حظيتي بهم من رجال انسانيين فهنئيا لك
نحتاج ان نغير تلك القسوة لحقيقتها يا اختي قد لا ننعم بها نحن ولكن لينعم بها من بعدنا من الصغار
esmat
16-12-2009, 03:10 AM
حبيب قديم زوج الان عقدة تمشي علي قدمين

تسجيل حضور ومتابعة (لنستفيد إن استطعنا)

بداية حياة
ام قبس
16-12-2009, 03:14 AM
تسجيل حضور ومتابعة (لنستفيد إن استطعنا)

بداية حياة

اسمت ازيك
كل عام وانت طيب
بدايه خير بدايه امل بدايه عشرة الي اخر العمر قول امين

والمجاهرة بالحب سمات الرجل الزوج الرجل القلب
فكن كما انت والله يبارك فيكم
الملكة اسماء ( ام محمد )
16-12-2009, 03:29 AM
تعرفي ياحبيبة المشكلة وين ؟
انهم رغم تقلب مزاجهم العامل زي ( موج البحر ) للاسف بلاهم الحياة شبه مستحيلة




اناعندي قناعة انه المرة بيدها ( تشكل ) شخصية الراجل عموما




الموضوع دا الكلام فيه بعمل توتر
لانه الوحدة مننا تخاف ( تنتقد ) تلاقي روحها بتفلق ابوها واخوها او شريك حياتها (بطوبة الصراحة ) بدون قصد
ونخاف (نؤيد )نلاقي روحنا مبهورين بشخصية راجل مهم في حياتنا سواء كان (زوج-خطيب-اب -اخ-صديق ....) وهو في نظر الحولينا (ديكتاتور)
ياترى الكلمة دي كتابتها صح ؟:confused:


:):)
أشرف صلاح السعيد
16-12-2009, 05:08 AM
اشرف الله يسلمك
احمد وقبس ياخي

والله لو جاك ابو حمزة بي جاي بفضل ليك بس السطر بتاع حمد الله علي السلامه:(

دي السدة بالرده (( بتاعه الانجليزي ديك تتذكرها)) مالقيت وش ينفع خت وش نيته سودا ودافنها ليك

واحيك علي الفيونكه طالما بتعرف الفيونكات معناه بتعرف الدببه والورود والفلنتاين ذاتو:eek:

خليك قريب


ام قبس سلام وتحايا..
العود احمد ومحمد يا زولة على الرجعة هو الشى قلنا ليك اسماء اولادك منو!!سلامى لأحمد وقبس وأبوهم..
ابو حمزة دا يهرش ليو بعشوم وكدا انا دا ما بخاف من زول الا مرتى..قال ابو حمزة قال..
اما بخصوص السدة لكن مالقيتك جبرتية عديل كدا و جد ..دافناها وصاراها لهسى..يااخى معقول!!
مالى ما بعرف الفيونكة وبالفرنسى "بابيون والان سايلنت كمان" وبالانجليزى "بتر فلاى تاى"..وبعرف الجارفيلد وتيدى بير وباربى وباندا بير وبعرف الفالنتاين والهولويين والكرنفال ..
بس دا هسع دى دخلو شنو بحب الرجل لزوجتو وتكسرو فيها؟؟؟..عيبى ليى "الكلمة الحنينة مشتاق اسمعا" ولا "احبك احبك انا مجنونك" ولا "حشمة فى توبك وزيك وين ..يا بت بلدى"..
هوووى حب الخواجات دا أب مناسبات وأيام محددة وهداية نمطية دا ما بيخارج معاى..
جلسة فى قدر ظروفك على النيل معاها بالدنيا..ولا قعدة بالفندق الكبير "أب ليمون يحيّر داك زمااان" ما طرب..ولا حتى نعضعض لينا شياية بسوق الناقة ما بمليون لعبة حريرية ..
لقيتينى كيف؟..شكاااال اعملى هسابك وأربيك كمان..
ام قبس
16-12-2009, 11:50 AM
تعرفي ياحبيبة المشكلة وين ؟
انهم رغم تقلب مزاجهم العامل زي ( موج البحر ) للاسف بلاهم الحياة شبه مستحيلة

ماشبه مستحيل دي مستحيل عدييييييييييييييييييييل


اناعندي قناعة انه المرة بيدها ( تشكل ) شخصية الراجل عموما

دي علي مقوله المصريات ابنك علي ماتربيه وزوجك علي ماتعوديه :eek:

الموضوع دا الكلام فيه بعمل توتر
والله كلامك صاح بس لابد مما ليس له بد
لانه الوحدة مننا تخاف ( تنتقد ) تلاقي روحها بتفلق ابوها واخوها او شريك حياتها (بطوبة الصراحة ) بدون قصد

شوفي لاااااازم نقول وخلينا نعمم بدل نخصص
ونخاف (نؤيد )نلاقي روحنا مبهورين بشخصية راجل مهم في حياتنا سواء كان (زوج-خطيب-اب -اخ-صديق ....) وهو في نظر الحولينا (ديكتاتور)
طيب مالو مادي ذاتو العاوزنه ماضروري في المنتدي بس تعديل الساس ياترى الكلمة دي كتابتها صح ؟:confused:


:):)

شوفي ياحبيبه انا منبهره اذا انا اميز بين ماهو كائن وما يجب ان يكون
ودا كله مرجعه للاحساس

انا منبهره جدا بي اعتزاز واحد من اخواني بي نفسه
انا منبهره بي صفاء قلب اخي الاكبر
انا منبهره جدا بزوجي
انا معجبه جدا جدا جدا بابي
هذا لا يعني ان الشخصيات متكامله
وجاياك بالتفصيل ياحلوة
ام قبس
16-12-2009, 11:53 AM
ام قبس سلام وتحايا..
العود احمد ومحمد يا زولة على الرجعة هو الشى قلنا ليك اسماء اولادك منو!!
كر علي يا اشرف انت برضه الكبر دخل
والله فهمتك بس بهزل
سلامى لأحمد وقبس وأبوهم..
ابو حمزة دا يهرش ليو بعشوم وكدا انا دا ما بخاف من زول الا مرتى..قال ابو حمزة قال..
اما بخصوص السدة لكن مالقيتك جبرتية عديل كدا و جد ..دافناها وصاراها لهسى..يااخى معقول!!
انا بحب انضف اول بي اول:p
مالى ما بعرف الفيونكة وبالفرنسى "بابيون والان سايلنت كمان" وبالانجليزى "بتر فلاى تاى"..وبعرف الجارفيلد وتيدى بير وباربى وباندا بير وبعرف الفالنتاين والهولويين والكرنفال ..
بس دا هسع دى دخلو شنو بحب الرجل لزوجتو وتكسرو فيها؟؟؟..عيبى ليى "الكلمة الحنينة مشتاق اسمعا" ولا "احبك احبك انا مجنونك" ولا "حشمة فى توبك وزيك وين ..يا بت بلدى"..
هوووى حب الخواجات دا أب مناسبات وأيام محددة وهداية نمطية دا ما بيخارج معاى..
جلسة فى قدر ظروفك على النيل معاها بالدنيا..ولا قعدة بالفندق الكبير "أب ليمون يحيّر داك زمااان" ما طرب..ولا حتى نعضعض لينا شياية بسوق الناقة ما بمليون لعبة حريرية ..
لقيتينى كيف؟..شكاااال اعملى هسابك وأربيك كمان..

هنا كلامك ميه ميه
انت عارف يا اشرف فعلا حبهم قرب يبقي مجمد لحين الحوجه
وخليك قريب
ام قبس
16-12-2009, 12:06 PM
نرجع لي موضوعنا
اب باهلها بهله شديده
لاعتقاده ان احتياجات البنت مصاريف واغراض
واذا توفرت تتربي البت تمام
بابا او بابي او يابا
الاولي والثانيه الاغلب الاعم الاب مغترب والاخيره الاب رجل مريش
تنبيه بسيط اتحدث عن غالبيه وليس شمول
يلا نواصل بابا عوزة لاب توب
عاوزة ام بي 3 عاوزة موبايل اخر موديل
عاوزة مصاريف ذياده
اللاب توب دا بيشوفوا فيه شنو بتصفحا شنو
بدردشوا مع منو
الموبايل دا بتكلمو بيه مع منو
في انصاص الليل
ليس اسلوب المراقبه
اسلوب المصادقه
التفرد
البهله في المصروف تلبيه الاحتيجات الضروريات والكماليات
تولد حاله من الملل
ما كل شيء لقته شافته
البحث عن الجديد ولو خطر

اب
لازم يكون اب قريب لصيق حنين
افهمها هي طفله هي مراهقه هي ناضجه هي امراة
كن ابا
ولينا نقلات لي البعده
مايسة
16-12-2009, 08:23 PM
مايسه الرائعه
مايسه
مايسه
مايسه
شنو ياخي ماقلت ليك ميه مرة نزلي الام بي 3 دا من اضنيك
تعالي يامايسه
عليك الله تعالي


ياخي كوراكك صحاني من سباتي الشتوي ;)

أم قبس

كدي موضوعك المرة دي عايز فلفلة شديدة - بجيكي بمزااااج - تسلمي
ام قبس
21-12-2009, 12:21 AM
ياخي كوراكك صحاني من سباتي الشتوي ;)

أم قبس

كدي موضوعك المرة دي عايز فلفلة شديدة - بجيكي بمزااااج - تسلمي

ميسو العثل
عارفاك عاذراني اليومين دي
لاني مضفوره ضفرة شديده
لكن بالجد مشتاقين
واسعدني جدا انك جيتي هنا مرة تانيه
حاسه بالمكان بقي اخضر بيك وبي ناس كتار
بداء يرجع دافيء
الله يديك العافيه

متابعاك

ازعجتك بي كواريكي
اهم شيء البطاريق صحوا ولا شنو فهمهم
ام قبس
21-12-2009, 12:30 AM
نخلي الراجل الاب شويه
ولكن امكن نرجع ليه في اي لحظه
نجي للاخ ام متسلط
اخ ..................عنمدا اتألم
اخ .................... عندما انسي شيءمهم
اخ ................... عندما اتفاجاء
اخ..................... واخ ..................واخ

بعد قبل
اكبر من
اصغر من
المهم اخ
شقيق
اخ صفه للرجل قد وجدت من دون يده فيها
هل ننكر وجود الاخ الذي لايتمناها بنت ويتمني اخته لو كانت ولد
خوف عليها ام خوف علي نفسه من اصدقاءه
يريدها دائما بعيده عن الانظار
ليسفي المساحه المتواجد فيها هو
احيانا يريدها صامته واذا نطقت الحقها بنظره ناريه
اسكتي انت بتعرفي شنو

وقد تكون اكبر منه ولكنها بت في النهايه
لن تكون افهم منه او ادري منه
هل يعلم الرجال ان ماتعرفه المراة عن الرجل اكثر مما يعرفه الرجل عن الرجل

الرجال بنفس فهم المرة مابتعرف شيء
وجانب ضعيف
يجعلوا النساء يتصفحوهم كما الكتاب دون خوف ودون ستار

لهذا يكونون طبيعيون
الاخ المسلط والاخ الحنون
والاخ الذي يرتدي نظارة بالقلبه
والاخ الذي يغطي كلتا عينيه بكفيه
ولكنه يفتح فتحه صغيره بين اصابعه ليري مايريد

جاااااااااين
ام قبس
21-12-2009, 12:32 AM
كيف بتشوف اختك
كيف بتعاملها
كيف بتحس باوجاعها باستخفاف
باهتمام ..................
بتظهر شعورك تجاهها بي وضوح
شفيف راقي صاحب معها

مراجعه سريعة
العام قرب يخلص
:confused::confused::confused:
ام قبس
21-12-2009, 04:04 AM
حوار اخوي جدا


اول مقابله بعد صحي من النوم هو متأخر

هي لابسه ماشه الجامعه
هو منبطح في السرير قام من النوم لكن يستريح شويه

اها ماشه وين
ما ماشه الجامعه طبعا
طيب ماتتكلمي بي ادب
انا هسع قلت شنو
قلت شنو
ماشه الجامعه طبعا (( دي محاكاه مع استخفاف))
اتقول بتقري طب
ولا التقول في اكسفورد

تنظر ليه مندهشه
لا وجود لهذا الاستهزاء المدمر من الصباح
شنو ماعجبك كلامي دا فتحتي ليك عيونك دي كدا
ياخي انا اتأخرت عليك الله عوز حاجه ولا امشي
عندك شنو مستعجله
امشي جيبي لي الشاي قبل تطلعي
تستدير لاحضار الشاي
تعالي تعالي دا شنو دا اللابساه دا
انت ماشه حفله ولا جامعه
في شنو دا اسكيرت وبلوزه عاديات
عاديات دي هسع الوان جامعه
امشي غيري المولد اللابساه دا
انا اتأخرت
شوفي ياتغيريه يا تمشي تترزعي هناك وماتمشي

الام في تتدخل سريع
ياولدي مالك مع اختك من الصباح
ماشايفاها بتتلامض كيف
مالك قلتي ليه شنو
الاخت باكيه والله ماقلت ليه شيء
كمان بتحلفي
يعني انا كضاب
اها مافي جامعه كلو كلو
النوريك الراجل في البيت دا منو
انا ولا انتي

جلست تركت الذهاب واخذت تلعن انوثتها التي اذلتها
انتهي

قد تكون رجل التكاوين
ولكنك هكذا ليس رجل انسان
ام قبس
21-12-2009, 04:50 AM
لماذا تتخبط البت في فترة مراهقتها
سؤال كبيييييييييييييييييييييير
هل لو كان اخاها الذي قاربها في العمر
رفيق صديق
هل تبحث عن حب المراهقه بره

هل تجد شعور امان زائف فتتخيله هو هذا



اخ اخ

اخ اخ
اخ اخ
درديري كباشي
21-12-2009, 09:44 AM
ام قبس

اشرف عبد الباقي الممثل

في المسلسل الكوميدي الشهير راجل وست ستات

مراته بتقول له وهي زعلانة انت عارف كان متقدمين لي كم قبل ما اتزوجك؟؟؟

قاليها ليه هو انت كنتي الكلية الحربية ؟؟؟
محمد حسين (المميز)
21-12-2009, 09:55 AM
قريتها ام قبس المراة الغنمايه



:eek::eek:

هههه:Dهههه:Dهههه
محمد حسين (المميز)
21-12-2009, 10:20 AM
بصراحه يا ماما

الموضوع اكتر من رائع

ويستحق نجومية الشهر

اما عن محتواه فهـو واقع يعيشه معظم البيوت

يجب ان يكون الرجل مسيطر على منزله بفهم

يعني مش راجل وخلاص

واي راجل بيخاف من مرته خوف حقيقي يبقى من بني جنسهن

وللأسف بعرف شخصيات زي دي

بالله المره لمن تتصل بيهو يتنفض زي القصبه

وجري عالبيت


الكلام في الموضوع كتيــــــــــــر بجيك تاني;)
ام قبس
22-12-2009, 01:55 AM
بصراحه يا ماما

الموضوع اكتر من رائع

ويستحق نجومية الشهر

اما عن محتواه فهـو واقع يعيشه معظم البيوت

يجب ان يكون الرجل مسيطر على منزله بفهم

يعني مش راجل وخلاص

واي راجل بيخاف من مرته خوف حقيقي يبقى من بني جنسهن

وللأسف بعرف شخصيات زي دي

بالله المره لمن تتصل بيهو يتنفض زي القصبه

وجري عالبيت


الكلام في الموضوع كتيــــــــــــر بجيك تاني;)



انا منتظراك


وجيب معاك الصورة البي هناك دي
بس نحن نتحدث عن الرجل الانسان
يا انسان:mad:
ام قبس
22-12-2009, 01:56 AM
:eek::eek:

هههه:Dهههه:Dهههه

انت اليومين دي ضحكك كتر انضبط ياعسكري:p

ربنا يسعد ايامك
ام قبس
22-12-2009, 11:24 PM
نرحل من الرجل الاخ ولا
مافي اخوان هنا ولا الفهم شنو

طيب الاخ النوع الخطر


الاخته سمحه وعاوز يقشر بيها ويبقيها كبري
لغايات دنيئه

مسموح لها بكل شيء
دا قريب لي شخصيه الاب الباهلها شديد

لاحظتها في فترتي الاخيرة في مدني
شباب تصرفاته عجيبه جدا
سايق اخته عشان تصاحب ليه فلانه
وبعدها يقرطسوا الام والاب
وطالما معاها اخوها مافي مشكله
وماعارفين اخوها هو المشكله تمشي علي ساقين

وهاك يا مواعيد وطلوع ونزول
واكيد لتنفذ طلباته يجب ان يغض الطرف عن تصرفاتها

وفي الغالب بيكون هذا الاخ قريب في العمر منها


ومن هنا ضائعه ومن هناك وحده

وفشل ذريع
والله يهديهم الاهل المابتصدق شيء يقتل قلبها من شيل المسؤوليه وهااااااااك يانوم
مامعاها اخوها:mad::mad::mad:
ام قبس
25-12-2009, 03:47 PM
جينا
الرجال ديل مشو وييييييييييييين
اليومين دي في صنه كدا ماااااااامطمنه
الله يجيب العواقب سليمه:confused::rolleyes:


والله متردده
نمشي للراجل الزوج


دي حكاااااااااااايه صعبه بالحيل
فقط ابداء باستصحاب قصه من بوستات الرائعه بت الشبارقه
والراجل الاصرت عليه زوجته يمسك يدها
ولما اقتنع
في نص السوق نفض يده ذي الضربته كهرباء
وتاري شاف جماعه سودانيين جايين عليهم((طبعا في بلاد الغربه لانو لو في السودان كان نططت مابيمسك يدها في الشارع))

من هنا خلونا نبدا
وسؤال برضه كبير
ليه بنخجل من عواطفنا

ليه نلبس احساسنا عبايه خيش
ونشيل لي طبعنا الرقيق
سوط العنج
ليه مانفرد مساحه لي احاسيسنا
هو الزول بيعيش كم مره
ودي مامرتك يعني حلالك
ليه المره مع الراجل في الشارع كما عشيقته يستحي منها


ليه كل لماتنا وجمعاتنا لازم عشان ناخد راحتنا نسوانا مايكونوا معانا
واحسن يكونوا الاطفال علي اساس الاطفال اعقل من النسوان:p
ليه وليه وليه
ليه ما نعرف قيمه الفي يدنا قبل مايزبل مع سنين التجاهل المتكرر
وليه مانسقي احساسنا بي بعضنا البعض
اهتمام كلمه حلوة
انصهار
كله كله
وجاااااااااااااايه لو ماجيته يالرجال
برضه جااااااايه
وصنتكم دي قاعدنلكم فوق راي:mad:
moh_alnour
26-12-2009, 05:19 PM
وصنتكم دي قاعدين ليكم فوق رأي :mad:

متابعين معاك
بس قلتا نشوف الفيلم هندي ولا ناكل باسطة ;)