نزار حسن محمد
15-12-2009, 11:20 PM
احدث ماكتبه الغائب الحاضر ود المطامير
***
لينا فتره طويله إشتهينا فيها ريحة المطر والدعاش
وصُبّى يا مطيره ..
ومن تلاته أيام وعندنا الجو رهييييييييييييييييييب
غيوم ورزاز .. شمش نهى زندقى
والرطوبه التقول أدوها عُكاز
جو جميل بحق .. لكن .. مطرنا هنى ما ذى مطر الحنين ..
الله ... الله .. من الحنين ومطر الحنين وناس الحنين
تصب الليله بعد تلاته أيام هاك يا السقّيط والموليته والقش
وتروس البلدات تمتلى ... والناس تنتشئ ..
وريحة الدُعاش .. تجيك تملأ صدرك إنتعاش
هنى .. المطره تصُب بهنى تشربها الرمله بهنى
لا ورود تتفتح .. ولا طيور الجنّه تغرد وحليل الفراشات الملوّنه
هسى المطره شغاله .. ود أبرق ساى ما حايم
فى الحنين .. بعد المطره ود أبرق لو بالليل يصحى ويزقزق
12 _ 13 سنه .. و23 سنه مجمل الحرمان من مطرة ( الحنين )
ولعوت الحنين .. ونيم الحنين والقدليات وأبوالسعن والحديّه
والبلدات والواردات
والنسيمات
وجينا واردين فى المغيرب
غايتو .. بعد حرمان سنوات جاتنا المطره
لكنها بدل ما تبرد حر الشوق هيجت المشاعر
والذكريات وخورنا والحجر
الغنم والشجر
والنبله والقلابه
والقمارى
وجانا المطر لكن جاب معاه بقايا دموع
***
لينا فتره طويله إشتهينا فيها ريحة المطر والدعاش
وصُبّى يا مطيره ..
ومن تلاته أيام وعندنا الجو رهييييييييييييييييييب
غيوم ورزاز .. شمش نهى زندقى
والرطوبه التقول أدوها عُكاز
جو جميل بحق .. لكن .. مطرنا هنى ما ذى مطر الحنين ..
الله ... الله .. من الحنين ومطر الحنين وناس الحنين
تصب الليله بعد تلاته أيام هاك يا السقّيط والموليته والقش
وتروس البلدات تمتلى ... والناس تنتشئ ..
وريحة الدُعاش .. تجيك تملأ صدرك إنتعاش
هنى .. المطره تصُب بهنى تشربها الرمله بهنى
لا ورود تتفتح .. ولا طيور الجنّه تغرد وحليل الفراشات الملوّنه
هسى المطره شغاله .. ود أبرق ساى ما حايم
فى الحنين .. بعد المطره ود أبرق لو بالليل يصحى ويزقزق
12 _ 13 سنه .. و23 سنه مجمل الحرمان من مطرة ( الحنين )
ولعوت الحنين .. ونيم الحنين والقدليات وأبوالسعن والحديّه
والبلدات والواردات
والنسيمات
وجينا واردين فى المغيرب
غايتو .. بعد حرمان سنوات جاتنا المطره
لكنها بدل ما تبرد حر الشوق هيجت المشاعر
والذكريات وخورنا والحجر
الغنم والشجر
والنبله والقلابه
والقمارى
وجانا المطر لكن جاب معاه بقايا دموع