لماذ لايحاسب والي الجزيرة السابق وحكومته

[أبوربا]

لماذا لايتم محاسبة الوالي السابق وحكومته من المجلس التشريعي بالولاية والمجلس الوطني...حكومة ولاية توصل الديون400مليون ماهو انتاجهم لهذه الولاية.........اتمتى ان يحاسب كل مسؤل على اننتاجه مهما كان موضعه حتى نستطيع انت نتقدم

[أبوريلان]

لماذا لايتم محاسبة الوالي السابق وحكومته من المجلس التشريعي بالولاية والمجلس الوطني...حكومة ولاية توصل الديون400مليون ماهو انتاجهم لهذه الولاية.........اتمتى ان يحاسب كل مسؤل على اننتاجه مهما كان موضعه حتى نستطيع انت نتقدم



دفعهم هدايا للشفع اللاميهم !!

حكومتنا الله يهديهم يا أبو ربا
كل واحد ماسك للتاني من
أيدو البتوجعه عشان كده
مافي حد بحاسب
حد .

الله يكون في عون المواطن .

[أبو ملاذ]

يعني الهسة ديل
احسن من ديلاك بي شنو ؟

[حسن ابو على]

يا تو يوم سمعنا لينا بحكومه سودانيه حاسبت واحد من اركان حربها 00
عشم ابليس فى الجنه 00

[النويري]

أخونا أبو ريا الموضوع دا قبل كده أثير وأثار مشاكل كبيرة في المنتدى وأخونا ياسر يعلم هذا جيدا ونشكرك على هذه الجرأة وطبعاً الوالي السابق بعد ما فلست الولاية رقوه سفير في القاهرة إمكن إرحل الإهرامات دا قدر ومكتوب على ودمدني وأهلها أن يظلوا في هذا الظلام الدامس منذ الإستقلال إلى يومنا هذا وبصراحة ما في يوم واحد صحينا لقينا ناس من مدني قاموا وظاهروا بأنوا ودمدني ضايعة في السودان وكل واحد بجيب كيس السلطة وكيس التمباك ودي أحلاموا وبيجي راجع البيت الموضوع بصورة عامة عايز إنتفاضة من أهالي المدينة حتى يستيقظ أهل الخرطوم لكن طول ما ناس مدني نايمين معناه راضين

تقبل مروري ولك مني خالص التحيات

[محمد حسين (المميز)]

كيف ما تحاسب؟؟؟؟؟

اتحاسب والدليل انه تم ترقيته وكرموهو واحتفلو بيهو

وودوهو مصـر يرفه عن نفسـه

ده حساب ولا قوار؟؟



يمهـــــــل ولا يهمــــــــل

[امال مالك]

والله بااخى نحاسب منو ولا نخلى منو الحساب وقت الحساب
واوافق اخى النويرى ان مدنى عايزه انتفاضه من اهلها
لك منى التحيه لا تتحسر كثير فقدنه الامل فى المعالجة