يكاكو هنا ... ووو......... هناك

[مايسة]

أيام دراستي بالجامعة – دائما ما كان يلفت انتباهي تلك الجلسات التي كانت بين الطلاب والطالبات – وهم يجلسون تلك الجلسة المعهودة – راس براس وكرسي مقابل كرسي – وتشابك رمزي – :rolleyes:

أجلس وصديقتي ونراقب ما يحدث –مسكينة هي هذه الشابة – لا تعرف بأن ما يقوله لها كله مجرد اشعار وكلمات حفظها عن ظهر قلب من رواية او كتاب – وجاء ليقوم بتسميعها لها –
في لحظات كثيرة كنا نضحك ونستغرب – وفي نهاية جلستنا نقول عويرة بس ما عارفة انهم


بيكاكو هنا و ----- هناك .

للنقاش – لماذا دائما يقوم الشباب سواء القادمين من الولايات او من العاصمة نفسها بهذه افعال ؟؟؟؟

[تيسير]

أيام دراستي بالجامعة – دائما ما كان يلفت انتباهي تلك الجلسات التي كانت بين الطلاب والطالبات – وهم يجلسون تلك الجلسة المعهودة – راس براس وكرسي مقابل كرسي – وتشابك رمزي – :rolleyes:

أجلس وصديقتي ونراقب ما يحدث –مسكينة هي هذه الشابة – لا تعرف بأن ما يقوله لها كله مجرد اشعار وكلمات حفظها عن ظهر قلب من رواية او كتاب – وجاء ليقوم بتسميعها لها –
في لحظات كثيرة كنا نضحك ونستغرب – وفي نهاية جلستنا نقول عويرة بس ما عارفة انهم


بيكاكو هنا و ----- هناك .

للنقاش – لماذا دائما يقوم الشباب سواء القادمين من الولايات او من العاصمة نفسها بهذه افعال ؟؟؟؟



الله يرحم ...........ايام زمان
والجامعة والخلطات بتاعت اولاد الاقاليم لبنات الخرطوم العويرات .............
:p:p:p
ويابت امى والله موضوعك مية مية وبجيك تانى قلت اخت طوبتى اول ..........

[عبدالرحمن مدثر]

ياسلاااااااام زمن جميل

بعيدا عن العوارة طبعا

انا بخت فكرة معينة وبجى رااااجع

طبعا (المسكنة ) ليست حكرا على البنات هناك بناااات تفتيحات

بعملوا بنفس المقطع بتاعك بس بفهم قريب للاستنزاف

والفى الرف .. والفى الصف .. والفى الكف

من خلال دراستى اكتشفت اكتشاف ختير هو انا شباب الاقاليم والولايات

انموذج للشباب الواعى (الا من كاكا طبعا )

وكاكا دا حالة شاذة

وكاكا بلقى المساحات وبيعرف كيف يحاور





مايسة بجيك رااااجع

[مايسة]

الله يرحم ...........ايام زمان
والجامعة والخلطات بتاعت اولاد الاقاليم لبنات الخرطوم العويرات .............
:p:p:p
ويابت امى والله موضوعك مية مية وبجيك تانى قلت اخت طوبتى اول ..........


هووووووي يا غالية - ما عويرات بنات الخرطوم ;)

تعالي منتظراااك

[ahmed algam]

الخلط


احلي ايام


طبعا البنات والاولاد


كاو بغش في كلوا



الا من رحم ربي




http://cdn.content.sweetim.com/sim/cpie/emoticons/00020167.gif


http://cdn.content.sweetim.com/sim/cpie/emoticons/00020236.gif



http://cdn.content.sweetim.com/sim/cpie/emoticons/0002011E.gif



http://cdn.content.sweetim.com/sim/cpie/emoticons/000202B1.gif

[مايسة]

ياسلاااااااام زمن جميل

بعيدا عن العوارة طبعا

انا بخت فكرة معينة وبجى رااااجع

طبعا (المسكنة ) ليست حكرا على البنات هناك بناااات تفتيحات

بعملوا بنفس المقطع بتاعك بس بفهم قريب للاستنزاف

والفى الرف .. والفى الصف .. والفى الكف

من خلال دراستى اكتشفت اكتشاف ختير هو انا شباب الاقاليم والولايات

انموذج للشباب الواعى (الا من كاكا طبعا )

وكاكا دا حالة شاذة

وكاكا بلقى المساحات وبيعرف كيف يحاور





مايسة بجيك رااااجع



تعال يا دفعة :)
بس يا ود امي ما تطلع لي بره الشبكة اقصد الجزئية المطروحة

هسه نمسك ليه الاولاد بيعملو كدا - اما حكاية الرف والكف دي خليها بعدين - راح نجيها ونديها حقها ;):p

[محمد حسين (المميز)]

آآآآهـ يا بت يا ميســـو:o

فكرتينــا بالذي مضــى

واللــه قعدنا قعــااااااااااااد

وحبينــــا حب;)

بس والله ما كان غش كان حب جميــل صادق


بس الله يجازي اللي كــــان السبب:mad:



هسسسسسه يا ميسـووو في داعي نفتــح الجروح تاني:mad::mad:


روحي يا شيخــه منـّـــك للــه
:p:D:p:D:p

[التيمان]

هههههههها ههههههههها ع

والله يا اخونا قصتكم قصه

كل مره تجو للحنك ده الموضوع ده اتفتح زماان وطلعنا منو بقصه

انو الشباب عايز يخلط من جديد والله مشكله

حتى فى المنتديات الناس ظروفه تعبانه

ما مشكله كدى النتفرج وبجيكم تانى ..

[okasha]

اول حاجة يا جماعة طبعا انا طالب فى جامعة الخرطوم والقضية واقع ماش امامنا برمته

واحب ان اوضح ان هذه الجلساتاو الخلطات او طق الحنك تبدأ بمقدمات وسرعان ما ....



عن اذنكم ماشى للبرلومة ديييييييييييك


داير اشرح ليها مسألة كدا واجيكم نواصل الكلام

[مدنيّة]

والفى الرف .. والفى الصف .. والفى الكف



شكلك ممغووووووووص كدا
كنت في كل الفئات اعلاه :)


ميسو يامنقة
برجع ليك باذن الله

[سمرا ودلوعة]

يقول من غش فليس مننا لانة حاحة موحلوة ب الموضوع جدا قيم

دمت بخير

[ود سعدابى]

أيام دراستي بالجامعة – دائما ما كان يلفت انتباهي تلك الجلسات التي كانت بين الطلاب والطالبات – وهم يجلسون تلك الجلسة المعهودة – راس براس وكرسي مقابل كرسي – وتشابك رمزي – :rolleyes:

أجلس وصديقتي ونراقب ما يحدث –مسكينة هي هذه الشابة – لا تعرف بأن ما يقوله لها كله مجرد اشعار وكلمات حفظها عن ظهر قلب من رواية او كتاب – وجاء ليقوم بتسميعها لها –
في لحظات كثيرة كنا نضحك ونستغرب – وفي نهاية جلستنا نقول عويرة بس ما عارفة انهم


بيكاكو هنا و ----- هناك .

للنقاش – لماذا دائما يقوم الشباب سواء القادمين من الولايات او من العاصمة نفسها بهذه افعال ؟؟؟؟

مايسة كيفنك

ياخ البكاكى فى الجامعه دا مابلقى محضن ملائم لى مشاعرو عشان تفقس :eek::eek:

غايتو انا فهمت من عنوان الموضوع انو بحب فى الجامعه وبعرس فى البيت
فى اسباب خلتو يعمل كدا ياخ احتمال بحس عدم توافق داخلى :rolleyes:

غايتو كان ياهو كدا القاصداهو بجيك تانى
وكان ما كدا برضو بجيك


لانو الناس دى كلها الواحد بخش وبقول ليك بجيك راجع ليه ديل دايرين يكاكو فى الموضوع وو......ز هناااااااااك لاكن وين ؟ :confused::confused:
احتمال الوضع خطير

مودتى

[مايسة]

[QUOTE=ahmed algam;458705]
الخلط
احلي ايام
طبعا البنات والاولاد
كاو بغش في كلوا
الا من رحم ربي




يعني معترف :rolleyes:

طيب ورينا ليه السبب شنو يعني - وياخي لو فيها كوكيي - ما يكاكو هناك طواااالي طيب:rolleyes:

[مايسة]

آآآآهـ يا بت يا ميســـو:o

فكرتينــا بالذي مضــى

واللــه قعدنا قعــااااااااااااد

وحبينــــا حب;)

بس والله ما كان غش كان حب جميــل صادق


بس الله يجازي اللي كــــان السبب:mad:



هسسسسسه يا ميسـووو في داعي نفتــح الجروح تاني:mad::mad:


روحي يا شيخــه منـّـــك للــه
:p:D:p:D:p


ههههههههههه

حبيت قلته لي - يعني خلطته خلط صاح - :p;)

يعني برضو بتندرج تحت قائمة الكوكيي :cool:
همسة: ما تداعيني :):mad:

[مايسة]

هههههههها ههههههههها ع

والله يا اخونا قصتكم قصه

كل مره تجو للحنك ده الموضوع ده اتفتح زماان وطلعنا منو بقصه

انو الشباب عايز يخلط من جديد والله مشكله

حتى فى المنتديات الناس ظروفه تعبانه

ما مشكله كدى النتفرج وبجيكم تانى ..


التيمان

كدي بيني وبينكم كدي - ووطو حسكم شوية - كم مرة كاكايتو - انتو قايلين التعب وين - ما اي حته فيها تعب - :eek:

[ام قبس]

ميسو ياميسو


كلامك لمس عصب الحقيقه

الراجل الطالب

بيحب يقراة بي نفسيات كويسه وهو في الجامعه
هههههههههههههههههههه

الموضوع ممتع وبالجد ماقريت كل تفاصيله
ووعد بتابعه حته حته

ونادر جدا يكاكي هنا ويبيض هنا

بس والله للاسف في اغلب الحالات من البنات
لان البت بطبعها بتكبر اسرع من الرجل
تقعد تحسبها تنتظر الطالب ولا تكاكي هي في وادي تاني
وجاياك اكيد

[مايسة]

اول حاجة يا جماعة طبعا انا طالب فى جامعة الخرطوم والقضية واقع ماش امامنا برمته

واحب ان اوضح ان هذه الجلساتاو الخلطات او طق الحنك تبدأ بمقدمات وسرعان ما ....



عن اذنكم ماشى للبرلومة ديييييييييييك


داير اشرح ليها مسألة كدا واجيكم نواصل الكلام


عكاشة : عدلته ياخي


دي المقدمات حقتك - شرح

قديمة ياخي - عملناها زمان -

في رائك لماذا يقوم الشباب بهذه افعال - طالما انت مثال حي الآن - اهو قضاء للوقت وتكسير للزمن - ام هو تفريغ لطاقات داخلية وتوجيهها من غير ادراك للعواقب التي يمكن ان تحدث جراء تلك الخلطات - دمت

همسة: الدوام له وحده

[مايسة]

شكلك ممغووووووووص كدا
كنت في كل الفئات اعلاه :)


ميسو يامنقة
برجع ليك باذن الله





منقة انتي ياخي :)

شفتي الود دا - طوالي نطة للجزئية التانية - خير طريقة للدفاع الهجوم قالو :eek:

ياخي تعالي - كل زول يقول بجيك - لمتين يعني انتظر لمن البيض يفقس يعني :p:cool:

[مايسة]

يقول من غش فليس مننا لانة حاحة موحلوة ب الموضوع جدا قيم

دمت بخير


يا مراحب بالسمر والدلاليع :)

لطالما كان الحلال بين والحرام بين - وبينهما امور متشابهات

الشباب بذرة ولكن كيف نراعيها - تمارس عليه كل انواع الضغوط من كل ناحية ومن كل صوب -
اسعدني مرورك

[مايسة]

مايسة كيفنك

ياخ البكاكى فى الجامعه دا مابلقى محضن ملائم لى مشاعرو عشان تفقس :eek::eek:

غايتو انا فهمت من عنوان الموضوع انو بحب فى الجامعه وبعرس فى البيت
فى اسباب خلتو يعمل كدا ياخ احتمال بحس عدم توافق داخلى :rolleyes:

غايتو كان ياهو كدا القاصداهو بجيك تانى
وكان ما كدا برضو بجيك


لانو الناس دى كلها الواحد بخش وبقول ليك بجيك راجع ليه ديل دايرين يكاكو فى الموضوع وو......ز هناااااااااك لاكن وين ؟ :confused::confused:
احتمال الوضع خطير

مودتى


ياهو زاااتو القاصداهو

انو تجد شباب الجامعات آخر خلطات - والبت تتكسر وتدشدش كمان - وآخر بهدله وفي الآخر شاكوش مظبوظ - وما تسمع بيهو الا وهو متزوج بت عمو ولا خالو - القامت وتبت معاهو من صغرو -


همسة : يكونو صدق لسي مدة الحضانة ما خلصت :cool:

[مايسة]

ميسو ياميسو


كلامك لمس عصب الحقيقه

الراجل الطالب

بيحب يقراة بي نفسيات كويسه وهو في الجامعه
هههههههههههههههههههه

الموضوع ممتع وبالجد ماقريت كل تفاصيله
ووعد بتابعه حته حته

ونادر جدا يكاكي هنا ويبيض هنا

بس والله للاسف في اغلب الحالات من البنات
لان البت بطبعها بتكبر اسرع من الرجل
تقعد تحسبها تنتظر الطالب ولا تكاكي هي في وادي تاني
وجاياك اكيد


تسلمي يا ام قبس

قصدك تبيض في حته تاني هي

فعلا هذه حقيقة - ولكن لماذا اصلا يحدث هكذا -

ايكون العمر سببا ايضا في هذا - بمعني اغلب الداخلين للجامعات في فترة مراهقة وهذه فترة معروفة بالكثير من التغييرات الفسيولوجية والنفسية وتغييرات اخري - تؤثر بشكل مباشر في سلوك الجنسين - ام اسباب واسباب اخري

[زادالشجون]

الشباب جايين من الثانوي وشايلين معاهم لسه طور المراهقه كان البنات ولا الاولاد والحاجه جديده عليهم وبقعو بي وشهم في الخلط والواحد ميصدق وحده تفصل معاهو وكمان الواحده متصدق انو في واحد بعاين ليه والاتنين مغشوشين عموما انا واحد من الكنت بخلط من الصباح لين المغرب واليوم كلو اكاكي وفي النهاية جه ديك تاني شال الجداده بي بيضه.زكرتينه اجمل ايام حياتنه

[wad alballal]

مايسة والله موضوووووووووع قمة في الروعة بقرا في التعاليق وقفت في تعليق ابو مزن لقيتو قرييييييييب للواقع ..
اها انا بجيك مع ابو مزن سوا لانو فكرتي وراي قرييييب ليهو ...
الناس دي كلها قالت بتمش وتجي جايين متيين ..؟؟؟

مودتي

[النويري]

الأخت مايسة لك خالص التحيات

حقيقة الموضوع جميل ورجعنا لسنين كانت أحلى أيام العمر والواحد بداء يسترجع في أيام قضينا منها أوقات على إنجيلة جامعة الخرطوم في الملعب الشرقي والغربي وجزء في كلية الأداب والقانون بجامعة النيلين كانت أيام مزيجة بين الحب والخلط والسياسة والثقافة والفن والواحد برضوا عاش في الخرطوم فترة تمكن من معرفة كل شيء فيها وخلق نوع من الصداقات ماذال البعض منها حتى الأن باقي وعلى توصل وصراحة الفترة هذه لا تماسلها فترة في الحياة حيث أنها مرحلة النضوج الفكري والثقافي ومرحلة من الإجتهاد والمثابرة يعني خليط غريب من كل الجوانب عواطف أخاء رجولة وتضحية وكان دائماً أبناء ودمدني تحديداً لهم دور فاعل ومحبوبين كثيراً من دون أبناء بقية المدن في جامعات السودان المختلفة فكانت الناس بتسمع عن مدينة ودمدني وجزء تعرف على المدينة عن طريق زيارتها فعندما يأتي الطلاب يكونوا محبوبين من قبل المجتمع بإختلاف مدنه في الخرطوم صراحة في حرية أكثر من باقي المدن والواحد برنامجو بعد الجامعة يعني ذي 5 مساء مافي شيء فكانت العادة طلوع الطلاب إلى المنتزهات في شارع النيل وإقامة أمسيات جميلة أوجلسات محبين إثنين يعني ما في أجمل من المرحلة الجامعية هذا من وجهة نظري كان البنات بنتظروا مقدمنا من ودمدني عندما نغيب للإيجازة أو نهاية العامة والبعض كان يتكفل بمصاريف السفر فليس كل الدجاج الذي يكاكي يبيض والعكس هو الصحيح كانت هنالك أشياء إنسانية ومواقف من في ظل هذه العلاقات المتينة الراسخة لن تتكرر في جيل ثاني وهنالك أيضاً كثير من العلاقات داخل الجامعة تكللت في نهاية المطاف بالزواج وعاشوا في أسعد حال وليس كل العلاقات الجامعية شرطاً أن تنتهي بالزواج فلكل ظروفه الجغرافية والمادية والإجتماعية التي تجعله غصباً ينهي هذه العلاقة

مشكورة أختي على فتح الجرح الذي أندمل بعد سنين طويلة وزكريات لن تنتهي ولي عودة بعد هذه المداخلة

[تغريد]

تحياتي ميسو علي البوست الحلو والمهم دا :)

بس من خلال رؤيتي من علي البعد خلال أيام الجامعة

صادفتا كمية من العلاقات كنا شايفنها أيامها انها ما جادة وما حتستمر

وفضلنا ماسكييين في رأينا دا انا وصاحباتي لحد ما اتخرجنا

وظللنا نحمل شعار

لا لعلاقات الجامعة :cool:

والنتيجة

زواج كل اتنين ربطت بينهم علاقة خصوووصا في دفعتنا

حيث تزوج حتي تاريخ هذا البوست 15 من المحبين اخرهم كان الاسبوع الماضي :eek::eek:

وانا وصاحباتي قاعدييييييييين نتفرج :o

الظريفة واحدة من صاحباتي قالت :

هسة لو كنا عارفيين الموضوع حيقلب جدية ما كنا غيرنا شعارنا

:D:D:D

بجيك راجعة تاااااااااني اقيل معاك

[تيسير]

تحياتي ميسو علي البوست الحلو والمهم دا :)

بس من خلال رؤيتي من علي البعد خلال أيام الجامعة

صادفتا كمية من العلاقات كنا شايفنها أيامها انها ما جادة وما حتستمر

وفضلنا ماسكييين في رأينا دا انا وصاحباتي لحد ما اتخرجنا

وظللنا نحمل شعار

لا لعلاقات الجامعة :cool:

والنتيجة

زواج كل اتنين ربطت بينهم علاقة خصوووصا في دفعتنا

حيث تزوج حتي تاريخ هذا البوست 15 من المحبين اخرهم كان الاسبوع الماضي :eek::eek:

وانا وصاحباتي قاعدييييييييين نتفرج :o

الظريفة واحدة من صاحباتي قالت :

هسة لو كنا عارفيين الموضوع حيقلب جدية ما كنا غيرنا شعارنا

:d:d:d

بجيك راجعة تاااااااااني اقيل معاك



والله يا منقا نفس الفهم المقلوب ..........:(

قسمة وارادتنا عاملين فيها تفتيحة ودقسنا يا فردة ما مشكلة نتقاسم الكديس اقصد العريس مافى خيارات يا بت امى ما خلاص الدقسة حصلت .....بس عشان ما تبقى لحسة اخير النلحق نفسنا ولا شنو

[مايسة]

الشباب جايين من الثانوي وشايلين معاهم لسه طور المراهقه كان البنات ولا الاولاد والحاجه جديده عليهم وبقعو بي وشهم في الخلط والواحد ميصدق وحده تفصل معاهو وكمان الواحده متصدق انو في واحد بعاين ليه والاتنين مغشوشين عموما انا واحد من الكنت بخلط من الصباح لين المغرب واليوم كلو اكاكي وفي النهاية جه ديك تاني شال الجداده بي بيضه.زكرتينه اجمل ايام حياتنه


طور المراهقة - لطالما كان هذا الطور مرهق بالنسبة للاسرة - وكثير من الاسر للاسف الشديد لا تستطيع التعامل مع هذه المرحلة بالنسبة للفتاة او الشاب - ولهذا نجد كثير من الشباب يتجه تفكيرهم ناحية اتجاه واحد -

همسة: انت لو كان كاكيت كويس - كان ما جا ديك تاني واخده -:):p

[مايسة]

مايسة والله موضوووووووووع قمة في الروعة بقرا في التعاليق وقفت في تعليق ابو مزن لقيتو قرييييييييب للواقع ..
اها انا بجيك مع ابو مزن سوا لانو فكرتي وراي قرييييب ليهو ...
الناس دي كلها قالت بتمش وتجي جايين متيين ..؟؟؟

مودتي


نان ابو مزن كاكو ليهو شكلو كدا - يعني الآية معكوسة عندو - انت زيو ولا شنو :D;):rolleyes:
- دمت

[MASS77]

اي زول بترحم علي الماضي معناتا موجع بالحاضر
انا غايتو الله لا عاده

[مايسة]

الأخت مايسة لك خالص التحيات

حقيقة الموضوع جميل ورجعنا لسنين كانت أحلى أيام العمر والواحد بداء يسترجع في أيام قضينا منها أوقات على إنجيلة جامعة الخرطوم في الملعب الشرقي والغربي وجزء في كلية الأداب والقانون بجامعة النيلين كانت أيام مزيجة بين الحب والخلط والسياسة والثقافة والفن والواحد برضوا عاش في الخرطوم فترة تمكن من معرفة كل شيء فيها وخلق نوع من الصداقات ماذال البعض منها حتى الأن باقي وعلى توصل وصراحة الفترة هذه لا تماسلها فترة في الحياة حيث أنها مرحلة النضوج الفكري والثقافي ومرحلة من الإجتهاد والمثابرة يعني خليط غريب من كل الجوانب عواطف أخاء رجولة وتضحية وكان دائماً أبناء ودمدني تحديداً لهم دور فاعل ومحبوبين كثيراً من دون أبناء بقية المدن في جامعات السودان المختلفة فكانت الناس بتسمع عن مدينة ودمدني وجزء تعرف على المدينة عن طريق زيارتها فعندما يأتي الطلاب يكونوا محبوبين من قبل المجتمع بإختلاف مدنه في الخرطوم صراحة في حرية أكثر من باقي المدن والواحد برنامجو بعد الجامعة يعني ذي 5 مساء مافي شيء فكانت العادة طلوع الطلاب إلى المنتزهات في شارع النيل وإقامة أمسيات جميلة أوجلسات محبين إثنين يعني ما في أجمل من المرحلة الجامعية هذا من وجهة نظري كان البنات بنتظروا مقدمنا من ودمدني عندما نغيب للإيجازة أو نهاية العامة والبعض كان يتكفل بمصاريف السفر فليس كل الدجاج الذي يكاكي يبيض والعكس هو الصحيح كانت هنالك أشياء إنسانية ومواقف من في ظل هذه العلاقات المتينة الراسخة لن تتكرر في جيل ثاني وهنالك أيضاً كثير من العلاقات داخل الجامعة تكللت في نهاية المطاف بالزواج وعاشوا في أسعد حال وليس كل العلاقات الجامعية شرطاً أن تنتهي بالزواج فلكل ظروفه الجغرافية والمادية والإجتماعية التي تجعله غصباً ينهي هذه العلاقة

مشكورة أختي على فتح الجرح الذي أندمل بعد سنين طويلة وزكريات لن تنتهي ولي عودة بعد هذه المداخلة


كفيت وما قصرته اخ النويري بمداخلتك - صرااحة كلنا مرينا بهذه المرحلة - ولكن بسؤالي اقصد تجد الشاب منداااح على الاخر في علاقته مع الفتاة وهو في يعلم تماما (في بعض المرات) بان هذه العلاقة لن تكلل بالتبييض (اقصد الزواج) -نسبه لظروفه العائلية او لانه حاجزين ليهو بت عمو من هم صغار - ومع هذا تجده مستمر فيها ويجعل الفتاة تتعلق به - اعرف حالات كثيرة صادفتني وانا في الجامعة - وبعد تخرجنا كل ذهب الي طريقة - فلماذا كل هذا

ام هو الحب من اجل الحب فقط

اما امثلة للذين تتوجت علاقتهم بالزواج فعلا موجودة ولكن بنسبة بسيطة عندما تقارن بنظيرتها . دمت اخي الكريم

همسة: كويس انك ما قلته لي روحي يا شيخة منك لله :p

[مايسة]

تحياتي ميسو علي البوست الحلو والمهم دا :)

بس من خلال رؤيتي من علي البعد خلال أيام الجامعة

صادفتا كمية من العلاقات كنا شايفنها أيامها انها ما جادة وما حتستمر

وفضلنا ماسكييين في رأينا دا انا وصاحباتي لحد ما اتخرجنا

وظللنا نحمل شعار

لا لعلاقات الجامعة :cool:

والنتيجة

زواج كل اتنين ربطت بينهم علاقة خصوووصا في دفعتنا

حيث تزوج حتي تاريخ هذا البوست 15 من المحبين اخرهم كان الاسبوع الماضي :eek::eek:

وانا وصاحباتي قاعدييييييييين نتفرج :o

الظريفة واحدة من صاحباتي قالت :

هسة لو كنا عارفيين الموضوع حيقلب جدية ما كنا غيرنا شعارنا

:d:d:d

بجيك راجعة تاااااااااني اقيل معاك




هههههههههه

غردة - كان تغيرو نظريتكم ياخي

اتفق معك بانها تنجح وتستمر في بعض المرات - ولكن الغالبية العظمي بيكاكو ياخي - وعندما يمر بهم الزمن يقولون يا لها من زكريات جميلة - ولكن السؤال اذا رجع بهم الزمن للوراء اكانو سيتصرفون نفس التصرف ام لا ؟ اقصد بكلامي الكاكو وبيضو في حته تانية

[مايسة]

والله يا منقا نفس الفهم المقلوب ..........:(

قسمة وارادتنا عاملين فيها تفتيحة ودقسنا يا فردة ما مشكلة نتقاسم الكديس اقصد العريس مافى خيارات يا بت امى ما خلاص الدقسة حصلت .....بس عشان ما تبقى لحسة اخير النلحق نفسنا ولا شنو


تيتا - يا بت

دا كلام شنو دا - خلاص عشان ما تدقسو تااني - هسه احنا فيها - فهمتوني صح ;):p

اي زول بترحم علي الماضي معناتا موجع بالحاضر
انا غايتو الله لا عاده


يا مراحب بيك اولا

لكن دا ما اتهام خطيير جدا:eek: - النفس البشرية دائما تحن للماضي وللزكريات حتى وان كانت مره- دمت

[الملكة اسماء ( ام محمد )]

بيكاكو هنا و ----- هناك .

للنقاش – لماذا دائما يقوم الشباب سواء القادمين من الولايات او من العاصمة نفسها بهذه افعال ؟؟؟؟


تقصدي ( ليه بيكاكو هنا وهناك ؟)
والا تقصدي (ليه بضحكوا على عقول البنات ؟)

[مايسة]

تقصدي ( ليه بيكاكو هنا وهناك ؟)
والا تقصدي (ليه بضحكوا على عقول البنات ؟)



هلا بيكي - وكل سنة وانتي بخير

بقصد ليه بيكاكو هنا وببيضو هناك

بمعني ليه يحب بت الناس ويعيشها في اوهام - وبعد دا كلو يمشي يتزوج من اهلو :mad:

[النويري]

كفيت وما قصرته اخ النويري بمداخلتك - صرااحة كلنا مرينا بهذه المرحلة - ولكن بسؤالي اقصد تجد الشاب منداااح على الاخر في علاقته مع الفتاة وهو في يعلم تماما (في بعض المرات) بان هذه العلاقة لن تكلل بالتبييض (اقصد الزواج) -نسبه لظروفه العائلية او لانه حاجزين ليهو بت عمو من هم صغار - ومع هذا تجده مستمر فيها ويجعل الفتاة تتعلق به - اعرف حالات كثيرة صادفتني وانا في الجامعة - وبعد تخرجنا كل ذهب الي طريقة - فلماذا كل هذا

ام هو الحب من اجل الحب فقط

اما امثلة للذين تتوجت علاقتهم بالزواج فعلا موجودة ولكن بنسبة بسيطة عندما تقارن بنظيرتها . دمت اخي الكريم

همسة: كويس انك ما قلته لي روحي يا شيخة منك لله :p

الأخت ما يسة أنا فاهم قصدك تماماً لكن أنت لمن تحب ما بتكون حاسب لما بعد الجامعة هي أحاسيس بتجيك في لحظات وبتبداء تنمو مع الزمن وتحقيق أحلامك أنت ما مسئول منو بقدر ما أنت المفروض تعمل الشيء البتشوفوا صاح من وجهة نظرك وفي حد ضامن يتخرج ويتزوج كل الناس بتعيش وما عارفه أنو بكره حا يحصل أيه ولذلك الناس بتحب وحسب الظروف ربما أه وربما لا

لك مني خالص الود

[مايسة]

الأخت ما يسة أنا فاهم قصدك تماماً لكن أنت لمن تحب ما بتكون حاسب لما بعد الجامعة هي أحاسيس بتجيك في لحظات وبتبداء تنمو مع الزمن وتحقيق أحلامك أنت ما مسئول منو بقدر ما أنت المفروض تعمل الشيء البتشوفوا صاح من وجهة نظرك وفي حد ضامن يتخرج ويتزوج كل الناس بتعيش وما عارفه أنو بكره حا يحصل أيه ولذلك الناس بتحب وحسب الظروف ربما أه وربما لا

لك مني خالص الود


بمعني تاني - انو هم بيحبو من اجل الحب فقط -

ومعني كلامك انو هؤلاء الشباب كلهم ضحايا - (اذا لم يوفقو في التبييض)(الزواج) - لظروف اقتصادية - سياسية - اسرية - فقط ولا في حاجة تاني ؟؟
لك كل الود

[ود سعدابى]

والله يا مايسة كدى نفرتق ليك الشغلانه دى حته حته لاكن خايف من نيران جهنم تتفتح من الاخوات


طبعا مسالة الحب بدخل القلوب بدون استئزان دى ما دايرا ليها اتنين يتناطحو فيها


حبيت البت المن هنا النسميها من المدينة اسرتنى وامتلكت كياااانى كولو وما خلت برااااح عشان الزول يفكر بيهو
قمت كدا جاتنى الشجاعه وطرحت ليها بزة حبى دى عشان تكبر وتفرهد وتملا البيت ورود دا فى احلامى طبعا
بعد ما طرحت ليها لقيت القبول منها والعلاقه مستمرة على ما يرام


كلو يوم حب فى حب ويا ود سعدابى مييييييييييييين زيك
سنة سنتين ودخلنا فى الجد مرحلة انو حبنا دا لاااااااازم يفقس ويصير سواسيو
على ارض الواقع


اقوووووووووم اتفاجا ليك بى انو الشعارات الكانت مرفوعه كلها مكا كا سااااااااى


وين الكلام الكان قبيل ؟ بعيش معاااااااااك لو فى راكوبه
وين الكلام الكان قبيل بعيش معااااااااك لو ناكل خاطرنا
وين الكلام الكان قبيل انا لازم اسعد ليك اهلك لانو يكفى انهم جابوك
ما تهتم نحنا مستقبلنا بديناهو سوا عشان كدا لازم نكملو سوا


وتمر اياااااااااام الجامعه


فجعتن تلقى المكاااااااااكا من طرفا بردت اصبحت لاتسمع سوى انا ما كنت قايلا كدا


ود سعدابى بلملم باقى الفضل فيهو
وبقوووووووووووووول


اعشق بنيت العم وقود انت اسطولا


بجيك صاااااااااااااااد تانى

[الملكة اسماء ( ام محمد )]

وكل سنة وانتي بخير

وانتِ طيبة ياراقية



بقصد ليه بيكاكو هنا وببيضو هناك



بمعني ليه يحب بت الناس ويعيشها في اوهام - وبعد دا كلو يمشي يتزوج من اهلو :mad:



اااااااااااااايك دا موضوع يطول شرحه
لكن باختصار
( الرجل لايحب المراءة السهلة )
قد تعجبه كصديقة , رفيقة ايام الدراسة ( يونسها وتونسه لحد ما فترة العزوبية تؤذن بضرورة الرحيل ) يفتش وحدة تانية وغالبا ( وحدة مااتونست في حياتها ) وتكون هي شريكة العمر


وطبعا في حاجات كتيرة بتحكم تصرف الرجل في اخر العلاقة ( يعني ممكن يحس ان البت البونسها دي ياها زولته زااااااتها بفهمها الجميل للحياة واسلوبها الراقي واحترامها للعادات والتقاليد ووووووو) دا بالاضافة لعادات الاسر ذاتها ( يعني في اهل بشترطوا زواج اولادهم من الاهل ) واكيد ماننسى القسمة والنصيب




لكن في الاول والاخر ( احساس المراءة لو خانها في اختيارها تستاهل البجيها )

[مايسة]

اااااااااااااايك دا موضوع يطول شرحه
لكن باختصار
( الرجل لايحب المراءة السهلة )
قد تعجبه كصديقة , رفيقة ايام الدراسة ( يونسها وتونسه لحد ما فترة العزوبية تؤذن بضرورة الرحيل ) يفتش وحدة تانية وغالبا ( وحدة مااتونست في حياتها ) وتكون هي شريكة العمر

هههههههههههه- هو في واحدة ما اتونست في حياتها الا من رحم ربي :rolleyes::cool:

وطبعا في حاجات كتيرة بتحكم تصرف الرجل في اخر العلاقة ( يعني ممكن يحس ان البت البونسها دي ياها زولته زااااااتها بفهمها الجميل للحياة واسلوبها الراقي واحترامها للعادات والتقاليد ووووووو) دا بالاضافة لعادات الاسر ذاتها ( يعني في اهل بشترطوا زواج اولادهم من الاهل ) واكيد ماننسى القسمة والنصيب


كلام جميل - بينتج عنو سؤال اجمل

لكن في الاول والاخر ( احساس المراءة لو خانها في اختيارها تستاهل البجيها )


مشكورة اسماء - ولكن نهاية كلامك وكأن المراة تتحكم في مشاعرها وتوجهها - وكأن المرأة تستطيع ان توجه عاطفتها لمن تحب بمقدار محدد - ولهذا علينا ان نحكم عقلنا ايضا في حبنا اليس كذلك ؟؟

أما السؤال فهو - هل يستطيع الشاب ان يخالف اهله ويتزوج بمن يحب على الرقم من معارضه اهله - ام يخضع لهم -
هذا السؤال طرح من برنامج ديني قبل فترة - ساله احد الشباب للشيخ - ويطول الحديث ايضا - دمت

[الملكة اسماء ( ام محمد )]

ولهذا علينا ان نحكم عقلنا ايضا في حبنا اليس كذلك ؟؟


للاسف نادرا مانجد فتاة تستطيع التحكم في عاطفتها وتحكيم عقلها
ودا السبب الاساسي في اختيار الرجل لغيرها ( من منطلق او مفهوم المراءة السهلة ) والسهلة هنا بقصد بيها المراءة الماممكن تحكم عقلها وبتسير حسب عاطفتها الغالبا ممكن توديها لنهاية محزنة



أما السؤال فهو - هل يستطيع الشاب انيخالف اهله ويتزوج بمن يحب على الرقم من معارضه اهله - ام يخضع لهم -





رايك شنو نبدل الكلمة ( يخالف ) بكلمة اجمل ( يُقنع )
ودا لانه اي شي بالاقناع واثبات وجهة النظر بكون ممكن جدا
اي شي (بالمكابرة ) ممكن يفشل
الناس لو حددت اسلوب اقناع وخطة سير واضحة بكون نجاح الفكرة ممكن وكل شي بتوفيق رب العالمين


وبعدين في سؤال المفروض يكون في الحساب: (منو الحايعيش مع الاختيار دا الشخص الاختار والا الاهل ؟؟)


من كلامك ممكن نتجه بالحديث عن اسباب فشل زيجات كثيرة كان فيها عامل (مجاملة ) الاهل و( اعتبار خاطرهم ) السبب ...


لكن خلينا في حتة الجماعة البكاكو ديل علما بانه كل النقاط المذكورة هنا مرتبطة ببعض

[مايسة]

[quote=أسماء;461150]
( يعني في اهل بشترطوا زواج اولادهم من الاهل ) واكيد ماننسى القسمة والنصيب



تصدقي هذه الجزئية تحدث عنها برنامج عدد خاص (للاستاذ البوني - والكاتبة منى ابوزيد) اليوم في تلفزيون السودان

تحدثو عن العنصرية التي تتم في الزيجات

ورفض الاهل لها

اختلفت الاستطلاعات - منهم من قال بانه لا يريد ان يتزوج الا من اهله

ومنهم من قال بانه لا يريد ان يتزوج الا من قبيلته ويا ريت لو كانت من نفس الفريق كمان

ومنهم من قال بأ الفارق القبلي ليس بمهم

ومنهم من قال بت العم او الخال
وكل وضح اسبابه طبعا

[الملكة اسماء ( ام محمد )]

تحدثو عن العنصرية التي تتم في الزيجات


ورفض الاهل لها




صدقي اننا لسنا البلد الوحيد الذي لايزال يخضع لسيطرة ( العنصرية )العِرقية
واعتقد ان اهلنا مازالوا عند مقولتهم الشهيرة ( العِرق دساس )

قياسا بواقع مجتمعاتنا حاليا اعتقد انه آن اوان تغير تلك النظرة الدونية والتي قادت بلا شك لفشل زيجات كثيرة جدا
واضيفي ان الزواج داخل ذات العائلة وفي حلقة مغلقة ادى لظهور امراض وراثية خطيرة ( وليتنا نعتبر )

على فكرة ( القسمة والنصيب ) شماعة كبيرة جدا يعلق الجميع فشله عليها رغم علمنا بان كل شي قسمة ونصيب , لكن لما تكون شماعة فشل اكثر من نجاح تبقى كارثة

[مايسة]

رايك شنو نبدل الكلمة ( يخالف ) بكلمة اجمل ( يُقنع )


[center]وبعدين في سؤال المفروض يكون في الحساب: (منو الحايعيش مع الاختيار دا الشخص الاختار والا الاهل ؟؟)


من كلامك ممكن نتجه بالحديث عن اسباب فشل زيجات كثيرة كان فيها عامل (مجاملة ) الاهل و( اعتبار خاطرهم ) السبب ...

الست معي بأن - الزواج وعندنا في السودان تحديدا - لا ينفصل الزوجان من الاهل - من الجهتين(اهل الشاب والشابة) - بمعني لا يمكن ان يعيشا منفصلين دون الاحتكاك بالجهتين - والتي للاسف كثير ما نسمع بحالات طلاق وكان السبب الرئيسي فيها تدخل الاهل .
[QUOTE=أسماء;461221]
صدقي اننا لسنا البلد الوحيد الذي لايزال يخضع لسيطرة ( العنصرية )العِرقية
واعتقد ان اهلنا مازالوا عند مقولتهم الشهيرة ( العِرق دساس )

قياسا بواقع مجتمعاتنا حاليا اعتقد انه آن اوان تغير تلك النظرة الدونية والتي قادت بلا شك لفشل زيجات كثيرة جدا
واضيفي ان الزواج داخل ذات العائلة وفي حلقة مغلقة ادى لظهور امراض وراثية خطيرة ( وليتنا نعتبر )

على فكرة ( القسمة والنصيب ) شماعة كبيرة جدا يعلق الجميع فشله عليها رغم علمنا بان كل شي قسمة ونصيب , لكن لما تكون شماعة فشل اكثر من نجاح تبقى كارثة

كل ما ذكرته حقيقة للاسف - أضيفي ما ينتج من خلافات كما زكرت سابقا بين الاسرتين - بين الاختين او الاخويين - او الاخ والاخت (اذا كانا زوجا الاودهم لبعضهم البعض) .
ولكن في الآونه الاخيرة تغير تفكيرنا نوع ما اتجاه الزيجات التي تكون خارج نطاق العائلة -وذلك نسبة للوعي والاغتراب والغذو الاجنبي للسودان والانفتاح الاجتماعي مؤخرا .

[الملكة اسماء ( ام محمد )]

ولكن في الآونه الاخيرة تغير تفكيرنا نوع ما اتجاه الزيجات التي تكون خارج نطاق العائلة -وذلك نسبة للوعي والاغتراب والغذو الاجنبي للسودان والانفتاح الاجتماعي مؤخرا .


واتغير مفهوم الاهل كمان بشكل عام
فبعد ماكانت ام الولد او البنت بتسعى لفرض رايها لتثبت انها لاتزال تحكم تصرفات ابنها او ابنتها , اصبحنا نشاهد جهود وتكاتف الاسرتين في اتجاه اسعاد ابنائهم بما اختاروا

عودة لموضوعك : عارفة انه في بنات برضو ( بكاكو هنا و ............)؟؟

[مايسة]

واتغير مفهوم الاهل كمان بشكل عام
فبعد ماكانت ام الولد او البنت بتسعى لفرض رايها لتثبت انها لاتزال تحكم تصرفات ابنها او ابنتها , اصبحنا نشاهد جهود وتكاتف الاسرتين في اتجاه اسعاد ابنائهم بما اختاروا

عودة لموضوعك : عارفة انه في بنات برضو ( بكاكو هنا و ............)؟؟

هههههههههههييييييييييياااااي

عارفة - وما اكثرهم

اذا كان الولد بيكاكي فلازم هي كمان تكاكي - يعني متساويين ;)

- تختلف هذه

في الجامعة - لاحظت بأن اغلبية البنات الذين بيكاكو كدا - لشئ في نفسها - وغالبا ما تكون بتكاكي مع كم واحد وفي امكنة مختلفة -
لا استطيع ان اقول لحوجتها للمادة
او لملئ فراغ
او للفشخرة والتباهي امام زميلاتها -

كمية من التساؤلات التي ليس لها اجابة محددة

[ام قبس]

يعني انت قاااااااااااااااااعده
بس اوعا من الحردان :p:p:p:p

[الملكة اسماء ( ام محمد )]

كمية من التساؤلات التي ليس لها اجابة محددة


عدم موضوع (عادةً)
وحُب تملك وظهور..شوفوني يعني (غالباً )
من اجل المادة ( احيانا كثيرة جدا )
وقلة عقل ( شيء موسفاً) بما انه ح يتحسب عليها بعدين

[مايسة]

يعني انت قاااااااااااااااااعده
بس اوعا من الحردان :p:p:p:p


ما عليك يا ام قبس

اختلاف الراي ليس معناتو الحردان :)

[مايسة]

عدم موضوع (عادةً)
وحُب تملك وظهور..شوفوني يعني (غالباً )
من اجل المادة ( احيانا كثيرة جدا )
وقلة عقل ( شيء موسفاً) بما انه ح يتحسب عليها بعدين


تعرفي سمعته كمية من القصص وشفته كمية من الحاجات في الجامعة ساقوم بسردها - لاحقا -

[السعيد]

[

بيكاكو هنا و ----- هناك .

للنقاش – لماذا دائما يقوم الشباب سواء القادمين من الولايات او من العاصمة نفسها بهذه افعال ؟؟؟؟ [/SIZE][/FONT]




سعال

ولماذا انتن في المنتديات تشاركن 0 وتكاكن 9 في اى موضوع