"مسرحية الرهاب" للكاتب الدرديري وإخراج محمد السني دفع الله

[أبو جودي]

أخواني الأعزاء وأخواتي العزيزات بالمنتدى لكم كل الود والترحاب ،،،
ودي نظام جرجره وكدى ،،، قلت ما دام ما أديتوني نظرة للموضوع أحسن أطلعو بره ،،، والعاوز يشارك يشارك برأيه يعني ممكن تغيروا اسم المسرحية ولكم كامل الحرية في اختيار الممثلين والممثلات وما شاء الله المنتدى مليان
ودي دعوة ليكم ويلا مع بعض لعمل مسرحية ويكون خشبة المسرح منتدى ودمدني ودي اول مسرحية
همسة : ما تقولوا الراجل ده شالو الخيال ممكن تتحقق لو تضافرت الجهود وما زاغ الأخوان الدرديري ومحمد السني لأنهم الأساس. وفي انتظار مشاركتكم

[مايسة]

ههههههه

حلوة حلوة

مسرحية على الهواء ومتحركة - وخاضعة لمزااااج الممثلين وليس المخرج

همسة : ما شالك الخيال - انت الشلتو :)

[أبو جودي]

ههههههه

حلوة حلوة

مسرحية على الهواء ومتحركة - وخاضعة لمزااااج الممثلين وليس المخرج

همسة : ما شالك الخيال - انت الشلتو :)



الأخت الفاضلة مايسة اشكر ليك مداخلتك ،،،
وشكلك كدى حتكوني أول ممثلة شدي حيلك ،،،،
بس "حتت خاضعة لمزاااج الممثلين وليس المخرج دي" أعملي حسابك أنا نسخت ليك الفقرة دي ومكتوبه في مشاركتي الأولى في " حوار الكلمات بين هؤلاء القامات"

وكثيراً من الممثلين أراهم أمامي والممثلات من خلال كتاباتهم ومشاركاتهم فلماذا لا نجرب وخلفنا وقائدنا ود السني بإضافته وتقويمه لنا أنت يا الدرديري ما قلنا ليك ما تطلع من النص "دي طبعاً بتكون رسالة سريعة في الخاص" وانتي يا بت مارنجان " التسريحة دي ما قلنا ليك خليها مبشتنة "

[النويري]

أخواني الأعزاء وأخواتي العزيزات بالمنتدى لكم كل الود والترحاب ،،،
ودي نظام جرجره وكدى ،،، قلت ما دام ما أديتوني نظرة للموضوع أحسن أطلعو بره ،،، والعاوز يشارك يشارك برأيه يعني ممكن تغيروا اسم المسرحية ولكم كامل الحرية في اختيار الممثلين والممثلات وما شاء الله المنتدى مليان
ودي دعوة ليكم ويلا مع بعض لعمل مسرحية ويكون خشبة المسرح منتدى ودمدني ودي اول مسرحية
همسة : ما تقولوا الراجل ده شالو الخيال ممكن تتحقق لو تضافرت الجهود وما زاغ الأخوان الدرديري ومحمد السني لأنهم الأساس. وفي انتظار مشاركتكم

أبو جودي أخبارك إنشاء الله طيب

الفكرة جد رائعة لو أخوانا محمد السني والدرديري خصصوا ليها زمن ممكن يطلع شغل كويس وأيضاً لا ننسى فطاحلة في المنتديات لهم قدرة على الكتابة بالنسبة للسيناريوهات على سبيل المثال وليس الحصر
الأستاذ الكبير العاقب مصباح له ملكة كتابة لا يشق لها غبار
الأستاذ الكبير أشرف صاحب الركشة لديه من المرونة بحيث تصبح المسرحية 6 أجزاء من الضحك المتواصل
الأستاذ الكبير أبوخالد يوسف صالح محمد صالح أسم موسيقي يجزب النقاد والأدباء
الأستاذ الكبير التيجاني 18 في المونتاج والتصوير
دا طبعاً على مستوى الرجال أما على مستوى الفتيات بجيك راجع تاني والله أقول ليك خد عندك
أسماء ملكة القلوب لديها ملكة شعرية أدبيه ليست لها مثيل
أم قبس ممكن تشارك بي نوع من الفلسفة
د . تغريد لديها أيضاً فكرة رائعة يمكن أن تضيف الكثير
بت الدرجة طبعاً عارفه نفسها ممكن مع خفت دمها تديكم شوية كومديا تضيف للمسرحية نوع من الفكاهة والمرح
مدنية في عدة أدوار
مرام ومايسة وبت مارنجان في كورال نسبة لجماليات الصوت والأسماء كثيرة
الكمبارس طبعاً كميات في المنتدى عندنا
تكون الفكرة في شكل أراء وينزل جميع من لديهم قدرة على الكتابة سيناريوهات ونقوم بتنقيحها ومن يرسى عليه عطاء أفضل سيناريو تكون هي المسرحية المقترحة من قبلكم الرأي لكم ولي عودة

نحن طبعاً بنجي بعدين في التمويل والتسويق للمسرحية

[مايسة]

قرات قبل هذا مشاركتك ودعوتك لهذه المسرحية - صرااحة قصدت بان كل الممثلين سيجولن في المسرح بدون قيود - ويقفذون هنا وهناك -

انا غايتو حاجزة الكومبارس معاك - اذا ممكن :):)

[درديري كباشي]

فتح الستار على المسرح والمسرح عبارة عن مقهى انترنت
يظهر شخص جالس ومنتبه على جهاز الكمبيوتر ويبدو مندمجا وغير مكترث بتصفيق الجمهور وتحيته .. وغير انه كل مرة تنطلق منه ضحكات وعدة خبطات بالاصابع على الكيبورد .. تدخل احدى الشابات وهي تنادي
الشابة : العاقب العاقب .. قريت القصيدة الكاتبها خالد ابو قرجة ..في المنتدى العام
العاقب : ايوا يا مايسة .. وانا من قبيل بضحك بسببها وبكتب في الرد ..

في هذه الاثناء يدخل شاب وشابه يبدو انهما مواصلين لحوار بدؤه في الخارج ..
في طرف القاعة يدخل شخص يبدو انه هو المشرف على المقهى يامر الجميع بالصمت والهدوء ..
في انتظار اشرف السعيد ليقول لنا من الذين دخلوا وفيما كانوا يتحدثون

[أبو جودي]

أخينا الغالي النويري ،،، والله أنا قاعد كل يوم هنا لكن شايفك الأيام دي قللت شوية شكلك كدي الجماعة قربوا يجوا ،،، أهه خايفين لم يجوا ما نشوفك بالمرة
"معاك في كل ما ذهبت إليه"
وأهه أبشرك أخونا الدرديري بدأ في كتابة المسرحية ،،، باقي ود السني البقنعو منو ،،،، دي نخليها ليك ،،،
بعدين أخونا الدرديري بعد ما يكمل كتابة المسرحية أكيد سوف يحدد لينا الأبطال منو وبقية الممثلين ،،، أما الكمبارس أنا وأختي مايسة من حسي جاهزين محل ما يختنا الدرديري بنسدها ،،، وما تنسى الما بطلع أسمه من الأبطال والممثلين سوف يكون من المشاهدين عشان تكتمل المسرحية.
مسألة كل واحد من الحددتهم
يكتب مسرحية برضو فكرة جميلة ونختار منها واحدة أو أثنين ونبدأ بيهم ،،
وأشكركم جميعاً على تقبل الفكرة وبالتوفيق

[النويري]

أخينا الغالي النويري ،،، والله أنا قاعد كل يوم هنا لكن شايفك الأيام دي قللت شوية شكلك كدي الجماعة قربوا يجوا ،،، أهه خايفين لم يجوا ما نشوفك بالمرة
"معاك في كل ما ذهبت إليه"
وأهه أبشرك أخونا الدرديري بدأ في كتابة المسرحية ،،، باقي ود السني البقنعو منو ،،،، دي نخليها ليك ،،،
بعدين أخونا الدرديري بعد ما يكمل كتابة المسرحية أكيد سوف يحدد لينا الأبطال منو وبقية الممثلين ،،، أما الكمبارس أنا وأختي مايسة من حسي جاهزين محل ما يختنا الدرديري بنسدها ،،، وما تنسى الما بطلع أسمه من الأبطال والممثلين سوف يكون من المشاهدين عشان تكتمل المسرحية.
مسألة كل واحد من الحددتهم
يكتب مسرحية برضو فكرة جميلة ونختار منها واحدة أو أثنين ونبدأ بيهم ،،
وأشكركم جميعاً على تقبل الفكرة وبالتوفيق

أبو جودي كيف حالك والله أنا متواجد بصورة شبه دايمة لكن أنا بدخل على بوست بلقاك طلعت منو قبل شوية يعني ذي متقول أتعاقبنا والله الجماعه الأن طلعنا الإستقدام وشغالين في الشقة وكده إنشاء قريب حاتسمع أخبار حلوة يديك العافية يا حبيب وإنشاء الله نحاول نتصل على ودالسني وبجيب ليكم خبروا نزلوا موضوع الخروف تاني وبتشوفوه جاء جاري جري

[MASS77]

والله جيبو ليها بالمره ممثلين مصريين ولبنانيين يطلعو ليكم مسلسل زي عثمان دقنه

[حافظ شعبان]

عمك حافظ جاك
مهندس الديكور للمسرح
وحسب الخيال الاول
بعد فتح الستاره
المساحه عباره عن مجلس توجد فيه اناره منخفضه فى الزاويه
مجلس فخم وحوض سمك
جهاز كمبيوتر بجواره جوال و كرسى مريح
صور للزعيم الازهرى
منظر طبيعى جبال كسلا درة الشرق
ومن الناحيه التانيه صوره مكبره لقبة ودمدنى السنى
طربيزه كبيره فى النص فيها كباية ليمون
سيرمس شاهى وجنبها سيرمس صغير يظهر عليها قهوه
وبالقرب منهم جريده
وفجاءه ضرب الجرس

@
@
@
@

ابوجودى
وين الممثلون

[عاطف عولي]

ابوجودي.

لك التحية وانت تقلب هذه الهوبة يا ود انت ما كنت باك خطير ايام اتحاد بركات ونادي الحرية.

اها انا الفكرة عجبتني وداير اقدم سيرتي الذاتية عشان امكن القي لي دور.

طبعآ اخوك دورات مدرسية مدرسة فريني التجارية وبعثات ولاية الجزيرة مسرح معروفة السني وفريني التجارية.
وطبعآ اخدت عدد من جوائز النبوغ الفردي والتفوق ومثلنا عدة مسرحيات.

الجوع والأصالة.

لكاتبها ومخرجها استاذ ابراهيم خليفة.

نحن نمشي في جنازة المطر.
محمد محي الدين ابراهيم خليفة وبشير زمبة.
وغيرها الكثير.

وطبعآ عمك المرحوم نميري عمل خمسة في المائة قال دي للمواهب النادرة من الدورات المدرسية تخش معهد الموسيقي والمسرح.

وعملنا امتحان قدرات وكنت الثالث .

بس عمك عولي قال لا. ورفع الجلسة.
وطبعآ واصلت النشاط في سوريا .

ومثلت دجل الأمام.

وفي حنظلة بجامعة الجزيرة اشتغلت صامت كتير.

ميم تا. لعبة كراسي برابطة طلاب مارنجان بالجامعات والمعاهد العليا.

وطبعآ دكتورتنا بت فارس ما قصرت في كتابة السناريوهات وانا امثل واخرج.

اها دي السي في بتاعتي ولو بنفع تلفوني عندكم.

[مايسة]

يا جماااعة وين ابطال المسرحية دي وووين الاخ اشرف السعيد - عشان يواصل -:(
ولا انا هسه بغير رائي - لانهم عارضين علي اوفر احلي في مسرحية تانية :p:)

[عاطف عولي]

يا جماااعة وين ابطال المسرحية دي وووين الاخ اشرف السعيد - عشان يواصل -:(
ولا انا هسه بغير رائي - لانهم عارضين علي اوفر احلي في مسرحية تانية :p:)


وانا برضو نفس الشعور لقيت كم اوفر بتايمو كمان.

[النويري]

وانا برضو نفس الشعور لقيت كم اوفر بتايمو كمان.

الأخت مايسة والأخ عاطف عولي في إختلاف شوية يا جماعة في توزيع الأدوار شركة الإنتاج كمان عندنا معاها مشكلة الأتصالات جارية ودرديري قال عايز حقوا قبل العرض الأول عندنا مشاكل كتيرة أصبروا ولا شوفوا ليكم عمل تاني أمشو عليه نحن الأن في إقناع الأدوار الأساسية بعدين بنجي لأدواركم دي

أبقوا قريبين حا نتصل عليكم

[مايسة]

الأخت مايسة والأخ عاطف عولي في إختلاف شوية يا جماعة في توزيع الأدوار شركة الإنتاج كمان عندنا معاها مشكلة الأتصالات جارية ودرديري قال عايز حقوا قبل العرض الأول عندنا مشاكل كتيرة أصبروا ولا شوفوا ليكم عمل تاني أمشو عليه نحن الأن في إقناع الأدوار الأساسية بعدين بنجي لأدواركم دي

أبقوا قريبين حا نتصل عليكم


دي ما هسه طرده ااديل كدا :mad:

خلاص خالو ارحكه نتعاقد :)- ما دايرنو زاتو مع الجماعة ديل -

ما عندهم ميزانية وقال بيقنعو في الادوار قال :eek::rolleyes:

[محمد السني دفع الله]

اها الجماعة وهم قاعدين في
مقهى الانترنت
تقوم الكهربا
تـــقــطـع
اها الحصل شنو ؟؟؟؟

[العاقب مصباح]

اها الجماعة وهم قاعدين في
مقهى الانترنت
تقوم الكهربا
تـــقــطـع
اها الحصل شنو ؟؟؟؟


قام البطل النويرى بجلب اللابتوب الخاص به من السيارة

وطلب أن يمنحوه فرصة ساعة واحدة فقط ليُنجز عملاً خاصاً به

وأثناء ما يقوم بآخر خطوة يفصل اللابتوب نتيجة لإنعدام البطارية

اها تانى الحصل شنو

[ابو الجيلى]

قام البطل النويرى بجلب اللابتوب الخاص به من السيارة

وطلب أن يمنحوه فرصة ساعة واحدة فقط ليُنجز عملاً خاصاً به

وأثناء ما يقوم بآخر خطوة يفصل اللابتوب نتيجة لإنعدام البطارية

اها تانى الحصل شنو

والله يا العاقب أخوى انا عارفكم مجانين لكن ما قايلكم مجانين

لى قدر دة ...........

غايتو نتعلم معاكم الجن .. انحنا جاهزييييين يا أخوى

[moh_alnour]

أنا عايز دور المتفرج أو دور المشاهد أو الأثنان معا ً ;)
همسة : يا ريت الدخول يكون مجانا ً أو أفتحوا لينا باب الملح بعد رفع الستارة مباشرة :eek:

[عاطف عولي]

دي ما هسه طرده ااديل كدا :mad:

خلاص خالو ارحكه نتعاقد :)- ما دايرنو زاتو مع الجماعة ديل -

ما عندهم ميزانية وقال بيقنعو في الادوار قال :eek::rolleyes:

كويس يا نويري امبارح عمر الشريف وفاتن حمامة رسلوا لي علي الخاص وقالوا دايرني انا وبنات اخواتي مايسة ومارنجوا وين تلقوا زي دا ميمين حلوين بالشكل دا.


هو نحن زاتوا جينا عشان اولاد حلتنا ود دفع الله محمد السني وود شعبان ابو جودي.

[عاطف عولي]

أنا عايز دور المتفرج أو دور المشاهد أو الأثنان معا ً ;)
همسة : يا ريت الدخول يكون مجانا ً أو أفتحوا لينا باب الملح بعد رفع الستارة مباشرة :eek:


نهي ملح نهي ملح

خايفين عليك من الضغط


اكشن

[عاطف عولي]

أنا عايز دور المتفرج أو دور المشاهد أو الأثنان معا ً ;)
همسة : يا ريت الدخول يكون مجانا ً أو أفتحوا لينا باب الملح بعد رفع الستارة مباشرة :eek:

ود الجاك خليك تفتيحا

اجر البوفيه

ومحل الفراشة بتاعين التسالي والعنكوليب وقصب السكر والذي منو واجروا ليهم من الباطن.

كدي تكون استثمرت وخشي ت ملح.

[عاطف عولي]

وهنا دخل الخرباش متابطآ تجاني 18 لاصلاح العطل الطاري في الكهرباء.

تجاني.

عارف كهربتكم عاوزة فلاتر؟

ودمدثر اول مرة أسمع بفلاتر الكهرباء دي؟

تجو18.

دا شنو ياراجل انت ما مواكب ولا شنو.

كهربة مروي دي تحتوي اسيكالومايسين.

ودمدثر.

قلت منو؟
اقصد شنو؟

ياخي يطرشني؟
ودي جات مع انفلونزا المعيز ولا شنو؟

جانج جااااانج.

اهو ود السعيد جا بالركشة يجيبك ليك القلت عليهو دا.

ودا بلقوا وين؟

ومرق اشرف بالركشة
أها وبعد داك الحصل شنوووووووووووووووووو؟

[درديري كباشي]

المشهد الثاني ( ولا تسموه الفصل الثاني يا ود السني )

يفتح الستار على مشهد جديد عبارة عن بيت من الجالوص غرفة ( مهكعة . ) امامها عنقريب هبابي متدلي الحبال .. يرقد عليه رجل يلبس عراقي وسرول وهو يقرا في جريدة وتحته راديوا شغال ..

يدخل عليه احد الاطفال يلبس الزي المدرسي ويعلق شنطة قماش في ظهره ويقف عند والده وقد حضر دروسا مسائية ومذاكره بالمدرسة ..
الولد : يا با يا يا يابا .
الاب دون ان يرفع راسه من الجريدة : ايوه يا ولد في شنو ؟؟
الولد : يا با قالوا لينا جيبوا معاكم مدرس ..
الاب دون تركيز : طيب حاضر بعدين بجيبو معاي من السوق ...
وقبل ما يتحرك الولد للداخل ينتبه الاب : تعال ياولد انت قلت شنو ؟؟ قالوا ليكم جيبو شنو ؟؟
الولد : ما قلنا ليك يا يابا الناظر قال لينا جيبوا معاكم مدرسين ..
الاب: يعني شنو مدرسين في كتاب اسمه المدرس مثلا ؟؟
الولد : يا يابا مدرسين المدرسة كلهم سافروا الخليج واليمن فضلوا ثلاثة بس وقام الناظر قال لينا كل واحد يقول لابوه جيبوا مدرسين ..
الاب : يا ولد انت الناظر دا عاوز يجننا ولا شنو عرفنا السبورة والكنب والطباشير والكتب .. كمان بقى علينا نجيب المدرسين طيب ما نفتح مدرسة في بيوتنا ..كدي جيب لي تلفوني دا نسال الناظر المجنون دا عاوز شنو ..
يتناول العم عولي التلفون ويتصل ويسمع صوت الطرف الثاني .
عم عولي : الو منو معاي .. اهلان يا استاذ عمر في الحقيقة يا استاذ جاني الولد وقال لي كلام غريب انا قلت اكيد لافح الكلام او فاهمو غلط .. ممكن اعرف انت طلبت منهم شنو بالظبط .؟؟؟.
استاذ عمر : كلامنا واضح يا حاج عولي قلنا للاولاد كله واحد يجيب معاه مدرس ..
عم عولي : مدرس شنو يا استاذ عمر وهو في زول يقدر يجيب مدرس ؟؟ ويجيبه من وين المدرس دا ..
استاذ عمر : معهد تدريب المعلمين عامل تخفيض على الدفعة الخريجة وقال ليك خذوا ثلاثة مدرسين بتمن اتنين .. ونحن المدرسة ما عندها امكانات قلن نستعين باولياء الامور .. يمكن كل خمسة اباء يتشركو في اثنين مدرس ويجيبوا لينا ثلاثة ..
عم عولي : شوف هنا يا استاذ عمر نحن جيبنا ليكم اولادنا عشان يتعلموا ونريح مخنا من دوشتهم .. لكن انتو ما علمتوا الاولاد ولحقتنونا في مخنا وعايزين تجنونا .. شنو خمسة يشتركوا في اثنين ويجيبوا ثلاثة ..
استاذ عمر : الكلام كدا ما بتشرح نحن لازم نعلن عن جمعية عمومية لمجلس الاباء ..
عم عولي : طيب قول كدا من قبيل سخنت راسنا ياخ ..
في هذه الاثناء يدخل شاب ويبدا يتحدث مع العم عولي .
الشاب : شنو يا ابوي هايج مالك وبتتكلم مع منو .
عم عولي : مع الناظر المجنون دا يا عاقب يا ولدي .. قال ايه لاخوك الصغير بكرة جيب معاك مدرس .
العاقب : يجيب شنو ؟؟
عم عولي : قال ليه يجيب معاه مدرس كلام واضح ولا لا ..
العاقب : هم المدرسين بقوا يتباعوا في المكتبات ولا شنو ..
عم عولي : هسع انت ما تلخمني وتنسيني .. كنت وين لغاية هسع ..
العاقب : انا يابوي ما قلت ليك قبيل رايح مقهى الانترنت عشان عندنا جدول امتحانات السميستر حا ينزل في الانترنت ..
عم عولي : والجدول تقراه في خمسة ساعات ..
في هذه الاثناء تطل امره من وجه الغرفة منادية الجميع : هوي تعالوا للعشا دا قبل ما يبرد ..
وتقفل الستارة ويمنتهي المشهد بدخول الجميع ناحية الغرفة

[النويري]

قام البطل النويرى بجلب اللابتوب الخاص به من السيارة

وطلب أن يمنحوه فرصة ساعة واحدة فقط ليُنجز عملاً خاصاً به

وأثناء ما يقوم بآخر خطوة يفصل اللابتوب نتيجة لإنعدام البطارية

اها تانى الحصل شنو

العاقب بعد ود السني دا في بطل تاني في رايك ما خلاص المسرحية خلصت وظهر النمر حقيقة

[النويري]

كويس يا نويري امبارح عمر الشريف وفاتن حمامة رسلوا لي علي الخاص وقالوا دايرني انا وبنات اخواتي مايسة ومارنجوا وين تلقوا زي دا ميمين حلوين بالشكل دا.


هو نحن زاتوا جينا عشان اولاد حلتنا ود دفع الله محمد السني وود شعبان ابو جودي.

خلاص يا أستاذ عايز تعنصر الحكاية وتعمل ليها إحتكارية أنا بخلي ليك بنات أختك ناس ما يسة ومارنجو بي أدوارهم لكن ما تعتبوا خشبت المسرح لأني معاي أصحاب الأدوار المؤثرة وكتاب السيناريو وخلي فاتن حمامة وعمر الشريف ينفعوك دي مسرحية سودانية ميه الميه وعايزنها حكر على السودانيين ولا شنو يا ود السني والعاقب ما تجوا تحضروا معانا

[النويري]

دي ما هسه طرده ااديل كدا :mad:

خلاص خالو ارحكه نتعاقد :)- ما دايرنو زاتو مع الجماعة ديل -

ما عندهم ميزانية وقال بيقنعو في الادوار قال :eek::rolleyes:

أنتي والخال مرحب بيكم ياخي الزيكم بطردوهوا وبنشيل شوية من ميزانية السعودية وبنخلص بيها المسرحية ما تخافي الملك عبد الله راجل قلبوا طيب يا خال أقنع بت أختك دي خليها تجي راجعه ولا بلغي الدور حقها

[أشرف صلاح السعيد]

المشهد الثالث..

فى صباح اليوم الثانى الناس مجتمعة فى بيت البكى ..المرحوم الكهربائى الجابو التيجانى والخرباش بعد محاولات التيجانى لإصلاح العطل الفنى الكهربائى بقهوة النتنتة..الكهربائى حقيقة ولد من أولاد الحلة متشوبر أخوه المغترب رسل ليهو صندوق عدة كهربائية من السعودية كخمارة لعمل ورشة بعد الكشة..الشاب إستثمر وجود العدة وبقدرة قادر بقى كهربائى اللحقو فروة راسو الشاطت من الكهربا بالمقابر "على وزن بت إحيمر وكدا"..

أشرف : والله يا التيجانى عملتها فى الزول وركبتو التونسية يااخ..

التيجانى : دا ما كلو من الخرباش..أقول ليهو نتصل بناس طوارئ الكهربا يجو يصلحو البلوة دى يقول ليا هو ديل مش قبضو حق الجمرة الخبيثة البجيبن ليك تانى هنا منو..وبعدين المرحوم دا بأبرولو وشنطتو السمحة ديك منو البفتكر إنو علاقتو مع الكهربا علاقة قَشريّة وقِشرِية ..والله كان شفتو تقول دا بيفكفك الأمية ويركبا تانى فى ثوانى..

الخرباش : خلاص لزيتو مسئولية ميتت الزول الطيب دا فى رقبتى؟..

عوض الكريم الخواض: شفتو نتيجة اللامؤسسية واللاإحترافية شنو؟..

الدرديرى: هو لو فى مؤسسية ولا موضوعية بحياتنا كنا بنسمى محطة الباصات بالحجر؟..هسع الحجر دا شنو الأنجزو فى حياتو عشان يسمو محطة بإسمو؟..

أشرف : ابو الدر يااخوى ويا عوض الكريم اخوى قرضو على كدا ..كلامكم دا بخلينى أفتح ليكم موال الوعى الغايب والجامعات البتفرخ كمية مهندسين كهربا وفنيين بح..

الخواض: الفااااتحة يا اخوانا..

وحصل بعد كدا شنو؟؟؟؟؟؟؟؟؟؟

[درديري كباشي]

يفتح الستار على جناح النساء في بيت البكا .ز

وتدخل احد النائحات وهي تثكل وتوصف ..

والنسوان يهدو فيها بعبارات اهدي يامدنية يابتي .

وهي تنوح .


الليلة يا العريس التركت مهنة التدريس
اليلة يا استاذ التاريخ البتشجع المريخ

مجموعة من النساء جالسات يمارسن الهمز واللمز ( القطيعة )حيال مدنية .

الاولى " شوفي حركاتها وهي الشايلة حالو في الحلة وقالت بوظ ليها التلاجة.
الثانية : عايني ليها هي مالية عيونها كحل وعاملة فيها حزنانة وبتبكي ..

ام الولد بعد ما سمعت قطيعة الحريم رفعت راسها للتاكد من عملية الكحل وفعلا الدموع تفضح مدنية وتتحول الى حبر اسود سائل على وجهها مما جعلها اشبه بحيطة الجالوص المجيرة في الخريف .

[مايسة]

غايتو احنا بنعاين بث سااااي

أخ درديري - هسه بتجيك وتسكلب ليك :p

[أشرف صلاح السعيد]

ام المرحوم : ووب عليا يا الماحتشوفك عينيا..ووب عليا يا الجو يعزو فيكا مكحلات وما راعو ليك وما راعو ليا..

تنتبه مدنية بعد ولولة الولية وذكرها للكحل ..وتلتفت إلى مايسة ..

مدنية: عليكم الله شوفو المرة الواعية وحزنانة دى "تقديم الوعى قبل الحزن لتدعيم إستهبالية الحزن وكدا"..يطرشنا ما شفنا أم ولدا لسة حرورية موتو ما بردت بتوصف فى المعزيات..ويعمينا ما سمعنا وصف المعزيات ببيوت البكيات..هو دا بكى ولا مريخ هلال ناقلنها بالراديو..

مايسة: أنسيك منها دى مرة ما نصيحة..هو الناس فى شنو وهى فى شنو..بس تعرفى هى صاراها ليك من زمان وقصة الكحل دى سبب ساكت تطلع الفى بطنا..ما نست ليك شرشحتك لولدا الله يرحمو لمن بوظ ليك تلاجتك ال 36 قدم ..ما هنديل نسوان أولادا مكحلات مالا بتوصف وتعاين ليك ..هسع يا بت أمى المرحوم قريب ليهن ولا ليكى؟..

[عاطف عولي]

خلاص يا أستاذ عايز تعنصر الحكاية وتعمل ليها إحتكارية أنا بخلي ليك بنات أختك ناس ما يسة ومارنجو بي أدوارهم لكن ما تعتبوا خشبت المسرح لأني معاي أصحاب الأدوار المؤثرة وكتاب السيناريو وخلي فاتن حمامة وعمر الشريف ينفعوك دي مسرحية سودانية ميه الميه وعايزنها حكر على السودانيين ولا شنو يا ود السني والعاقب ما تجوا تحضروا معانا

ما بنمشي برانا الا كلنا هو الاتعنصروا شوية اشمعنا نحن.

مالنا كسر الجامع؟

[بنت الرفاعي]

غايتو احنا بنعاين بث سااااي




أخ درديري - هسه بتجيك وتسكلب ليك :p


بالمناسبة دي هي وين الأيامات دي ماظاهرة كلو كلو ؟؟؟!!!!

[الملكة اسماء ( ام محمد )]

أسماء ملكة القلوب لديها ملكة شعرية أدبيه ليست لها مثيل



بلغني والله اعلم اني مدعوة للمثول امام جمهورنا الكريم في مسرحية .... فورية




ممكن طيب استأذن ناس البيت واجيكم :)

همسة : اخي النويري ...عظيم امتناني لثقة اتمنى ان اكون عندها دائما

[الملكة اسماء ( ام محمد )]

هيهيهيهيهيهيهي
والله قعدت اضحك لمن ماعرفت اقتبس شنو واخلي شنو ؟
الله يديكم العافية غايتو

موجودة ..متابعة وتحليل ( لو مالقيتوا لي دور بطولة :rolleyes:)

[عاطف عولي]

وفجعة كدي دخلت الملكة جاية من الشغل دايركت بعد ما سمعت بالخبر وهي شليلة الشنطة في ايد والموبايل في التانية ودخلت لا جوا وساطت بيت البكة سواطة مو خمج ما اصلو مدنية البكاية صاحبتا الروح بالروح.

وعلي ركن قصي كانت مارنجو والي جوارها مايسة تراقبان الموقف عن كسب مع التصوير والمنتجة والترجمة الفورية علي الشريط.

مايسة:- وااااي يا مارنجو شايفا الشنطة المطقمة مع الجزمة احححححححح لبشتني عديل كدي.

مارنجوا:- اسكتي اسكتي ولا البلوزة والاسكيرتي العاملات ماتش مع الموبايل اخ ان واقفا لي تحت ولا لي فوق يا ميوسة.

وهسع دي بتلعلع كدي يا اختي مالا عرفت من بتين يا دي؟

[الملكة اسماء ( ام محمد )]

وفجعة كدي دخلت الملكة جاية من الشغل دايركت بعد ما سمعت بالخبر




وهسع دي بتلعلع كدي يا اختي مالا عرفت من بتين يا دي؟


التفت الملكة في غضب لعاطف عولي ( المنتج المنفذ ) وقالت له :


اصلوا حركاتك دي مابتخليها يامنتجنا ؟؟؟؟
مش قلت ليك اعمل لي مسكول وانا داخلة نظام عندي مواعيد ومابقدر اقعد في بيت البكاء اكتر من عشرة دقايق ؟؟( يااااااااي حر فظيع )
هو الميت منو ياجماعة ( المكوجي ؟؟):confused:





همسة : تعرف اجمل كتابة بتكون من واقع الحياة والاهم من كدا يكون الكاتب ( لامي اطراف الصورة في مخيلته )



كن بخير استاذي






قلت لي البنات ديل قالوا شنو ؟:p:p

[عاطف عولي]

وقم كدي يا تلفون الملكة رن هي عاد جنس رنة .

ومن هناك نطة ميوسة:-

هي يا مارنجوا مش دي البقولوا عليها موسيقي الارخبيل.

مارنجو لا دا صوت بطاريق امال مالك يا دي ما تشرطي عينا.

وسمعتن تحت تحت تغريد وكانت بطرف اضانة التانية بتونس في بت ام در ام در عن مطعم النفاج.

تغريد.

سجمي يا ما رنجو بطارق مينو قلتي؟

بت ام در.
تغريد خلينا في مشاكل مطعمنا عليك الله ديل اصلن جاهزت جبنة وعدة لجنس دا اها قلتي لي ناس البلدية قالوا عن الرخص شنو؟

مارنجوا.

شوفي يا ميوسة البت دي بتدلع في فتح التلفون كيف؟

ميوسة: خلينا منها دي تلقيها هسع كلمت ود عولي قالت ليه اضرب لي لزوم لفت الانتباه عارفة حركاتا ما بتغباني.

مارنجوا.

لا يا ميوسة شوفيها بتتكلم وتجدع في الهمسات كيف.
اظنها يا دي بتكلم في الجكس.

ميوسة : هو انتي ما سمعتي ولا شنو مش هناي داك ما قالوا ادتوا كرت احمر قالت استايلوا ما شيك وزوقوا بلدي خالص.

اها وتاني والله اني يا علي اخبار اصلوا ما بتفوتك حاجة ودا حصل بتين يا دي؟

تصديقي هناي داك سالني منها قلت ليه مرتبطة هسه الواحدة طلعت قطاعت نصيب ليه ما كلمتيني يا ميوسة.


وااااااااااااااااااااااي يا مارنجو شوفي هديك زنزون جات شوفي اللبس والهندمة اصلا جاي بيت بكا ولا بيت عرس.

اسكتي اسكتي يا ميوسة انتي برئية هي عاملة كدي مخصوص عاوزة تغيظ جارة ناس مدنية يوم عرس ناس علقم ما قالت عليها ما بتعرف تلبس وهسع جاية ما لي بيت البكا جاي عشان فلانة ديك.

[عاطف عولي]

ناس الشرطة جوا هنا ومعاهم أمر قبض علي ابو الشوش اشرف السعيد والخرباش وتجاني 18 بالانقليزي.

في خسوس الكهربجي المات الجابوا منوا والرسل ليه منو والجابو بالرقشة وكدي اها يا ابو الدا شوف معاك المنتشارين وود العركي عشان بيعرف ناسم ناس البوليص ديل.

ولا رايك شنو يا درة

[الملكة اسماء ( ام محمد )]

شوفي يا ميوسة البت دي بتدلع في فتح التلفون كيف؟

مارنجوا.

لا يا ميوسة شوفيها بتتكلم وتجدع في الهمسات كيف.
اظنها يا دي بتكلم في الجكس.

ميوسة : هو انتي ما سمعتي ولا شنو مش هناي داك ما قالوا ادتوا كرت احمر قالت استايلوا ما شيك وزوقوا بلدي خالص.




تصديقي هناي داك سالني منها قلت ليه مرتبطة هسه الواحدة طلعت قطاعت نصيب ليه ما كلمتيني يا ميوسة.


.

:p:D:D:D:p

[عاطف عولي]

:p:D:D:D:p



:cool::cool::cool:

:rolleyes::rolleyes::rolleyes:

:confused::confused::confused:

:p

[أبو جودي]

أخواني وأخواتي من الممثلين والمخرجين والمشاهدين لكم خالص الود والتحية
وكل عام وأنتم بخير وعافية
تقبلوا اعتزاري لعدم المتابعة بسبب وعكة صحية ألمت بي وأشكر لكم المواصلة
تحياتي لأخينا العزيز محمد السني مخرج المسرحية لتلبيته الدعوة ونأمل منه تكملة الإخراج وكلنا تحت إرشاداته
كما آمل منه تقدير ظروفي الصحية وخاصة أنني كمبارس يعني ما بتفرق كتير أهه عدنا ومنه السماح
ونتواصل مع الجميع

[أبو جودي]

ناس الشرطة جوا هنا ومعاهم أمر قبض علي ابو الشوش اشرف السعيد والخرباش وتجاني 18 بالانقليزي.

في خسوس الكهربجي المات الجابوا منوا والرسل ليه منو والجابو بالرقشة وكدي اها يا ابو الدا شوف معاك المنتشارين وود العركي عشان بيعرف ناسم ناس البوليص ديل.

ولا رايك شنو يا درة

،،،،،،،،،،،،،،،،،،،،،،،

يا أخوي ود العركي ،،، قالوا قاعد في العربية بره بيت البكا ،،، والولية جوه بتسوي جنس عمايل ،،،
أهه جا أشرف أكان شاف ليك ود العركي أنت الجابك هنا شنو ،،، وبعدين ليك ساعتين قاعد بره الجابرك على كده شنو ،،، أهه والشكلة دورت ،،،
كدي النشوفم مدوره ولا الحصل شنو

[أبو جودي]

شنو يعني يا ود عولي المسرحية دي أتمها ليكم رقيص ولا شنو الحاصل
قول لي صاحبك أشرف يجي ومعاهو ود العركي سريع
قبل ما يجي الدرديري أصلي شايفو هناك

[عاطف عولي]

شنو يعني يا ود عولي المسرحية دي أتمها ليكم رقيص ولا شنو الحاصل
قول لي صاحبك أشرف يجي ومعاهو ود العركي سريع
قبل ما يجي الدرديري أصلي شايفو هناك

كنت ماشي عليكم في البوست لاقتني ليك كشتة الألزامية عضيت جلابيتي وجريت لاقني في الشارع ود الطاهر قال لي الناس ديل عاوزين عساكر ما ضباط.

قمت قلت ليه خليني من فلقصتك العورا دي واديني كوز موية نفسي انقطع وريقي نشف قال لي قلت شنو؟

كوزززززززززززززززززززززز

وتاني قمت جاري اصلي افتكرت وراي منسقاتي

وشافتي الملكة وكانت راكبة عربية شرط انفقعت ضحك وقالت لي اركب قلت ليها وين؟ في الضهرية ؟

الناس ديل قافلين الشوارع.

شفتا الجبتها لينا يا ابو جودي مسرحيتك طايرة
وتناني بشارعكم ماني جاي!!!!!!!!!!!!!!!!!!!!!!!!!!!!!!!

[محمد السني دفع الله]

;)
وينك ابو جودي وبعد الشر عليك
كفارة وسلامتك
منتظرين تكمل المسرحية
اشواقنا