عباس الدسيس
24-12-2009, 12:21 AM
الشمار
مصطلح يقصد به القواله (( والله يا بنات امي قالوا فلانه ديك .... الخ)) وفي معني اخر نقل الكلام مع عمل اضافات بسيطه للتجميل وجعله مستساغ عند الوصول للاذن بمعني مهضوم لذا اتى مصطلح شمار اذ الشمار هو من البهارات التى تضاف للاكل ليكون طعمه جميل والذ يتفنن في الشمار النساء اما الرجال غالبهم ليس له هذه الموهبه الواحد لو عايز اشمشر وهي من مشتقات شمار تحس انه كذاب ما عدا القله الذين لهم خاصيات خاصه...... والشمار تخصص فهو نتيجه للفراغ والملل وشراب القهوه نصت نهار حسي الامور اختلفت بقي في تلفونات بالاضافة للموبايلات البتشتغل نص الليل مجانا كعروض ترقيبيه بس مافي الذ من الشمار الوجها لوجه وقت الواحده تتقعد وتخلف ليك رجلها لاختها كما ان هنالك وقت للنساء يعتبر هو اجمل اوقات الشمار لما الواحده تكون مقدمه الثانية اقيفوا في الباب للساعات مع اتكاله علي الحائط واليد في حلق الباب.... حبوبتي صفيه الله ارحما كانت زمان ادتني نصيحه مهمه قالت لي يا ولدي عمرك ما تدي ضهرك لي واحده بتاعت شمار ... حاجه نفيسه جارتنا ولدا صاحبي كل ما امشي ليهو القاهوا مافي تخصمني بالنبي والرسول اقعد اشرب معاها قهوه وهاك يا الشمار بت فلانه ديك طلقوها والثانية فسخو خطوبتها والثالثة شينه ما جوها عرسان الكلام معاها بالساعات ما تخلي ليك حاجه ما تقولها ليك في مره من المرات وبعد انتهاء الشمار ودعتهم ومشيت طلعت بره الباب نسيت علبة السجاير رجعت اجيبها وانا واقف في باب البرنده بتاعتم سمعتها ليك مع بتها تقول ليها (( انتي ود الشريف ده متجبص كدي بي بنطلونوا ده قايل روحوا يا دنيا مافيك الا انا عجبني ليهوا خطب بت رقيه قالت ما عايزاهوا)) رقيه دي طبعا جارتنا وصديقة الوالده عندها بنات كتار مسكتني من الكبيره دي عايزاها لي عباس لاكن والله قدر ما نحاول نقنع فيها ما قبلانه بعد فترة البت اعرسوها تمسكني بي الثانية دي ديرا عباس لاكن هي ما قبلانه نفس الموال لما البت اعرسوها... الكلام ده كان مزعل الوالده قالت لي احسم المراه دي انا ما بقدر اتكلم معاها هي صاحبتي .... قلت ليها يا حاجة مادام انا بحل ليها مشكلة بناتا ديل الضاريني شنو خليها تقول....
طبعا ما كل النسوان بتاعات شمار انا بعرف واحده بت ناس وطيبه ومدينه كل ما النسوان اتجمعوا في مناسبة وفت الشمار يبدأ ... بت الحلال تقول ليهم هو يا نسوان ما عايزين قطيعه كل واحده تحترم نفسها تجيبوا في ذكرة فلانه العايز اتكلم عنها اطلع من بيتي صاح هي مراه وسخانه ودمها ثقيل قصيره كده زي الجرو ماده قدوما ده زي السمبريه راجلا المفلس ابو قميص واحد ده ما عارفه شايفه روحا كده ليه ... أو تقول للنسوان يا حريم هي ما تخلونا ناخذ ذنب في المراه دي عليكم الله الحقيره والوسخه دي الما بتساوي برطوشكم تستحق الواحده تاخذ فيها ذنب...
بتاعت الشمار زي مدمن الانترنت اخلي الوقت امر سريع ما تحس بيهوا يعني لو ركبوا معاك بتاعات شمار من مدني لي بورتسودان في عربية وقت توصلهم اقولوا ليك يا ود الناس انت مالك وصلتنا بي سرعه كدي اجي يا بنات امي احنا راكبين طياره…
هوي يا جماعه انا ما بتاع شمار انا عايز اونسكم بس...
مصطلح يقصد به القواله (( والله يا بنات امي قالوا فلانه ديك .... الخ)) وفي معني اخر نقل الكلام مع عمل اضافات بسيطه للتجميل وجعله مستساغ عند الوصول للاذن بمعني مهضوم لذا اتى مصطلح شمار اذ الشمار هو من البهارات التى تضاف للاكل ليكون طعمه جميل والذ يتفنن في الشمار النساء اما الرجال غالبهم ليس له هذه الموهبه الواحد لو عايز اشمشر وهي من مشتقات شمار تحس انه كذاب ما عدا القله الذين لهم خاصيات خاصه...... والشمار تخصص فهو نتيجه للفراغ والملل وشراب القهوه نصت نهار حسي الامور اختلفت بقي في تلفونات بالاضافة للموبايلات البتشتغل نص الليل مجانا كعروض ترقيبيه بس مافي الذ من الشمار الوجها لوجه وقت الواحده تتقعد وتخلف ليك رجلها لاختها كما ان هنالك وقت للنساء يعتبر هو اجمل اوقات الشمار لما الواحده تكون مقدمه الثانية اقيفوا في الباب للساعات مع اتكاله علي الحائط واليد في حلق الباب.... حبوبتي صفيه الله ارحما كانت زمان ادتني نصيحه مهمه قالت لي يا ولدي عمرك ما تدي ضهرك لي واحده بتاعت شمار ... حاجه نفيسه جارتنا ولدا صاحبي كل ما امشي ليهو القاهوا مافي تخصمني بالنبي والرسول اقعد اشرب معاها قهوه وهاك يا الشمار بت فلانه ديك طلقوها والثانية فسخو خطوبتها والثالثة شينه ما جوها عرسان الكلام معاها بالساعات ما تخلي ليك حاجه ما تقولها ليك في مره من المرات وبعد انتهاء الشمار ودعتهم ومشيت طلعت بره الباب نسيت علبة السجاير رجعت اجيبها وانا واقف في باب البرنده بتاعتم سمعتها ليك مع بتها تقول ليها (( انتي ود الشريف ده متجبص كدي بي بنطلونوا ده قايل روحوا يا دنيا مافيك الا انا عجبني ليهوا خطب بت رقيه قالت ما عايزاهوا)) رقيه دي طبعا جارتنا وصديقة الوالده عندها بنات كتار مسكتني من الكبيره دي عايزاها لي عباس لاكن والله قدر ما نحاول نقنع فيها ما قبلانه بعد فترة البت اعرسوها تمسكني بي الثانية دي ديرا عباس لاكن هي ما قبلانه نفس الموال لما البت اعرسوها... الكلام ده كان مزعل الوالده قالت لي احسم المراه دي انا ما بقدر اتكلم معاها هي صاحبتي .... قلت ليها يا حاجة مادام انا بحل ليها مشكلة بناتا ديل الضاريني شنو خليها تقول....
طبعا ما كل النسوان بتاعات شمار انا بعرف واحده بت ناس وطيبه ومدينه كل ما النسوان اتجمعوا في مناسبة وفت الشمار يبدأ ... بت الحلال تقول ليهم هو يا نسوان ما عايزين قطيعه كل واحده تحترم نفسها تجيبوا في ذكرة فلانه العايز اتكلم عنها اطلع من بيتي صاح هي مراه وسخانه ودمها ثقيل قصيره كده زي الجرو ماده قدوما ده زي السمبريه راجلا المفلس ابو قميص واحد ده ما عارفه شايفه روحا كده ليه ... أو تقول للنسوان يا حريم هي ما تخلونا ناخذ ذنب في المراه دي عليكم الله الحقيره والوسخه دي الما بتساوي برطوشكم تستحق الواحده تاخذ فيها ذنب...
بتاعت الشمار زي مدمن الانترنت اخلي الوقت امر سريع ما تحس بيهوا يعني لو ركبوا معاك بتاعات شمار من مدني لي بورتسودان في عربية وقت توصلهم اقولوا ليك يا ود الناس انت مالك وصلتنا بي سرعه كدي اجي يا بنات امي احنا راكبين طياره…
هوي يا جماعه انا ما بتاع شمار انا عايز اونسكم بس...