حجيتكم مابجيتكم

[عمك تنقو]

يلا يا أولادنا
الحاجات

والاحاجي

والالغاز السمعناها
من ناس مدني الحلوين
ده بابها انشاء الله

استراحة الاحاجي والالغاز
والمشاركة للجميع بروائعكم وألغازكم والاحاجي

أها قولوا خيرا جانا وجاكم :


أنا ودالمويه 00 كان خليتوني جوه المويه 00 بمووووووووووووت

أها 00 أنا منو ؟؟[B]

[aborawan]

والله غلبني عديل كده :(:(

[عمك تنقو]

أبو روان

أفو يا الغالي !


ده ما (( الثلج ))

هو ود المويه

أكان ختيناهو جوه المويه 00 البحصل ليهو شنو

طبعا بموت 00 بذوب 00 بروح 00 وببقي مويه ساكت !!

[عمك تنقو]

أها حجيتكم ما بجيتكم


حاجه الناس بتطلبها دايما وفي حوجة ليها شدييد

لكن مجرد ما تجي الحاجة دي

الناس بتجري منها

دي شنو [B]

[admin]

تكون النار

[madaniboy]

اكيد النار

[عمك تنقو]

عليك الله يا أبو بكر
ويافاقد حنان

أمانتن جاتكم 00 النار من عدمها !!

ممكن تشحدها من الجيران
وفي الكبريت وفي الكهرباء
وفي الفحم والحطب

ده شيء نحن بنطلبه وبنترجي رب العباد يدينا ليهو تقولو لي النار !!

في زول بطلب النار !


انتو عارفين دي شنو


كدي أنزلو شويه معاي !








































لسع





































لسع














































شويه كمان






































دي



































دي المطره

http://www.retstak.org/images/anderson%20exit%20in%20the%20rain.jpg

[عمك تنقو]

أها حجيتكم ما بجيتكم

قولو خيرا جانا
وجاك :



الخال الوحيد لأولاد عمتك

يبقي منو ؟؟


طبعا مافيش خيارات

[ruby]

هو ابوي

[ابراهيم]

أولاً بشيد ببرنامج الممتع يا تنقو

والخال الوحيد لولاد عمتي أكيد ابوي زي ما قالت روبي

ولك التحية.

[ابو الدهب]

بعد تفكير عميق وفحص وتمحيص

ياعمي تنقوا

انا اسني الأخت RUBY , والأخ ابراهيم

يبقي ابوي

[aborawan]

انا غايتو بخالف ليكم ابراهيم وعصام وروبي وبقول انو





































داد :D:D

[ابراهيم]

ههههههههههههههه

نعم المخالفة

[مهيرة]

الحلوين :

RUBY

ابراهيم 2

أبو الدهب

أبو روان

أصلو دي مافيها اتنين ثلاتة ياعم تنقو

هو أبوي كان تكسر رقبتك



كلكم صاح 00 وبرافو 00 عاد ما لقيتوها ساهله ‍‍‍‍!!

كدي نشوف الجايا من عم تنقو ؟

[زيكو منيب]

نعم هو الاب

[حلوه واموره]

بابا :D

[عمك تنقو]

أبنائي :

ربا ، وأبراهيم ، وأبو الدهب ، وأبوروان ، والبت العفريته ( مهيره) وزيكو منيب
وحلوه وأمورة 00


كلكم 000 صاح 00 وربنا يخليكم

[عمك تنقو]

أها

حجيتكم ما بجيتكم 00
قولوا خيرا جانا وجاكم !



حاجة بشوف أي شيء 00 لكن ما عندها عيون !

دي شنو يا ربي

يلا وروني

[حلوه واموره]

يا سلام انا اول وحده اجاوب :D


الاجابه: المراه :rolleyes:

[زيكو منيب]

و انا مع حلوة وامورة المراة

[عمك تنقو]

الحلوة وأمورة


وزيكو منيب

كضبا كاضب

دي ماهي !!!!


ربنا يخليكم 00 يلا أنا في انتظار الرد يا حلوين 0

[marwa]

7l allo'3z alawal altl7'a
wa 7l da alcamera wala ma sa7

[أبوبكرحامد]

إمكن إكون الودع

[عمك تنقو]

Marwa

وأبوبكر حامد

قربتو !

أنا ماعارف 00 الحلوة وأمورة وزيكو منيب بقصدو بالمرأة شنو
هل بقصدو المرايا

اذا كان المرايا صاح

(( المنضرة )) صاح

اذا كان غير ذلك خطأ !

وأنا قريت المرآة 00 وهي لغويا خطأ
ولا تعني المرايا أو المنضرة

وكتر خيركم كتير والي حجوة أخري

[aborawan]

كلنا كنا قاصدين المرايا بس لما غلطتا مريم وزيكو انا لبدتا قلت كان المنضره غلطت مافي داعي للخرمجه :D:D

[زيكو منيب]

ايوة يا عمك تنقو نحن قاصدين المرايا

[زيكو منيب]

طيب انا حاديكم دي

واحد اتوضا و ماشي في الشارع شاف كلب ميت شاله على راسه و مشى صلى وصلاته ما بطلت ...

دايركم تفسروا لي كيف صلاته ما بطلت مع علمي انه اللي بيلمس كلب بيبطل الوضوء ..

[marwa]

ya kleb gomash ya kleb ledo

[عمك تنقو]

الحلوة وأمورة

وابو روان

وزيكو منيب

ومروه

اذن كل الاجابات صاح مادام قاصدين المرايا

( كلميني يا مرايا )

وكلمة ( المراة) هي الجهجهتني
ومعليش

أكان قلتو المنضرة كان ريحتوني وارتحتو

كدي اخليكم مع غلوبية زيكو منيب

وانا بقول كلبك ده

كلب شطرنج ميت يعني مقتول هههههه ولا شنو ؟

[امير عبدالباقي]

يلا ياعم التنقو انا معاك
هاكم دي طبعا اي شي بشرب وبكبر لكن في شي اذا شرب بموت



ده شنو

فكرو

[أبوبكرحامد]

إمكن الساعة وإمكن التسمية فى الويست لما تسقط بيقولوا شربت.
ود الماذون

[aborawan]

النااااااااااااااااااااااااااااااااااار

[امير عبدالباقي]

حلوه منك ياابوبكر باين عليك حريف وست بس غلط
صح النار ياابوروان

[عمك تنقو]

معاك يا أبو روان

[عمك تنقو]

هاكم دي


أنحن أربعة أخوان وعندنا راس واحد

نحن منو ؟؟


هههههههههههه


أمير الليلة بتمشي بي وين !

[marwa]

dy almrw7a wala 7a7'a tanya

[عمك تنقو]

لا
يا
مروه

دي مش المروحة
ولا

التانية

[امير عبدالباقي]

والله ياتنقو بحاول فيها لي تلاته ايام
طبعا ماحيكون من المخلوقات ؛ حيوان مثلا
لكن صدقني انا وراك وراك

[زيكو منيب]

يا جماعة شايفكم ما عرفتوا تحلوا اللغز اللي اديتكوم ليه ....

و انت يا عمك تنقو

[زيكو منيب]

يا جماعة شايفكم ما عرفتوا تحلوا اللغز اللي اديتكوم ليه ....

و انت يا عمك تنقو لغزك ده انا سمعته قبل كده لكن ما متذكره

[عمك تنقو]

كاتب الرسالة الأصلية زيكو منيب
طيب انا حاديكم دي

واحد اتوضا و ماشي في الشارع شاف كلب ميت شاله على راسه و مشى صلى وصلاته ما بطلت ...

دايركم تفسروا لي كيف صلاته ما بطلت مع علمي انه اللي بيلمس كلب بيبطل الوضوء ..
_____________________________________

زيكو أنا رديت عليك وقلت ليك ده :

كلب شطرنج !

راجع البوستات

[عمك تنقو]

حل :

نحن أربعة أرجل وراسنا واحد ؟


دي التربيزة

أو الكرسي


وشكرا لمحاولات الاعزاء :

مروة

وأمير عبد الباقي

وزيكو

[عمك تنقو]

جيتكم ما بجيتكم

قولو خيرا جانا وجاكم :


حاجة لا ليها اول ولا ليها آخر

يعني :

( ليس لها بداية ولا نهاية )


يا ربي ده شنو ؟؟؟؟؟؟؟؟؟

[امير عبدالباقي]

والله ياعم التنقو الشي الوحيد العارفه انا ماليه اول واخر ده ربنا سبحانه وتعالي والله اعلم

[عمك تنقو]

كيف يكون ذلك يا أمير

رب العزة هو :

( هو الأول والآخر والظاهر والباطن )

سورة الحديد

كدي فكر شويه في مخلوقاته وفي أفعال مخلوقاته

وعشان اسهلها اكتر هي حاجه مرت علينا في الدراسة

وسااااااااااااااااااااااااااااااااااااااااااااهله

وكان عرفتها برسل ليك رغيف ولستك عربيه

ههههههه

طبعا بتكون عرفتها !

[marwa]

aldayraaaaaaaaaa sa7 mosh

[امير عبدالباقي]

انا مع مروه الدائره

[عمك تنقو]

http://www.marasligil.ch/adnan/about/xperimente/animated/circle1/circle2.gif

برافو عليكم:

MARWA

الأمير

هي الدائرة فعلا 000

[أبوريلان]

يا عمك تنقو سلام

ماهو وجه الشبه بين اليمنى والكمبيوتر .
:D :D :D

[امير عبدالباقي]

يابوريلان الاتنين بخزنو

[زيكو منيب]

عشان الاتنين فيهم حرف الياء

[زيكو منيب]

كاتب الرسالة الأصلية زيكو منيب
طيب انا حاديكم دي

واحد اتوضا و ماشي في الشارع شاف كلب ميت شاله على راسه و مشى صلى وصلاته ما بطلت ...

دايركم تفسروا لي كيف صلاته ما بطلت مع علمي انه اللي بيلمس كلب بيبطل الوضوء ..

واحد اتوضا ماشي في الشارع شاف كلب (عاين ليه يعني) شاله على راسه (مابتعرفوا الشال ولا شنو) و مشى صلى عادي لانه ما لمس الكلب شافه بس ..
الحل سااااااااااااهل..

[marwa]

ben3rf al3ema

[marwa]

aletneeen beta3een 7esaaaaab

[أبوريلان]

يا أمير كلامك صاح الأثنين بخزنوا الكمبيوتر بخزن معلومات واليمنى بخزن قاد ، وباين عليك مشيت اليمن ههههههههههههه .

وشكرا يامروه

وشكرا يا زيكو
:D :D :D

[عمك تنقو]

برافو عليك
يا زيكو منيب في
حدودة الكلب 00 وحكاية الشال

ممتازة وعايزة بالفغل تفكير


Myrelan

خطيرة تخزين اليمني والكمبيوتر

نرجو الدعم الدائم بهذه الروائع

[عمك تنقو]

يلا

حجيتكم ما بجيتكم


اذا كان أخت خالك ما خالتك 00 تبقي منو دي ؟

[ابراهيم]

السلام عليكم يا عم تنقو

الاجابة

اخت خالك لو ما خالتك تبقى أمك

ولك تحياتي

[aborawan]

ماااااااااااااااااام :):)

[عمك تنقو]

الحكايه شنو

الواحد ما يغفل يلقي موضوعو في الصفحة السابعة

ماشاء الله علي البوستات في المنتدي


--------------------------------------------------------------------

صاح ياغالييين
يا شطار

يا رايعين


هي الأم

[marwa]

الزير بغطوه ليه

[aborawan]

عشاء يختو فوق الغطاء الكوز او الكباية

[أبوريلان]

عشان الكيزان يعملوا فوقوا إجتماع :D

[ابراهيم]

عشان يختو فيهو الكوز

[marwa]

ma gserto

[marwa]

فى مسطول لمن يجى ينوم بخت جنبه كبايتين واحده فاضيه والتانيه مليانه
ليييييييييه

[ابو الدهب]

يلا عمي تنقوا

وين باقي الأحاجي

[عمك تنقو]

marwa

فعلا بغطوا الزير

عشان يختو فيهو ( الكوز )

[عمك تنقو]

لكن يا marwa

بتاعت المسطول دي خطييييييييييييييييييرة !!

[عمك تنقو]

عزيزي أبو الدهب

نحن موجودون

وشكرا يا الغالي علي سؤالك عنا

[عمك تنقو]

ونبقي مع :

كبايتين المسطول ده !

يلا يا أولآد 00 Marwa قالت المسطول بخت جنبو كبايتين لما يجي ينوم

واحدة فاضية والتانية مليانة

لكن ماورتنا مليانة شنو ؟

واللغز :

ليه بخت الكبايتين ديل ؟

[عمك تنقو]

انتو نمتو ولا شنو ؟

[ابراهيم]

والله يومين بفكر فيها

ما لقيت لي حل

لكن لو فرضنا في كباية ملانة شاي والتانية يبرد بيها الشاي

[marwa]

w7da mlyana moya wa altanya ma mlyana
ama 7l al'3z alfat alkooz sa7
aha yla fkero

[حلوه واموره]

والله ما عرفت الحل :rolleyes:

[marwa]

اقول خلاس ولا لا

[عمك تنقو]

طيب أنا اقول لغز بتنا marwa

الكوز الاول يا مروا عشان لما يعطش يشربيهو

والكوز التاني لما ما يعطش !!

ههههههههههههههههه

حليتها

[أبوبكرحامد]

عندى تلاتة حلول :

- الحل الأول عشان يعرف الكباية الفيها الموية لابد تكون فى واحدة فاضية.

- الحل التانى : عشان هو مسطول ختا كبايتين .

- عشان الكباية الفاضية تخمس الموية مع الكباية المليانة .

[عمك تنقو]

ههههههههههههه

حلوه يا ابوبكر

بس الخيارات دي نحن ما ادونا ليها

ولا شنو يا مروه

[aborawan]

اها يا عمك تنقو ده موضوعك الرايح

[عمك تنقو]

أبو روان

أديتك بشارة ود مالك ؟
أكان عرفت بشارة ودمالك دي 00 ياكا الرجعت السودان !

أشكرك عزيزي أبو روان لهذه الخدمة وكما عهدناكم دائما
إياكم أهل الشيلة والتقيلة 00 ودمتم ودام هذا المنتدي الرائع

أكرر لك شكري وتقديري


أخوكم دائما
عمك
تنقو

[ابراهيم]

ما هو مسطول

ودايماً المساطيل بعملوا حاجات ما منطقية

يبقى الحل عشان هو مسطول

ولا ما كدا؟
:confused:

[عمك تنقو]

يلا يا أولاد


حاجة بدور حول نفسها 00 لكنها ثابتة !

ده شنو ياربي ؟؟؟

[al zeer]

السورو

[عمك تنقو]

هههههههههههههه

حلوة يا زير

فعلا السورو بلف حول نفسه وثابت لكنه يتحرك للاسف
مش هي !

وشكرا علي الحضور الجميل

[ابو المهتــدي]

بسم الله الرحمن الرحيم
الحبيب نتقو الله يعطيك العافية ودي اول مرة نتلم في مداخلة ونحن جلوس
في عنقريب طلق ملص 0 الحكاوي كثير ة 0 كانت بجوار الحبوبات 0
ولكن لم اعمل لها حساب بين وبين ست ابوها اتقـــاء0عندما صار الامر لنا 0 اردد لها تلك0السوالف 0 مرة احببت
عكس الموضوع منها لي 0
فطلبت مني فك قولها وانا بدوري احوله لك واحكي لي ياشاطر كما تقول
طلب اب من ابنة احضار له سمك للغداء مكان رد الابن يابو السمك فيه شوك
كيف كان رد الوالد ؟؟ القول كما قلت من اتقــــــأء والحكم عندي بحكم انني سمعت القول ولك تحياتي 0

[عمك تنقو]

هههههههههههههههههههه

والله حكايتك حكاية يا أبو المهتدي

يعني ( هنضبت عمك تنقو )

زي ما قلت ليك الراجل قال للولد ( سمح وقت فيهو شوك خليهو للعشاء )

وأنا عارف الاجابة بعيدة كل البعد يا ابو المهتدي من الغلوطية لكن أسوي شنو لازم أجاوب !!!

[عمك تنقو]

الاجابة بالنسبة لغلوطيتي
الحاجة البدور لكن ثابتة هي

حيطان البيت !

[ابو المهتــدي]

بسم الله الرحمن الرحيم
الغالي الاخ الحبيب تنقو الله يحفظك والله اجابتك زي ما بقولوا مفارقة للحقيقة كما زي فراق الطريفي لجملوا 0 وانا زيك اخذت منها المغلب 0
تصور كم كانت سعيدة وماكفة لي وهي علي ظهري تقول
اسمع ياولدي طال مالسمك فية شوك (بلبس نعلاتي )
ضبعا اتقاء دلوعة ابوها ولي معها حكاوي طيلة الاجازة ماتصدق ان ابوها اتي لها بعد ان فارقتة واستقرت في البلد من اجل المدرسة نسال الله الرجوع والاستقرار معهم والله ساعة مع تلك للحظات تسوي سنين تللك الغربة اللعينة التي اصبحت فرض عين 0 تحياتي وسوف نتلاق مع قفشات اتقاء

[عمك تنقو]

شكرا عزيزي أبو المهتدي علي هذه المداخلة ( الحجوة الظريفة ) ظرافة إتقاء
وربنا يلم الشمل ونتلاقي معاكم في ساعة خير في حديقة مسك الختام انشاء الله عشان اديها الحجوة الما سمعت بيها قبلي كده !!

[مهيرة]

عمنا ألستاذ أبو المهتدي

عجبني ردك لعمنا تنقو

وقول اجابتك بعيدة كل البعد ومفارقة الحقيقة زي

(( فراق الطريفي لي جملو ))

فدايرين نعرف حكاية الطريفي وفراقو لي جملو دي ؟

لأنه سمعناها كتير ولم نعرف معناها

مع شكري

[هناد]

دادي موش خليكم راقين حبه داكلام بتاع ناس ساي لكن الصحيح هو دادي

[مهيرة]

طيب يادادي أبو المهتدي

ودادي تنقو


بلاش



U N C L E

[أبوريلان]

لالالا يا مهيرة ما فى رجوع.

[عمك تنقو]

ههههههههههههههه

الشكلة شنو ياداد أبو المهتدي

ما تشوف لينا حكاية 00 فراق الطريفي لي جملو دي شنو

أهو لقينا لينا حجوة جاهزة


أيدييييييييييييييييييييكم العافية

[al zeer]

معليش كنت عيان و ما جيت المكتب لا يوم السبت بس جيت و لقيت كميه من الشغل
بس بقول ليك راجعين
و اديك العافيه و اخليك نواره للمنتدى و الاخوه البينا
تحياتى و احترامى
عمى تنقوا

[عمك تنقو]

http://www.khayma.com/yazan/1d.jpg

يا صلاة النبي عليكم الله قولو ا (( دقر ياعيين ))

وواحد فيكم يضحك مافي !


يا أخوانا دايرين حجاوي 00 الا يمين الا أفك ليكم الزول ده ؟

[عمك تنقو]

معليش يأ أولاد شوية كسل !!

حجيتكم ما بجيتكم 00 وقولو خيرا جانا وجاكم ؟؟

والجائزة كبيرة جد جد من عمكم تنقو !!

الشرط الوحيد تجاوب عليها في غضون 3 يوم من تاريخ الالغاز

يلا يا أولاد :

1 - ثلاثة أخوان 00 واحد بمشي وما بجي 00 وواحد بياكل أي حاجة تقابلو
وواحد ساكن وهامد 00 ديل منو ؟

2 - حاجة ما بتشتغل الا لما تقطع راسها 00 دي شنو ؟؟؟

3 - قاتل لا يمكن أن يحاكمه القانون اطلاقا 00 فمن هو ؟؟؟

4 - وكمان حاجة لما تضربها علي راسها بتلتهب 00 دي شنو ؟؟؟

يلا يا أحباب !!


عمكم

[aborawan]

سلام يا عمنا وطالت غيبتك ومرحباً بعودتك

غايتو اهو جيتك انا عشان انظر

البمشي ما بجي ( العمر )
البياكل اى شئ قدامو ( الشيب )
الثالثة غلبتني :(:(

حاجة ما بتشتغل الا تقطع راسا ( غلبتني لكن بفكر فيها برضو :D:D

قاتل لا يعاقبه القانون ( السياف او عشماوي ) الذي ينفذ الحكم على المحكوم عليهم

[عمك تنقو]

والله يا أبروان ماقصرت أبدا
واجاباتك متفردة بنفس المعاني

ولو كنت معلما لكتبت لك ثلاثة أرباع الاجابة

وقالو يخلق من الشبه أربعين


وللأسف الشديد المشاركات ضعيفة
ومافي تشجيع لي عمكم

ةالحاصل شنو ماعارف !!!

مع أنه ده بوست تعليمي تراثي لأبنائنا الذين فاتتهم 00 الأحاجي !

[عمك تنقو]

1 - ثلاثة أخوان 00 واحد بمشي وما بجي 00 وواحد بياكل أي حاجة تقابلو
وواحد ساكن وهامد 00 ديل منو ؟

2 - حاجة ما بتشتغل الا لما تقطع راسها 00 دي شنو ؟؟؟

3 - قاتل لا يمكن أن يحاكمه القانون اطلاقا 00 فمن هو ؟؟؟

4 - وكمان حاجة لما تضربها علي راسها بتلتهب 00 دي شنو ؟؟؟

-----------------------------------------------------------------------------------------------

الاجابات حسب الترتيب :

1 - الدخان - النار - الرماد
2 - قلم الرصاص
3 - قاتل نفسه
4 - عود الكبريت


وخلاص عمكم زعلان منكم 00 يعني لو ما لقيت ترضية ما بجي تاني للاحاجي !

[امير عبدالباقي]

عم التنقو
ايه المزعلك والله نحن زعلانين منك ليه تحرمنا من ابداعاتك كل هذه الفتره ياخي والله لو في طريقه اتصال لتصلت بك واشوف ايه المانعك مننا كل هذه المده ؛؛؛؛؛؛؛؛؛؛
قول لي المزعلك شنو ؟
لك العتبي حتي ترضي

[مزوني]

كاتب الرسالة الأصلية امير عبدالباقي
عم التنقو
ايه المزعلك والله نحن زعلانين منك ليه تحرمنا من ابداعاتك كل هذه الفتره ياخي والله لو في طريقه اتصال لتصلت بك واشوف ايه المانعك مننا كل هذه المده ؛؛؛؛؛؛؛؛؛؛
قول لي المزعلك شنو ؟
لك العتبي حتي ترضي
والله العظيم مشتاقييييييييييييييييييييييييييييييييييييييييييين
ولنا لقاء انشاءالله

[aborawan]

طبعا يا عمنا الضحك شاقيني تنظيراتي كلها طلعت ولا واحدة منهم صاح بس اهو الحمد لله نلنا شرف المحاولة

بخصوص انو الناس راكده ومافي تشجيع انشاء الله دي تكون فترة ركود مؤقتة والحال حا يمشي انها انشاء الله ويلا كلنا نتكاتف عشان يكون في نشاط وحماس شوية


رينا يديك الصحة والعافية عمي تنقو

[عمك تنقو]

كاتب الرسالة الأصلية امير عبدالباقي
عم التنقو
ايه المزعلك والله نحن زعلانين منك ليه تحرمنا من ابداعاتك كل هذه الفتره ياخي والله لو في طريقه اتصال لتصلت بك واشوف ايه المانعك مننا كل هذه المده ؛؛؛؛؛؛؛؛؛؛
قول لي المزعلك شنو ؟
لك العتبي حتي ترضي


عزيزنا
أمير عبد الباقي يعني بالمعني المفهوم الناس زي القنعت من الأحاجي !!

[عمك تنقو]

كاتب الرسالة الأصلية مزوني

والله العظيم مشتاقييييييييييييييييييييييييييييييييييييييييييين
ولنا لقاء انشاءالله


--------------------------------------------------------

الغالي والرائع جدا 00 مزوني
لك الشكر لما قمت به من تشجيع
وسألقاك انشاء الله في ود مني يوليو القادم 00

[عمك تنقو]

كاتب الرسالة الأصلية aborawan
طبعا يا عمنا الضحك شاقيني تنظيراتي كلها طلعت ولا واحدة منهم صاح بس اهو الحمد لله نلنا شرف المحاولة

بخصوص انو الناس راكده ومافي تشجيع انشاء الله دي تكون فترة ركود مؤقتة والحال حا يمشي انها انشاء الله ويلا كلنا نتكاتف عشان يكون في نشاط وحماس شوية


رينا يديك الصحة والعافية عمي تنقو


-----------------------------------------------

المبدع دايما 00 أبو روان
نحن علي الدرب سايرون مادام انتم هناك

شكرا يا غالي

[حلوه واموره]

مرحبا

[عمك تنقو]

إنتي وين يا أمورة
خليتي الأحاجي لي شنو ؟

الأحاجي مشتاقة ليك !!



http://wadmadani.com/vb/avatar.php?userid=628&dateline=1101127535

[aborawan]

يلا يا عمنا منتظرين لينا غلوتية فاااااااااااااااهمة كده من بتاعت الحبوبات

[ابراهيم]

ودة والبوست بتاعك جبنا قريب

وفي انتظار جديدك يا عمنا

[عمك تنقو]

يلا يا عمنا منتظرين لينا غلوتية فاااااااااااااااهمة كده من بتاعت الحبوبات

دايما مبدع ورائع وربنا يخليك ياغالي الحروف
أبــــــــــــ روان -------و

يوم شكرك ياولدي انشـــــــ مايجـــــــــــــي ------الللـــــــــه----[/COLOR[COLOR=Blue]]-----اء

[عمك تنقو]

ودة والبوست بتاعك جبنا قريب

وفي انتظار جديدك يا عمنا



هي ياولدي ماخلعتني عديل
أنا قايلك عجوز زي وعمك ابو المهتدي
تسلم وأشكركم علي موضوع رجوع حجيتكم ما بجيتكم

[عمك تنقو]

كم عدد دور السينمات في ود مدتي ؟
أقصد المباني مش الدور الأول والتاني
يا حليل أيام زمان يا أبو المهتدي ؟

أها يا أولاد ععد السينمات كم ؟؟

[خالد هاشم علي]

حمد لله علي السلامة عم تنقو ... عدد دور السينما كان ماأخاف الكضب ستة دور سينما... ( أمير ..الخواجة... الوطنية....رودي....الزمالك....بنك الإدخار) وفي سينما خاااصة كدة بنادي المصارف بشغلوها مرة مرة للاعضاء

[عبدالرحيم]

اكتبوا اخبار ودمدني وما هو الجديد فيها اخوكم مطويل منها 9 سنة في الغربة القدارة

[ابراهيم]

سلامااات يا جماعة وين اختفى عمك تنقو؟
أها يا عمنا خالد قال الإجابة
منتظرينك...

[zoolfrda]

يا أخوان زول لابس أسود كامل يعني بنطلونو أسود قميصو أسود ولابس بدله سوداء وخاتي نظاره سودا وما عندو سنون ماشي في نص الشارع الزحمة والقمر ما كان بدر وأنوار الشارع مطفية وأنوار السيارات مطفية بالرغم من ده مافي ولا أي سيارة خبطتو لــــــيــــــــه ؟!!!!

[rasheed]

سؤال ثقيل يا الأسمك حلو 00 والباقين برضو لابسين زيو ولا كيف ؟؟؟؟

[rasheed]

سألتك عشان أقول ليك 00 الناس ما شايفنوا 00 لكن هو شايف الناس 00 صاح ولا ما غلط يا رائق

[Jamal Elmahi]

يا أخوان زول لابس أسود كامل يعني بنطلونو أسود قميصو أسود ولابس بدله سوداء وخاتي نظاره سودا وما عندو سنون ماشي في نص الشارع الزحمة والقمر ما كان بدر وأنوار الشارع مطفية وأنوار السيارات مطفية بالرغم من ده مافي ولا أي سيارة خبطتو لــــــيــــــــه ؟!!!!

حباب أخوي ....ها أأزول سعالك دا حلو بالحيل وقبل العولمه كنا بنقول....كان دخل القش ما بقول كش...غايتو شيتك دا الا كان بعّاتي....



ودالماحي

[عمك تنقو]

والله ريحتو عمكم راحة والحمد لله الجبتو حجيتكم مابجيتكم بي جاي ياسلام عليكم يا أولاد كده الشغل ببقي تمام مع ود مدنيات .

[عمك تنقو]

1 - خالد هاشم ياولدي كلامك صاح لكن بتاعت بنك الادخار تعيش إنت
2 - عبد الرحيم يا ولدي يوم شكرك انشاء الله مايجي
3 - ابراهـــــــــــــــومــــــــــــــــــــــــــــ ة يا ولد ياراقي عمك جا راجع
4 - الزول الفردة ده حيرت عمك خلاص عليك الله ده شنو ؟
5 - رشـــــــــــــــــــــيد وينك انت وجمال بسلم عليك
6 - ههههههههههههههههههههههههههههههههههههههههه جمال الماحي الله يجازي محنك بعاتي عديل كده

[عزيز عيسى]

حمد لله علي السلامة عم تنقو ... عدد دور السينما كان ماأخاف الكضب ستة دور سينما... ( أمير ..الخواجة... الوطنية....رودي....الزمالك....بنك الإدخار) وفي سينما خاااصة كدة بنادي المصارف بشغلوها مرة مرة للاعضاء

مين فيكم بيعرف اسم الخواجة اللي سموا عليه السينما الخواجة.

يلا يا ود هاشم يا جدع إنت ورينا الاسم على شرط ما تسأل أي حد..

عمك تنقو،

وينك يا راجل.. مشتاقين.. ومالك تظهر مرة مرة وفجأة زي هلال رمضان.

يلا خيرا جانا وجاكم، تعال حجينا..

عزيز

[عزيز عيسى]

يا أخوان زول لابس أسود كامل يعني بنطلونو أسود قميصو أسود ولابس بدله سوداء وخاتي نظاره سودا وما عندو سنون ماشي في نص الشارع الزحمة والقمر ما كان بدر وأنوار الشارع مطفية وأنوار السيارات مطفية بالرغم من ده مافي ولا أي سيارة خبطتو لــــــيــــــــه ؟!!!!
دا على ما أعتقد الظل..

[عمك تنقو]

عزيز عيسي تحياتي لك ياغالي - وما اظن يكون الضل لانو لمبات الشارع طافية راجع حجيتكم ما بجيتكم من الاول ستلقي نفس السؤال والاجابة
ويازول يافردة والله عمك مبسوط منك 24 الف قيراط وقفت الناس لمبة - عمك ذاتو نسي الاجابة بالرغم من انها موجودة في بوست حجيتكم ده !
ارجو التواصل من الجميع ..

[عمك تنقو]

يا اولاد حجيتكم ما بجيتكم - قولو خيرا جانا وجاكم :

حاجة مافي زول بدور البسها اصلو ولما يلبسها ما بشوفها دي شنو ؟

يا الله ياحلوين ....

[مهيرة]

صلة الرحم تدخل الجنة ولازم نسأل عليك
واعلم تماما مدي اهتمامك بالمنتدي
ومشغولياتك
لكن حجيتكم تحتاج للحضور كل مساء
ولا نريد لهذا التراث شهادة وفاة

ومعليش ياحناكيش انتو اقرو واسمعوا بس بالحجي ده

اصلو قديم عليكم شوية !

[ابراهيم]

ازيكم .. اهلنا الطيبين ..
وجيداً جيت عمنا تنقــــو

الشي دة اظنو الكفــــــن

(نسأل الله حسن الخاتمة)

[نزار حسن محمد]

يا اولاد حجيتكم ما بجيتكم - قولو خيرا جانا وجاكم :

حاجة مافي زول بدور البسها اصلو ولما يلبسها ما بشوفها دي شنو ؟

يا الله ياحلوين ....


الحبوب العزيز العم تنقو... غايتو انا اجتهد شديد وكدى نفسر ليك ... اولا حاجه مافى زول بدور البسها .. اظن دا الكيس الاحمر بتاع المشنقه ...وبعدين لما يلبسها مابشوفها .. دا ما الموت بعينه ولا ماكدى

[أبوبكرحامد]

ده الكفن ، نتمنى لكم جميعاً حسن الختام ، ورفقة سيد الأنام ، فى جنة الخالق ذو الجلال والإكرام.

[طارق سنهوري]

يا فخرى سلام
اول شىء انت حجيتنا لكن عاوزينك
تبجنا شوية نشوف بجك كيف
زى حجك______ مبتاع مكه داك
بتاعك انت والماعنده عيون
دى انا لقايت الان بفكر علـــــــــــــــيك الله وريــــــــــــــــــــــــنى قلت الرررررروب

[عمك تنقو]

مهيرة
ابراهيم
نزار حسن
ود الماذون
.. صدقتم وفعلا ده الكفن
ربنا يطول عمركم ويكفيكم شر الآفات يارب

[عمك تنقو]

طارق السنهوري
البج علي ما اعتقد هو الفراق والبعد والشتات
والحج غير اسمه الروحي والديني بمعني
الذهاب لمكان معين والتجمع فيه بغرض
هدف معين
وبذلك يكون حجيتكم ( لميتكم )
بجيتكم ( ما فرقتكم ولا ابعدتكم )
والله اعلم

والروووب ما بقول !!!

[عمك تنقو]

عليكم الله تعال النحجيكم ومعقول المنتدي ده مافيهو ناس بعرفو حجيتكم ما بجيتكم!!

[عمك تنقو]

طيب يا اولاد - ماهو الباب الذي لا يغلق ابدا ؟ مش بقولو باب الريد وانسدّ ده باب مابنسد اصلو ده ششششششششنننننو ؟

[عمك تنقو]

يعني من شهر 8 زول ساكت يقول لي عمكم باب سنط مافي :D

[عصام الدين عموش]

أكيد مادام ماشي الصلاة لازم الشال يكون على كتفوا
أنا الصعب البعرف المعقد والكلام الكعب

[abomazeen]

up up up up

أفتقدنا (عمك تنقو)
رد الله غيـبـتك يا عمنا
ونسأل عن أخبارك