بقيتو تلاتة ولا لسي

[مايسة]

اهلنا في السودان - كثيرا ما يقومون باحراج العروسين وسؤالهم

اها ما بقيتو تلاتة لسي

- يعني صحبتي اتسألت السؤال دا وهي ليها نص شهر متزوجة

قالت لي انا قربته اخنق اختو - قلته ليها بقينا اربعة مش تلاتة

:eek::rolleyes:
علما -بانو الاسئلة التعسفية دي ما بتجي الا من اهل العريس (الراجل):cool::p

[تغريد]

زكرتيني يا مايسة قصة العريس الجننوهوا الناس بالسؤال دا عشرمية مرة وهو لسة ليهو شهريين بس :eek: وكل يوم التلفونات تتطاقش وكل ما يطلع الشارع ينسأل نفس السؤال من كم زول والعجب مناسبات الاسرة :o كل شوية قريب او قريبة يستفردوا بيهو وهاك يا اسئلة المهم مرة قريبة زوجتوا جات تتكلم مع قريبتها في الموضوع دا واول ما سالتها السؤال دا هو جا داخل قامت المرة قالت ليهو بركة الجيت تصدق انا هسة كنت بسأل مرتك ما بقيتو تلاتة
قال ليها بي زهجوهو اصلا كان عامل شكلة في الشارع وداخل : أقول ليك حاجة احنا ما بقينا تلاتة بقينا واحد لأنو مرتكم دي انا زااااااااااتي طلقتها :D

بجيك راجعة بي مزااااااج يا ميسو تحياتي يا غالية

[الملكة اسماء ( ام محمد )]

اها ما بقيتو تلاتة لسي



دا نظام خلصنا موضوع عرسكم عايزين نخلص من موضوع سماية الولد الاول


عالم شايلة هم حاجات مابتخصها

على فكرة السؤال دا سبب حالات نفسية للمتزوجين حديثا ..وكثير جدا بنلاقي اتنين عرسان ماكملوا السنة بزوروا الاطباء عشان يفهموا سبب تآخر الولادة

مع العلم انها مافترة كافية لتحديد نوع المشكلة وللاسف دا سبب توريط النساء في المنشطات الغالبا مشاكلها اكتر من فوائدها

وحتى الاثر النفسي البحصل بسبب السؤال الروتيني (مابقيتوا تلاتة )؟؟ للاسف ممكن يكون هو سبب تآخر الولادة الهي اصلا بلعب العامل النفسي فيها دور كبير جدا ...

[العاقب مصباح]

واحد يا مايسة جاء للعريس بعد شهر

قال ليهو ما بقيتو تلاتة

قال ليهو بقينا حداشر

كيف يا اخونا بقيتو حداشر

قال ليهو بقيت اشوفها عشرة عشرة


:p:p:p:p


بصراحة انا بسأل العريس

ومرات يوم الصبحية زاتها

بصورة طريفة بدون قصد

لأنه ما معروف الحقيقة تكون شنو

خصوصاً لو طولوا وما حصلت قسمة

حتى لأخوى ما بقدر أسأل سؤال زى دا

إحتراماتى يا اصيلة

[مايسة]

زكرتيني يا مايسة قصة العريس الجننوهوا الناس بالسؤال دا عشرمية مرة وهو لسة ليهو شهريين بس :eek: وكل يوم التلفونات تتطاقش وكل ما يطلع الشارع ينسأل نفس السؤال من كم زول والعجب مناسبات الاسرة :o كل شوية قريب او قريبة يستفردوا بيهو وهاك يا اسئلة المهم مرة قريبة زوجتوا جات تتكلم مع قريبتها في الموضوع دا واول ما سالتها السؤال دا هو جا داخل قامت المرة قالت ليهو بركة الجيت تصدق انا هسة كنت بسأل مرتك ما بقيتو تلاتة
قال ليها بي زهجوهو اصلا كان عامل شكلة في الشارع وداخل : أقول ليك حاجة احنا ما بقينا تلاتة بقينا واحد لأنو مرتكم دي انا زااااااااااتي طلقتها :D

بجيك راجعة بي مزااااااج يا ميسو تحياتي يا غالية


لا حول لله - يختي الناس ما بتفتر - انا بتخيل وانتي في الكوشة قاااعدة مع راجلك والحفلة شغالة بحو يسألوكي - :rolleyes:

[مايسة]

دا نظام خلصنا موضوع عرسكم عايزين نخلص من موضوع سماية الولد الاول


عالم شايلة هم حاجات مابتخصها

على فكرة السؤال دا سبب حالات نفسية للمتزوجين حديثا ..وكثير جدا بنلاقي اتنين عرسان ماكملوا السنة بزوروا الاطباء عشان يفهموا سبب تآخر الولادة

مع العلم انها مافترة كافية لتحديد نوع المشكلة وللاسف دا سبب توريط النساء في المنشطات الغالبا مشاكلها اكتر من فوائدها

وحتى الاثر النفسي البحصل بسبب السؤال الروتيني (مابقيتوا تلاتة )؟؟ للاسف ممكن يكون هو سبب تآخر الولادة الهي اصلا بلعب العامل النفسي فيها دور كبير جدا ...






فعلا دي حقائق علمية - العامل النفسي بيلعب نسبة كبيرة في الحمل -

والعجب لو الاهل يؤمنون بالخزعبلات والشيوخ وست الظار (الظهر) - عاد شيلي شيلتك ساااي -

[الملكة اسماء ( ام محمد )]

انا بتخيل وانتي في الكوشة قاااعدة مع راجلك والحفلة شغالة بحو يسألوكي

دا والله الا يبقى جابوا ليها مع الشيلة :o

[بت أم درمان]

دا والله الا يبقى جابوا ليها مع الشيلة :o[/CENTER]

:p:p:p:p:p:p:p

[زادالشجون]

قبل الخطوبه الناس بتسال لسه ماخطبت وبعد الخطوبه العرس متين وبعد العرس لسه مابقيتو تلاته وبعد ماتبقو تلاته لسه ماخاويتوهو يعني الواحد افضل وره الاسئلة دي امله البيت شفع وهم افضلو اتفرجو عليه واحد فيهم اجي شايل ليه بمبرس ساي مافي تاكل نارك انت يالحبيب

[مايسة]

واحد يا مايسة جاء للعريس بعد شهر

قال ليهو ما بقيتو تلاتة

قال ليهو بقينا حداشر

كيف يا اخونا بقيتو حداشر

قال ليهو بقيت اشوفها عشرة عشرة


:p:p:p:p


بصراحة انا بسأل العريس

ومرات يوم الصبحية زاتها

بصورة طريفة بدون قصد

لأنه ما معروف الحقيقة تكون شنو

خصوصاً لو طولوا وما حصلت قسمة

حتى لأخوى ما بقدر أسأل سؤال زى دا

إحتراماتى يا اصيلة



تسلم يا رب -

اعمل حسابك بس - ما تجيك ضربة وانت بتسأل السؤال دا -

للاسف الشديد - تفكيرنا دائما محظور في انو تأخير الحمل من المرأة - وتبدأ التساؤلات مشيتو الدكتور - سألتو - فلانة - وعلانة -

[esmat]

يامايسة والله لكن بتسألي اسئلة الايام دي
لما يوم اجيك بالشاشة بهناك (وش ممغوص)

ياخ نحنا عايزين نفرح بي حياتنا طوالي ولادة
وحمل وشنو ما عارف
انا طبعاً الايام المضت دي اتسألت السؤال دا كتير جداً
لما شفت البوست اسي قلت مايسة دي عايزة معاي شكلة ولا شنو

المهم اجابتي للسؤال دا
كلوا بي أمر الله - أو - إلى أن يشاء الله
بي طريقة تحسس الشخص بأنه سؤاله تعسفي

غايتو تاني ما خاشي بوستيك دا

[عباس الدسيس]

هههههههههههههههههههههههههههههههههههاي حلوه يا عاقب والله ضحكتني حكاية 11 دي عشان كده انا بقيت اقول مالي شوفي ده بقي 20 عشرين... البلوم ده ذاتو ظريف بناقش في حكاية ثلاثة المساكين نحنا بعد تتدخل الكيس وتبقوا ثلاثة تبقي شايل الكيس حياتك كلها تبقي اكياس كان غلبته حيلة من الاكياس اشيلوك اضان القفه سوري اقصد القفه عاقب اعمل حسابك ما ادردقوك بي الونسه دي وتوش تخش الكيس والله تاني احلك الحلا بله ابقي نجيض اطلع منها من 11 حسي بنسمع بيك بقيتو 15 الاربعة ديل بتاع البقالة والغاز والغسال والبشيل الزبالة ووووووووووو ....الخ والجماعه ضاربين النوم

[مايسة]

قبل الخطوبه الناس بتسال لسه ماخطبت وبعد الخطوبه العرس متين وبعد العرس لسه مابقيتو تلاته وبعد ماتبقو تلاته لسه ماخاويتوهو يعني الواحد افضل وره الاسئلة دي امله البيت شفع وهم افضلو اتفرجو عليه واحد فيهم اجي شايل ليه بمبرس ساي مافي تاكل نارك انت يالحبيب


نسيتي - بعد ما يحصل وتجيب العيال الكتار ديل - يقولو ليك ما تشكي لو سمحتي برااااكي جبتيهم - في حد قال ليكي جيبيهم كتتار كدا:mad:

[مايسة]

دا والله الا يبقى جابوا ليها مع الشيلة :o[/center]


:p:p:p:p:p:p:p


بس ياها ذاته :d:d

[مايسة]

يامايسة والله لكن بتسألي اسئلة الايام دي
لما يوم اجيك بالشاشة بهناك (وش ممغوص)

ياخ نحنا عايزين نفرح بي حياتنا طوالي ولادة
وحمل وشنو ما عارف
انا طبعاً الايام المضت دي اتسألت السؤال دا كتير جداً
لما شفت البوست اسي قلت مايسة دي عايزة معاي شكلة ولا شنو

المهم اجابتي للسؤال دا
كلوا بي أمر الله - أو - إلى أن يشاء الله
بي طريقة تحسس الشخص بأنه سؤاله تعسفي

غايتو تاني ما خاشي بوستيك دا



العريس
انت طبعا مثال حي ومباشر للموضوع دا -
اهااا دا الكلام البجيب ليكم الهوا - فرح شنو يا عريس عايزين نفرج بيكم ياخي

آآآي كلو بأمر الله ونعم بالله - اها قلته لي
بقيتو تلاتة ولا لسي :p;)

[مايسة]

هههههههههههههههههههههههههههههههههههاي حلوه يا عاقب والله ضحكتني حكاية 11 دي عشان كده انا بقيت اقول مالي شوفي ده بقي 20 عشرين... البلوم ده ذاتو ظريف بناقش في حكاية ثلاثة المساكين نحنا بعد تتدخل الكيس وتبقوا ثلاثة تبقي شايل الكيس حياتك كلها تبقي اكياس كان غلبته حيلة من الاكياس اشيلوك اضان القفه سوري اقصد القفه عاقب اعمل حسابك ما ادردقوك بي الونسه دي وتوش تخش الكيس والله تاني احلك الحلا بله ابقي نجيض اطلع منها من 11 حسي بنسمع بيك بقيتو 15 الاربعة ديل بتاع البقالة والغاز والغسال والبشيل الزبالة ووووووووووو ....الخ والجماعه ضاربين النوم


اهاااا يا الدسيس - دا الكلام البجنن ذاتو - ياخي انت دخلته الكيس - اقصد جربته - ما تخلي الناس تكيس ياخي :p- غايتو جنس غايتو على قول مدنية - وما ينومو ياخي ما كفاية السهر - كمان النومة محسودين عليها :rolleyes::cool::p

[عباس الدسيس]

عاقب بوست مايسه ده لذيذ عشان كده جيتك راجع ... في واحد من صحبانا الاطباء هنا كل ما اجيني في البيت .... ياخي والله انتو عايشين عيشه حلوه خلاص تشهو الزول اعرس وانا ازوغ من الموضوع بحضور البطله ومعاها الاشبال اها زولنا اتزوج قالي انت عارف عشان الناس ما اجننوني بقيتوا ثلاثة من السنة الاولي بحير ليك خلق الله ربنا وفقوا جاب ليهو ولد عندوا بلكونه بخت الشيشه وبقعد جلسه ظريفه مشيت ليهوا زولك ما جاب الشيشه يا فلان وين الشيشه قال لي الشافع ده اصرخ فينا جاك جاك جاك نطيت فيها كسرتها والله من البكاء بتاعوا يوم كده بالليل الزول كان ما بخاف الله قلتا ارميهوا بي الشباك اها بعد فترة ماشين ليهوا زيارة قال لي المدام سافرت دبي لي اختا وهاك يا سفر كل ما نسال المدام في لندن المدام في قطر المدام في السودان قعدنا فترة قالوا المدام ولدت تاني جابت ليها بت قلنا مبروك بعد زمن جماعتنا قالوا لي ماشين ليهم زيارة قلت ليهم دي مناسبة والله الزول ده انا طولته منوا انمشي اتونس معاهو ... قالوا هي ما كلمناك قبل يومين بالتحديد يوم الخميس اتصل عليك في الجوال انت نايم ردينا عليهوا قال اقول ليك بعد ده احسن نسافر احنا .... وقال مسافر سوريا اكلموك.... انت بعد ده احسن نسافر احنا يعني شنو ... قلت ليهم لما اجي بسألوا ليكم

[تغريد]

يامايسة والله لكن بتسألي اسئلة الايام دي
لما يوم اجيك بالشاشة بهناك (وش ممغوص)

ياخ نحنا عايزين نفرح بي حياتنا طوالي ولادة
وحمل وشنو ما عارف
انا طبعاً الايام المضت دي اتسألت السؤال دا كتير جداً
لما شفت البوست اسي قلت مايسة دي عايزة معاي شكلة ولا شنو

المهم اجابتي للسؤال دا
كلوا بي أمر الله - أو - إلى أن يشاء الله
بي طريقة تحسس الشخص بأنه سؤاله تعسفي

غايتو تاني ما خاشي بوستيك دا


عصمت يا أخوي بدور اسالك سؤال واقف لي في حلقي ليهو زمن :o
















لسة ما بقيتوا تلاتة :p:p:p:p

[amino]

اهلنا في السودان - كثيرا ما يقومون باحراج العروسين وسؤالهم



اها ما بقيتو تلاتة لسي


- يعني صحبتي اتسألت السؤال دا وهي ليها نص شهر متزوجة


قالت لي انا قربته اخنق اختو - قلته ليها بقينا اربعة مش تلاتة


:eek::rolleyes:

علما -بانو الاسئلة التعسفية دي ما بتجي الا من اهل العريس (الراجل):cool::p


http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)






والله ضحكتونى ضحك فعلا الحكاية فيها شئ الخصوصية امام المراة
لكن للرجل عادى جدا والحكاية دى بنفس صيغة السؤال اصبحت عادة
عندنا كسودانين وبصيغ اخرى (اه فى حاجة)(ماقربتوا)(ما........)

[التيمان]

ههههههههه

عالم محرجه بى شكل غريب

الناس دى مالها هى

ولا عيزين يشجعو اللعبه الحلوه

[تيسير]

ما بعرف لكن يا ميسا السودانيين ديل غايتو عليهم جنس تحشر ............وصراحة دى حاجة ما بحبها خالص خالص جدا انا غايتو قررت اعرس هندى ............وش زول زى الطماطمة بتاعت الملاح:mad:

[الملكة اسماء ( ام محمد )]

وش زول زى الطماطمة بتاعت الملاح:mad:


:p:D:D:p
الحقوا يابنات
تيسير بتاخد دروس تقوية (تشبيهات ) من ورانا


الظاهر انتِ عاملة ( تحديث ) لوشوش عصمت :)

[telecom]

تسلمى يا مايسة على الموضوع الجميل ........... لكن على ما اعتقد انو السؤال دا من باب الهزار ليس الا او موضوع ونسة يعنى بيقولوا الاهل بطيبة ما بكون قصدهم حاجة فى زول داير يشيل ولا يربى معاك اهو سؤال وخلاص
اسمت العريس عندى ليك سؤال تعسفى.........................؟؟؟؟؟:p:p:p

[esmat]

تغريد وتيلكوم
علاقة معاكم (cut) ياخ
تيسير قلتي هندي
غايتو ربنا ريحك من الكسرة
لكن حضري نفسك للرز - والشطة الخضراء
مايسة انتي الاسئلة دي بتجيبيها من وين؟؟
ترفعي في كثافتنا كدا

[أبوحراز]

عندنا واحد قريبنا زهجان من العرس
عمره الآن 60 سنة ولحد الآن ما اتزوج
أها الفضوليين يعجبوك
وكل يوم يسألوه
ليه لحد الآن ما عرسسسسسسسسسسسسسسسسست ؟؟؟
اها بفوم يرد ليهم ويقول
والله
ن
س
ي
ت !!!!!!

[littlestar]

هههههه
والله ضحكتينى شديد ياميوس
وضحكتنى أكتر نسية صاحب أبو حراز

صحى ذكرتونى بمثل
(واحد شايل دقنو والتانى تعبان :eek:)

لو كل زول إتلهى بظروفو ومشاكلو
أكيد وكتها ما بتحصل التجاوزات دى

نقول شنو
الله يشفى بث





يا إسمت
سعال مجننى ياخ
وحااااااااااااااااااااارق رزى
ممكن أسألو
وش زول عامل فيها مكسوف
ياخى عاااااااادى مش نحن أخوان برضو
وبتهمنا مصلحتك؟؟؟



أها سعالى







































كيفنك عساك طيب يا أخوى :o:p:cool:؟؟؟

[مايسة]

عصمت يا أخوي بدور اسالك سؤال واقف لي في حلقي ليهو زمن :o

لسة ما بقيتوا تلاتة :p:p:p:p

ههههههههههه

غايتو جنس اسعله تعسفية - ما تخلي العريس في حالو يا بت .:D

http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)http://www.b66q.net/first/36_1_20.gif (http://www.brrq.net)






والله ضحكتونى ضحك فعلا الحكاية فيها شئ الخصوصية امام المراة
لكن للرجل عادى جدا والحكاية دى بنفس صيغة السؤال اصبحت عادة
عندنا كسودانين وبصيغ اخرى (اه فى حاجة)(ماقربتوا)(ما........)


وما اكثر العادات السيئة في السودان اخي امينو
التانية دي ما عرفتها - :p:rolleyes:

[مايسة]

ههههههههه

عالم محرجه بى شكل غريب

الناس دى مالها هى

ولا عيزين يشجعو اللعبه الحلوه


عاد نقول شنو في حب الاستطلاع

تعرف الواحد لما يلقي العروسين في وشو ما يكون عنهدو موضوع - فدا اسهل كلام يقولو بلقاهو في طرف لسانو - وبتخيل بقي زي السلام عليكم - دمتو يا تيمانا

[مايسة]

ما بعرف لكن يا ميسا السودانيين ديل غايتو عليهم جنس تحشر ............وصراحة دى حاجة ما بحبها خالص خالص جدا انا غايتو قررت اعرس هندى ............وش زول زى الطماطمة بتاعت الملاح:mad:


تيسير يختي - انتي قايلة ديل ما عندهم زي حقنا دا

وحياتك اكتر منو عندهم - لازم تجيبي الولد من البداية . ;)
وبعدين راح يقول ليكي (نهي تاكير نهي سعالكي)

قلتي لي طماطمة الملاح ماله:eek::rolleyes:


:p:D:D:p
الحقوا يابنات
تيسير بتاخد دروس تقوية (تشبيهات ) من ورانا


الظاهر انتِ عاملة ( تحديث ) لوشوش عصمت :)


مرة وش عصيدة بايتة - ومرة طماطمة - :D
البت دي احسن بقوها الضرة الاولي عشان عندها خبرة في المطبخ ولا شنو ؟؟;):p:rolleyes:

[مايسة]

تسلمى يا مايسة على الموضوع الجميل ........... لكن على ما اعتقد انو السؤال دا من باب الهزار ليس الا او موضوع ونسة يعنى بيقولوا الاهل بطيبة ما بكون قصدهم حاجة فى زول داير يشيل ولا يربى معاك اهو سؤال وخلاص
اسمت العريس عندى ليك سؤال تعسفى.........................؟؟؟؟؟:p:p:p


وتسلمي انتي كمان يا رب - منال - تعرفي هو فعلا زمان زي ما قلتي من باب الهزار والمزح - ولكن الا تتفقين معي بأن هذه خصوصية بحته بين الزوجين - ولكن عيبنا نحن السودانيين - لا توجد خصوصية في معظم حياتنا الزوجية - بمعني نتدخل في حياة الزوجين وكأنها حياتنا نحن - ابتداءا من هكذا سؤال - سلمت اختي

[مجاهد النور محمد]

الموضوع بالجد يحير ياناس دي ارزاق وكما قال تعالي ( يهب لمن يشاء اناثا ويهب لمن يشاء الذكور .................................. ويجعل من يشاء عقيما ) فالحكاية فيها نص وكفي .....##
سألو واحد ودي قصة واقعية
يازول مالك ماداير تعرس لهسع
فرد انتوقايليني فشلت ابقي عزابي الناس البعرسو ديل فشلو يبقو عزابة وانا مافشلت لهسع ولمن افشل بعرس وبعدين انتو قايلين العرس دة شنو , هو علي ثلاثة مراحل
المرحلة الاولي : يجوك رجال العيلة ويقولو ليك قول داير بت فلان ونحن الناقصة بنتمها ليك (وفعلا مابيقصرو واول ماتعقد يكبو الزوغة
المرحلة الثانية :يجوك نسوان الحلة الكبار وبعض الرجال اولاد دفعتك والسؤال البيجمعون (أهههههههههههههههههههههها مابقيتو تلاتة ) ( وربنا يرزقك بي دستة ) الحمد لله
المرحلة التالتة : دي المرحلة الفيصلية والمصيرية تجي من الشغل بعد المغرب وتغشي الدكان تشيل ليك كيس عيش وربع سكر وفول بتلتمية جنية اهههها هنا بيخشو العطالة القاعدين في الدكان والجملة البتجمعون كلون (محمووووووول يااااااااخ)