نقة رجال

[بت أم درمان]

من إيميلي




دائما ما بقولو نقة النسوان
والمرة نقناقة
والمرا شنو ما بعرف
حتى الاسكيتشات ما قصروا فيها
( نقناقة وتنقنقي ومافي حل غير تطلقي )




كعادته دائماً ومن مدة طويلة لم يأكل وجبة من يدها إلا وانتقد أكلها،
مرة طبيخك موية وثانية الملح كتير وثالثة ما فيه ملح ورابعة البصلة محروقة
وأخرى اللحمة قوية وأحياناً دا طبيخ وألا ............. ؟؟؟
وهكذا هذه الأسطوانة المشروخة ظلت تسمعها مع تناوله لكل وجبة
وهي لا تدري سبباً لذلك،
مع أن كل هذه الأصناف عملتها له،
وذات يوم خطرت لها فكرة
فاستأذنت جارتها فريدة في أن تضع طبيخها معها
وعندما يأتي زوجها تدعي عدم الطبخ
وتطلب منها أن تعطيها شوية طبيخ لغداء زوجها،
فوافقت جارتها فريدة على ذلك،
وعندما عاد زوجها من العمل انتهرها بحدة طالباً الغداء،
فادعت عدم الطبخ لمشغوليتها بالغسيل والكنس والنظافة،
ثم نادت وبصوت عالي مسموع إليه على جارتها فريدة
وبعد الاعتذار طلبت منها أن كانت طابخة أن تعطيها شوية طبيخ،
وبعد أن أرسلت لها جارتها المطلوب مع صغيرتها
قامت بوضعه أمام زوجها وما أن تناول لقمة حتى صرخ فيها قائلاً:
تعالي شوفي الأكل هنا كيف،
شوفي النسوان بيطبخو كيف،
مش زي الزبد في موية الدميري.


طبعا انا الجملة الاخيرة دي غلبتني ( الزبد في موية الدميري )
بس اعتقد انه بشنف
اسي راجل زي دا تعمل ليهو شنو
بعد الموقف دا
اتاريهو بفتش ليهو في سبب سااااي
لو انا
بشيل الاكل من قدامه
واوريهو ان دي حيلة
واتكشفت يا ابو الشباب
واخليهو ينق صاح





من اول قلت من إيميلي

[عاطف عولي]

من إيميلي




دائما ما بقولو نقة النسوان
والمرة نقناقة
والمرا شنو ما بعرف
حتى الاسكيتشات ما قصروا فيها
( نقناقة وتنقنقي ومافي حل غير تطلقي )




كعادته دائماً ومن مدة طويلة لم يأكل وجبة من يدها إلا وانتقد أكلها،
مرة طبيخك موية وثانية الملح كتير وثالثة ما فيه ملح ورابعة البصلة محروقة
وأخرى اللحمة قوية وأحياناً دا طبيخ وألا ............. ؟؟؟
وهكذا هذه الأسطوانة المشروخة ظلت تسمعها مع تناوله لكل وجبة
وهي لا تدري سبباً لذلك،
مع أن كل هذه الأصناف عملتها له،
وذات يوم خطرت لها فكرة
فاستأذنت جارتها فريدة في أن تضع طبيخها معها
وعندما يأتي زوجها تدعي عدم الطبخ
وتطلب منها أن تعطيها شوية طبيخ لغداء زوجها،
فوافقت جارتها فريدة على ذلك،
وعندما عاد زوجها من العمل انتهرها بحدة طالباً الغداء،
فادعت عدم الطبخ لمشغوليتها بالغسيل والكنس والنظافة،
ثم نادت وبصوت عالي مسموع إليه على جارتها فريدة
وبعد الاعتذار طلبت منها أن كانت طابخة أن تعطيها شوية طبيخ،
وبعد أن أرسلت لها جارتها المطلوب مع صغيرتها
قامت بوضعه أمام زوجها وما أن تناول لقمة حتى صرخ فيها قائلاً:
تعالي شوفي الأكل هنا كيف،
شوفي النسوان بيطبخو كيف،
مش زي الزبد في موية الدميري.



طبعا انا الجملة الاخيرة دي غلبتني ( الزبد في موية الدميري )


الزبد في موية الدميري يعني الرغوة التي تعلو سطح الماء كما الزبد في موسم التساب او الفيضان

بس اعتقد انه بشنف
اسي راجل زي دا تعمل ليهو شنو
بعد الموقف دا
اتاريهو بفتش ليهو في سبب سااااي
لو انا
بشيل الاكل من قدامه
واوريهو ان دي حيلة
واتكشفت يا ابو الشباب
واخليهو ينق صاح





من اول قلت من إيميلي




خلاص قبلتوا علينا كان الله في عوننا وعون المظلومات من اخواننا

[مايسة]

هههههههه

الفراشة - ياخي نقة الرجال قالو بقت صعبة شديد اصعب من نقة النسوان زاتو

هم بنقنقو بالمناسبة بس نقة من نوع تاني

المرة بتنق عادة في المصاريف
في جيتو متاخرة كل يوم
في عدم اهتمامو بيها
ووقتو كلو للكورة ولا اصحابو الشغالين فيهو شحن ساااااي
بتنق في عدم اهتمامو باطفالو
بتنق في سهرة هي كل يوم على العيال
بتنق في شربو للشيشة واهتمامو بقنينة الشيشة اكتر منها هي

لكن انت يا الراجل النقة ليك شنو يا اخوي

ما تحمد الله وتسكت ساي وتاكل :p;):cool:

[بت أم درمان]

خلاص قبلتوا علينا كان الله في عوننا وعون المظلومات من اخواننا


كان الله في عون الجميع يا ابو روان

دي ما اسمها قبلنا عليكم
دي اسمها حقائق واقعة وثابتة
تعترف ؟ ولا لا


شكرا على تفسير موية الدميري

[بت أم درمان]

هههههههه

الفراشة - ياخي نقة الرجال قالو بقت صعبة شديد اصعب من نقة النسوان زاتو

هم بنقنقو بالمناسبة بس نقة من نوع تاني

المرة بتنق عادة في المصاريف
في جيتو متاخرة كل يوم
في عدم اهتمامو بيها
ووقتو كلو للكورة ولا اصحابو الشغالين فيهو شحن ساااااي
بتنق في عدم اهتمامو باطفالو
بتنق في سهرة هي كل يوم على العيال
بتنق في شربو للشيشة واهتمامو بقنينة الشيشة اكتر منها هي

لكن انت يا الراجل النقة ليك شنو يا اخوي

ما تحمد الله وتسكت ساي وتاكل :p;):cool:


والله يا ميسو كل الكلام القلتيهو دا
حاصل في اغلب البيوت
بس نقة الرجال الما فاهمةاها دي
النقة الماليها تفسير
الزول يجي من برا صاري الوش
لمن يقرب يقع منه
ومن الصرة لمن ما يحس للأكل طعم
ويجي يتفش

ولا زي ما بقول المثل البكرهك في الظلام بتحدر ليك
غاااااااايتو

[أبونبيل]

نقة نسوان

رجال كايسين ليهم سبة

من مأثورات أمي التي كانت تلقيها على مسامعنا في ساعات السمر الليلي قبل النوم، قصة عن جارتين كانت تتباهى إحداهما على الأخرى بمحبة زوجها الشديدة لها، وأنه كان يغمرها حمدا وثناءا بالنهار ويمطرها حبا وعشقا في المساء، فتخبرها الجارة بأنه إنما ( يغني حرصا علي بطنه)، فلقد اشتهرت معشوقة زوجها باليد الطاعمة والأكل الذي تؤكل معه الأصابع .. راهنت الجارة على ردة فعل الزوج المحب إن امتنعت زوجته يوما عن صنع الطعام له، فوافقتها صاحبتنا على الخطة مع بعض التعديلات، فقد قامت مبكرة وطبخت أحب الوجبات إلى زوجها، ثم أخفت (الحلة) وأزالت آثار النار ومكان صنع الطعام، ثم تجملت وتزينت كأبهى ما تكون وقامت بالإكثار من وضع الكحل على عينيها ثم تمددت في شبه إتكائه جمعت بين الدلال والتظاهر بالاعياء عندما سمعت خطواته بعد عودته إلى المنزل ..
دخل عليها الزوج وحياها في ود، ثم طلب منها أن تسرع لإعداد الغداء (لأنو ميت من الجوع)، فأخبرته بشيء من الدلال بأنها كانت متوعكة ولم تستطيع أن تطبخ ..
هنا ثارت ثائرة الزوج وانتهرها:
عيانة كيف يعني؟ !! ما تراكي ممسحة ومكحلة .. مالية لي عيونك بالكحل ذي طاقات التكل!! (طاقات التكل للمابعرفوها هي شبابيك المطبخ وهي تمتلئ بالهباب الأسود نتيجة لاستخدام نار الحطب في الطبخ قديما)
قامت الزوجة المسكينة بعد أن زاد عليها اللوم والتقريع، فأخرجت (الحلّة) من مخبأها وجهزت الصينية وهي تقاوم إحساسها بالإحباط الشديد.
تناول الطعام في نهم وقد خالجه شئ من الحرج بسبب (الحتة الضيقة الحشر نفسو فيها) وبعد أن غسل يديه صبت له الشاي، فإتكأ على جنبه وبدأ في ارتشاف الشاي في تلذذ ثم قال لها متوددا:
عارفة بقرة عمك (عرمان) ولدت وجابت ليها عجل حليو وعيونو مكحلة متل عيونك الحلوات ديل !!
فنظرت إليه في غضب ولسان حالها يقول:لا بالله !!
تذكرت هذه القصة اللطيفة عندما وردتني على البريد قصة من صديق اللطائف (أسعد محمد ابراهيم) من قرية شرفت الحلاوين، تحكي عن فكرة قريبة من حجوتنا وان اختلفت التفاصيل والشخوص .. يقول (أسعد) في قصته:
- استلقى (محمد نور) بعد عودته من (الزراعة) منهكاً في انتظار الفطور الذي تعده له زوجته (ست البنات)، وفي قرارة نفسه كان يرغب في أن يكيل لها اللوم بسبب عدم براعتها في على الطبخ، فعلى الرغم من مهارتها في المطبخ إلا أنه تعود على أن يكثر من الكلام (والتنظير) في الأكل .
وذات مرّة قال لها بعد أن وضعت صينية الغداء أمامهم - مع العلم بأنها لا تنقص شيئا - إلا أنها عادة (التنظير) فقد قال لها:
دا شنو يا وليه ؟.. هسي دا أكل دا ؟ علي اليمين خالد جارنا دا يوم مشيت وديت معاه أمو للدكتور حلف علي إلا آكل معاهم الفطور.. النخيل مرتو جابت لينا ملاح طاعم وسمح سماحة شديدة ..
طنطنت (ست البنات) بكلام غير مفهوم، وذهبت إلى المطبخ بعد أن عكّر كلام (محمد نور) عليها الجو وخرّب عليها المزاج .. فأقسمت على أن تجبره على الاعتراف بأنها (طباخة بريمو).
في اليوم الثاني وبعد طلوع (محمد نور) للزراعة، طبخت (ست البنات) ملاح (نعيمية) لذيذ وطاعم، ثم رفعت الملاح فوق الحائط إلي جارتها (النخيل)، واتفقت معها على خطة وهي أن تنادي (ست البنات) على جارتها وتقول لها:
عليك الله أدينا من ملاحك عشان الليلة ما عاملين فطور
فتناولها (النخيل) من ملاح النعيمية ذاتو.
جاء (محمد نور) من الزراعة وكالعادة استلقى في انتظار الفطور لكن (ست البنات) اعتذرت وقالت له:
بس والله الليلة ما عملت ملاح اصلي تعبت شوية .. عشان كدا بجيب ليك ملاح من جيرانا ناس (النخيل)
فقال لها بغضب:
سمح جيبي لينا منهم .. أصلو انتي ما بتعرفي ولا حاجة .. شوفي وأكلي معاي ملاح النخيل دا واتعلمي الطبيخ للزمن!!!.
نادت (ست البنات) على جارتها (النخيل) بي فوق الحيطة:
أديني منك ملاح للراجل دا .. اصلو الليلة ما عملت ملاح كنت تعبانة.
فقالت (النخيل) حسب الاتفاق: علي حظك الليلة عاملين ملاح (نعيمية)!!.
جلس (محمد نور) يأكل حتى (خرت) الصحن، ثم قام بلحس أصابعه، فسألته (ست البنات): ملاح سمح .. مش ؟
فقال لها : أي عندك كلام .. شفتي الطبيخ كيف ؟ اصلك انتي لا بتتعلمي ولا حاجة!!
فقالت: والله الملاح دا حقي .. أنا عملتو براي قبيل ورفعتو بي فوق الحيطة، عشان أشوفك انت بس، داير النقة معاي ولا أنا صحي ما بعرف !!
قال (محمد نور) بسرعة: عشان كدا !! أنا من قبيل أقول الملاح دا فيهو طعم ماآآآ أياهو) !!


منى سلمان

[صلاح ودالطاهر]

تعرف يا بت ام در في حالتين منو الضائع :confused::confused::confused:

[esmat]

نقة نسوان
اقصد رجال
زمان يا بت ام در ابو كان بقول لي
ونحنا قاعدين حول الصينية كدا امشي
قول لي امك ادينا زيادة من الملاح السمح دا
مع التأكيد - اسمع قوليها الملاح السمح دا
اها يا بت ام در ومايسة قالوا المرة لما اشكروها بتبدع صحي الكلام دا

------------
شكراً استاذ/ نبيل لإيراد هذا النص

[بت أم درمان]

نقة نسوان

رجال كايسين ليهم سبة







بس هو دا والله
رجال كايسين ليهم سبة
واذا عرف السبب ...

تسلم كتير ابو نبيل على الاضافة الجميلة

[بت أم درمان]

تعرف يا بت ام در في حالتين منو الضائع :confused::confused::confused:


منو الضائع يا عمدة
لاني جد ما عارفة :confused::(

[بت أم درمان]

نقة نسوان
اقصد رجال
زمان يا بت ام در ابو كان بقول لي
ونحنا قاعدين حول الصينية كدا امشي
قول لي امك ادينا زيادة من الملاح السمح دا
مع التأكيد - اسمع قوليها الملاح السمح دا
اها يا بت ام در ومايسة قالوا المرة لما اشكروها بتبدع صحي الكلام دا

------------
شكراً استاذ/ نبيل لإيراد هذا النص


طبعا اي زول في الدنيا بيحتاج لي دفعات معنوية
والبشكروهو دائما بيحاول يبدع اكثر
مش بس في الاكل
في اي منحى في الحياة
والرجل الذكي بيعرف كيف يتعامل في الحالات دي
احييك على ذكاء والدك
مع ان ملاح والدتك ما اعتقد كان كعب
والا والدك ما كان قال كده
:rolleyes::)

[بت أم درمان]

على فكرة بقولو ان الطبيخ نفس ( بس ما عارفة ليه بقولو نفس بالتحديد )
يعني ما شطارة ومقادير ومكاييل
في نسوان بكون اكلهم طاعم جدا
وله نكهة تفتح النفس
وفي نسوان جد اكلهم ما ليهو
لا طعم
لا ريحة
لا نكهة
في الحالة دي الراجل حا ينقنق بس ؟؟؟
الله يكون في عونه من اكل المطاعم


وفي حاجة تانية
شكل الأكل والمنظر العام للصينية
او الطربيزة البتخت فيها الاكل
يعني لازم نمشي لي المطعم
عشان نشوف التنسيق والترتيب
العين بتاكل قبل الفم جماعة


وفي شي اخير ...
في رجال كثير بنزلو من معنويات زوجاتهم
خصوصا لمن يقولوا
اكل امي اسمح من اكل زوجتي
اكل امي لا يعلو عليه

عادة الرجال بقولو الكلام دا لنسوانهم
او اذا ما للمرا
بقولو قدامها خلال نقاش عام في جلسة

وزي ما قلت اول
الرجل الذكي بيعرف كيف يتعامل في الحالات دي

[أبونبيل]

نقة النســــــــــــــــــــــــــــــــــــــــــــــ ــــــــوان


-

عباس الشريف

اتحاشي دائما اصطحاب حرمنا المصون للتسوق وذلك حتي لاتكون الخسائر فادحه اذ تكون عملية التسوق علي ما تراه عينها وليس علي ما تحتاجه ورغم عن امتعاضها ولوية بوزها عندما اطرح عليها كتابة المستلزمات علي ورقه الا انني اقدم لها فاصل من اساليبي في الاقناع الملتويه... يا حبيبتي انا ما عايزك تتعبي في اللف في الاسواق اي حاجه عايزها تجيك اميره في البيت خليني انا بشتري ليك بعد اجي من التسوق بطلعكم نتعشا بره... ضرر اخف من ضرر وبنفس التعامل الذي اتعمد انا به عدم ذهابها فهي تتعمد ان تقوم بالكتابه علي الورقه بخط غير واضح كما تقوم ببعثرة الاحتياجات فهي لا تكتبها متجاوره قصدا منها لكي اتعب في البحث كما احيانا تكتب طلبات يصعب توفرها في الاسواق وعند الاتصال بها بالجوال للاستفسار لاترد وانا اكون في حيره من امري مع دوشة الشراء عند الرجوع للمنزل أسالها.... ليه ما بتردي علي الجوال ... هي والله مشغوله مع الاولاد الجوال في الشاحن خلينا من ده جبتا شنو.. بعد ان اقوم بوضع الاكياس وانا اتصبب عرقا شوفي يا ست ... ابدأ في الشرح .. اسمع وينا الورقه الكتبتها انا ليك .. اقوم بالبحث داخل الجيوب وبعد عناء من كمية الاوراق التي بحوزتي اجد الورقه.. هاك يا استاذه .. وتبدأ رحلت الاسئله والاستهزاء والتهكم دون مراعة لوجود الولد والبنت بالرغم من اخطارها عدة مرات في حالة المناقشات الجانبيه يرجي الابتعاد عن الاطفال او الانزواء باحد اركان المنزل مراعاة لشعور الابناء
(( بعدين شعوري انا قدام الاولاد لانو طوالي نهاية النقاش بكون انا الغلطان))..

المربا الجبتها دي المحلية... المحليه بي كم

انا: دي ما المحليه دي المستورده

هي: انت ما بتعرف تقرأ كدي شوف هنا مكتوب شنو

انا: ياخي والله بتاع الكاشير ده غبي قال لي المحليه احسن من المستورده

هي: انا كتبت ليك شنو عشان عارفه لخبطتك دي بقول ليك امشي معاك تلقي حاسبوك بي المستورده ما طواااااااااالي انت بغشوك خلي المربا اللونوا الاسود ده شنو ..

انا: زيتون... اها ده انتي كتبتي لونوا أسود لا اخضر معلنا الانتصار..

هي: والله انت حكاية غريبه لوما لابس النضاره نقول شنو كمان بالنضاره ما قادر تقرأ الجاب زيت وثوم لي الزيتون شنو بعد ده النضارات دي غيرا

انا: طيب ما كان تكتبي الزيت في فقره براها والثوم في فقره براها ليه كاتباهم سواء والاحرف متداخله

هي: احنا في مدرسه ولا دي ورقة امتحانات حسي دي ما خساره الزيتون عندنا ما لاقي البياكلوا تجيبوا لينا تاني..

ويستمر النقاش والتهكم والتصيد للاخطاء والتنرفز.

احيانا اري في عيون الولد نظرت حنيه وعطف ممزوجه بالشفقه كما احيانا يتدخل في النقاش..

. خلاس يا ماما الكلام الكثير شنو انتي طوالي زعلانه .

. كنت اعتقد ان الابن الحبيب يود انهاء النقاش لمعرفت نصيبه من المشتريات هل هنالك حلويات وايسكريم تم الطلب من قبل الوالده كما اقوم احيانا باحضار اشياء اضافيه للولد والبنت لزوم اضفاء سعاده زائده لهم وصادف ان احضرت للبنت عروسه صغيره تناولتها من وسط الاشياء بلهفه وسعاده ولسؤ اللحظ لم احضر للابن هديه خاصه مما ادي الي انحياز الابن لوالدته وتلافيا مني لعدم استفحال التهجم من قبل الاثنين معا بدأت في مداعبةالابن لكي يتناسي الهديه.

اسمع يا ولدي والله ماشاء الله عليك بقيت كبير تاني انت بس اجيب ليك سيديهات بلي استيشن انت لعبات بتاعت اولاد صغار ما بتنفع معاك بعدين العروسه الاشتريتا دي لاختك رخيصه انت بعد ده بقيت كبير بعد تكبر شويه تاني انا اخطب ليك واحده حلوه تعرسا خليك من عروس الدلاقين دي........

الولد يا بابا انا ما عايزك لما اكبر تخطب لي واحده اعرسا اصلوا انا شفته زوقك في ماما او كلاما الكثير.......


.

[الاميره]

منو الضائع يا عمدة
لاني جد ما عارفة :confused::(

العزيزه بت ام در
موضوع جميل
بس تعرفى الرجال عايزين يفرضو سيطره من كل نوع وفى كل شى ...
الواحد تحسي بيه برقم ما هو عامل فيها زهجان كأنه قاصد ..ومبسوط
وماتتحيرى ..لأنو من قديم الازل حالة اصبحت متوارثه ..الرجل متملك ومتسيطر..والمرأة مقهورة ومهضوم حقها..
وانا فى رأى مهما اتناقشت الحته دى (الرجل المتملك والمرأة المقهورة )ما بتغير شى ..
والحال هو الحال ..بس نغير من فهمنا للسيكلوجيه ونقننها..مع الحياة الواقعية..واهم شى الحقوق والواجبات بين الطرفين تكون مستوفاة كما امرنا ديننا ورسولناالكريم..

وبكده بمشى الحال..
ودمتى بخير أختى...

[هبوية]

التحية والتحيات الأخت بت أم درمان
الحقيقة التحدث عن الرجل عايز ليه قعدة طويلة لكن ما علينا الرجل أصبح الأيام دي غير مسؤول تماماً ويميل الي الزواج من النساء العاملات لأنو طبعاً الفهم مامبدأ المشاركة لا الفهم البقول هم علي لسانم أنو أحسن ليهم عشان يتكل عليها في حاجات كتيرة وبالتالي شوية لمن يبقي البصرف أكثر المرأة . الفهم التاني السائد أسكنك مع أهلي وتبدأ المشاكل ودايما المرأة هي الغلطانة .الفهم الثالث السيطرة الغير مبررة ومامعروفة لشنو مامعروف ماتعملي كدا وما تمشي لي بين أهلك وما تصاحبي كتير وما تمرقي كتير وجنك شرايرة هدوم وجنك......... وجنك .........وجنك ........المشكلة شنو المشكلة عايز ليهو موضوع أتكلم في والسلام.