الباشمهندس / خالد ابوقرجه عائداً الي مقر عمله

[صلاح ودالطاهر]

يعود اليوم من ارض الوطن الحبيب ومن ست المدائن الي الغربه والعود الي الدومات بعد اجازة قصيره قضاءها بين الاهل والاحباب الاخ خالد ابوقرجه اخي تصحبك السلامه اينما وجدت في سفرك وترحالك اها منتظرين الشمارات خاصه خرباش مع ولي العهد الجديد حبابك الف وعوداًحميداً

[محمد حسين (المميز)]

حمداللـه عالسـلامه اخونا خالـد

وفعـلا المنتـدى منتظرك بالحكاوي والشمارات

[عوض صقير]

عوداً حميداً

يا باش


نتمنى أن يكون كل الأهل والأقارب والأحباب بخير وعلى أحسن حال



وفى إنتظارك وأنتظار الكلم الطيب المنظوم ....

[مايسة]

الف تحايا وسلامات للرائع خالد ابو قرجة

وتصل بالسلامة ان شاء الله

مشكور استاذ- ود الطاهر

[ابو الجيلى]

عودا حميدا

وفى انتظار الابداعات

[خالد 000 ابقرجة]

يعود اليوم من ارض الوطن الحبيب ومن ست المدائن الي الغربه والعود الي الدومات بعد اجازة قصيره قضاءها بين الاهل والاحباب الاخ خالد ابوقرجه اخي تصحبك السلامه اينما وجدت في سفرك وترحالك اها منتظرين الشمارات خاصه خرباش مع ولي العهد الجديد حبابك الف وعوداًحميداً
عمدة النفاج 000 الزول السمح 000 كيفنك وكيف نفاجك 000 وناس منتدانا الحلوين 00يعلم الله الشوق مطر القضارف الفارق سماها 000 وخضرة الجزيرة الإتباعت في ضحاها 000 وشمارات الخرباش العطرت منتداها 000 كدي كلمني 000 الشكل الجديد ده بكتبو فيهو مع الإقتباس كيفن عملتا معاينة سبعة مرات عشان أشوف كتبتا شنة وغلطتا في شنو 000 باقي أساتذة العربي القداااام الزيك ديل بسطونتم تحت الكرسي طوالي 000 بس عاوز أقول مشتاق ليكم كوووووووووولم لكن شكلي عاوز لي دورة تدريبية في الستايل الجديد 000 أها يا اللخو أول شمار أنو الإجازة كانت سلاح ذو حدين 000 رجعة وهجعة للأهل بعد طول اغتراب بس غربة من أحلي صحبة وغياب عن أحلي ناس 000 أها لمن رجعتا 000 بقت غربة وشوق للأهل بس عودا حميدا للناس الوطن 000 مشتاقيييييييييييييييييييييييييييييين 000 وبجيكم لمن أقدر أكتب مشاركة بتنسيق كامل وبركااااااتك يا ود الرشيد

[محمد الواثق]

اهلا وسهلا بك
بالسلامة تصل
سعادة الباشمهندس

[الزونية]

أخي أبو قرجة..
ياروعة بالوان الطيف..
ياوريف..
نورت المنتدى....
أكتب ساي كلنا بنكتب ساي.لما نشوف آخرتا..

[خالد علونى]

حبيبي ابو قرجة
الف حمد لله علي السلامة
وان شاء الله منور في المنتدي

[مدناوية]

ربنا يكتب السلامة يا باش مهندس ..

[محمد عبد الله عبدالقادر]

العزيز ابو قرجه
الف مليون حمد الله على السلامة
ونورت المنتدى والمنتديات
خليك على اتصال

[امال مالك]

اخى ابو قرجه
السلام عليكم
الف حمد لله على سلامة الوصول
منتظرين الجديد
لك التحيه والتقدير

[عبدالله محمد العقاد]

حمدلله على السلامة يا باشمهندس

لكن ما طولت شوية في الاجازة

[بدر الدين احمد الطائف]

الحبيب ابو قرجه
عاد الحبيب المنتظر.....عاد عاد عاد
بركه الوصلته بالسلامه
ان شاءالله الاجازه ممتعه.