مدنّية غائبة

[admin]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب

[صلاح ودالطاهر]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب

فيك الخير من زمان بنتصل الجوال مغلق للصيانه وبنسأل معك سبب الغياب والمانع خير انشاء الله والبوست ده المناسبات والمقترحات بيشيلو

[محمد حسين (المميز)]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب



أبــونا الآدمــن

انت زاااااااااااااتــك حمـداللـه على سلامة شوفتـك

بعدين سمعنا تحت تحت انـه مدنيـّــه اليوميـن دي

راكبـه عربيـه جديده:cool:

فقامت ظللت القزاز ورفعتــه للجميـــــــع



***يكون عندها جرد للاعضـاء لزوم الميزانيـه

[الفخيييم]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب

آدمن ياآدمن تحياتي،،،،،،،
مبروك الاستايل الجديد والمشرفين الجدد..
اتمني ان تكون دورة مثمرة تصب في مصلحة
ست المدائن ومواطنها الصابر..الشكر اجزله
للمجهودات التي بذلت من اجل الرقي بمنتديات
ودمدني وفقكم الله وسدد خطاكم لما فيه الخير..
اما بخصوص اختنا مدنية فهي جديرة بأن يسأل عنها
الجميع لانها ما بتقصر علي حد تعبيرك..ان شاء الله
تكون بخير وتعود الينا كما عهدناها..

بيني وبينك لو عشان المريخ تاني ما ح تظهر..
اتمني ما يكون ده السبب لانو المريخ ح يعاني
مواسم ومواسم ..افضل شي تنسي موضوع
رهن عودتها بنتائج المريخ ..

[عبدالله محمد العقاد]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب

والله يا أدمن انا جاي من الصباح و مجهز عنوان البوست ( مدنية العيد الجاب ناس لينا ما جابك ) لكن سبقتني بخطوة يبدو فرق الزمن

[نزار حسن محمد]

بس امسكوا قوى فى كلام المميز
هى جنس عربيه
عربيه تسوى حى وا لليل
وهى مكنكش فى الدركسون
ذى اكرام الهادى

[أبو جودي]

غايتو أنا سمعت يا أدمن أنه أختنا مدنية زعلانه شويه عشان ما مسكتوها الإشراف على العام
أصلو شعبيته نزلت شوية وعاوزة تعوضه بالإشراف على العام
وكمان الهلالاب طلعوا في الكفر وإمكن ده السبب
أختنا الغالية مدنية فاقدنك كتير وفي انتظار طلتك وما تطولي الغياب
لكي منا كل الود والاحترام

[عوض صقير]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب

مدنية حلقة الوصل بين أعضاء هذا المنتدى .. مواصلة ومتواصلة مع الجميع ... ومكانها شاغر .... وغيابها مؤثر على المنتدى ... أنا شخصياً حاولت كثير جداً الأتصال عليها إلا أن جوالها مغلق .. نسأل الله أن تكون أمورها كلها بخير .. نتمنى عودتها ليعود للمنتدى بريقه وألقه .. مع شكرنا الجزيل لك أخى بكرى ..

[أبو أسامة]

الغالية أم جمال ...
لك التحية والود إن شاء الله المانع خير ....
نفتقد مرورك الدافيء وفرحك البلسم

[الفخيييم]

الغالية أم جمال ...
لك التحية والود إن شاء الله المانع خير ....
نفتقد مرورك الدافيء وفرحك البلسم


ابو اسامة كيف حالك..
ياخ انت جبت ليها سيرة الدافئ
شكلها ما ح تظهر تاني..

[أبو أسامة]

ابو اسامة كيف حالك..
ياخ انت جبت ليها سيرة الدافئ
شكلها ما ح تظهر تاني..
وعليكم السلام .. ياحبيب ...
ياخي أن لعبته الباص .. وماقيل في زول حيجيب القون دا .. لقيتك حريف وصاحي ..
ربنا يسعد ايامك .....

[esmat]

الاخت مدون أتمنى أن تكوني بخير وصحة جيدة وجميع الاهل ان شاء الله


ياربي اكون شاغلها موضوع اعارة وارغو ولا شنو

[عثمان جلالة]

سألين عنك يوماتى رحيل ........ لموانى المدن النفطية
شقيش ما تقبل يا ابو الحيل ................فى قلوبنا مواجعك متكية

سألين عنك يوماتى رحيل ........ لموانى المدن النفطية
شقيش ما تقبل يا بو الحيل ................فى قلوبنا مواجعك متكية

سألين عنك يوماتى رحيل ........ لموانى المدن النفطية
شقيش ما تقبل يا بو الحيل ................فى قلوبنا مواجعك متكية

(عفوا .. الهاتف المطلوب لا يمكن الإتصال به الآن ... نرجو معاودة الإتصال في وقت لاحق) !!!!!!

[أبوعمرو]

في الليلة الظلماء يفتقد البدر
... أين أنتي يابت يانحله؟

[المكاشفى]

والله فيكم الخير يالادمن؟؟
وبتسألو من الغاليه ام جمال والله فيكم الخير
هى اي كانت هنا لكن اسى مابتقدر
وهاتف شنو يا اخوانا البتضربوا فيهو الـ150 ده
ياحليلكم خط رجال اعمال 09123 دبل زيروا
وعربيه بحكى ليكم نزار حسن هيع
البت رطبت وجدول اعمالها ملان شديد
الايميل بتفتحوا اول كل شهر بس وبترد على
المستعجل بس وفى مفاوضات ان اكون مدير اعمالها
ولو ده حصل انشاء الله انا ما اغيب تانى من منتديات ودمدنى
بس ما لسان حالها والناطق الرسمى
وبره بره بتطمن الجماهير الحمراء وارقو قاعد والدافى ممطر
واحى يالادمن تسألوا من ناس بس انا مالى ما مؤثر
احي يالبلى

[zoolfrda]

وينك يا مدنية

كلنا في انتظارك

[abomazeen]

مدنية وكل الغائبيين ... لهم شوق

ومنتظرين عودتهم السريعة بإذن الله

[عوض صقير]

ابو اسامة كيف حالك..
ياخ انت جبت ليها سيرة الدافئ
شكلها ما ح تظهر تاني..

المريخ يسدد ضربة قاضية للهلال ويستقبل الدافي

[esmat]

المريخ يسدد ضربة قاضية للهلال ويستقبل الدافي

الهلال يجبر المريخ بإعادة قيد الدافي بالرغم من عدم حوجة المريخ له

[روبش]

الهلال يجبر المريخ بإعادة قيد الدافي بالرغم من عدم حوجة المريخ له

والدافئ يعار إلى إحدى الفرق الليبية
تخريمه : عسع الكلام ده دخلوا شنو بغياب عمتنا

[روبش]

بس امسكوا قوى فى كلام المميز
هى جنس عربيه
عربيه تسوى حى وا لليل
وهى مكنكش فى الدركسون
ذى اكرام الهادى

يا نزار تكون اشترتها من سمسرة التسجيلات

[عمرسنهوري]

مدنيه الاكثر حيويه

امس كنا بنقطع فيها انا و تغريد

يا ريت تكون طيبه

[رضا حسن محمد]

طول مفارق حيو

[esmat]

والدافئ يعار إلى إحدى الفرق الليبية
تخريمه : عسع الكلام ده دخلوا شنو بغياب عمتنا

انت يا روبش ما شفت الحبيب عوض صقير وتوجيهات الضربات القاضية
قلنا نجيب الحقائق - اسي المريخ دا ما ضيع قروشوا في الفاضي بعدين اعاروا
عشان الهلال اكون بعيد

رد التخريمة: هلال - مريخ - مدنية

[ابوالنور]

ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½

[مدنيّة]

معليش يااخوانا
لكن بجي راجعة بعدين المساء باذن الله عشان اوفي كل من تداخل هنا حقه

مع انه يعجز "كيبورتيني" ان اوفيكم حقكم

[عوض صقير]

معليش يااخوانا
لكن بجي راجعة بعدين المساء باذن الله عشان اوفي كل من تداخل هنا حقه

مع انه يعجز "كيبورتيني" ان اوفيكم حقكم

ربنا يديك خيرها ويكفيك شرها

[ابوالنور]

ربنا يديك خيرها ويكفيك شرها
قلت لي البوست ده ما مكانو ولا شنو ؟

[عوض صقير]

ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½

اللغة ماعندك يا أبو النور .. الظاهر أمس حظك فى الدار ما ياهو !

[عوض صقير]

قلت لي البوست ده ما مكانو ولا شنو ؟

غايتو لقيتك ما بتخلى حقك كلو كلو !

[ابوالنور]

غايتو لقيتك ما بتخلى حقك كلو كلو !

يا ود صقير يا راقي كفينيك عنك طيب
انا كنت قايل امكن في خيارات ولا كده
الدار ناقصاك وحاة ربنا

[مدنيّة]

معقولة ياجماعة مدنّية تكون غائبة عنكم الزمن دا كلو وزول يفقدها مافي؟؟
الزولة دي اي عضو في المنتدي دا بتفقدوا وتتفقدوا .. وابدا ما بتقصر سوى عن طريق البوستات ولا الرسائل الخاصة ولا التلفونات ..
اتحركوا ياناس مدني ورونا الحاصل شنو ..

ان شاءالله سبب الغياب يكون المريخ مغلوب


يديك العافية ياادمن والله ماقصرت
واكيد الناس بتسال لكن يمكن ماوجدت الوسيلة لانه تلفوني فيه مشكلة ومع تقفيل الميزانية نهاية السنة مافضيت عشان اراجعه


همسة : هسي يعني ياادمن مالك ومال المريخ هازمه لينا ؟؟؟؟

[مدنيّة]

فيك الخير من زمان بنتصل الجوال مغلق للصيانه وبنسأل معك سبب الغياب والمانع خير انشاء الله والبوست ده المناسبات والمقترحات بيشيلو

بمناسبة الصيانة دي ياود الطاهر
ماتعملوا شيرنق وترسلوا واحد جديد :cool:


كتر خيرك ياصلاح طول عمرك اصيل ومابتقصر ابدا

[مدنيّة]

أبــونا الآدمــن

انت زاااااااااااااتــك حمـداللـه على سلامة شوفتـك

بعدين سمعنا تحت تحت انـه مدنيـّــه اليوميـن دي

راكبـه عربيـه جديده:cool:

فقامت ظللت القزاز ورفعتــه للجميـــــــع



***يكون عندها جرد للاعضـاء لزوم الميزانيـه

بقيت من مروجي الاشاعات يا المميز ولا شنو الفهم

ياخ ما تسمع الكلام دا
العربية زاتها القزاز الفيها ما قزازا يقولوا عليه ياخ عشان يظللوه



شكرا ليك كتير علي سؤالك ما بتقصر

[رمــوز]

حمد الله علي السلامة

ماعدمناك ابدا

[مدنيّة]

آدمن ياآدمن تحياتي،،،،،،،
مبروك الاستايل الجديد والمشرفين الجدد..
اتمني ان تكون دورة مثمرة تصب في مصلحة
ست المدائن ومواطنها الصابر..الشكر اجزله
للمجهودات التي بذلت من اجل الرقي بمنتديات
ودمدني وفقكم الله وسدد خطاكم لما فيه الخير..
اما بخصوص اختنا مدنية فهي جديرة بأن يسأل عنها
الجميع لانها ما بتقصر علي حد تعبيرك..ان شاء الله
تكون بخير وتعود الينا كما عهدناها..

بيني وبينك لو عشان المريخ تاني ما ح تظهر..
اتمني ما يكون ده السبب لانو المريخ ح يعاني
مواسم ومواسم ..افضل شي تنسي موضوع
رهن عودتها بنتائج المريخ ..

اللهم امين
ربنا يتقبل دعواتك الجميلة دي يافخيم


وشكرا ليك علي سؤالك والله ماقصرت

وموضوع المريخ دا يااخوانا انسونا منه
هسي المميز وعولي وود الجاك ينقلوا البوست دا الرياضي

[مدنيّة]

والله يا أدمن انا جاي من الصباح و مجهز عنوان البوست ( مدنية العيد الجاب ناس لينا ما جابك ) لكن سبقتني بخطوة يبدو فرق الزمن

يديك العافية ياعقاد مابتقصر
انا علي ثقة انه كل اعضاء بيتنا الكبير عايزين يسالوا مني "الماعايز يرفع ايده :cool:"

وشكرا ليكم كلكم والله

[abomazeen]

يا سلام يا جماعة ... مدنية شخصياً


كده المنتدى بقت ليهو نكهة مدنية !!



والله والله أنا سعيد برؤيتك هنا مرة ثانية

[مدنيّة]

بس امسكوا قوى فى كلام المميز
هى جنس عربيه
عربيه تسوى حى وا لليل
وهى مكنكش فى الدركسون
ذى اكرام الهادى

يعني هسي مالقيت زول تشبهني بيه غير اكرم

ثمح اصبر تاني كان اجيكم في عرس

[مدنيّة]

غايتو أنا سمعت يا أدمن أنه أختنا مدنية زعلانه شويه عشان ما مسكتوها الإشراف على العام
أصلو شعبيته نزلت شوية وعاوزة تعوضه بالإشراف على العام
وكمان الهلالاب طلعوا في الكفر وإمكن ده السبب
أختنا الغالية مدنية فاقدنك كتير وفي انتظار طلتك وما تطولي الغياب
لكي منا كل الود والاحترام


هسي النبي فيك ياابوجودي
في مشرف عام بعوض شعبيته ؟؟
والله يادابه الفقدها ههههههههههههههههه

شكرا ليك كتير علي السؤال

[عمك تنقو]

مدنية يابت الأصول .. كفاك الله كل شر .. المنتدي يفتقدك واهل الديرة يسألون .

[ودالعمدة]

شكرا لكى أخى الادمن
ما أطيبك وأنت كالوالى الحانى يتفقد رعيته
وحمدا لله على سلامة العودة لأختنا مدنية بعد ( فك التسجيلات )

نص كلتشى : يعنى رجعتى مع العجب وهيثم طمبل !!

[مدنيّة]

مدنية حلقة الوصل بين أعضاء هذا المنتدى .. مواصلة ومتواصلة مع الجميع ... ومكانها شاغر .... وغيابها مؤثر على المنتدى ... أنا شخصياً حاولت كثير جداً الأتصال عليها إلا أن جوالها مغلق .. نسأل الله أن تكون أمورها كلها بخير .. نتمنى عودتها ليعود للمنتدى بريقه وألقه .. مع شكرنا الجزيل لك أخى بكرى ..

اولا انا اسفة جدا علي انك كنت بتتصل علي وجوالي مغلق
لانه شريحتي فيها مشكلة
وليك ولكل من حاول الاتصال بي العتبي حتي يرضي


وياريت اكون قدر كلامك دا يااستاذ عوض

مشكور جدا والله

[مدنيّة]

الغالية أم جمال ...
لك التحية والود إن شاء الله المانع خير ....
نفتقد مرورك الدافيء وفرحك البلسم


اهلييين ابواسامة
الغياب كان دعكة شديييييييييييييدة في الشغل نهاية وبداية سنة وكدا
والحمد لله خفت كتير
مشكور جدا علي السؤال والتفقد

[مدنيّة]

الاخت مدون أتمنى أن تكوني بخير وصحة جيدة وجميع الاهل ان شاء الله


ياربي اكون شاغلها موضوع اعارة وارغو ولا شنو

الله يخليك ياعصمت

كدي وارغو خليه
امشي شوف محمد عبدالله عبدالقادر منزل ليك بوست في المناسبات اسمه شنوووو "غايتو اسم هواء ادييييييييييييييل كدا"

[مدنيّة]

سألين عنك يوماتى رحيل ........ لموانى المدن النفطية
شقيش ما تقبل يا ابو الحيل ................فى قلوبنا مواجعك متكية

سألين عنك يوماتى رحيل ........ لموانى المدن النفطية
شقيش ما تقبل يا بو الحيل ................فى قلوبنا مواجعك متكية

سألين عنك يوماتى رحيل ........ لموانى المدن النفطية
شقيش ما تقبل يا بو الحيل ................فى قلوبنا مواجعك متكية

(عفوا .. الهاتف المطلوب لا يمكن الإتصال به الآن ... نرجو معاودة الإتصال في وقت لاحق) !!!!!!

اسفة جدا ياابوها
لكن الشريحة فيها مشكلة ولهسي ماقدرت افضي ليها عشان احل مشكلتها

لك العتبي حتي ترضي
وشكرا ليك كتيييييييييييييييير

[مدنيّة]

في الليلة الظلماء يفتقد البدر
... أين أنتي يابت يانحله؟


ابو عمرو
يديك العافية وشكرا كتير علي السؤال
شوية مشغوليات نهاية وبداية سنة
والحمد لله اهو الان معاكم

[مدنيّة]

والله فيكم الخير يالادمن؟؟
وبتسألو من الغاليه ام جمال والله فيكم الخير
هى اي كانت هنا لكن اسى مابتقدر
وهاتف شنو يا اخوانا البتضربوا فيهو الـ150 ده
ياحليلكم خط رجال اعمال 09123 دبل زيروا
وعربيه بحكى ليكم نزار حسن هيع
البت رطبت وجدول اعمالها ملان شديد
الايميل بتفتحوا اول كل شهر بس وبترد على
المستعجل بس وفى مفاوضات ان اكون مدير اعمالها
ولو ده حصل انشاء الله انا ما اغيب تانى من منتديات ودمدنى
بس ما لسان حالها والناطق الرسمى
وبره بره بتطمن الجماهير الحمراء وارقو قاعد والدافى ممطر
واحى يالادمن تسألوا من ناس بس انا مالى ما مؤثر
احي يالبلى


شنو ياابوعبدالله الهجوم الارض جو دا ؟؟
ياخ راعي لانه في مصالح مشتركة بينا
وقدم ليك مصفي عشان تلقي شركة :cool:

[محمد عبد الله عبدالقادر]

الله يخليك ياعصمت

كدي وارغو خليه
امشي شوف محمد عبدالله عبدالقادر منزل ليك بوست في المناسبات اسمه شنوووو "غايتو اسم هواء ادييييييييييييييل كدا"

مدنية
اول شي حمد الله على السلامة
تاني شي مبروك العربيه الجديدة
تالت شي انت بتعرفي تسوقي؟ نزار قال دخلتي بالعربيه جوووووة الصيوان كما المسرح كان قديتي بهناك
رابع شي حاولت اتصل عليك هسي وبرضو مقفل
خامس شي انت متين جيتي ودايره تحمري النيران

[esmat]

لانه شريحتي فيها مشكلة
وليك ولكل من حاول الاتصال بي العتبي حتي يرضي


ماوجدت الوسيلة لانه تلفوني فيه مشكلة


بتتصل علي وجوالي مغلق
لانه شريحتي فيها مشكلة


بتتصل علي وجوالي مغلق
لانه شريحتي فيها مشكلة

مشيت البحر لاقاني تمساح ......
جوالي كان مقفول شريحتي كان فيها مشكلة ....
مشيت البحر لاقاني تمساح ....

[esmat]

خامس شي انت متين جيتي ودايره تحمري النيران

اها شفتي الخامس دا يا هو الهواء زااااتو

[مدنيّة]

وينك يا مدنية

كلنا في انتظارك

الله يخليك ياzoolfrda

وحمدا علي سلامة عودتك انت كمان

لكن النبي فيك كان تقطع تاني

[مدنيّة]

مدنية وكل الغائبيين ... لهم شوق

ومنتظرين عودتهم السريعة بإذن الله





اها ابو مازن
انا جيت
الله يجيب الباقين

[مدنيّة]

والدافئ يعار إلى إحدى الفرق الليبية
تخريمه : عسع الكلام ده دخلوا شنو بغياب عمتنا

عليك النبي ياروبش وريهم

قالوا ليكم مدنية غائبة ما سالتوا منها لييييييييييييييية

عملتوها لي كلها كورة

[مدنيّة]

يا نزار تكون اشترتها من سمسرة التسجيلات

سمسرة التسجيلات هينة
اخير من اني اكلت قروش المنتدي ياروبش :cool:

[مدنيّة]

مدنيه الاكثر حيويه

امس كنا بنقطع فيها انا و تغريد

يا ريت تكون طيبه

الله يخليك ياسنهوري

لكن القطيعة كانت شنو
عشان اعفي ليكم ياخ :cool:

[مدنيّة]

طول مفارق حيو

الله يخليك يارضا
مشكور علي السؤال

وشنو من جيت شايفاك مافي
نفهم يعني
اذا جات الشياطين ذهبت الملائكة ؟ :cool:

[انيس التوم]

مدينة سلامات
والله والف حمدلله على السلامة
معليش جات متاخرة لكن الجليد
عامل فينا عمايل

[مدناوية]

بركة الجيت بركة الجيت ...

أأأأأأأأأأأأأأي ..

عثل إنت وبسكويت ...
أأأأأأأأأأأأأأأي

عثل إنت وقدلتك ..

أأأأأأأأأأأأأأأأأأأأأي ..

سمح إنت وبدلتك ..

أأأأأأأأأأأأأأأأاي ..

سمح إنت وشرفته ... عثل إنته ونورته ...

أأأأأأأأأأأي ..

[مدنيّة]

لطفا اخواني

سوف اتغيب لفترة

ارجو ان لا تطول

حقكم علي طبعا اني اقول ليكم اني ح اغيب عشان احنا اخوان وفي بيت واحد

[الملكة اسماء ( ام محمد )]

لطفا اخواني

سوف اتغيب لفترة

ارجو ان لا تطول

حقكم علي طبعا اني اقول ليكم اني ح اغيب عشان احنا اخوان وفي بيت واحد


مدوووووووون
تعااااااالي هنا
ماشيا ووووووين ؟

دا شنو دا ( في زول بعد المؤتمر الصحفي) بهرب من اضواء الشهرة ( ياجماعة عايزة وش مبتسم )


همسة : تغيبي وتجينا بالسلامة ياغالية
الله معاك

[مدنيّة]

مدوووووووون
تعااااااالي هنا
ماشيا ووووووين ؟

دا شنو دا ( في زول بعد المؤتمر الصحفي) بهرب من اضواء الشهرة ( ياجماعة عايزة وش مبتسم )


همسة : تغيبي وتجينا بالسلامة ياغالية
الله معاك

ياملكة ياخ ما خلوني اتم لي يوم زاتو

جابوني علي قفا وشي زي ما بيقولوا


اها ياختي ادي قعدة