رؤية دردق بعيون مغترب

[أبوربا]

بينما كنت اجول بسيارتي في حي من احياء جدة وطاف بي خيالي وتخيلت انا اتجول في شارع من شوارع دردق وانا اطالع شكل الطريق والمحلات منتشرة على جنبات الشارع والاضاءة القوية غيرت الليل الى نهار واستمريت في حلمي إلى أن سمعت بوري طويل من السيارة التي بخلفي تطالبني بالسرعة فايقظني من حلمي فهل من الممكن ان يصير هذا الحلم واقع يا شباب واخص خالد ود الصول والاخت تغريد ومتى يكون هذا اذا كانت الاجابة نعم........

[تغريد]

غايتو عشرين تلاتين سنة كدا وإن شاء الله كان حيين بنشوف شوارع دردق زي شوارع جدة واكتر ومدني كلها احسن من جدة واحسن من دبي زااااااااااااااتو

"وش زول متفائل شديد وخايف يتصدم " :rolleyes::D:rolleyes:

بس علي قول حبوبة المناي لقاي ولا شنو يا ابو ربا اخوي ؟

كل الاحترام

[خالد أحمد الصول]

دردق رغم شوارعها الخالية من الاسفلت و الاضاءة ورغم الفارق الكبير بينها و بين الحي السوداني و الزمالك و الواحة الملاصقين إلا ان الداخل فيها يحس بحميمية و إلفة و تمازج أجناس تداخل و ترابط لا تجده في أي حي من المدينة ... فكل سكانها ولدوا فيها و قضوا فترة طفولتهم الحلوه بها فإرتبطوا بها و أحاطوها كالسوار في المعصم ... يحبونها و يحبون ترابها

[صلاح الدين]

دردق رغم شوارعها الخالية من الاسفلت و الاضاءة ورغم الفارق الكبير بينها و بين الحي السوداني و الزمالك و الواحة الملاصقين إلا ان الداخل فيها يحس بحميمية و إلفة و تمازج أجناس تداخل و ترابط لا تجده في أي حي من المدينة ... فكل سكانها ولدوا فيها و قضوا فترة طفولتهم الحلوه بها فإرتبطوا بها و أحاطوها كالسوار في المعصم ... يحبونها و يحبون ترابها

ياود الصول التحايا والشوق بالأردب
كلامك في الصميم . وزمان لما كنا بنعزف في الحفلات حي دردق بنعمليهو ألف حساب ..ناس فنانه وحساسه جدا ..بالجد ناس راقين ..
ع الهامش : حردلو كيف ؟؟ جاييكم قريب ان شاءالله