المساعد الشخصي الرقمي

مشاهدة النسخة كاملة : اسعار الحديد لصناعة الابواب نارررررررررررررررررر......لماذا؟


أبوربا
21-01-2010, 08:07 AM
اليوم قكرت اغير شبابيك وابواب بتي يا ودالصول تدري كم التكلفة لغرفتين وصالة فيها باب وشباك كبير وبعد المعرفة 3مليون بالقديم 3الف بالجديد طيب اللي ساكن بالسودان وبنى عمارة وبيت فخم كيف سواها دي...للنقاش
خالد أحمد الصول
24-01-2010, 02:29 AM
اليوم قكرت اغير شبابيك وابواب بتي يا ودالصول تدري كم التكلفة لغرفتين وصالة فيها باب وشباك كبير وبعد المعرفة 3مليون بالقديم 3الف بالجديد طيب اللي ساكن بالسودان وبنى عمارة وبيت فخم كيف سواها دي...للنقاش

كل باب و شباك و أنت طيب
الجماعة ديل إسمهم الاحباب و الاحباب تهون في وجوههم كل القواسي
يا زول خليك في بابك القديم
لان المثل بيقول بابك اقديم ولا حبيبك القريب
بعدين نعرف بيتكم كيف تاني
زمان الواحد جري لي الباب اللبني ولا البيجي
اسع الابواب بقت فايبر و قزاز و حنكشة لوجيت تدقو بي حجر تلقي الحجر دخل بي غادي
يا زول الباب البجيب الريح سدو و استريح
بعدين نوع الابواب دي بتجيب ليك الاتي:
إما الحرامي
أو الشحاد
أو ناس الامن
أو بعد عمر طويل ناس الانطفاضة
محمد عبد الله عبدالقادر
24-01-2010, 09:40 PM
ابو ربا سلامات

زي ما قال ليك ود الصول الباب البجيب الريح .... اول حاجه صنفروا تمام واضربو بوهيه زي ما انت عاوز كان ساده كان ملون كان مشكل وخليهو ينشف وكل سنه وانت طيب

كان الباب فيهو فتحات بتاعت قزاز واتكسر اعمل زي ما عمل ابوي كل ما تنكسر قزاز يقفلها بخشبة بوسنايد لمن الشبابيك بتاعتنا بقت زي الشطرنج
ودسمير
02-02-2010, 01:22 AM
يا ابو ربا بالنسبة للشبابيك اعمل ليك طاقة 5*5 سم وللابواب باب زنك عادى اصلو الحرامى فى الحالتين بنط من الحيطة حتى لو خليت الباب فاتح ! وندعو الله بدعوة زوجة فرعون ( رب ابنى لى بيتا عندك فى الجنة ) . وبخصوص اصحاب القصر العالى والسيارات الفارهة ندعو الله يزيدهم كمان وكمان
الزبير محمد عبدالفضيل
03-02-2010, 02:31 AM
طبعا يا ابو ربا كل شي في السودان بقي غاااااااااااااااااااالي والحديد أصلا مولع نار فأحسن أستعمل الخشب وقوووول حسبي الله العلي العظيم
روبش
03-02-2010, 08:29 PM
يا شباب يعني ما نبني ولا شنو
أبوريلان
03-02-2010, 10:26 PM
يا شباب يعني ما نبني ولا شنو



إن شاء الله يرخص يا أسامه عشان تعمل لينا باب الدكان حقنا .
محمد حسن حوتة
04-02-2010, 02:09 PM
السلام عليكم و الله يا جماعة هممتونا الناس بتقول ليك ابني اعمدة بعد الاعمدة كل شي ساهل
بعد الاعمدة يقول ليك لسع شفت حاجة الغريق قدام
هسع انتو بتقولوا البواب و الشبابيك
الاكن لو وصلت مرحلة الابواب والشبابيك
بمنيهم طوب
و انت يا ابو ربا ذي ما قالوا ليك اكرب بطنك
واشمر وصنفر الخشب و اضربة بهية
ولو طلع شكلة ما جميل بكرة تلقي الناس
كلها عاملاه
أبوربا
06-02-2010, 10:05 AM
اشكرك على الرد ياأخي والله انا اشتريت البيت جاهز وبعمل فيه صيانة والله سعره اكثرمن((150)) واذا ما قديم وعايز صيانة سعره ماينقص من ((240)) مليون والان تكلفة الصيانة ((40مليون)) وانا حاولت امرحل الصيانة لثلاث مراحل المرحلة((13مليون)) وممكن ما تتطلعني والله