ضيفنا هذا الاسبوع العاشق المتيم ( ابوالدهب )

[aborawan]

مرحبا بالعاشق المتيم على الكرسي الساخن وكما هي العادة البطاقة الشخصية

[ابو الدهب]

ّ ّ ّ ّ ّ ّ ّ ّ ّ ّ ّ ّ ّ بسم الله الرحمن الحيم ّ ّ ّ ّ ّ ّ ّ ّ ّ ّ ّ ّ

الكرسي في الشتاء برداً وسلاماً يا أبوروان

وفي رحاب الجزيرة وودمدني عاشق متيم ولهان
معذب مدمر مشنتر يعني ( منتهي الصلاحية )
وكيا كيا ليك أبوروان

الأسم : عصام

السكن : الجزيرة محافظة المناقل

الدراسة : ابتدائي ، متوسط ، ثانوي المناقل

جامعة الجزيرة كلية الانتاج الحيواني المناقل

جامعة الجزيرة دبلوم حاسب الي

الهواية : الرياضة عامة و؟ خاصة

الحالة الأجتماعية :

بكتب ليها وهي في عالم الغيب

في شئ نااااااقص أنا جاااااااااااااهز

[زيكو منيب]

اهلا بالاخ عصام (( الدهبي ))

اول سؤال كيف عرفت موقع منتديات ودمدني ؟؟وما سبب اشتراكك بما ان هناك اكثر من منتدى سوداني اخر؟؟؟
و شكرا

[ابو الدهب]

مرحبا زيكو

1/ عرفته من اصدقاء بس للأمانة عرفت موقع النيلين الأول
ولكن ما اشتركت فيه

2/السبب لأاني جزيراوي من الجزيرة وبس

[aborawan]

ياخوي بطل لف ودروان وقول لينا الكلام ده بتكتب فيه لمنو ؟؟


بعدين لو قالو ليك اختار شريكه حياتك من المنتدى بتختار منو ؟؟ وليه ؟؟

[ابو الدهب]

تحياتي ابوروان

اسئلتك دبابيس يا عزيزي انا قلت الكرسي في الشتاء برداً وسلاماً
خفف علي شوية حن علي رجااااااااء

السؤال الأول / والله لو في ليه أدسها ما أسم بينكتب بس هي
في خيالي برسم صورتها ممكن القاها أو لسه ما ولدت

السؤال الثاني /سؤ ال محرج بس لازم أجاوب
وبعد أذنك اذا في ام روان رقم 2 اتشرف
وأكون عديلك وأناسبك وأطلب يدها منك !!!!

ولووووووووووووووووووول

[aborawan]

والله نتشرف بنسبك بس السؤال واضح وما تزوغ
قلت ليك اختار ليك عضوة من المنتدى تحس انها مناسبه لمواصفات فتاة احلامك ؟؟؟

[ابو الدهب]

ابوروان ممكن استعين بصديق أو الأعضاء أو تضع انت اسمين وتحزف واحد من الأسمين ساعدني يا لحوح

ولا أقول ليك غير السؤال بسؤالين

ولووووووووول

[aborawan]

خلاص نديك

علويه
يا علويه طبعا ولا واحد بكون عارف علويه دي تكون منو من العضوات غيري انا ( لانها مسجله بي اسم مستعار ) اها موافق ولا الاسم خوفك من الخلقه

اختار ؟؟؟؟؟

[ابو الدهب]

الأسم ما يخوف علوية او ليلي علوي بس الخوف تورطني في زواج
ابوروان خليني أعشق وأهيم وأحب الزواج بري منوا
أنت تختار أم روان شوف لي اسم لايق بي مثل جنان /
افنان / رزان / كلشنكان

ولووووووووووووووووووووووووووووووووول

[أبوريلان]

أبو الدهب سلام وكل عام وأنت بألف خير وربنا يقسم ليك بنت الحلال من موديل السنة قول يا آمين .

سؤالى ما الذى أطلق عليك لقب أبو الدهب ولماذا ؟
سؤالى الثانى بما أنك درست إنتاج حيوانى بتعرف تصنع جبنه ، وحصل حلبت بقره ؟؟

[LighT^RosE]

مرحب بيك يا أخ عصام كيف الجلسة على الكرسي:)
سؤالي ليك ليه إخترت مجال الإنتاج الحيواني بالذات؟؟
و هل واجهت مشاكل في المجال دا؟؟
بما إنك درست في السودان ممكن نعرف كيف كانت مرحلة الجامعة و هل إفقدتها؟؟
أوعى بس أكون طولت عليك;)

[ابو الدهب]

عزيزي myrelan وانت بخير امييييييين

اطلق اسم ابو الدهب في كرة القدم كنت لاعب في أهلي المناقل
وحلفاية الملوك لأني شبيه ابو الدهب المصري في التكوين الجسماني
ومدفعجي نمرة زيرو لا تفوت نملة مني

بصنع الجبنة يعني حاولت صناعتها بس للبيت اما تجارية لا وألف لا
والله ولا مرة حلبت بقرة بس شربت لبنا

[ابو الدهب]

عزيزي light ^ROSE
والله جلسة مريحة انشاء الله تجلس فيها زي

اخترت لأن الوالد خريج زراعة وحبب فيني دراستها

اكيد في صعوبات في البداية ولكن تأقلمت بمرور الزمن

والله مرحلة الجامعة جد ما بتتنسي من ذاكرة الأنسان لأنها

مرحلة حساسة في عمر الأنسان أكيد افتقدتها وحاسس اني ضايع

بدونها

[aborawan]

تصحيح معلومه يا عصوم

ده light ^ROSE بت ما ولد :D:D

اسأل منو خالد فردتك :):)

[عماد الصادق]

تحياتي ليك إبني العزيز ..
طبعا الواحد مستغرب كيف خريج انتاج حيواني .. وما حلبت بقرة..
قروكم شنو يعني ؟ بعدين عصام شو ؟ والجزيرة المناقل وين ؟
وخريج سنة كم من جامعة الجزيرة .. ولاّ أقول ليك أحسن تورينا
من مواليد كم ؟؟ (بالميلادي ماتخاف)..
وهسه إنت وين ّّ!!

[خطاب العبيد]

الاخ العزيز ابو الدهب المحترم لو كنت أعرف أنك من المناقل ياعربى (بدون تعليق) كان قدمت فيك عريضة طويلة ومظلمة لمنظمة الام المتحدة لانك سرقت لقبى بعدين ياخى انتا ورانا يعنى انا قدامكم شوية انا من مواليد ودرعية ورحلت للكريبة وعمرى (4)سنوات المهم يامرهف الاحساس انتا شفتى ناس المنتدى شانين عليك حملة قوية الشمار حارقهم عاوزين إعرفو بتكتب لمين

ماسمعت هاشم مرغنى قال شنو

أقبل وين انا واحكى الوجعة *****
ياتو خديد يشيل الدمعة ****

وربنا يوفقك ويبعد عننا وكل إنسان يحمل فى داخله أحساس جميل الهم والحزن والدموع ***************************************

الزول الشين ابو الدهب 2

[aborawan]

كل ناس المنتدى راكبين في طائرة ومحلقين في الجو وجه الرحلة غير معلومة المهم فجاءة يجي صوت الكابتن

أعزائي الركاب نواجه صعوبات في الطائرة لسلامة المسافرين يجب تخفيف حمولة الطائرة


مع العلم يا عصوم انو مافي حمولة غير الركاب


منو تختار انو يترمي من الطياره عشان يخفف الحموله مع العلم انو عدد الاشخاص المطلوب التخلص منهم لتخفيف الحموله المطلوبه من قبل الكابتن 6 ؟؟

يلا اها منو السته الحا تضحي بيهم عشان سلامه الباقين ؟؟؟

[ابومرام]

الف هلا وهلا بعصام
واكيد ذي ماقلت الكرسي في الشتاء بارد لانوالعالم كلها شكلها مشغولة
عموما هنيالك ونتمنى يتواصل في البرود 0
قلت عربي من المناقل (معليش كلنا عرب ماتزعل) كل المراحل الدراسية في المناقل حتى الجامعة . يعني ماجيت مدني خالص واكيد الشباب وصفوها ليك عموما انا لمان اجي السودان عازمك في الزواج في الام الحنينية مدني واوريك المعالم عنها وليك مليييييييييييييييييون تحية والاسئلة خليها في المرة الجاية 000 خليها وعد000

[ابو الدهب]

بسم الله
عماد الصادق /خطاب العبيد / ابو روان /ابو مرام
حبابكم عشرة سلام هوي من اهل العوض
الظاهر انكم اليوم فايقين ورايقين وقلتوا الزول ابو الدهب
العربي دا نسلخوا سلخ وبعدين نعم
عربي عربي عربي بس والله العظيم مامن اهل العوض

ويلا 00000000

(1)عماد الصادق :

انا عصام عبد الرحمن
المناقل غرب ودمدني 70كيلو جرام
الحي الأوسط الجامع الكبير
خريج 1998م
مواليد 1972م
الان في المملكة العربية السعودية الدمام

0000000000000000000000000000000


(2)خطاب العبيد :

والله يازول ياشين ماسرقت الأسم دا لقبي
وبعدين شناتك اوعي تكون خميرة
وكمان من ودرعية يعني عربي معرب بأهل العوض
ولك معزة ياشين لرفع معنوياتك شوية

(3)ابو روان : والله ما اقدر ااااااااااضحي باي حد
واذا لزم الأمر




الكابتن ومساعده والمضيفات والبقية معروفة
يعني لايعيش أحد ياننجو كلنا أو نموت كلنا
;)


(4) ابومرام :
والله مدني اعرفها شارع شارع وحارة حارة
وسكنت في الدرجة وحي المدنيين ومايو 40
والحي الشرقي و00000000000000

وشكراً للعزومة

[بابكر]

يا ابو الدهب انت اسع شغال وين يعنى بره ولافى البلد
وبعدين شكلك بتعرف ابو روان حكايتكم شنو انتو الاتنين عاوزين نعرف العلاقه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[ضياء الدين احمد]

والله ده مولد وكان حيفوتني ابو الدهب في الكرسي الساخن ؟
اول حاجه مزعلاني حكاية سكنو للدرجه نحنا من المناقل استقبلنا عندنا في الدرجه حسام الهلالي وبس والشئ التاني حكاية البقره الماحلبها دي اكان ما حلبتها انت البحلبها منو ؟ يلا بعد ده نجي للسؤال وما تستغرب لو جابو ليك بنت حتسميها منو؟

[marwa]

اها انت هلالابي ولا مريخابي :D

[ابو الدهب]

تحياتي بابكر :

انا شغال في الدمام
وابوروان والله العظيم شخصياً مارأيته
ولي الشرف اذا عرفته عن قرب
واتمنا وانت معي نعرف ابوروان
عن قرب لانه كتلوج فن


ضيااااء :
داير تلقي فرصة المولد انفضا زمااااااان
وبعدين ايه يعني حسام الهلالي ما زي الناس
ولا انت بتعرف بس ناس الراحات والهلالي يا حليلو ضااااااااع
واكلته البسه
جيب لي بقرة ومعاها كمرا فلاش انا احلب وانت تصور وترسلها للمنتدي

اه جيت للوجعة كان بنت اسميها




هنادي

هنادي ياهنودة يابت يا لهلوبة

يا طالعة السلم طوبة طوبة

نظرتك جريئة وضحكتك بريئة

مشيتك فنانة وخطوتك رنانة

تك تك تك تكي تك تك تك تكي (الخطوة )





مروي :

انا الهلال في جبيني

ما 000000 هذا لا والف لا

[بابكر]

والله يا ابو الدهب انت راجل حبوب وفعلا ابو روان ممتاز والواحد يتمنى ان يلتقى به وطبعا حيعزمنا على الزواج واكيد اكيييد حنقابل السؤال بتاعى سيارتك ماركتها شنو وموديله كم يا بطل اوع تزوغ ؟؟؟؟؟؟؟؟؟؟؟؟ :D

[هناد]

مشكور والله

[بابكر]

ابو الدهب .....سلام بالله ماهو السؤال اللى كنت خايف انك تتسأل ليهو وبصراحه
السؤال الثانى كم عدد اخوانك وابوك شقال شنو فى المناقل اوع تزوغ
انا حأهريك بالاسئله ياعصوووووووووووووووووم العزابى الفلس ...دى من عندى ماعارف صح ولالا؟؟؟؟ :D :D :D

[بابكر]

يا ابو الدهب سلام ............ ..
فى السودان كلمة يا عربى تعتبر شتيمه ,,, وهنا لمن تقول انا عربى بيضحكوا عليك مش كده ؟؟؟؟؟؟
واحد لبنانى قالوا ليهو السودانيين عرب ,,
قال ليهم ونحن شو ؟ ملائكه؟,,, يعنى اهل العوض لو سمعو الكلام ده,, تفتكر حيزعلوا ولا يفرحوا :D :D :D

[هناد]

والله مشكور

[بابكر]

وين الرد يا ابو الدهب انا مستنيك وراك وراك,,,,,,,,,,,,,,,,,, :D :D :D :D

[ابو الدهب]

تحياتي بابكر
السيارة درداكة كاروا كشريلا
بي ام دب ليو فلوكسواجن 2025

وشكراً ليك انا حبوب وانت منقة استوائية

السؤال الخايف منو : كل الأسئلة والله بخاف منها
لأني ما عارف هل ممكن اجاوب صح

اخواني اربع ولدين وبنتين
والدي كان يشتغل في المجلس ( المحلية )

والله أهل العوض هم الطيبة مكملنا وأنا عاشرت
شريحة كبيرة منهم

[medo]

اخي ابو الدهب تحيه طيبهوالي الان انت متميز علي الكرسي الساخن سؤالي ليك بسيط
1\اي من الفنانين بتسمع ليهو؟
2\رايك في اغاني مصطفي سيد احمد ؟
3\رايك في محمد عثمان وردي؟
4\رايك في ابوعركي البخيت في اغنيه (كل البنات امونه)؟شكرا ليك

[ابو الدهب]

ميدو medo
تحية معطرة بالياسمين

(1) مصطفي سيدأحمد اولاً ومحمود عبد العزيز

(2) كل الفنانين المميزين الا الهابط لا

(3) وردي اصالة وروعة وابداع

(4) ابوعركي مبدع بس كل البنات امونه والله ماسمعتها

بس احسن يقول كل البنات في سودانا ميمونات

[الزمن المريح]

الاخ ابو الدهب من بعيد احيك و اسف لا سعاجك فى هذا الوقت المتاخر و الله لو كنت اعارف انك موجود لدخلت و حيتك ،

سوالى ليك بتعرف منو فى مدنى و لى ناسى
ثانيا ما رايك فى جامعات السودان و مناهجها و لو قدر لك ان تعمل خارج الوطن فإى بلاد الله تختار و اخيرا تحياتى لاهل المناقل و 24 القرشى و المدينة عرب و ود الجمل

[عمك تنقو]

ابو الدهب

تحياتي

اسع الجماعة ديل واحد ساكت سالك سؤال يريحنا مافي ؟


كدي اوصف لي الجماعة ديل في كلمة واحده فقط ؟

Admin

اابو روان

امير عبد الباقي

ابو بكر حامد

زكي منيب

ضياء الدين احمد

Myrelan

مهيرة

الامورة وحلوة

فاقد حنان

حمدتو

ابو المهتدي

خالد حمد موسي


ا

[بابكر]

شكرا ابو الدهب على الرد على اسئلتى وانا ممنون لك يا رائع ;)

[ابو الدهب]

الزمن المريح
تحياتي لك الله يريحك دنيا واخرة

بعرف ال الطيب عيدابي في الدرجة
وأبناء المرحوم احمد حبيب الله :
نادر /أصف / وليد / في حي المدنيين ود أزرق
وكثير بس الذاكرة ضعيفة

والله كل جامعة وليها مناهج خاصة وتخصص محدد
والعلم بحر لا نهاية له

بعد الشفتوا في الغربة أتمني العمل في السودان وبس

ومشكووووووووور يازمن


عمي تنقو العزيز
والله اصعب سؤال اتسأل ليهو

بس بقول جملة واحدة تكون صفة مشتركة بينهم

ناس : مثقفين اجتماعيين مبدعين

عقد لولو منظوم

الله يخليهم وصحة كافية في زيت عافية

[ابراهيم]

حبيبي ابو الدهب احييك وانت صنديد ومتمساك في هذا الكرسي الساخن

فأنا ما ححمل عليك كتير ولا عندي أسئلة ساخنة رفقاً بالحالة

وأسئلتي هي أن تملاً الفراغات فقط ......

عضو يجبرك على احترامه .................................................. .............

عضو تتلهف لقراءة مواضيعه .................................................. .........

ما الذي أعجبك في المنتدي عموماً ................................................

ما الذي ازعج في المنتدي .................................................. ...........

عندك رسالة خاصة من ثلاثة كلمات لمن تبعثها ...................................

وما هي الكلمات التي تختارها........................................... ................

ولك خالص حب واحترامي

[ابو الدهب]

حبيبي ابراهيم احييك
............................

عضو يجبرك على احترامه ........لا تحديد ..........كلهم.................................... ..

عضو تتلهف لقراءة مواضيعه ...........كل المو.اضيع......................................... .

ما الذي أعجبك في المنتدي عموماً .
.
..تجمع لألبناء الجزيرة خاصة والسودان عامة ...........................................

ما الذي ازعجك في المنتدي ......ما منزعج.....................

عندك رسالة خاصة من ثلاثة كلمات لمن تبعثها .....الأدارة..............................

وما هي الكلمات التي تختارها......شهادة ..حب وتقدير. و.امتياز..........

ولك خالص حب واحترامي