أمس تذكرت السودان ((وعصيدة اكلتها في دردق))

[أبوربا]

هذه الأيام نحن في اجازة نصف العام والاجواء خريفية بجدة وامطار وغمام....ذهبت أنا وصديقي لكبري العمال بجدة حيث توجد مجموعة من النسوة يقمن ببيع المأكولات السودانية..اكلنا عصيدة دخن بملاح ويكاب وشربنا قهوة ورجعنا صراحة على الرغم من انني بجدة ساعتها كنت احس بانني بالسودان

[أبورهف]

ابو ريا جربت الكرنتينة ؟ فيها عصيدة جد
لكن بينى وبينك الحاجات دى تحت الكبرى ليها طعم تانى الهواء والونسة تحلف تقول منكسر فى شارع النيل ودمدنى (ومابتشبهو )

تخريمة
عازمك الكرنتينة بس ماتكلم زول

[ودسمير]

نتمنى ليكم اكل العصيدة بمدنى والى متى الغربة ؟

[أبوربا]

والله ياود سمير كلامك منطقي بس أيش نسوي لأوطاننا لم توفر لنا أبسط مقومات الحياة..وبكل صدق اشتغلت بالسودان10سنوات ماقدرت احقق ولا شيء من امالي بس بعدما اغتربت قدرت احجج امي وهذه اكبر حلم احققه وكمان تزوجت ورزقت باطفال وقادر اعيشهم حياة كريمة ونظيفة...وصراحة اذا كنت بالسودان لن افعل هذه الاشياء