المساعد الشخصي الرقمي

مشاهدة النسخة كاملة : فضلاً أضحك هذا الصباح


الجندي المجهول
14-02-2010, 09:30 PM
في جلسة ودية بين الرئيس السوداني عمر البشير والرئيس الأمريكى باراك أوباما، دار الحوار التالى:




البشير:



فخامة الرئيس ... كم متوسط راتب الموظف الأمريكى في الشهر؟

أوباما:



حوالى 5.000 دولار.

البشير:



وكم بيصرف شهريا؟

أوباما:



حوالى 2.800 دولار.

البشير:



يعنى يبقى معاه 2.200 دولار!! بيعمل بالمبلغ الباقي ده شنو؟

أوباما:



فى الحقيقة لأننا دولة ديمقراطية، احنا ما بنسألو.

أوباما:



وانتم يا فخامة الرئيس... كم متوسط راتب الموظف عندكم؟

البشير:



حوالى 100 دولار.

أوباما:



أووو!!! ... وبيصرف كم؟

البشير:



حوالى 1.000 دولار.

أوباما:



ومن وين بيجيب الفرق الكبير ده؟؟؟!!!!

البشير



فى الحقيقة لأننا دولة ديمقراطية زيكم بالضبط، احنا كمان ما بنسألو.



من البريد (الخاص) هذا الصباح ،،،
ودالعمدة
15-02-2010, 12:00 AM
الجندى المجهول
سلامات
والله اضحكتنا حتى الثمالة

وذكرتنى طرفة بين الرئيس الامريكى والروسى

الرئيس الامريكى : عندنا قمة الديمقراطية فى أمريكا ......
ممكن تقيف فى أى مكان فى واشنطون
وتهتف : يسقط الرئيس الأمريكى ؟؟؟؟؟؟

الرئيس الروسى : ونحنا عندنا أعظم ديمقراطية ...........
ممكن تقيف فى أى مكان فى موسكو
وتهتف : يسقط الرئيس الأمريكى !!!!!!
بنت النيل
15-02-2010, 12:15 AM
ضحكتنا والله يالجندي
وذكرتني قصه بتوضح المواطن بجيب الفرق من وين؟
عمنا الحاج ساكن في بيت ايجار لاقاه صاحبه وساله
امورك كيف ؟
الحاج :الحمد لله ماشه
صاحبه:بالمناسبه مرتبك كم ؟
الحاج 300 جنيه _بالجديد_
صاحبه :وبتصرفه في شنو
الحاج :المدارس وهدوم الشفع والايجار والغاز والمويه والكهربا
صاحبه: كيف الكلام دا اذا كان الايجر براه 150جنيه انتو بتاكلو شنو
الحاج: بناكل سيد البيت طبعا


تعليق:
وعشان الناس ما تاكل سيد البيت لازم الحكومه تخفف الديمقراطيه شويه
الجندي المجهول
15-02-2010, 12:27 AM
الجندى المجهول
سلامات
والله اضحكتنا حتى الثمالة

وذكرتنى طرفة بين الرئيس الامريكى والروسى

الرئيس الامريكى : عندنا قمة الديمقراطية فى أمريكا ......
ممكن تقيف فى أى مكان فى واشنطون
وتهتف : يسقط الرئيس الأمريكى ؟؟؟؟؟؟

الرئيس الروسى : ونحنا عندنا أعظم ديمقراطية ...........
ممكن تقيف فى أى مكان فى موسكو
وتهتف : يسقط الرئيس الأمريكى !!!!!!

حبيبنا ود العمدة - نهارك سعيد
ياخ وين انت اول حاجة ولو عارف البوست دا بيجيبك كان زمان عملناهو .....

شفت الديمقراطية كيف عندهم وكيف عندنا ،،،،
الجندي المجهول
15-02-2010, 12:34 AM
ضحكتنا والله يالجندي
وذكرتني قصه بتوضح المواطن بجيب الفرق من وين؟
عمنا الحاج ساكن في بيت ايجار لاقاه صاحبه وساله
امورك كيف ؟
الحاج :الحمد لله ماشه
صاحبه:بالمناسبه مرتبك كم ؟
الحاج 300 جنيه _بالجديد_
صاحبه :وبتصرفه في شنو
الحاج :المدارس وهدوم الشفع والايجار والغاز والمويه والكهربا
صاحبه: كيف الكلام دا اذا كان الايجر براه 150جنيه انتو بتاكلو شنو
الحاج: بناكل سيد البيت طبعا


تعليق:
وعشان الناس ما تاكل سيد البيت لازم الحكومه تخفف الديمقراطيه شويه

بنت النيل نهارك سعيد
وانت كمان ذكرتيني قصة الود والحاوي وابوهو ....
الود قال لي ابوهو يابا يابا اديني الف جنيه النخش اشوف الحاوي قام ابوهو قال لي انا بوفر ليكم وجبتين في اليوم انا زاتي ما حاوي ..


تخريمة : ويظل الوضع الاقتصادي في السودان سئ للغاية وخط الفقر وصل مرحلة بعيدة خلاص ونسأل الله السلامة
سموحة
15-02-2010, 11:05 PM
هههههههههههههههههههههههههه