المساعد الشخصي الرقمي

مشاهدة النسخة كاملة : بـــــــت الــمــطــــــــر



خالد السماني
20-02-2010, 05:21 AM
بــــــــــــــــــت الـــمطــــــــــــــر



بنكتب .. لازم ضروري وبنكتب ..

إنك عيوني .. إنك عقلي .. إنك فنون .. إنك جنون ..

إنك سفر .. هجعة وسهر .. يابت نشوق .. يابت دمر ..

ياساكنة في طعم المطارات .. والقطارات .. والسفن ..

يافلتة .. ياعطري الندر ..

جايبة الصحاري الهم .. وأرصفة المواني ..

في الدقايق .. وفي الثواني ..

يالغيوم .. ياقوس قزح ..

يافاطنة يابت المطر

يابت غنا .. يابت موسيقي ودندنة .. يابت وتر

يابت ندي .. ولوزة قطن ..

يابت كتاب .. يابت مهوقني وأندراب ..

يابت حباب ضيف الهجوع .. ياساندة جوع ..

يالنيل تساب .. ويالحنية بالوديان ملي وبالخير دمر ..

يالصافية ياللبن الحليب .. ياعابقة طيب ..

يابسمة فوق شفتيّ حبيب ..

يابت طفل .. وعُمر شهر ..

يابت نجم غايب سنين .. أنا في إنتظار قولة ظهر


* * * * * *


وبنكتب .. لازم ضروري وبنكتب ..

إنك برآكِ سكنت في لحم القصايد ..

والعضام والأنسجة .. وجوه الكبد .. ولقيتي فيها المستقر

تأمري .. وتتآمري .. تنهي وتبيعي وتشتري ..

إتلفتي شوفي الحال وراك ..

إتلفتي يالنور الجهر .. إتلفتي ياضو القمر

شوفي الغلب قلبو أنقهر .. ضاق بي الوساع روح سدر

قافي الخلايق والعلايق ..

والأرض خلاها بور .. كابة الدموع .. سايقة البحر ..

لاكان حصاد بعد الزرع ..

لاكان زرع بعد الحصاد ..

لاعرفنا صايد .. لامصاد ..

لماك جروح نباحة .. مابتسكت تروح ..

بيك كم صبر .. فيك كم صبر .. ليك كم صبر ..

حــــــــــــــاول .. فـــــــــــــــتر

شايفاهو ماتوكل ختر ..

حاقب عصاتو وزادو إنتي الماتخبرتي ولا لِقالِك يوم أتر

ماتبيني .. يالنوم السهر

يافـــــــــــــــــاطنة يابــــــــــــــــت الــمــطــــــــــــــــــر



* * * * *

يسري الياس
20-02-2010, 05:34 AM
خالد السماني
الرجل الذي اتانا (جميلاً)
ياخي انتا كلماتك ذاتا ما (مطر )
لن أقول سوى اننا معنا ( رجل مكسب)
اكتب عنها بنت المطر وغيرها من النسوة فنحن الرابحون*

خالد السماني
20-02-2010, 06:47 AM
المرهف يسري :ــ

شكراً يا ( موسم الشوق الحلو ) شكراً لإطرائك الجميل .

لكن بي صراحة ( توقيعك دا عاجبني سلفني ليهو ياخي )

ودمت

بنت النيل
20-02-2010, 07:16 AM
يا اخ خالد حبابك الف بيناتنا
جد كلام حلو ومعاني عذبة و رقيقة
ونحن في انتظار الجديد من الابداع

خالد السماني
20-02-2010, 07:32 AM
النيل من نشوة الصهباء سَلسلُه * وساكنو النيل سمار وندمان

مادمتم تقرأوا لنا فالجديد لا محالة اتٍ .

ودمتي

تغريد
26-02-2010, 07:30 AM
مرحب بقلمك بيننا اخي خالد

قصيدة جميلة تظهر روح شفيفة وموهبة كامنة فطرية في انتقاء الجمال

دوما دع قلمك يرفرف فوق كل سحابات المطر

ودعنا نستنشق نسمات خريف كلماتك

المترعة بالرهف

عزرا ان تاخرت في الرد علي قصيدتك

فكن قريبا دوما

تحياتي وودي

خالد السماني
28-02-2010, 03:02 AM
مرحب بقلمك بيننا اخي خالد

قصيدة جميلة تظهر روح شفيفة وموهبة كامنة فطرية في انتقاء الجمال

دوما دع قلمك يرفرف فوق كل سحابات المطر

ودعنا نستنشق نسمات خريف كلماتك

المترعة بالرهف

عزرا ان تاخرت في الرد علي قصيدتك

فكن قريبا دوما

تحياتي وودي



الأستاذة تغريد

السلام عليك ورحمة الله

الشكر أجزله لك علي المتابعه والرد ، ونسأل الله أن يوفقنا

علي التواصل عبر هذا المنتدي الجميل

والذي يزداد ألقاً بحضوركم الزاهي

وبكم ومعكم نحو فضاءت أرحب




ولك ودي

خالد علونى
28-02-2010, 03:05 AM
خالد السماني
ما اروعك

عبدالرحمن مدثر
28-02-2010, 03:18 AM
خالد السمانى

سجلنى درويشا فى حضرة حروفك

ياانيق

خالد السماني
04-03-2010, 07:24 AM
خالد السماني
ما اروعك




علوني ياجميل

أسعدني مرورك ايما سعادة

ودعني أصدقك القول بأني معجبٌ بكلماتك إلي مديٍ

وكثيراً ماجئت الي هذا المنتدي باحثاً عن الجمال الذي فُطرت به

فلك ودي

خالد السماني
09-03-2010, 11:33 AM
خالد السمانى

سجلنى درويشا فى حضرة حروفك

ياانيق









أنتم الأناقة زاتها

ولي بمرورك أخي كل الشرف



فلك ودي

haroun ahmed
09-03-2010, 01:30 PM
والله يا خالد السمانى كلامك جميل جدا فى هذى القصيدة
الرائعة تجبر الواحد لتكملتها حتى الاخر وتسلم على
هذا الشعر الجميل ومذيدا من ابداعاتك يا صاحب الذوق الرائع .
تقديرى لك يا عزيز .

صلاح سر الختم علي
10-03-2010, 02:59 AM
مرحبا بقلمك اخي خالد السماني
ومحاولتك مبشرة
ونتمني لك ان تشق طريقك وتتحرر من اصوات الاخرين بداخلك
وينطلق صوتك الخاص وقاموسك الخاص حرا فريدا
والشاعر في بداياته دائما يكون متأثرا بانفاس الاخرين الذين سحرته كلماتهم وتعابيرهم وجذبته نحو حديقة الشعر السحرية
ورويدا رويدا يتحرر من ذلك الافتتان ويشق طريقه
لك الود

خالد السماني
29-03-2010, 12:08 PM
والله يا خالد السمانى كلامك جميل جدا فى هذى القصيدة
الرائعة تجبر الواحد لتكملتها حتى الاخر وتسلم على
هذا الشعر الجميل ومذيدا من ابداعاتك يا صاحب الذوق الرائع .
تقديرى لك يا عزيز .





اخي هارون السلام عليكم

أجبرتنا الظروف علي ان نغض طرف التواصل معكم

لزلك كان طول الغياب



فلك ودي