السودانيون (الهاملون) بالخارج!!!!

[الفخيييم]

كميات من العطالة السودانيين
بدول المهجر مع توافر الوظائف
المختلفة لكل الشرائح ماذا هناك؟
والمؤسف ان هنالك من لديه اسرة
لا اعرف كيف يعيشون وكيف لهم بدفع
الايجارات في ظل وجود سفارة لا طعم
ولالون ولا رائحة!!سفارتنا في كل دولة
لا تهتم بمثل هكذا مشاكل وتتعامل بصمت
الشفاة تجاه كل القضايا التي تخص مهاجرينا..
علينا تدارك الموقف حتي لا تدنس سمعة وطنا الغالي..

[عنكوليب]

ألم أقل لك يوما أنك فخييييييييم ..
لنسأل أولا أخي الفخيم أصبحنا هكذا ؟
ان السودان( بكل ابعاده )وفي أي بقعة من ترابه لا يرضى
أي سوداني( مأصل)أن مايراه خارج السودان وما ال اليه
السودانيون هناك اذن العبرة في اننا سكتنا من زمان بدري
ياالفخيم يا اخوي على كثير من الامور التي ادت لهذه
الفوضى والفضائح ، لما سمحنا لأي واحد وواحدة بالسفر
دون حسم .. المفروض ألا يكون هناك أخوي وود خالتي
ونسيبي وهو لا يحمل أي مؤهل يكفينا شر البهدلة اللي مبهلننا ليها
السودانيين والسودانيات بالخارج ..
الحسم ياسادة واجب وخلونا نبدأ من الان من جديد
هو أصلوا المسافر ده بجي يوم راجع ونحنا
نعمل كيف معاه ؟ حقوا نكون حاسمين لأكتر
ووالله السودان ما وش البهدلة ياأولياءنا ....

[ابن المدينة]

المشكله أكبر واعظم من منع سفر كل من هب ودب فهم يبحثون عن فرص حياة افضل ليس من حقنا منعهم بل واجبنا توفير حياة كريمه لهم داخل الوطن بالحد الادنى الذي يحفظ لهم كرامتهم اما من تتوفر له فرص عمل ولا يعمل فهم ليس بالكم الذي يجعل من الامر هاجس لكن ليس من ضير ان ننبه له حتى لا يصبح مشكلة يصعب علاجها . المشكله يا ساده في الذين يعافرون مع الحياة وهي عليهم شحيحة اولائك الذين يعانون حتى يوفروا لاولادهم ما يكفيهم وهم في غربه لا ترحم زد على ذلك وهو الهاجس الاكبر فرص تعليمهم في بلاد لا تعترف لك بحق التعليم هذا الموضوع يحتاج مساحة تفرد له حتى لا اطيل لكما كل الود

[سيف الدين الامين]

الاخ الفخيم لك التحية والتجلة
لا شك أن ما طرقته من موضوع غاية في الأهمية والخطورة وذلك لمسه سمعة وطن وشعب
ولكن ليس المهم فقط طرح المشكلة انما الأهم هو تحليل هذه المشكلة بغية وضع الحـلول
المناسبة لها وأتمنى من الجميع ممن يودون الدلو بدلوهم في هذه الزاوية وضــع انتـمائهم
السياسي جانباً ومناقشة المشكلة من جانب حبادي دون السعي لتحميل طرف دون الآخر
السبب ، وبالعقل كدة كلنا خرجنا بارادتنا من الوطن ولو كان الوضع برة أسوا من الداخل لما
يقينا لحظة واحدة . أما التطرق للسفارات فأنا أتفق تماما مع أن بعض سفاراتنا وليس كلها
تسد أذن بطينة وأخرى بعجينة عن مشاكل جالياتها رغم أنها من أوجب واجباتها ويجب على
المسؤولين بالخارجية الالتفات لهذه النقطة كما يجب علينا نحن المغتربين وضع الوطن في
حدقات العيون وأن نكون خير سفراء وذلك بعكس وجه الوطن المشرق خاصة وأننا اكثر التصاقاً
بأبناء الوطن الذي هاجرنا اليه وبالجاليات الأخرى وحتى هذه اللحظة أظن أننا نقوم بهــــــذا
الدور خير قيــام اللهم الا القلة الشـاذة ويجب ألا تعمم هذه القلة على الأغلبية كما يجب ألا
تترك هذه القلة حتى لا تستفحل وتصبح هي السائدة . مرة أخرى أشكرك ايها الفخيم على
طرح هكذا مواضيع .

[telecom]

اهنئك اخى الفخيم فى اختيارك لهذا البوست الرائع
عارف مفروض الناس عامة والمغتربين بصورة خاصة يقعدوا مع بعض ويناقشوا مشاكلهم عشان يصلوا لحلول حاسمة اما موضوع السفارات وما ادراك ما سفاراتنا بالخارج مفترض يكون عندكم اعتراض دائم عليها لانها لا بتحل لا بتربط والوطن اصبح طارد لكثير من الغلابة فبيطلعوا بفتشوا على شمعة امل تنير ليهم الطريق ولكن هيهات
بعد داك بتبقى سكة الرجوع اصعب من الاول لانو الامل انتهى وهو المسكين بقى حطام انسان
بقول فى نفسو كيف الرجوع لزول قنع من بلدوا كيف
تقبل مرورى

[محمد حسين (المميز)]

سفارتنا في كل دولة
لا تهتم بمثل هكذا مشاكل وتتعامل بصمت
الشفاة تجاه كل القضايا التي تخص مهاجرينا..






لالالالالالالالا
يافخيـــــم

ماليك حق تقول الكــلام ده:rolleyes:

كيف يعني قنصلياتنا وسفاراتنا ما مهتمه بينا وما منظمه؟؟

انت ماشفت كيف الرسوم والجبايات تحت مسمى الزكاة والضريبه والخدمات والدعومات

بمزقو بيها المواطن كيف خارج السودان ufعبر السفارات والقنصليات

وداخله عبر جهاز المتمرمطيـن بالخارج:mad:

انت ماشفت بزرزرو الناس كيف

سألت كتيــــر من الجنسيات هل سفاراتهم تأخذ منهم مقابل سنوي نظير عملهم بالخارج:confused:

والاجابه

لا


تسلم يافخيــــــــم
على تقليب مواجع المغتربيــن:(

[الفخيييم]

ألم أقل لك يوما أنك فخييييييييم ..
لنسأل أولا أخي الفخيم أصبحنا هكذا ؟
ان السودان( بكل ابعاده )وفي أي بقعة من ترابه لا يرضى
أي سوداني( مأصل)أن مايراه خارج السودان وما ال اليه
السودانيون هناك اذن العبرة في اننا سكتنا من زمان بدري
ياالفخيم يا اخوي على كثير من الامور التي ادت لهذه
الفوضى والفضائح ، لما سمحنا لأي واحد وواحدة بالسفر
دون حسم .. المفروض ألا يكون هناك أخوي وود خالتي
ونسيبي وهو لا يحمل أي مؤهل يكفينا شر البهدلة اللي مبهلننا ليها
السودانيين والسودانيات بالخارج ..
الحسم ياسادة واجب وخلونا نبدأ من الان من جديد
هو أصلوا المسافر ده بجي يوم راجع ونحنا
نعمل كيف معاه ؟ حقوا نكون حاسمين لأكتر
ووالله السودان ما وش البهدلة ياأولياءنا ....

عنكوليب ودهمشكوريب تحياتي،،،،
عزة وطنا فوق الجميع والغرض
من طرح الموضوع هو وجود الحل
الناجع لكل القضايا الاجتماعية
الشائكة حول هذا الاطار حتي لا تتفاقم
المشكلة وتفوت حد المعقول مع الوضع
في الاعتبار اننا سفراء لبلدنا السودان
الغالي لا للعطالة في بلدان الغير لاي
سبب من الاسباب علي شاكلة الوضع
الافضل والاحلام الوردية وخلافه...
كل الشكر لمرورك الانيق...

[الفخيييم]

المشكله أكبر واعظم من منع سفر كل من هب ودب فهم يبحثون عن فرص حياة افضل ليس من حقنا منعهم بل واجبنا توفير حياة كريمه لهم داخل الوطن بالحد الادنى الذي يحفظ لهم كرامتهم اما من تتوفر له فرص عمل ولا يعمل فهم ليس بالكم الذي يجعل من الامر هاجس لكن ليس من ضير ان ننبه له حتى لا يصبح مشكلة يصعب علاجها . المشكله يا ساده في الذين يعافرون مع الحياة وهي عليهم شحيحة اولائك الذين يعانون حتى يوفروا لاولادهم ما يكفيهم وهم في غربه لا ترحم زد على ذلك وهو الهاجس الاكبر فرص تعليمهم في بلاد لا تعترف لك بحق التعليم هذا الموضوع يحتاج مساحة تفرد له حتى لا اطيل لكما كل الود

اخونا ابن المدينة كل الود...
لاضير في البحث عن الحياة
الكريمة ولكن هذا لا يجعلنا
نستكين ونرفض اي عرض
لشغل اي وظيفة مهما كان
اختيار خيار الغربة من اجل
تحقيق اهداف محددة مهما
كانت نسبتهم حتي ولو1%..
ولككني رأيت بأم عيني كميات
العطالة خصوصاً في دول الخليج..

[الجندي المجهول]

كميات من العطالة السودانيين
بدول المهجر مع توافر الوظائف
المختلفة لكل الشرائح ماذا هناك؟
والمؤسف ان هنالك من لديه اسرة
لا اعرف كيف يعيشون وكيف لهم بدفع
الايجارات في ظل وجود سفارة لا طعم
ولالون ولا رائحة!!سفارتنا في كل دولة
لا تهتم بمثل هكذا مشاكل وتتعامل بصمت
الشفاة تجاه كل القضايا التي تخص مهاجرينا..
علينا تدارك الموقف حتي لا تدنس سمعة وطنا الغالي..

حبيبنا الفخييييييييييييم
اولا ببصم معاك بالعشرة واضم صوتي لصوتك
ثانياً سفارتنا بالخارج عبارة عن مركز لتحصيل الرسوم ليس اكثر جباية بس ليس اكثر ولا اقل كلنا شفنا كيف تحترم السفارات منسوبيها وتقف إلى جانيهم وتحميهم ولكن سفارتنا ليس بها هذا الكلام وهم فقط ( فالحين) في عمل الحفلات والاحتفالات وعشان كدا انا بقترح يجبوا ( ندى القلعة وجدان الملازمين وحنان بلوبلو) يمسكوهم القنصلية ( وهاك يا هجيج للصباح)

/COLOR]
[COLOR="red"]تخريمة : مبروك للمريخ مبروك للامل وباذن الله مبروك للهلال ومبروك للخرطوم ومن قبلهم كلهم اتمنى ان نقول مبروك ( للسوادن)

[abomazeen]

الفخييم الحبيب ... بوست جميل وفي محله

السودانيون (الهاملون) بالخارج!!!! الله يعين ويوفقنا .. آمييين

[ودسمير]

انت ضربت كبد الحقيقة . السودانيين شعب ما عارف داير شنو ! انا رايت سودانين فى السعوديه يتسولون ! ولمن تقولو ليه ليه ماترجع السودان يقول ليك السودان فيهو شنو (عجبا والله عجب !!!!! ) غايتو ربنا يلهم الجميع حسن التصرف والسودان بلدنا واخير الواحد يا يرجع بقروش تمام ولا يرجع بى صحتو والباقى من العمر ما كتير

يمه جيت رجع عشانكم غربتى مليت دروبا
حزن دائم ودمعة كآبة وكل حاجة كمان غريبة
وناس قدر ما تحب ما تلاقى عيون حبيبه
شوق معذب وذكرى مرة وسيرة ما بنقدر نسيبة
عزنا وعزة بلدنا رحنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتى لا لا ويمه قولك ماسمعنا
ودابو قولك جانا راجع الا قبلو الروح دفعنا
هم كبير ودرب خطير وسكة ما ليها معنى
لا دارهم لا مظالم نحنا للعز رجعنا
يمه اغفرى لينا جينا لى بلدنا ولى ترابا
كلمى النييلن تصفق والصداقى تضوى بابا
ومدنى مدنى بى خضرة جروفها
وضى اماسيها ورحابا
وكل واحد ضاق شقا الغربة وعذابها
حسه انو بلادو اجمل مهما كل الغاليه جابا
اصلو عزك فى بلادك وفيها سيرة الموت حبابا

[الفخيييم]

ولا زالت سفاراتنا تهمش
انسانها في كل مكان ولا
تهتم باسترداد حقوقه من
اهانات بالغة يتعرض لها
في دول لا قيم ولا اخلاق
وما حادثة لبنان ببعيده
والآن طلابنا في الهند
يواجهون مشاكل لا حصر
لها نتيجة لقصور هؤلاء
المسؤولين تجاه ابسط
حقوقهم لمتين يا عالم؟؟؟؟

[الزبير محمد عبدالفضيل]

الاهمال ده من سنيين عديده وليس من الان العاملون بالخارج كرتهم أحترق من زمااااااااااااااااااااااان يافخيم ولالالالا حياة لمن تنادي نسال الله العلي العظيم أن يرد

غربة المغتربين بسلام