أبورهف
27-02-2010, 12:58 AM
Size="6"]
"]يااخوانا الواحد جاتو فكرة مجنونة وهى ان اطالب بى الانفصال عن السودان
ومن هسع ياناس الحكومة افصلو لى بيتنا عن السودان وح اسمى دولتى الجديدة دولة بيتنا العظمى والاسباب معروفة التى ادت لى انو اطالب بى الانفصال (التهميش والتغيب وكبت الحريات وووووووووك)وبينى وبينكم ماتكلمو ناس الحكومة بس (بيتنا طلع فيهو بترول ويورانيوم ودهب وبعدين امتلكت اسلحة نووية ماتكلمو زول) وحتكون حدود دولة بيتنا العظمى كاالاتى بيت ناس عمك حامد وبيت عمك سيداحمد وبشير الفلاتى شمالا وبيت عمك مكى وعمك اسماعيل غربا وبيت عمك اب ستة شرقا وطبعا شمالا ممكن نسميها الصحراء لانو الباب فى الشمال (ودى واحدة من المشاكل الحتواجهنى يعنى بعدين لو حصل تمرد ولا حاجة لاسمح اللة الحتة دى بيئة صالحة للحركات المسلحة)وبعدين فى فكرة انو الواحد يطبع علاقتو مع اسرائيل ويفتح الديوان سفارة امريكية (فى واحد يقدر يفتح خشمو) وانضم لى الاتحاد الاوربى وبى النسبة لى الزراعة بعمل زى السعودية اشوف لى ارض خصبة رى السودان ولا يوغندا وازرع فيها مامشكلة (الراجحى ممكن يساعدنى فى الموضوع دا)
السياسات الداخلية
تقليص الظل الادارى داخل الدولة
الوزارت
الوزارات المافى ليها لازمة ماتنفع معانا
وزارة الدفاع عندى اخوى عسكرى بمسكو ليها
وزارة التربية والتعليم والوالد قاعدة
وزارة الطاقة والتعدين اخوى التانى فى
وزارة الصحة دى الا وزير محترف ماعندنا فى دولتنا
وزارة الخارجية عندنا واحد هامل كدا كل يوم فى بلد بمكسها لينا
وبعدين كل واحد يصرف من جيبو لانو ماعندنا وزارة مالية (عشان الحرامية مايكترو)وبعد داك يجيب لينا فاتورة وكل واحد يعمل خطة طويلة المدى للنهوض باالجانب الموكل بيهو
لحدى هنا وكفاية اعتبرو البيان الاول لحدى ماالواحد ينجر ليهو حاجة تانية
ولا اقول ليكم ساهمو معاى بى ارائكم يمكن تطلع لينا وزارة جديدة بس دى بخليها فى طى الكتمان لحدى ماواحد يتمرد على ويعمل حركة بعدين بديهو الوزارة البتقترحوها على
ولو كترو المتمردين فى وزارات كتيرة قصدنا مانصرح عنها وفى مساعدين وزراء ومساعدين رئيس والحاجات البتتنجر دى كويس
قال تقليص الظل الادارى قال
"]يااخوانا الواحد جاتو فكرة مجنونة وهى ان اطالب بى الانفصال عن السودان
ومن هسع ياناس الحكومة افصلو لى بيتنا عن السودان وح اسمى دولتى الجديدة دولة بيتنا العظمى والاسباب معروفة التى ادت لى انو اطالب بى الانفصال (التهميش والتغيب وكبت الحريات وووووووووك)وبينى وبينكم ماتكلمو ناس الحكومة بس (بيتنا طلع فيهو بترول ويورانيوم ودهب وبعدين امتلكت اسلحة نووية ماتكلمو زول) وحتكون حدود دولة بيتنا العظمى كاالاتى بيت ناس عمك حامد وبيت عمك سيداحمد وبشير الفلاتى شمالا وبيت عمك مكى وعمك اسماعيل غربا وبيت عمك اب ستة شرقا وطبعا شمالا ممكن نسميها الصحراء لانو الباب فى الشمال (ودى واحدة من المشاكل الحتواجهنى يعنى بعدين لو حصل تمرد ولا حاجة لاسمح اللة الحتة دى بيئة صالحة للحركات المسلحة)وبعدين فى فكرة انو الواحد يطبع علاقتو مع اسرائيل ويفتح الديوان سفارة امريكية (فى واحد يقدر يفتح خشمو) وانضم لى الاتحاد الاوربى وبى النسبة لى الزراعة بعمل زى السعودية اشوف لى ارض خصبة رى السودان ولا يوغندا وازرع فيها مامشكلة (الراجحى ممكن يساعدنى فى الموضوع دا)
السياسات الداخلية
تقليص الظل الادارى داخل الدولة
الوزارت
الوزارات المافى ليها لازمة ماتنفع معانا
وزارة الدفاع عندى اخوى عسكرى بمسكو ليها
وزارة التربية والتعليم والوالد قاعدة
وزارة الطاقة والتعدين اخوى التانى فى
وزارة الصحة دى الا وزير محترف ماعندنا فى دولتنا
وزارة الخارجية عندنا واحد هامل كدا كل يوم فى بلد بمكسها لينا
وبعدين كل واحد يصرف من جيبو لانو ماعندنا وزارة مالية (عشان الحرامية مايكترو)وبعد داك يجيب لينا فاتورة وكل واحد يعمل خطة طويلة المدى للنهوض باالجانب الموكل بيهو
لحدى هنا وكفاية اعتبرو البيان الاول لحدى ماالواحد ينجر ليهو حاجة تانية
ولا اقول ليكم ساهمو معاى بى ارائكم يمكن تطلع لينا وزارة جديدة بس دى بخليها فى طى الكتمان لحدى ماواحد يتمرد على ويعمل حركة بعدين بديهو الوزارة البتقترحوها على
ولو كترو المتمردين فى وزارات كتيرة قصدنا مانصرح عنها وفى مساعدين وزراء ومساعدين رئيس والحاجات البتتنجر دى كويس
قال تقليص الظل الادارى قال