عليك االبينى ما بينك ماتدخل هنا

[abdo16942]

قمض عيونك لوشايف ظلام ورينى ولو ضو خليك ساكت يعنى شنو ضو ويعنى شنو ضلام شوف اوريك بس اقفل اضنيك ولو سمعته ورينى ولو ماسمعته اسكت انت قاعد تفرا شعر سمعت نكر صوتك صداك لو سمعتها رايك شنو فى المان ده عليك الله ماتجامل لو جامد وقصايده ظابته انا حافظه كلها بعد تعليقك انا ح اكتب ليك كل ماكتب عاطف خيرى ويالله نشوف حلم غيرك بيتحقق الله الله

[ابراهيم]

الأخ العزيز عبدو
مرحبتين حبابك ومنور والمنتدى

انا غايتو ما خساني في ضلام او ضو وسمع او ما سمع .. عشان ما فهمت قصدك شنو!!؟؟

لكن سمعت نكر صوتك صداك وتقريباً 80% من ناس المنتدى بكون سمعوها وما خساني بيهم برضو

عاطف خيري شاعر فنان وكتاب والكلام فيهو يحتاج مساحات ومساحات


لكن جملة "حلم غيرك بيتحقق الله الله" دي كان ما جيت اعربتها سريع
بتحصل مشكلة

وابقى عافية

[أبورهف]

نكر صوتك صداك
غالطنى الزمن فيك
نزلت شاهر على الورد بطاقاتنا الخريفية
رجع فاضى الكلام مليان
معاك اتبرجت غيمة وشهق جواى صوت جدول
نزلت على المطر حفيان
لقيتك والرزاز مدخل
وناديتك تعالى نشيل كتف الغنا الميل
ونتخيل حلم دونك بيتحقق ونتخيل

قمة فى الروعة عاطف خيرى

[همس الدواخل]

حبوك حب قدر الحروف الحايمة في بطن الكتب
قدر الخيال ما مد أيدو على السحب
كل خاطر قال بريك إلا ريدك كان رسول الدهشة في كل الديار
وانا زي عوايد الشعر فارس شد خيل الكلمة ليك
مصلوب على ضهر البداية قالو آخرها بين أديك
وسرحت يا مهون تهون كان أجيك
كان أصل يوم لي حضورك كت بريدك ومشتهيك
وضحكت ما هماني شي
وبكيت ولا هما ني شي
عندك وقفت من المشي
وغرقت في ضو النهار
دا غايتو من أجمل كلام مصطفى سيد أحمد
لكن ما عارفو من عاطف خيري ولا غيرو

[أبورهف]

حبوك حب قدر الحروف الحايمة في بطن الكتب
قدر الخيال ما مد أيدو على السحب
كل خاطر قال بريك إلا ريدك كان رسول الدهشة في كل الديار
وانا زي عوايد الشعر فارس شد خيل الكلمة ليك
مصلوب على ضهر البداية قالو آخرها بين أديك
وسرحت يا مهون تهون كان أجيك
كان أصل يوم لي حضورك كت بريدك ومشتهيك
وضحكت ما هماني شي
وبكيت ولا هما ني شي
عندك وقفت من المشي
وغرقت في ضو النهار
دا غايتو من أجمل كلام مصطفى سيد أحمد
لكن ما عارفو من عاطف خيري ولا غيرو

دى من كتابات المبدع عبد العزيز العميرى