almaknemer
21-12-2004, 03:38 AM
المروق والخطوة من ملك النهر لى الليل
مسلات النجم ...والوقفة بين رامى الحدق .والسيل
توابيت الأسى العرقان ..خطابات ما قراها النيل
ولا كان الجرح غناى ....ولا رمل المسافة سبيل
...وصيتنا المعلقة بين سبيطة .. وشتلة .. مقرية
واقلامنا المقيدة بين معانى وجملة مبرية
مسافات القوافل والغنا المدسوس
... مشيناك يازمن ..محروس
عرفناك ...والمدن تعرف
اذا شلنا النغم منك ....تهب ريح الوطن تعزف
وما جاب البريد أخبار ...جناح الطابعة قمرية
وصيتك ...كبرت أجيال وجيتك صبرت روح جيل
ناديناك تشب فى الضو ..وتهدينا المكان ...والعين
سمعناك تنده السودان ..........سنين ودنين
وتشرق فى عيون المهدى أم درمان
..زمان البقعة ما أمواج ...تشد الضفة للشارع
كانت كلمة لما تقوم تمد ايدينا طول فارع
ايدين بتصلنا حتى اليوم .. تخت فى قلبنا العنوان
وتجرى معانا تحرس وعينا البارع000
كبرنا معاك ...مسافات صوتك الأخضر
تساوى الحلم بالتيراب
وتسقى منابت العشاق ...وتفتح للرؤى الأبواب
ولو شرد الحرف من بيتو يتلقاك
يضمو مدى النغم ...يملاك يحتلاك
وتنسجو توب يغطى اليرضى والياباك
تعبت كتير وما قال لك صمودنا كفاك
وكل ما اللحن ودى بعيد
نقول لك ...زيدنا ..بعد وشوق
تقول نجم الوطن ملحوق
اذا كتب النهر للموجة وقال أمسك قلم ملاك
حديث ...من آخرو يبدا حديث
بدايات .... والوطن جياب
بدايات والوطن...أحباببدايات ....والنهار مارق ....وشمساً لو تغيب اليوم
حتطلع فى المدن أطفال ...يشدو من المسافة حبال
يعلقوا فيها فانوسين .. ويقروا نشيدك الأول
يسدو الشارع الرحال ...ويبقى وطنا ..فى صوتك
حلم شفناهو سقنا معانا ....صحيناهو من شوقنا
وغسلنا وشيهو بى سمرة تراب أرضك
حلم جالسنا صباحى
سقينا بشايك الصاحى
وقلت أرحل إذا الحزن القديم تاور ....وعلا معانى نور العين
ووردة صبية بى أول غرام شبت
وأكتوبر ...مداد القرشى ...حب سيال ...عصافير الخريف جيلين
ولسه وطنا ....عالى الهمة ......لسه غنانا يحكى الحال
ولسه الشعب فارس الحوبة .. زايد فى الشموخ أطوال
ولسه فرحنا بيغنى ...لما الغنوة تبقى نضال
وتبقى عميقة فى اليوماتى
تبقى صديقة تشرح ليك ....معانى اللقيا والفرقة
ومعانى القدلة فى شارع ..بيتنفس متل نفسك
لا زول قيدك ..حبسك
و لا باب اتقفل رفسك
ولا ....وسطك دموع أطفال تبلل وقفتك حرقة
ولا شوق
بس خيول وصهيل
مسونكيل
مسلات النجم ...والوقفة بين رامى الحدق .والسيل
توابيت الأسى العرقان ..خطابات ما قراها النيل
ولا كان الجرح غناى ....ولا رمل المسافة سبيل
...وصيتنا المعلقة بين سبيطة .. وشتلة .. مقرية
واقلامنا المقيدة بين معانى وجملة مبرية
مسافات القوافل والغنا المدسوس
... مشيناك يازمن ..محروس
عرفناك ...والمدن تعرف
اذا شلنا النغم منك ....تهب ريح الوطن تعزف
وما جاب البريد أخبار ...جناح الطابعة قمرية
وصيتك ...كبرت أجيال وجيتك صبرت روح جيل
ناديناك تشب فى الضو ..وتهدينا المكان ...والعين
سمعناك تنده السودان ..........سنين ودنين
وتشرق فى عيون المهدى أم درمان
..زمان البقعة ما أمواج ...تشد الضفة للشارع
كانت كلمة لما تقوم تمد ايدينا طول فارع
ايدين بتصلنا حتى اليوم .. تخت فى قلبنا العنوان
وتجرى معانا تحرس وعينا البارع000
كبرنا معاك ...مسافات صوتك الأخضر
تساوى الحلم بالتيراب
وتسقى منابت العشاق ...وتفتح للرؤى الأبواب
ولو شرد الحرف من بيتو يتلقاك
يضمو مدى النغم ...يملاك يحتلاك
وتنسجو توب يغطى اليرضى والياباك
تعبت كتير وما قال لك صمودنا كفاك
وكل ما اللحن ودى بعيد
نقول لك ...زيدنا ..بعد وشوق
تقول نجم الوطن ملحوق
اذا كتب النهر للموجة وقال أمسك قلم ملاك
حديث ...من آخرو يبدا حديث
بدايات .... والوطن جياب
بدايات والوطن...أحباببدايات ....والنهار مارق ....وشمساً لو تغيب اليوم
حتطلع فى المدن أطفال ...يشدو من المسافة حبال
يعلقوا فيها فانوسين .. ويقروا نشيدك الأول
يسدو الشارع الرحال ...ويبقى وطنا ..فى صوتك
حلم شفناهو سقنا معانا ....صحيناهو من شوقنا
وغسلنا وشيهو بى سمرة تراب أرضك
حلم جالسنا صباحى
سقينا بشايك الصاحى
وقلت أرحل إذا الحزن القديم تاور ....وعلا معانى نور العين
ووردة صبية بى أول غرام شبت
وأكتوبر ...مداد القرشى ...حب سيال ...عصافير الخريف جيلين
ولسه وطنا ....عالى الهمة ......لسه غنانا يحكى الحال
ولسه الشعب فارس الحوبة .. زايد فى الشموخ أطوال
ولسه فرحنا بيغنى ...لما الغنوة تبقى نضال
وتبقى عميقة فى اليوماتى
تبقى صديقة تشرح ليك ....معانى اللقيا والفرقة
ومعانى القدلة فى شارع ..بيتنفس متل نفسك
لا زول قيدك ..حبسك
و لا باب اتقفل رفسك
ولا ....وسطك دموع أطفال تبلل وقفتك حرقة
ولا شوق
بس خيول وصهيل
مسونكيل