مدنيه بالامارات

[نزار حسن محمد]

وصلت الاخت الفاضله مدنيه لدولة الامارات العربيه المتحده فى دوره تدريبيه لمدة اسبوع بامارة دبـــــــــى
ومنذا وصولها لم يتوقف هاتفها من الرنين من قبل اعضاء المنتدى بدولة الامارات ...
نتمنى لها اقامه طيبه ...ونتمى ان نسد بعض من دينها علينا كلما حللنا بارض الوطن
فانها انسانه باقامة وطن فمرحباً بك ام جمال

[esmat]

يامدون الامارات وكدا ما تفكيها تاني
وما تنسي الناس ديل ما ادقسوك
لازم تمشي تقضي يومين تلاتة في برج الخليفة

[عمك تنقو]

يعني نبق ولالوب السودان السمح ده قمت بيهو براااااك يا نزار .. غايتو عليك جنس غيتنة .. حقي باخدوا باصات ابو ظبي مسقط ماشة زي مدني الخرطوم ;)

[نزار حسن محمد]

يامدون الامارات وكدا ما تفكيها تاني
وما تنسي الناس ديل ما ادقسوك
لازم تمشي تقضي يومين تلاتة في برج الخليفة

عريسنا عصمت ..
يازول مدنيه اليوم كله مصنقعه
تعاين وتتلفت فى الابراج
ومستغربة فى حركة المرور
وقالت ليه السواقين بقيفه لمن اشارة المرور تولع احمر؟؟؟؟
قالتها احتراماً لمريخ السودان!!!

[نزار حسن محمد]

يعني نبق ولالوب السودان السمح ده قمت بيهو براااااك يا نزار .. غايتو عليك جنس غيتنة .. حقي باخدوا باصات ابو ظبي مسقط ماشة زي مدني الخرطوم ;)

ابو الطب يازول مدنيه ماقصرت تب
جابت لنا المولد كله فى الامارات
هى جنس حلوه
بتى رنيم عملت لنا طبليه فى البيت
العروس بسعر والحصان سعره برا
ام ناس حمصيه وسمسميه
وحلوه لكوم حجات كده اول مره
اشوفه ..ما تديك الدرب حقك محفوظ
المشكله فى ود المطامير واميمه عشريه
دوره عرباتم متسابقين فى الطريق للوصول

[بنت الرفاعي]

وأنا أقول ماشايفاها اليومين دي لييه؟؟:confused::)

نتمنى لها إقامة طيبة وممتعة.
وترجع بالسلامة إن شاءالله.

[esmat]

ابو الطب يازول مدنيه ماقصرت تب
جابت لنا المولد كله فى الامارات
هى جنس حلوه
بتى رنيم عملت لنا طبليه فى البيت
العروس بسعر والحصان سعره برا
ام ناس حمصيه وسمسميه
وحلوه لكوم حجات كده اول مره
اشوفه ..ما تديك الدرب حقك محفوظ
المشكله فى ود المطامير واميمه عشريه
دوره عرباتم متسابقين فى الطريق للوصول

افو والله عافي منها العسولة رنيم
قوليها وقوليها نجضي الشغلة
خالتك مدون دي لو لقت الحكاية جايبة
حقها يا ها الاشتغلت ليك تاجر شنطة
اقصد حلاوة مولد وكدا -

[عوض صقير]

الأمارات منورة والله

نتمنى لها إقامة طيبة ...

[أبونبيل]

مرحبا بالاستاذه مدنيه فى دولة الامارات نزلت أهلا وحللت سهلا

وهى محل حفاوه وتقدير من كل اعضاء المنتدى بالامارات ** نزار ** زول فرده **الاستاذه أميمه عشريه **ايهاب حمدتو والبقيه

البرنامج طبعا مع الابن نزار والغاليه ام فايزه

فى اتصال تلفونى بمدنيه وعدتنا بزيارة ابوظبى قبل مغادرتها للسودان يوم الجمعه أن شاء الله

مدنيه فى دبى فى مهمه رسميه

[تغريد]

رحلة موفقة يا أم جمال

وهنيئا بالأمارات بيك

تمشي وتجي بألف سلامة

[امال مالك]

رحله موفقها اختنا مدنيه
ترجعى بالسلامه
تحياتى الى كل الاخوه

[رضا حسن محمد]

يا مدنية اتصلى بى
عندى وصايا وكدة

[معتز حمدتو]

حمدا على سلامة الوصول
أتمني لك اقامة طيبة

[نزار حسن محمد]

نداء لجميع الاخوه بمنتدى ست المدائن بدولة الامارات العربيه المتحده
سوف يقام احتفال ترحيبى بمناسبة قدوم الاخت ((مدنيه )) لدولة الامارات
مساء يوم الخميس الموافق 11/3/2010 بمدينة ابوظبى والدعوه عامه
للاتصال 0507877187 نزار حسن
0502205810 محمد الشيخ باسطه

[محمد الجزولى]

منوره البلد والله اختى مدنيه
واتمنى لك اقامه طيبه
( اتارى انا اقول البلد مقيمه والهواء بااااارد)

[روبش]

نداء لجميع الاخوه بمنتدى ست المدائن بدولة الامارات العربيه المتحده
سوف يقام احتفال ترحيبى بمناسبة قدوم الاخت ((مدنيه )) لدولة الامارات
مساء يوم الخميس الموافق 11/3/2010 بمدينة ابوظبى والدعوه عامه

العزيز ... نزار
لك التحايا ....
اعملوا حسابكم لو ما قمتوا بالواجب بتلقى الخبر نزل في ( كبد الحقيقة ) في شكل بيان

تخريمة : يا نزار دبي ده زيارة عمل ولا الفي بالي

[ابوالنور]

نداء لجميع الاخوه بمنتدى ست المدائن بدولة الامارات العربيه المتحده
سوف يقام احتفال ترحيبى بمناسبة قدوم الاخت ((مدنيه )) لدولة الامارات
مساء يوم الخميس الموافق 11/3/2010 بمدينة ابوظبى والدعوه عامه

العزيز ... نزار
لك التحايا ....
اعملوا حسابكم لو ما قمتوا بالواجب بتلقى الخبر نزل في ( كبد الحقيقة ) في شكل بيان

تخريمة : يا نزار دبي ده زيارة عمل ولا الفي بالي

ان شاء الله دايما ملمومين
m كبدي يا مدنية

[abomazeen]

تخريمة : يا نزار دبي ده زيارة عمل ولا الفي بالي
بس ياها زاتها اللي في بالك ...!
باقي لك مدنية تاني بترجع البلد ..؟
يا مدنية منورة الامارات والدول المجاورة ...

[رضا حسن محمد]

يا مدنية حولى لى عشرة الف درهم عشان اشترى ليك دهب من سوق الكندرة

[نزار حسن محمد]

منوره البلد والله اختى مدنيه
واتمنى لك اقامه طيبه
( اتارى انا اقول البلد مقيمه والهواء بااااارد)

المبدع الفنان ود الجزولى برغم دوام عمله الذى يستمر حتى المساء
ولكنه اصر ان يكون متواجد فى احتفال الاخت مدنيه بمدينة ابوظبى
يدك الصحه والعافيه حبيبنا ود الجزولى

[نزار حسن محمد]

نداء لجميع الاخوه بمنتدى ست المدائن بدولة الامارات العربيه المتحده
سوف يقام احتفال ترحيبى بمناسبة قدوم الاخت ((مدنيه )) لدولة الامارات
مساء يوم الخميس الموافق 11/3/2010 بمدينة ابوظبى والدعوه عامه

العزيز ... نزار
لك التحايا ....
اعملوا حسابكم لو ما قمتوا بالواجب بتلقى الخبر نزل في ( كبد الحقيقة ) في شكل بيان

تخريمة : يا نزار دبي ده زيارة عمل ولا الفي بالي

والله ياروبش كان قمنا بالواجب ووب وكان ما قمنا بالواجب وووبين
لكن خبر وفاة ايداهور شغلها الشاغل ..
غايتو ان كان محل جمال الوالى
كنت اتنازلته ليها من الرئاسه ..
ولمن سمعت الخبر قعدة تبكى جنس بكاء
قلت ليها خلاص جمال الوالى قال بتكفل باطفال المرحوم
وبتزوج مرته ..اكان الدمعه طارة ليها من عينه
اما موضوع الفى بالك . تجار شنطه تخصص حلوه مولد .
.لكن شوف المحن ما جابت اى حلوه لونه ابيض كلها ياحمراء ياصفراء

[نزار حسن محمد]

ان شاء الله دايما ملمومين
m كبدي يا مدنية

ابو النور ..وين مختفى .
يازول كبد الحقيقه عند مدنيه لونه اصفر واحمر ما كبدى

[نزار حسن محمد]

بس ياها زاتها اللي في بالك ...!
باقي لك مدنية تاني بترجع البلد ..؟
يا مدنية منورة الامارات والدول المجاورة ...


ابومازن مدنيه قالت لك هى وصلت الامارات مخصوص عشان تستلم الاشتركات رسل اشتركات ساى يابوى

[نزار حسن محمد]

يا مدنية حولى لى عشرة الف درهم عشان اشترى ليك دهب من سوق الكندرة

رضا مدنيه اشترت دهب من الامارات اكتر من دهب ندى القلعه وابصم لك بالعشره
وقالت لك حول ليها عشان تشترى ليك للمدام وبت دبلوك اتفقت معاه تب
دق صدرك ساى يالجدك قتل الاسد

[معتز الريح]

بختكم يا ناس الأمارات ..

[نزار حسن محمد]

بختكم يا ناس الأمارات ..

والله كنا نتمى وجودك معنا ياوالريح
لكن باذن الله حفل الغد سوف يكون متلفز على الهواء مباشرة
من مدينة ابوظبى منتجع كاسر الامواج
تحت رعاية رابطة ابناء ودمدنى بالامارات
واعضاء منتدى ودمدنى بالامارات

[معتز الريح]

والله كنا نتمى وجودك معنا ياوالريح
لكن باذن الله حفل الغد سوف يكون متلفز على الهواء مباشرة
من مدينة ابوظبى منتجع كاسر الامواج
تحت رعاية رابطة ابناء ودمدنى بالامارات
واعضاء منتدى ودمدنى بالامارات

غايتو بنتابع معاكم
أبو النيز
الصور
الصور
الصور
أعذار مافي ..

[نزار حسن محمد]

غايتو بنتابع معاكم
أبو النيز
الصور
الصور
الصور
أعذار مافي ..
تعرف ياود الريح
محمد الشيخ باسطه قام بمجهود ضخم لتوثيق هذا الحفل
وباذن الله سوف نوافيكم بالصور

[محمد أحمد الشيخ]

معزوميييييين معانا حفل أستقبال مدنيه
ودعوه خاصه لي سرويه أنشاء الله بالتلفون

[سروية]

تحياااتنا لي الاخت الغالية مدنية وتجي بي الف سلامة


ورحلة موفقة ان شاء الله :

وياود الشيخ ماقصرت بث كان ترسل كرت زيارة وشوف كان اقصر :d:d

ماكتيرة الجية علي مدنية

[محمد أحمد الشيخ]

أخر الترتيبات أكتملت للحفل الكبير الذي تقيمه رابطة ود مدني للأخت العزيزه مدنيه أنشاء الله نقدر ننستر معاها عشان ما تشيل حسنا وتقول ناس الأمارات (بري - بري - بري ) منهم .
ونود أن نعلن لجميع أعضاء المنتدي المتواجدين بالأمارات بالحضور اليوم الخميس الموافق 11/3/2010 الساعة السابعة مساءا في صالة كاسر الأمواج بأبوظبي

[روبش]

يا والله يا محمد احمد الشيخ الحفلة ما عندنا فيها راي .. ولا استقبال عمتنا بهذا الحدث عندنا فيهو رأي ... لكن الفيكم اتعرفت
اقول يا محمد .. كده شاوروها قبل ما تجهزوا للحفل ده .. احتمال تكون حاده على الراحل ايداهور .. لانو سمعنا انها طلعت مخصوص من السودان عشان تنسى شويه

[المكاشفى]

والله يا ام جمال عينى بارده
يعمينا لينا خمس سنه كورس كان فى الرياض الخرطوم
لكن ناس المصارين البيض ديل بى عديلهم

تعبتوا يانزار زمنكم ده كلو زايغين اها فى محلكم جيناكم الا تطيروا
مدون اقامه طيبه ياخ وماتنسى هديتى لاب توب ولا عربيه كورلا اختارى

والله يابخت الامارات بما فيها من النور ده

[معز عبد المنعم]

نورت البلد كلها الاخت ام جمال
والف مرحب بقدومك ونتمني رحله موفقه
واقامه بيننا سعيده وشرفتينا

[ايمن عبد الله]

والله مدنية مازولة ساهلة ان شاء الله ربنا يسهل لها امورها كلها (حالتي يا نزار رسلت لها عزاء ايداهور في جوال السودان) اتمقلبت صاح؟

[مايسة]

السلام عليكم ورحمة الله تعالي وبركاته

لمدة تقريبا اسبوع كامل تلالات دولة الامارات العربية المتحدة - وامس فقط غمرنا ضوء ساطع - جهر اعيننا في مدينة ابوظبي

انسانة لا تشبع منها ابدا (حلاوة مولد ) (وش بغمزة يا مدنية) - تلقاك ببسمة وضحكة تسر قلبك وينشرح صدرك لها
سلمت عليها وكأنني اعرفها منذ الصغر - لا تملها صرااحة -
(كفاية كدا يا مدنية ) ولا اديك نجمة زيادة - :D

استمتعنا جل استمتاع معها - وزادت متعتنا بالجمع الرائع من رابطة ابناء ودمدني بالامارات - واعضاء المنتدي

احب ان اشكر كل من قدم لي الدعوة (الاستاذ نزار - ومحمد الشيخ ) - ووالله سعدت جدا بمجالستكم -
والشكر الجزيل ايضا - لكل الحضور من غير فرز -

تخريمة : مدنية المرة الجاية ادينا خبر قبل شهر - عشان نحضر الميزانية وكدا -
وجيبي لي معاك كباية فخفخينا سودانية اصلية :p;)

[مدنيّة]

وصلت الاخت الفاضله مدنيه لدولة الامارات العربيه المتحده فى دوره تدريبيه لمدة اسبوع بامارة دبـــــــــى
ومنذا وصولها لم يتوقف هاتفها من الرنين من قبل اعضاء المنتدى بدولة الامارات ...
نتمنى لها اقامه طيبه ...ونتمى ان نسد بعض من دينها علينا كلما حللنا بارض الوطن
فانها انسانه باقامة وطن فمرحباً بك ام جمال

مدنية بالامارات دي علي وزن "قروي × المدينة" ولا الفهم شنوووووووو :cool:


غايتو يانزار حسن يوم شكرك ان شاء الله ما يجي
راجل بمعني الكلمة
صراحة ماعندي كلام اقوله يوفيك حقك غير السطر الفوق دا

[مدنيّة]

يامدون الامارات وكدا ما تفكيها تاني
وما تنسي الناس ديل ما ادقسوك
لازم تمشي تقضي يومين تلاتة في برج الخليفة


عصمت العريس "المعرس تلاتة مرات الي الان :cool: "
وحاة الله الامارات ما بتتفك
ما عشان برج خليفة
عشان ناسها

[ودتابر]

مدنية .. قامة تستحق الاحتفاء بها في كل مكان تحل به



وربنا يوفقك دوماً .. يا أم جمال .. ويا بختهم ناس الأمارات



*** ونحن عملنا برقية تعزيه في فقدكم وفقد الرياضة السودانية إيداهور .. ولكن جاتنا راجعه ... وأهو عرفنا السبب .

[esmat]

عصمت العريس "المعرس تلاتة مرات الي الان :cool: "
وحاة الله الامارات ما بتتفك
ما عشان برج خليفة
عشان ناسها


يامدون قالوا لي جاك ضعف نظر
منططة عينيك ومصنقعة من ما مشيتي
غايتو ناس الخرطوم قالوا استقبلوك بالـ (بتاع الرقبة داك اسمو شنو) الطبي داك ياخ (بعيد عنك)
بعدين انتي بدل تجي عمرة وتعمري تمشي لي ناس المسافر
اسي المسافر دا لا قيتيه كيف عامل صلعتوا دي

[esmat]

تلحيقة بين قوسين:
بنفتش في الرابعة
غايتو كتبناها تلحيقة عشان لو قبضونا نقول تلحيقة اي شي
ان شاء الله سلطة رووووب

[esmat]

مدنية بالامارات دي علي وزن "قروي × المدينة" ولا الفهم شنوووووووو :cool:


غايتو يانزار حسن يوم شكرك ان شاء الله ما يجي
"راجل" بمعني الكلمة
صراحة ماعندي كلام اقوله يوفيك حقك غير السطر الفوق دا

ذكرتيني يامدون زمان (ماشديد كدا)
كنت عامل فيها بعزف بالهارمونيكا
وعامل ليك ازعاج تقيل لي شباب الحي واهل الحي
ويوم بالليل كدا في قمة سعادتي وعزفي المنفرد دا
طلع لي جارنا (الله ارحموا) ردمني ليك حجار كدا
وقال لي انت شابكنا واك واك فينا حسن والصفارة
طلعنا من المدرسة انت عايز تطلعنا من الفريق دا ولا شنو

واهو ما طلع من الفريق لكن كبت في داخلي احلام الغنى
(wwwawww) على وزن جلالة

[مدنيّة]

يعني نبق ولالوب السودان السمح ده قمت بيهو براااااك يا نزار .. غايتو عليك جنس غيتنة .. حقي باخدوا باصات ابو ظبي مسقط ماشة زي مدني الخرطوم ;)

ياعمك
لو كنت عارفة انه الباصات ماشة توااااااااااالي
الواحد كان خطفت رجله وجاكم هناك :cool:


همسة : متلومين معك ياعمك تنقو
عديها لينا المرة دي

[مدنيّة]

عريسنا عصمت ..
يازول مدنيه اليوم كله مصنقعه
تعاين وتتلفت فى الابراج
ومستغربة فى حركة المرور
وقالت ليه السواقين بقيفه لمن اشارة المرور تولع احمر؟؟؟؟
قالتها احتراماً لمريخ السودان!!!

نزار حسن
اخير اسكت سااااااااااااي
ومااجيب سيرة "فنجان القهوة" عشان مااشيل حالك
عارفني شيالة حال "وش مدنية وهو شايل الحال"

[مدنيّة]

وأنا أقول ماشايفاها اليومين دي لييه؟؟:confused::)

نتمنى لها إقامة طيبة وممتعة.
وترجع بالسلامة إن شاءالله.

مرام ياغالية
اخبارك واحوالك

ان شاء الله الامور كلها مية مية

تشكري ياعثل علي الدعوات الطيبات

[مدنيّة]

افو والله عافي منها العسولة رنيم


الصراحة رنيم من ناحية عثل فهي عثثثثثثثثثثثل

لكن بيني وبينك ياعصمت "نجااااااااااااااااااااااااااااااااااااااااااضة"

[مدنيّة]

الأمارات منورة والله

نتمنى لها إقامة طيبة ...

يديك العافية يااستاذ عوض


همسة " اها مافي تريقة ترسلوا لينا كورس عشان الرياض تنور وكدا :cool:

[مدنيّة]

مرحبا بالاستاذه مدنيه فى دولة الامارات نزلت أهلا وحللت سهلا

وهى محل حفاوه وتقدير من كل اعضاء المنتدى بالامارات ** نزار ** زول فرده **الاستاذه أميمه عشريه **ايهاب حمدتو والبقيه

البرنامج طبعا مع الابن نزار والغاليه ام فايزه

فى اتصال تلفونى بمدنيه وعدتنا بزيارة ابوظبى قبل مغادرتها للسودان يوم الجمعه أن شاء الله

مدنيه فى دبى فى مهمه رسميه

ياعمو عصام ما تسمع لينا نزار دا "الابن" دي
مابنقدر عليه تاني :cool:

شكرا جزيلا بقدر قامتكم علي الاتصالات المتكررة وعلي احتفال ابوظبي
طبعا لا توفيكم كلمة شكر حقكم ولكنها محاولة مني عسي ولعل اوصل ليكم امتناني باستقبالكم لي وحفاوتكم التي غمرتموني بها

[مدنيّة]

رحلة موفقة يا أم جمال

وهنيئا بالأمارات بيك

تمشي وتجي بألف سلامة


الله يديك العافية ياغالية

شكرا بقدر قامتك

[مدنيّة]

رحله موفقها اختنا مدنيه
ترجعى بالسلامه
تحياتى الى كل الاخوه

تسلمي ياراقية

وشكرا عميقا علي ذوقك

[مدنيّة]

يا مدنية اتصلى بى
عندى وصايا وكدة

رضا حسن
عندك في الامارات
"ابو الرجال"

اتصل عليه سااااااااااااي
بدق صدره "وش مجرب"

[مدنيّة]

حمدا على سلامة الوصول
أتمني لك اقامة طيبة

شكرا جزيلا يامعتز حمدتو علي حفاوتكم
طبعا ماغريبة عليكم
لانه دا طبعكم ومن كرم اصلك

شكرا علي كل حاجة

[ميادة]

مدون اولن حمدلله ع السلامة والبركة الوصلتي طيبة

والله الامارات بعدك خراب
طلتك كانت خفيفة وحلوة خالص بالجد نورتينا وان شاء الله ما تكون اخر الجيات


غمزه : اها افتو اقول ولا ما اقول اصلو انتي ما وفيتي بي وعدك وعزمتيني :p;):cool:

[Madanawi]

الشيخة مدنيّة في الأمارات ..
جاتكم البركة يا ابو النيز .. وعارفنكم ما بتقصروا
منتظرين تقرير مدنيّة عن الرحلة التدريبية الترفيهية

[أحمد عمر ( MOODY )]

أها يا جماعة .. هاكم الصور

[أحمد عمر ( MOODY )]

صورة للشهادة التقديرية التي قدمتها رابطة أبناء ودمدني بأبوظبي للأستاذة مدنية

[أحمد عمر ( MOODY )]

جانب من الحضور :
ويظهر على يمين الصورة الأستاذ أزهري برعي و المهندس سعيد العمدة
و على يسار الصورة يظهر المهندس إيهاب حمدتو و إبنه عصام الصغير

[روبش]

الحبيب ... احمد عمر
كده الكاسات والشهادات ده عرفناها ( الظروف وين ) مافي ليها صور ولا شنو
تخريمه : عليكم الله ده حالتها ( حاده ) يعني لو فكت الحد بتعملوا ليها شنو .. ناس ابوظبي عليكم حركات

[أحمد عمر ( MOODY )]

يا روبش .. عمّتك كانت في حالة حداد
عشان كده قالت خلوها للدورة التدريبية الجاية


تفحيطة سدّاري : نظام دايرة تعمل الدرب ساساقة ... و كده

;) :d ;)

[أحمد عمر ( MOODY )]

من اليمين لليسار :


معتز حمدتو .. جمال مصطفى .. أزهري برعي و سعيد العمدة

[مدنيّة]

منوره البلد والله اختى مدنيه
واتمنى لك اقامه طيبه
( اتارى انا اقول البلد مقيمه والهواء بااااارد)

نجمنا محمد الجزولي
شكرا ليك كتير علي اتصالك
وعلي نيتك الحضور للاحتفال بث ربنا ماارد "احسن الله عزاءكم"

[مدنيّة]

نداء لجميع الاخوه بمنتدى ست المدائن بدولة الامارات العربيه المتحده
سوف يقام احتفال ترحيبى بمناسبة قدوم الاخت ((مدنيه )) لدولة الامارات
مساء يوم الخميس الموافق 11/3/2010 بمدينة ابوظبى والدعوه عامه

العزيز ... نزار
لك التحايا ....
اعملوا حسابكم لو ما قمتوا بالواجب بتلقى الخبر نزل في ( كبد الحقيقة ) في شكل بيان

تخريمة : يا نزار دبي ده زيارة عمل ولا الفي بالي

شنو ياروبش ياخ الهجوم الارض جو دا ؟؟ "وش مسكيييييييييييييييييييين"

[عثمان جلالة]

والله تستاهل أم جمال .. وما قصرتو يا ناس الامارات رفعتوا راسنا فوووووووووق .. كتر خيركم .. والناس الأصيلين زي مدنية ... دا أقل واجب لشكرهم وتقديرهم في ما قدموه ويقدمونه دائما

همسة:

أنتي بس تعالي لينا دورة تدريبية هنا .. وخلي الباقي علينا :)

موفقة دائما في المساعي العملية والعلمية .... بركة ألهي وجاهي ;)

[أحمد عمر ( MOODY )]

من اليمين لليسار :


عمّنا الباشمهندس عصام حمدتو ( أبونبيل ) .. عمنا علي الليثي ( رئيس الرابطة )إدريس علي أرباب ( نائب رئيس الرابطة ) و نزار حسن محمد ( أبو سفروووق )نائب المشرف العام للمنتدى

[نزار حسن محمد]

مدنيه ..الحقى اليوم رنيم من الصباح عملت لنا شمطه
طلعت هدومه من الدولاب ودخلتم فى شنطه وقالت ماشى لخالتو مدنيه فى المطار

[أحمد عمر ( MOODY )]

من اليمين لليسار :

نزار حسن ( أبو سفروووق ) .. خالد حسن ( المسافر ) - جاهِرنا بي صلعتو .. أحمد عمر ( مودي )
معتز حمدتو .. و يظهر في الخلف فتح الرحمن كرار ( الأمين العام للرابطة )

[أحمد عمر ( MOODY )]

و ده طبعاً محمد أحمد الشيخ ( باسطة )
يتحاوم فينا بالجلابية والشال زي العازمنا حِنّتو



:d:d:d;););):d:d:d

[مدناوية]

مدنية ياست البنات ...

والله يا بخت الإمارات بيك ..

ويابخت ناس عمو نزار بيك ...
;););)

[أبونبيل]

فلاش باك

v الحفل اقيم بطعم و مقهى/كاسر الامواج بمنطقة المارينا على ضفاف الخليج كان داخل قاعة تحمل تراث هذا البلد الطيب المضياف (امارات زايد الخير)

v الحفل نظمته رابطة ابناء ود مدني بابوظبي و كان يضم بعض من اعضاء المنتدى وذلك لأن الدعوة جاءت في وقت ضيق ويوم الخميس و البعض خارج ابوظبي

v كان حفلاً بهيجا انيقا زاد من بهجته و اناقته وجود و تشريف بنتنا اسماء عبدالسلام(مدنيه) بصحبة الابن نزار المرافق الخاص للمحتفى بها و معه اسرته الكريمه التي تشرفنا بلقائهم

v كان لقاءاً جميلاً تعرفنا فيه عن قرب بانسانه خلوقه،مهذبه،دمها خفيف – ودخات قلوب الجميع دون استئذان

v لم نستطع ان نوفي اسماء حقها من الاستقبال و التكريم بسبب ضيق الوقت و كان البرنامج الموضوع ان نطلعها على ابوظبي الجميله في جولة و لكنها حضرت ليلا و غادرت ليلا و لكن كان عزاوئنا اننا التقيناها

v مدنيه قضت في ابوظبي ما يقرب من الخمسه ساعات منذ دخولها ابوظبي و حتى انتهاء الحفل الذي امتد من الساعه 8 مساء و حتى بعد منتصف الليل يعني ما شافت حاجه في ابوظبي و لكنها ابدت اعجابها بالعاصمة من القليل الذي شاهدته

v قدمت للمحتفي بها هدايا رمزيه بسيطة توثق لهذا اللقاء الطيب

v كان الحضور من زميلات مدنيه بناتنا مياده و مايسه و كانت السعادة تغمرهما وهم جلوس حولها ما عايزين يفارقوها

v ما كان للحفل ان ينتهي لولا ان مدنيه تود العوده لدبي في نفس الليل لان سفرها للسودان كان في اليوم التالي و وصلت لدبي برفقة نزا و عائلته في الساعات الاولى من صباح الجمعه نسبه للضباب الكثيف الذي قابلهم بين دبي و ابوظبي حجب الرؤيه عن نزار و كانت اول مرة نشاهد فيها مدنيه ضباب

v التفاصيل و الصور يوافيكم بها الزملاء نزار حسن-كرار،احمد عمرو باسطه

v الحضور هم :على الليثي و عائلته-ادربس ارباب وعائلته-احمد عمر و عائلته-ازهري برعي و عائلته-وايهاب عصام حمدتو وعائلته-مايسه وزوجها جمال-نزار حسن و عائلته-معتز حمدتو-محمد باسطه ،مياده،كرار،دكتور احمد عصام حمدتو،عصام حسن وعائلته وما شاء الله مجموعة من اطفالنا الحلوين الذين اضفوا جوا من البهجة و المرح و الشقاوة المحببه

v الابناء كرار و احمد عمر وباسطه و الاستاذ على الليثي كانوا المنظمين للحفل و اشرفوا على كل التفاصيل من اعداد و تصوير وهدايا...يعطيكم العافيه

[naz_imam]

hالاستاذة الفاضلة مدنية
حمدا لله علي السلامة ........... والامارات منورة بيك ونتمني لك اقامة طيبة وعودا حميدا

[المكاشفى]

ماتنسى صور الشنط يا احمد عمر
ويا نزار حسن المفروض الآيه تنقلب ياخوى؟؟
مدنيه زمنها دا كلو ساكاكم فى الفيزا
لكن بعد كده انتو سكوها لى وظيفه فى البلد
وانشاء الله اديتوها شهاداتكم وكدى

مدنيه عملتى للناس ديل شنو؟؟؟؟
يجو متين البلد ؟؟
المرتب كم ؟ مامهم المرتب لأنك جنب الاهل وفى البلد


حمدا لله على السلامه يا ام جمال هديتى ياختى
انا يوم التلاتاء من المطار وعلى مكتبك استلم هديتى
وبعداك اتكامل عبودى وربويه

[نزار حسن محمد]

مواصلة لحديث الاب الروحى للمنتدى الباشمهندس عصام الدين حمدتو ..لظروف قاهره اعتذر الاخ ود المطامير من الحضور وكان افراد اسرته فى انتظار وصوله من الجزيره ولكن مجبور خادم الفكى على الصلى ..
الاستاذ محمد الجزولى واسرته ايضاً فى الحظات الاخيره وصله خبر وفاة جدته تغمدها الله برحمته ..
رساله عبر الهاتف كانت من الحبيب المكاشفى كشه الدولى اثناء الاحتفال يتمنى للجميع جلسه طيبه ويهنى المحتفى بها الاستاذه مدنيه
نقاش بين الاخ معتز حمدتو والاخ خالد المسافر وكاننا داخل بوست من بوستات المسافر المشهوره ضحكنا فيها حتى ادمعت الاعين
نقاش جاد مع الاستاذ على الليثى رئيس الرابطه ونائبه الاستاذ ادريس الارباب وشخصى والباشمهندس عصام حول المنتدى ومدينة ودمدنى..
الاخت مايسه ماقصرت استلمت مدنيه وتخيلتهم فى بوست مابين الاداره والاعضاء
زول فرده حرمه الدوام المسائى من الحضور اضافة لمشكلة ال parking
باسطه كان نجم الاحتفال بحركته الدوبه والاشراف على كل كبيره وصغيره
مودى ايضاً تحمل مسئولية التوثيق ومعه الاخ كرار...
وكان نجوم الاحتفال الاطفال بشقاوتهم ..
اما حديث العوده والضباب اساله منه مدنيه ..غايتو الروح دى حلوه بشكل..:p

[محمد الجزولى]

نجمنا محمد الجزولي
شكرا ليك كتير علي اتصالك
وعلي نيتك الحضور للاحتفال بث ربنا ماارد "احسن الله عزاءكم"


الاخت الكريمه مدنيه
والله انا حزين جدا لعدم تمكنى من لقاءكم الكريم
وذلك للظروف القاهره التى منعتنى من ذلك
فقد كان كل املى الحضور بابو ظبى ولكن ارادة الله هى الغالبه
تنقبلى اسفى واعتذارى عن تقصيرى اختى مدنيه

[محمد أحمد الشيخ]

الحبيب ... احمد عمر
كده الكاسات والشهادات ده عرفناها ( الظروف وين ) مافي ليها صور ولا شنو
تخريمه : عليكم الله ده حالتها ( حاده ) يعني لو فكت الحد بتعملوا ليها شنو .. ناس ابوظبي عليكم حركات

يا حبيب والله كنا عايزين نديها ظرفين تلاته لاكين حلفت ما تشيلم ..... قلنا أحسن نديها الكاس الفيهو النجمة ده

[المكاشفى]

. قلنا أحسن نديها الكاس الفيهو النجمة ده

مدنيه يمين الكاس ده احسن من كاس سن اليأس
تحمر لى شنو يالفخيم ماكلو من الامارات
يمين يامدنيه كان عارف فيها كاس وبى نجمتوا
كان لميت ليك مريخاب اون لاين وجوك المطار
وشبعو بكى هيع الحال ماواحد ماكلو كاس من الامارات

مشاققه :-
ياختى ماتعملى زايغه طالبك كتره ردود عيييك
الهديه بجيها بكره فى البيت لأنو الطياره اتأخرت
كنت مضرب على المكتب ابكندشه داااااك

[روبش]

يا حبيب والله كنا عايزين نديها ظرفين تلاته لاكين حلفت ما تشيلم ..... قلنا أحسن نديها الكاس الفيهو النجمة ده

دحين يا ود الشيخ .. شيلو شيلتكم ساي وقت تصل مطار الخرطوم .. بتركب وش الكرتون ليكم ... تجيكم وتدوها كأس هي كان جاتكم من نجوم الغد

[مدنيّة]

ان شاء الله دايما ملمومين
m كبدي يا مدنية

اللهم امييييين
الناس ديل لمتهم جميلة ياابوالنور
ربنا يوعدك بيها

[مدنيّة]

بس ياها زاتها اللي في بالك ...!
باقي لك مدنية تاني بترجع البلد ..؟
يا مدنية منورة الامارات والدول المجاورة ...


ياابومازن
سبب وااااااااااااحد يخليني ماارجع البلد مااافي

اغتراب شنو ياخ

بلدنا دي احسن منها مااااااااااااافي
كفاية عايشين فيها واحنا "مواطنين" ما "وافدين :cool: "

[مدنيّة]

يا مدنية حولى لى عشرة الف درهم عشان اشترى ليك دهب من سوق الكندرة

امسك في السوق المركزي ياخ
نزار دا خبرة فيه :cool:

[مدنيّة]

بختكم يا ناس الأمارات ..




جد يامعتز الواحد ممتن جداً للمنتدى أنو اتعرف على ناس زي ديل

[عبدالله محمد العقاد]

اولا التحية لاخواننا في الامارات على هذا الاستقبال و الحفل الرائع فهو ان كان مخصص لاختنا مدنية فنحسب ان التكريم لنا كلنا في شخص اختنا مدنية
و ادعوا الله ان يديم هذه الروابط الطيبة

و اختنا مدنية تستاهل

[رضا حسن محمد]

ياابومازن
سبب وااااااااااااحد يخليني ماارجع البلد مااافي

اغتراب شنو ياخ

بلدنا دي احسن منها مااااااااااااافي
كفاية عايشين فيها واحنا "مواطنين" ما "وافدين :cool: "
ايوة انتو فى السودان مواطنين
وكمان من الدرجة الاولى
المشكلة نحنا هنا وافدين وفى السودان وافدين

[أحمد عمر ( MOODY )]

من اليمين لليسار :


الدكتور أحمد عصام حمدتو .. الباشمهندس إيهاب عصام حمدتو ..
و الباشمهندس عصام حمدتو حاملاً عصام حمدتو ( الحفيد )

[صابرحسين]

الشكر لكل الأخوة الأحباء بالأمارات والأخت مدنية تستاهل الكثير ، ولفته بارعة من أخوة أعزاء أتمنى لهم التوفيق جميعاً ......

[أحمد عمر ( MOODY )]

من اليمين لليسار :


الأستاذ نزار حسن محمد ( أبوسفروووق ) - نائب المشرف العام ..
عمنا علي الليثي ( رئيس الرابطة ) ..
أحمد عمر ( أمين البحوث والمشروعات )

[أحمد عمر ( MOODY )]

شقاوة الأطفال .. أضفت جواً مرحاً للجلسة

[أحمد عمر ( MOODY )]

صورة اللوحة الترحيبية

[مدنيّة]

معزوميييييين معانا حفل أستقبال مدنيه
ودعوه خاصه لي سرويه أنشاء الله بالتلفون

محمد باسطة
والله الواحد عاجز انه يوفيكم حقكم

[مدنيّة]

تحياااتنا لي الاخت الغالية مدنية وتجي بي الف سلامة


ورحلة موفقة ان شاء الله :

وياود الشيخ ماقصرت بث كان ترسل كرت زيارة وشوف كان اقصر :d:d

ماكتيرة الجية علي مدنية

اهليييين سروية العثل
ربنا يوفقك انتي كمان يامنقة

ياخ لو كنت فاكراك عايزة تمشي دبي
كنت سقتك معاي
ان شاء الله × الشنطة ياخ
زووووووووول بفتش ماااافي


تسلمي لي ياذوق

[مدنيّة]

يا والله يا محمد احمد الشيخ الحفلة ما عندنا فيها راي .. ولا استقبال عمتنا بهذا الحدث عندنا فيهو رأي ... لكن الفيكم اتعرفت
اقول يا محمد .. كده شاوروها قبل ما تجهزوا للحفل ده .. احتمال تكون حاده على الراحل ايداهور .. لانو سمعنا انها طلعت مخصوص من السودان عشان تنسى شويه

اتخيل ياروبش والله ايداهور سمعت بيه بالصدفة تالت يوم

صراحة فقد للمريخ

[مدنيّة]

والله يا ام جمال عينى بارده
يعمينا لينا خمس سنه كورس كان فى الرياض الخرطوم
لكن ناس المصارين البيض ديل بى عديلهم

تعبتوا يانزار زمنكم ده كلو زايغين اها فى محلكم جيناكم الا تطيروا
مدون اقامه طيبه ياخ وماتنسى هديتى لاب توب ولا عربيه كورلا اختارى

والله يابخت الامارات بما فيها من النور ده

شنو يا المكاشفي
اها اسحرنا ياخ


------------------

والله يا المكاشفي الامارات حلوة بالفيها

[مدنيّة]

نورت البلد كلها الاخت ام جمال
والف مرحب بقدومك ونتمني رحله موفقه
واقامه بيننا سعيده وشرفتينا

يديك العافية يامعز
وشكرا ليكم كلكم والله ما قصرتوا

[مدنيّة]

والله مدنية مازولة ساهلة ان شاء الله ربنا يسهل لها امورها كلها (حالتي يا نزار رسلت لها عزاء ايداهور في جوال السودان) اتمقلبت صاح؟

شكراً اعتبرها وصلت أحسن الله عزاء الجميع

[نزار حسن محمد]

ياباسطه ويامودى هناك مجموعه كبيره من الصور لم تنزل بعد ..شوفه فتحى كرار

[محمد أحمد الشيخ]

ياباسطه ويامودى هناك مجموعه كبيره من الصور لم تنزل بعد ..شوفه فتحى كرار

جدا يا مايسترو التكيل جاي وري

[مدنيّة]

السلام عليكم ورحمة الله تعالي وبركاته

لمدة تقريبا اسبوع كامل تلالات دولة الامارات العربية المتحدة - وامس فقط غمرنا ضوء ساطع - جهر اعيننا في مدينة ابوظبي

انسانة لا تشبع منها ابدا (حلاوة مولد ) (وش بغمزة يا مدنية) - تلقاك ببسمة وضحكة تسر قلبك وينشرح صدرك لها
سلمت عليها وكأنني اعرفها منذ الصغر - لا تملها صرااحة -
(كفاية كدا يا مدنية ) ولا اديك نجمة زيادة - :D

استمتعنا جل استمتاع معها - وزادت متعتنا بالجمع الرائع من رابطة ابناء ودمدني بالامارات - واعضاء المنتدي

احب ان اشكر كل من قدم لي الدعوة (الاستاذ نزار - ومحمد الشيخ ) - ووالله سعدت جدا بمجالستكم -
والشكر الجزيل ايضا - لكل الحضور من غير فرز -

تخريمة : مدنية المرة الجاية ادينا خبر قبل شهر - عشان نحضر الميزانية وكدا -
وجيبي لي معاك كباية فخفخينا سودانية اصلية :p;)


ميسو ياختي الكلام الثمح الفوق دا قاصدة بيه منوووو "وش مندهش هههههههههههه"

تبعا ياميسو من يوم ماقمتي فيني وشاكلتيني
رسمت ليك صورة امنا الغولة بث

اها سبحان الله لما لاقيتك لقيت السندريلا قدامي
ادب وذوق ورقي ومكملاه كله "باعتبارك مرة ولدي ياخ وكدا"

ميسو والله اتبسطت جدا اني لاقيتك
مع انك ما عشيتيني في برج خليفة
لكن ما مشكلة خليها المرة الجاية باذن الله :cool:

[مدنيّة]

مدنية .. قامة تستحق الاحتفاء بها في كل مكان تحل به



وربنا يوفقك دوماً .. يا أم جمال .. ويا بختهم ناس الأمارات



*** ونحن عملنا برقية تعزيه في فقدكم وفقد الرياضة السودانية إيداهور .. ولكن جاتنا راجعه ... وأهو عرفنا السبب .


يديك العافية يااستاذنا
دا من ذوقك والله وكرم اصلك

شكرا علي التعزية في ايداهور
وفعلا هو فقد للمريخ

[مدنيّة]

يامدون قالوا لي جاك ضعف نظر
منططة عينيك ومصنقعة من ما مشيتي
غايتو ناس الخرطوم قالوا استقبلوك بالـ (بتاع الرقبة داك اسمو شنو) الطبي داك ياخ (بعيد عنك)
بعدين انتي بدل تجي عمرة وتعمري تمشي لي ناس المسافر
اسي المسافر دا لا قيتيه كيف عامل صلعتوا دي

تصدق ياعصمت
عمري كله بسمع بدبي وجمالها
لما مشيتها
ولا اندهشت ولا حاجة "وش صااااااااااادق"
لكن ما تسالني بعد رجعت :cool:


المسافر ياعصمت زول قمة في الذوق "برة المنتدي :cool: "
والله اول ما عرفني في الامارات اتصل علي
وجاء اللقاء وماقصر نهااااااااائي
مشكور جدا يا خالد

[مدنيّة]

بنفتش في الرابعة


للتوثيق ياعصمت

[مدنيّة]

واهو ما طلع من الفريق لكن كبت في داخلي احلام الغنى
(wwwawww) على وزن جلالة



وانا اقول الفيك دا من شنوووو ؟؟
اتاري عشان ما خلوك تعزف !!
اتلوووموا ياخ

[مدنيّة]

مدون اولن حمدلله ع السلامة والبركة الوصلتي طيبة

والله الامارات بعدك خراب
طلتك كانت خفيفة وحلوة خالص بالجد نورتينا وان شاء الله ما تكون اخر الجيات


غمزه : اها افتو اقول ولا ما اقول اصلو انتي ما وفيتي بي وعدك وعزمتيني :p;):cool:

ميدوووووووووو العثل
تبعا انتي صورتك من الاول عندي مرسومة جميلة ومااتغيرت
ما زي ناس كدا "اها تجي هسي تشاكلني هههههههههههههه"

تسلمي يامنقة
وجد مبسووووووووووووطة اني لاقيتكم عن قرب


رد الغمزة : ميدو ياخ تفتي شنو ياخ ؟؟ معقولة دا تفت تفتيه ياخ
اعملي رايحة بث
ولو عايزة العزومة × برج خليفة
الجية الجاية باذن الله ماعندك ااااااااااي مشكلة :cool:

[مدنيّة]

الشيخة مدنيّة في الأمارات ..
جاتكم البركة يا ابو النيز .. وعارفنكم ما بتقصروا
منتظرين تقرير مدنيّة عن الرحلة التدريبية الترفيهية

التوم اخبارك واحوالك
تبعا انت جرب كرم ناس الامارات

جد ما قصروا

التقرير اصبر شوية كدا
لغاية لما نظبطه

[مدنيّة]

الحبيب ... احمد عمر
كده الكاسات والشهادات ده عرفناها ( الظروف وين ) مافي ليها صور ولا شنو
تخريمه : عليكم الله ده حالتها ( حاده ) يعني لو فكت الحد بتعملوا ليها شنو .. ناس ابوظبي عليكم حركات


غايتو ياناس الدوحة عليكم حركات

شنو ياروبش
ناس ابوظبي ديل
كاسهم اغلي من كاس ناسكم السافروا ليه وخسروا فيه تذاكر رايح جاي واقامة فنادق والي اخره

[مدنيّة]

والله تستاهل أم جمال .. وما قصرتو يا ناس الامارات رفعتوا راسنا فوووووووووق .. كتر خيركم .. والناس الأصيلين زي مدنية ... دا أقل واجب لشكرهم وتقديرهم في ما قدموه ويقدمونه دائما

همسة:

أنتي بس تعالي لينا دورة تدريبية هنا .. وخلي الباقي علينا :)

موفقة دائما في المساعي العملية والعلمية .... بركة ألهي وجاهي ;)

ياابوها
انتو يجوكم كيف لكن
عمرة مافي تريقة نصلكم بيها هههههههههههههههه

شكرا ليك كتير علي جلالة علي الامنيات الطيبة دي

[مدنيّة]

مدنيه ..الحقى اليوم رنيم من الصباح عملت لنا شمطه
طلعت هدومه من الدولاب ودخلتم فى شنطه وقالت ماشى لخالتو مدنيه فى المطار


رنو العثل النجاض

عارف يانزار
لما سافرت قلت الواحد ياخد ليه اجازة مكن يوم من بكاء الاولاد
وشكاويهم المابتخلص
وياماما عايني شال مني وضربني وووووووووو

لكن بيني وبينك رنيم
قامت بالواجب وزيادة وماادتني ااااااااااااااااي اجازة :cool:

[مدنيّة]

و ده طبعاً محمد أحمد الشيخ ( باسطة )
يتحاوم فينا بالجلابية والشال زي العازمنا حِنّتو



:d:d:d;););):d:d:d

ان شاء الله ياخ يعزمنا حنته
علي الاقل نرد ليه شوية من جمايله علينا

[مدنيّة]

مدنية ياست البنات ...

والله يا بخت الإمارات بيك ..

ويابخت ناس عمو نزار بيك ...
;););)




ريحتيني راحة في عمو نزار دي

الامارات منورة باهلها يامنقة

واتمنيت اني الاقيك برضو
لكن مافي نصيب

[البرادعي]

عمو نزار فتحي كرار اعطاهم كل الصور الجميلة لكن التاخير من مين ؟؟؟؟

[انيس التوم]

الف حمدلله على السلامة

معليش يا اختي جاءت متاخرة

على العموم عايز مويايل ما تقولي انت قاعد في كوريا ولا بتاع

كنت في الامارات داير موبايل ،،،،،،

تحياتي لي جمال الوالي الصغير

[مهيد ود السفاح]

مدون
اوال حاجه الشوق ليكم كميات
والامارات نورت اكيد بوجودكم

واتنمى لك اقامة طيبه


اسف جداً على التأخير , اصلي كنت غايب

تخريمه : يا مدون وانت جايه من الامارات جيبي لي معاك (( غزاله )) بشرط تكون (( جاوزت )):p

[مدنيّة]

hالاستاذة الفاضلة مدنية
حمدا لله علي السلامة ........... والامارات منورة بيك ونتمني لك اقامة طيبة وعودا حميدا

الله يسلمك يانزار
والامارات منورة باهلها

تشكيرااات كتاااار

[مدنيّة]

ماتنسى صور الشنط يا احمد عمر
ويا نزار حسن المفروض الآيه تنقلب ياخوى؟؟
مدنيه زمنها دا كلو ساكاكم فى الفيزا
لكن بعد كده انتو سكوها لى وظيفه فى البلد
وانشاء الله اديتوها شهاداتكم وكدى

مدنيه عملتى للناس ديل شنو؟؟؟؟
يجو متين البلد ؟؟
المرتب كم ؟ مامهم المرتب لأنك جنب الاهل وفى البلد


حمدا لله على السلامه يا ام جمال هديتى ياختى
انا يوم التلاتاء من المطار وعلى مكتبك استلم هديتى
وبعداك اتكامل عبودى وربويه

انت عارف يامكاشفي
لو صوروا ليك الشنطة ح تتخلع
لانها كلها شهادت طلب وظائف × السودان ياخ :cool:

[مدنيّة]

الاخت الكريمه مدنيه
والله انا حزين جدا لعدم تمكنى من لقاءكم الكريم
وذلك للظروف القاهره التى منعتنى من ذلك
فقد كان كل املى الحضور بابو ظبى ولكن ارادة الله هى الغالبه
تنقبلى اسفى واعتذارى عن تقصيرى اختى مدنيه


ولا يهمك يانجمنا
ان شاء الله المرة الجاية ربنا يكتب للناس التلاقي

شكرا ليك كتير

[مدنيّة]

يا حبيب والله كنا عايزين نديها ظرفين تلاته لاكين حلفت ما تشيلم ..... قلنا أحسن نديها الكاس الفيهو النجمة ده

هسي عليك الله ياباسطة
كاسي دا مااغلي من كاس بن ياس ؟!! :cool:

[مدنيّة]

مدنيه يمين الكاس ده احسن من كاس سن اليأس
تحمر لى شنو يالفخيم ماكلو من الامارات
يمين يامدنيه كان عارف فيها كاس وبى نجمتوا
كان لميت ليك مريخاب اون لاين وجوك المطار
وشبعو بكى هيع الحال ماواحد ماكلو كاس من الامارات

مشاققه :-
ياختى ماتعملى زايغه طالبك كتره ردود عيييك
الهديه بجيها بكره فى البيت لأنو الطياره اتأخرت
كنت مضرب على المكتب ابكندشه داااااك

عليك الله يا مكاشفي
كاسي دا مش احسن من كاس الجماعة
والغريبة هم فرحانيييييييييييييييين
رايحة ليهم فرحة ساااااي غايتو

---------------
الكندشة انت يامكاشفي بتفتش ليها ؟؟!!
ماقاعد فيها

[مدنيّة]

دحين يا ود الشيخ .. شيلو شيلتكم ساي وقت تصل مطار الخرطوم .. بتركب وش الكرتون ليكم ... تجيكم وتدوها كأس هي كان جاتكم من نجوم الغد

لالالا
جيتهم من كردفان :cool:

[مدنيّة]

اولا التحية لاخواننا في الامارات على هذا الاستقبال و الحفل الرائع فهو ان كان مخصص لاختنا مدنية فنحسب ان التكريم لنا كلنا في شخص اختنا مدنية
و ادعوا الله ان يديم هذه الروابط الطيبة

و اختنا مدنية تستاهل

يديك العافية ياعقاد
وشكرا ليك علي ذوقك

وفعلا اخوانا في الامارات ماشاء الله تبارك الله عليهم
ربنا يديهم العافية

[مدنيّة]

ايوة انتو فى السودان مواطنين
وكمان من الدرجة الاولى
المشكلة نحنا هنا وافدين وفى السودان وافدين

ياخ ما تدخلنا في الكلام في السياسة ياخ :cool:

[مدنيّة]

الشكر لكل الأخوة الأحباء بالأمارات والأخت مدنية تستاهل الكثير ، ولفته بارعة من أخوة أعزاء أتمنى لهم التوفيق جميعاً ......

يديك العافية يااستاذ صابر

شكرا ليك كتير

[مدنيّة]

عمو نزار فتحي كرار اعطاهم كل الصور الجميلة لكن التاخير من مين ؟؟؟؟

عمو نزار دي عجبتني كيف:cool:

شكرا البرادعي

[مدنيّة]

الف حمدلله على السلامة

معليش يا اختي جاءت متاخرة

على العموم عايز مويايل ما تقولي انت قاعد في كوريا ولا بتاع

كنت في الامارات داير موبايل ،،،،،،

تحياتي لي جمال الوالي الصغير

الله يسلمك ياانيس
ويديك العافية
ولا يهمك علي التاخير


الموبايل دا كان تقوله قبل ما تتاخر
هسي خلا رجعنا :cool:


تحياتك ح تصل باذن الله لجمال

شكرا ليك كتير

[مدنيّة]

مدون
اوال حاجه الشوق ليكم كميات
والامارات نورت اكيد بوجودكم

واتنمى لك اقامة طيبه


اسف جداً على التأخير , اصلي كنت غايب

تخريمه : يا مدون وانت جايه من الامارات جيبي لي معاك (( غزاله )) بشرط تكون (( جاوزت )):p

حمدا لله علي سلامة العودة للمنتدي ليك انت كمان

اها قلت لي الغزالة دي من كادوقلي كيف معك ؟!! :cool:

[المكاشفى]

لالالا
جيتهم من كردفان :cool:

كدى يالغلط قمنا على الجديعة يامدنيه
كردفان مالها كدى عيبيها لى؟؟؟؟؟

[المكاشفى]

اها قلت لي الغزالة دي من كادوقلي كيف معك ؟!! :cool:

بس اياها الغزاله المطلوبه زاتها
تانى بتجو

[مدنيّة]

كدى يالغلط قمنا على الجديعة يامدنيه
كردفان مالها كدى عيبيها لى؟؟؟؟؟

المكاشفي ياخ كادوقلي مش تبع ولاية كردفان
الا نشرح ياخ قدر كدا ؟؟!!
ماتفهموها براكم :cool:

[مدنيّة]

واحب ان اشكر اخونا صالح فرح وزوجته علي الاتصالات المتكررة
وربنا يشفي ابنتهم شفاءً عاجلا غير اجل


وكذلك الاخ عروة "ود المتامير"
والله ماقصر معاي
اتصالات استقباله ونيته للحضور لابي ظبي
لكن ربنا ماهون ليه

واحب ايضا ان اشكر محمد ابن عم اخونا عروة
ربنا يديك الصحة والعافية