المساعد الشخصي الرقمي

مشاهدة النسخة كاملة : حصاد الغربة للشاعر / مبارك إبراهيم



صابرحسين
11-03-2010, 12:12 AM
الغربة / شعر مبارك إبراهيم
حصاد الغربة,حقائب مليانة , خروج وعودة,برا وبحرا , وكل بمعاناته ,غربة طويلة ممتدة,الخالات والعمات , المات مات والباقي باقي ,لا ليك راْي لا ارض لا حزب عندك حزب واحد اْسمه (حول) اتصالات , حوالات,طقم عشاء ودهب كضب ,قراية العيال والجامعات مرة كوته ومرة نسب, البنات المنتظرات العرس , والحكومات وعدم الاعتراف بنضال المغتربين, وآخر المطاف كبر وكرمشة وموت ودفن هنا اْو في طرد متجه غربا(والله المستعان).

اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغتربانت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانتي ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.

محمد سلاح حسن
11-03-2010, 03:12 AM
دى الحقيقة المره المافى حد داير اظهرا لمرارتا وما يصاحبها من الم ومقلفة فى توب اسمو الاغتراب
حتى الريال لمن اجيك بزيد عليك الهموم لانو بجى مصاحب ليهو مليون هم
يا حليل زمن الجنية المن اجيك بتضحك ما من الفرح من قناعتك من انو لا بودى و بجيب
شر البلية ما يضحك
والله المستعان




الغربة / شعر مبارك إبراهيم
حصاد الغربة,حقائب مليانة , خروج وعودة,برا وبحرا , وكل بمعاناته ,غربة طويلة ممتدة,الخالات والعمات , المات مات والباقي باقي ,لا ليك راْي لا ارض لا حزب عندك حزب واحد اْسمه (حول) اتصالات , حوالات,طقم عشاء ودهب كضب ,قراية العيال والجامعات مرة كوته ومرة نسب, البنات المنتظرات العرس , والحكومات وعدم الاعتراف بنضال المغتربين, وآخر المطاف كبر وكرمشة وموت ودفن هنا اْو في طرد متجه غربا(والله المستعان).

اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغتربانت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانتي ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.

صابرحسين
11-03-2010, 08:32 AM
دى الحقيقة المره المافى حد داير اظهرا لمرارتا وما يصاحبها من الم ومقلفة فى توب اسمو الاغتراب
حتى الريال لمن اجيك بزيد عليك الهموم لانو بجى مصاحب ليهو مليون هم
يا حليل زمن الجنية المن اجيك بتضحك ما من الفرح من قناعتك من انو لا بودى و بجيب
شر البلية ما يضحك
والله المستعان

فعلاً أخي محمد دي الحقيقة المرة وجبل هموم الإغتراب هو ماجسده الشاعر في هذه الكلمات المعبرة ، وربنا يرد غربتنا .

مع خاص تحياتي وتقديري

تغريد
12-03-2010, 05:14 AM
مبارك ود ابراهيم

شاعر جميل استمتعنا كثيرا بكلماته الجميلة وحروفه العطرة

لك وله صابر حسين الف أحترام وتقدير


والغربة نار تكوي من يعيشها تاتي قسوتها من فراق ذلك الحنين الذي يملأ حنايانا بوجودنا مع من نحب من اهل وأصدقاء وعشيرة واناس قاسمونا الأيام وقاسمناهم الحب والمودة وعناء كل الليالي



رد الله غربة كل مغترب

صابرحسين
13-03-2010, 11:05 PM
مبارك ود ابراهيم

شاعر جميل استمتعنا كثيرا بكلماته الجميلة وحروفه العطرة

لك وله صابر حسين الف أحترام وتقدير


والغربة نار تكوي من يعيشها تاتي قسوتها من فراق ذلك الحنين الذي يملأ حنايانا بوجودنا مع من نحب من اهل وأصدقاء وعشيرة واناس قاسمونا الأيام وقاسمناهم الحب والمودة وعناء كل الليالي



رد الله غربة كل مغترب

تشكري أختي تغريد على هذه الكلمات المعبرة وأسأله تعالى أن يرد غربتنا ويجمعنا بأهلنا وعشيرتنا ، قبل الإغتراب كنا نقول معاناة الغربة دا كلام جرايد من المغتربين لأننا كنا ننظر لأثر النعمة الظاهري فقط ، ولكن حين التجربة المرة مع الغربة أصبحنا نحترم كل آلآم الغربة التي سمعناها .....
تقبلي تحياتي وتقديري

صلاح سر الختم علي
24-03-2010, 12:24 PM
القصيدة معبرة ورائعة اخي صابر
حبذا لو زودتنا بمعلومات عن الشاعر ونماذج اخري من شعره

صابرحسين
25-03-2010, 12:46 AM
القصيدة معبرة ورائعة اخي صابر
حبذا لو زودتنا بمعلومات عن الشاعر ونماذج اخري من شعره

تشكر استاذي على المرور
القصيدة وجدتها في منتديات الراكوبة وأعجبتني ولا أعرف الكثير عن الشاعر سوى أنه يكتب في هذه المنتديات ،وله اشعار في المنتدى ......