من يرد للفهد العطبراوي حقه؟؟؟

[الفخيييم]

بعدان تجلت الحقائق وأضحت واضحة
للقاصي والداني من براءة لاعبي امل
عطبرة من الرشاش الذي واجهوه بعد
رحيل اللاعب الخلوق ايداهور من قبل
جماهير الكفوة من قذف بالحجارة وضغط
نفسي مريب وتصريحات خنفشارية من
ملك التصريحات محمد جعفر قريش
الامين العام لنادي الوصيف..الذي
لم يكن موفقاًفي بيانه الذي صاغه
باسم نادي الوصيف والصحافة الصفراء
التي نادت بالقصاص القصاص!!
اصيب سبعة من لاعبي الامل
وهم يرقدون الآن بالمستشفي
اثر ثورة الحجارة التي مارسها
جمهور الوصيف الذي يكني بالسفوة؟؟
اعادوا الي اذهاننا زكري رحيل
الصحفي التنزاني الذي راح ضحية
ثورة الحجارة من قبل جماهير الكفوة!!!
من يرد للامل حقوقه؟ وكيف سيعاقب
جمهور الوصيف علي تلك التصرفات؟؟
من المسئول عن استرداد حقوق الامل؟؟
في الموسم قبل الماضي عوقب فريق الامل
ولعب مباراته ضد الوصيف خارج مدينة
النضال والحديد والنار!!بماذا يعاقب
جمهور الوصيف؟؟؟في انتظار رأي
اتحاد الكرة بلجانه المختلفة!!!

إنا لفراقك لمحزونون يا ايداهور..

[ايمن عبد الله]

نشطب الفريق عشان نريحك ولا شنو

[المكاشفى]

نشطب الفريق عشان نريحك ولا شنو

ياخ شلتها من خشمى والله يا ايمن؟؟؟
والفيكم فيكم يا فخيم مهما عملتم فدموع التماسيح حدها قريب
ياخ معقوله من يرد للفهود حقهم
نحن الرد لينا حقنا منو فى عطبره؟؟؟؟
المرحوم زاتو كان من ضحايا حجار عطبره
ياخ قولوا كلام غير ده
وقلنا خلاص النفوس صفت بعد ما وحدنا الموت (ما اجبنه من توحيد)
لكن باين الحاله مستعصيه ... ربنا يشفى

[الفخيييم]

كشة الدولي ..تحياتي..
ياخ انت اخدت نقاط المباراة
بتحيز واضح من حكم اللقاء
اثر مداخلة قلق بيده وجاء
منها الهدف!!!وعوقب الامل
بلعب مباراته معكم في استاد
مدينة الثغر في الموسم السابق..
تاني عايز حق اكتر من كده؟؟؟
والنفوس صافية لكن حق الامل
برضو يدخل تحت هذا الاطار لاننا
نادي ريادي لابد لنا من احقاق الحق
علي جميع الفرق اياً كانت لا نتعامل
بمبدأ الخيار والفقوس!!!
حالة شنو المستعصية؟ يا كشة
روق المنقة ولا تتكلم بعاطفة
التهجم علي لاعبي الامل داخل
غرفة اللاعبين تصرف مرفوض
ياخ انت صفوة تقول الرد لينا حقنا منو؟؟
هذا سلوك مرفوض وهي رياضة للتسامح اخي
مكاشفي لا اكثر ولااقل!!تهجم علي معلق المباراة ايضاً!!!
لو سحبتوا فريقكم ولا العكس برضو وصااافة!!!

إنا لفراقك لمحزونون يا ايداهور..

[المكاشفى]

والله يالفخيم تعيشون حاله من الهزيان والله
حالتكم موش مستعصيه متأزمه عديل والله
والشلتوه من غير استحقاق حدث ولاحرج وآخرها
بطوله الممتاز الفاتت
ولن ننساك يا ايداهور

[روبش]

نشطب الفريق عشان نريحك ولا شنو

ابو اسيل ... انشاء الله البركة فيكم والله المرحوم ما يستاهل جاهل وصغير

اقول .... الدوري شكله كده طار

[الفخيييم]

مهزوم في 13 مباراة يا كشة
وتقول من غير استحقاق يبدو
انك تتابع اعلامكم المضلل الذي
يبحث عن ضالته في التبخيس
من انجازات السيد الهلال رائد
الحركة الوطنية وجلاد الخصوم
وسادومبا كيف هل برضو تحكيم؟؟؟؟؟
بعد التحرر من الوصافة يمكنك ان تتكلم!!!

ارفع رأسك كون ايجابي..انت خيار الناس هلالابي..

[رضا حسن محمد]

يا فخيم يا حبيبنا ديل ناس ما بخجلو
كتلو والى الدين ويوهانس
ديل اريتم بالكاروشا

[روبش]

الصهاينة ما عندهم صبر عشان يتموا الاربعين بفتشوا ليهم لبديل للمرحوم .... عالم شفقانه

[مرتضى التوم]

الأخ ايمن ،، الأخ مهدى والله لا اعتقد بان هناك من لم يحزن على اللاعب ايداهور بمختلف الالوان والميول ايداهور ظللت اكرر بانه افضل محترف فى تاريخ الاحتراف السودانى وقد احزننا رحيله وادمى قلوبنا ولا اظن باننا مجبرون على قول ذلك لو لم يكن حقيقة ..
ولكن ما حدث من جمهور المريخ وبعض اعضاء ادارته غير لائق بالمره وكان الاجدى الاعتزار الصريح واعتبار ما حدث لحظة انفلات او انفعال ما كان يجب ان يكون ولكن الشئ الغريب والمحير ان شئ من هذا لم يحدث ..
هل الافعال التى صدرت من الممكن ان تصدر ممن يطلقون على انفسهم صفوة ؟؟؟ وباى معيار تكون الصفوية ؟؟
هل من شخص يرد على ذلك بمنطق بعيد عن التهاتر لان من واجب كل المريخاب الاعتزار لكل اهل عطبرة وليس فريق الامل حسب.

[ايمن عبد الله]

مرتضى التوم انت بقيت سمين كده مالك يا خوي ..... قلبك مات ولا شنو..

[مرتضى التوم]

والله يا ايمن الصورة قديمة لكن بعد ما مات عملت ليهو انعاش ولحقتو .. بنزل ليك واحده جديدة فيها انا زى ما انا زمان الا الشيب الملاء الراس ..