من زي ديلا وا اسفاي...تردي فظيع!!!

[الفخيييم]

وصل بنا الحال الانحطاط في اللبس
ظهر في الآونة الآخيرة بنطال يسمي
(بالكباية) نظراً لأنه يتسع الي أعلي
ويضيق أسفل الساق، تفشت ظاهرة
لبس هذا البنطال لدي شريحة طلاب
الجامعات الذين ننتظر منهم الكثير
لمستقبل البلاد وحمل مشاعل التغيير
الايجابي لتلك الأمة المحافظة علي
القيم والتقاليد السامية!!!
اغلب من يرتدونه يبررون لك لبسه
بأن مرتديه يكسب ود الفتيات باعتباره
مواكب للموضة..اتفرجوا وشوفو
التردي المريع في القيم والاخلاق
في ظل ما يسمي بالعولمة وافرازاتها
السيئة!!!



تخريمة: اصبحنا نتحسر علي ماضينا
شباب يسجدون لفنان مسطول ماذا
ننتظر منهم؟؟؟اللهم لانسألك ردالقضاء
لكن نسألك اللطف فيه..ولاتؤاخذنا بافعال السفهاء..

[الجندي المجهول]

اللهم لا أسالك رد القضاء ولكن أسألك اللطف فيه ،،،،،،


تخريمة :
انت متأكد ان هولاء هم احفاد بعناخي وترهاقا والنجومي وعثمان دقنة والزاكي طمل ويونس الدكيم وعلي دينار والمك نمر وود حبوبة وعبد الفضيل الماظ والمهدي والازهري والقرشي أم أن هولاء احفاد ناس تانية ...

تخرمية تانية :
اتمنى ان يبث التلفزيون فيلم سقوط الخرطوم وان تعمم السيرة الذاتية لعبد الفضيل الماظ في السلم التعليمي ... بدلا من عمل حفلات ماجنة في نادي التنس يختلط فيها البنات بالاولاد ويتلامسوا حد الالتصاق ( يخص عليك يا بلد ومنعول ابوك تربية منحطة) بالله شاب طويل عريض يلبس بنطلون زي دا ونص البنطلون من الخلف ناصل (خم وصر) والله انا البعيد خجلان واتمنى زي ديلا يقابلهم عمك بتاع السوق العربي ( اب سوط ) لو في زول متذكروا لان اولياء الامور شكلهم برة الشبكة والحكومة مشغولة بي طهور اولاد الجاز وسماية بت امبلينا ----- مرة اضحك ومرة ابكي

تخريمة خاصة للفخيم
معقولة بس لا كورة لا اخلاق ...... تعال نشوف شغلة تانية كان نفلح

[مدنيّة]

غايتو جيل يا الفخيم ربنا يحفظه ويهديه
ويهدينا ويحفظنا جميعا

[ABUZAID]

وصل بنا الحال الانحطاط في اللبس
ظهر في الآونة الآخيرة بنطال يسمي
(بالكباية) نظراً لأنه يتسع الي أعلي
ويضيق أسفل الساق، تفشت ظاهرة
لبس هذا البنطال لدي شريحة طلاب
الجامعات الذين ننتظر منهم الكثير
لمستقبل البلاد وحمل مشاعل التغيير
الايجابي لتلك الأمة المحافظة علي
القيم والتقاليد السامية!!!
اغلب من يرتدونه يبررون لك لبسه
بأن مرتديه يكسب ود الفتيات باعتباره
مواكب للموضة..اتفرجوا وشوفو
التردي المريع في القيم والاخلاق
في ظل ما يسمي بالعولمة وافرازاتها
السيئة!!!



تخريمة: اصبحنا نتحسر علي ماضينا
شباب يسجدون لفنان مسطول ماذا
ننتظر منهم؟؟؟اللهم لانسألك ردالقضاء
لكن نسألك اللطف فيه..ولاتؤاخذنا بافعال السفهاء..



حبيبنا الغالي
الرجل المثالي
الفخيييم


لك التحية وكل التقدير


بتطرق في مواضيع مهمة جدا

وشائكة لاقصى حد


مشكلتنا . . .


واحد . . .

اننا ما عندنا الية ثقافية . . .
بحيث اننا نقنع بيها شبابنا

وما نقدر نمنع عنهم الثقافات الاخرى

اتنين . . .

ما عندنا الحل للمشاكل البنطرحها

لاننا متفرقين بطوائف واحزاب
مقتنعين ومسلمين بيها تماما

وكل طائفة تتولى . . .
عايزة تصنع المجتمع من جديد
ودي مشكلة اكبر من الاولى


نسال الله السلامة وسرعة الجرى



تحياااااااااااااتي

[telecom]

والله يالفخيم الحالة بقت صحبة وما عارفة كيف يسمح بدخول بناطلين وملابس ذى دى نسأل الله السلامة
شكل الاولاد والبنات بقى لا بسر عدو لا حبيب النات كاسيات عاريات والاولاد متشبهين بالبنات نسأل الله المغفرة والهداية

[محمد الجزولى]

الفخيييم تحياتى
طبعا انا كنت مفتكر البنطلون الكبايه ده خاص بالبنات
اتاريهو طلع حق اولاد .. عجبى!!!!
لكن بصراحه الاولاد ديل معذورين يا اخوانا
انا قطعا لا الومهم على انحطاطهم هذا
فهم ضحيه سقوط مدوى لمجتمع كان مضرب المثل فى الاخلاق والكرم والشهامه
نلوم اولياء الامور الذين تركو الحبل على القارب لهؤلاء الشباب
الواحد فيهم يقول ليك انا عندى ثقه فى ولدى او بنتى وهو ما عارف البحصل من وراهو شنو
صراحه الاسره صارت مغيبه تماما فى ظل لهث الوالدين وراء الرزق الحلال
الاب يطلع من الصباح ما يرجع الا المغرب
والام شغاله وترجع اليبيت الساعه الخامسه
صلاح الاسره الصغيره من صلاح المجتمع
وواخفى من يوم باكر
تحياتى اخى الفخيييم

[الفخيييم]

اللهم لا أسالك رد القضاء ولكن أسألك اللطف فيه ،،،،،،


تخريمة :
انت متأكد ان هولاء هم احفاد بعناخي وترهاقا والنجومي وعثمان دقنة والزاكي طمل ويونس الدكيم وعلي دينار والمك نمر وود حبوبة وعبد الفضيل الماظ والمهدي والازهري والقرشي أم أن هولاء احفاد ناس تانية ...

تخرمية تانية :
اتمنى ان يبث التلفزيون فيلم سقوط الخرطوم وان تعمم السيرة الذاتية لعبد الفضيل الماظ في السلم التعليمي ... بدلا من عمل حفلات ماجنة في نادي التنس يختلط فيها البنات بالاولاد ويتلامسوا حد الالتصاق ( يخص عليك يا بلد ومنعول ابوك تربية منحطة) بالله شاب طويل عريض يلبس بنطلون زي دا ونص البنطلون من الخلف ناصل (خم وصر) والله انا البعيد خجلان واتمنى زي ديلا يقابلهم عمك بتاع السوق العربي ( اب سوط ) لو في زول متذكروا لان اولياء الامور شكلهم برة الشبكة والحكومة مشغولة بي طهور اولاد الجاز وسماية بت امبلينا ----- مرة اضحك ومرة ابكي

تخريمة خاصة للفخيم
معقولة بس لا كورة لا اخلاق ...... تعال نشوف شغلة تانية كان نفلح


حبيبنا الجندي تحياتي،،،
وهل هنالك سقوط للخرطوم
اكثر من هذا؟؟؟
هؤلاء ليست باحفاد الرجال
الذين ذكرتهم هؤلاء اجيال
افرازات العولمة وسقوط الهوية
المريع !!!زمن انطمثت فيه القيم!!!

[الفخيييم]

غايتو جيل يا الفخيم ربنا يحفظه ويهديه
ويهدينا ويحفظنا جميعا

اختنا مدنية سلامات...
ربنا يحفظ الجميع ويهديهم
الي كل ما هو مفيد لمجتمعهم..

[الفخيييم]

حبيبنا الغالي
الرجل المثالي
الفخيييم


لك التحية وكل التقدير


بتطرق في مواضيع مهمة جدا

وشائكة لاقصى حد


مشكلتنا . . .


واحد . . .

اننا ما عندنا الية ثقافية . . .
بحيث اننا نقنع بيها شبابنا

وما نقدر نمنع عنهم الثقافات الاخرى

اتنين . . .

ما عندنا الحل للمشاكل البنطرحها

لاننا متفرقين بطوائف واحزاب
مقتنعين ومسلمين بيها تماما

وكل طائفة تتولى . . .
عايزة تصنع المجتمع من جديد
ودي مشكلة اكبر من الاولى


نسال الله السلامة وسرعة الجرى



تحياااااااااااااتي


الاستاذ الرائع ابو زيد كل الود،،،
اتفق معك في كل ما ذكرت
ولكن دور الاسر ضعيف في
فرض ثقافتهم التي تربوا عليها
علي اجيالهم!! انطمثت الهوية
واختلط الحابل بالنابل وربك يستر..

[الفخيييم]

والله يالفخيم الحالة بقت صحبة وما عارفة كيف يسمح بدخول بناطلين وملابس ذى دى نسأل الله السلامة
شكل الاولاد والبنات بقى لا بسر عدو لا حبيب النات كاسيات عاريات والاولاد متشبهين بالبنات نسأل الله المغفرة والهداية

تيليكوم تحياتي،،،
ده التردي المريع الذي
اضحي خطراً يهدد مجتمعنا
(الكان محافظ)ونسأل الله الستر..

[الفخيييم]

الفخيييم تحياتى
طبعا انا كنت مفتكر البنطلون الكبايه ده خاص بالبنات
اتاريهو طلع حق اولاد .. عجبى!!!!
لكن بصراحه الاولاد ديل معذورين يا اخوانا
انا قطعا لا الومهم على انحطاطهم هذا
فهم ضحيه سقوط مدوى لمجتمع كان مضرب المثل فى الاخلاق والكرم والشهامه
نلوم اولياء الامور الذين تركو الحبل على القارب لهؤلاء الشباب
الواحد فيهم يقول ليك انا عندى ثقه فى ولدى او بنتى وهو ما عارف البحصل من وراهو شنو
صراحه الاسره صارت مغيبه تماما فى ظل لهث الوالدين وراء الرزق الحلال
الاب يطلع من الصباح ما يرجع الا المغرب
والام شغاله وترجع اليبيت الساعه الخامسه
صلاح الاسره الصغيره من صلاح المجتمع
وواخفى من يوم باكر
تحياتى اخى الفخيييم

استاذنا محمد الجزولي خالص الود،،،
لا عذر للاسر مهما كانت مشاغل الحياة
الاساس هو التربية علي السلوكيات الحميدة
لا يعقل ان تلهينا الامور الحياتية عن تقويم ابنائنا..
لان عافية المجتمعات تبدأ من دور ارباب الاسر في
التنشئة القويمة تجاه الابناء وبهذا يكون المجتمع صحي ومعافي..
للاسف (الكباية) يرتديها الجميع لا فرق بين انثي وذكر!!!!!

[محمد النصيح]

لك التحية اخي الفخيم
دة غير لبس البنات للاسكيرت الجديد (شطفني) القرب للركبة ولبس الاولاد للبنطلون الشوية الناصل حتي بقو يجيبوة ليهم ناصل خلقة
دة غير فلفيل الشعر والبنصرف عليهو اكتر وأولياء امورهم تعبانين وهم يضيعوها في الفاضي و و و و و و و بس ربنا يهديهم ويصلح حالهم وصحي اولياء امورهم لان لهم اللوم الاكبر
لكم التحية

[سفروت]

كثيرا ما نسمع عبارات من قبيل: شباب اليومين ديل بقوا... وشباب اليومين ديل ماعارف شنو؟؟ وإلى آخر هذا الكلام
وهو كلام في مجمله صحيح وأتفق معه إجمالا...
لكن السؤال المهم هو : ألم يخرج هؤلاء الشباب من بيتنا وبيتكم وبيت جيرانكم؟؟
هذه البيوت التي رباهم فيها أبي وأبوك وجارنا عثمان الشريف؟؟؟
وكان نفس هؤلاء الشباب الذين يرتدون الكباية ويلطخون شعرهم (بالجل)، قد لاعبناهم وهم أطفال صغار يافعين؟؟
أسئلة مهمة أخرى ينبغي أن يكون هذا البوست مفتاحا لإجابتها
لماذا لم تفلح تربية إبي وأبيك فيهم؟؟
لماذا لم يجدوا فينا القدوة الحسنة التي توجههم؟؟
بل لماذا لم نراهم وهم ينزلقون إلى ذلك الحضيض؟؟
أسئلة ليست للإجابة ..
كلنا يا سادة و أقول كلنا مسئولون عن شباب لا يقرأون ويكتفون بمشاهدة التلفزيون
كلنا يا سادة و أقول كلنا مسئولون عن شباب لا هم لهم إلا لبس الكباية
كلنا يا سادة و أقول كلنا مسئولون عن شباب لا هدف لهم في الحياة
كلنا يا سادة و أقول كلنا مسئولون عن شباب يسجدون لفنان
كلنا يا سادة و أقول كلنا مسئولون عن شباب ينتحر لموت لاعب كرة
كلنا يا سادة و أقول كلنا مسئولون عن شباب.... اليوم
ألا تتفقون معي يا سادة؟؟؟
تحياتي

[الفخيييم]

الحبيب سفروت تحياتي،،،
ومن خلال مسؤليتنا عن
ما يدور في اوساط الشباب
وهمومنا بالقضايا الاجتماعية
الشائكة خصوصاً ما يهم هذه
الشريحة التي يعول عليها
في مستقبل البلدان..طرحنا
الموضوع للوصول للحل الناجع
او الاسهام بالرأي وتبصير
الجميع لمثل هكذا مشاكل
وتنبيه الاسر للقيام بالدور
المنوط بها ولو كل اسرة
وجهت النصح لابنائها وقامت
بدورها التربوي تجاههم نكون
قد اسهمنا بذلك في الخروج
بالمجتمع لبر الأمان وهذا هو
القصد من مثل تلك الاطروحات..

[خالد أحمد الصول]

قرأت مقال لأخي بابكر أحمد المشرف الفخري أورد فيه أن قوم لوط كانوا في لبنان و أورد بعض من صفاتهم حيث ذكر أنهم يلبسون ألبسه تشبة البناطلين إلا أنها ناصله تكاد أن تنملص و ذكر أنهم يرتدون قمصان يفتحون صدورهم فيها فتكون شبه المملوصه ... كما ذكر أنهم يستعملون الصفير كلغة بينهم