المساعد الشخصي الرقمي

مشاهدة النسخة كاملة : التعليم الي أين !!!!


بت مارنجان
21-03-2010, 10:23 PM
لدي ابنة خالة ممتحنة شهادة ثانوية وبمشي كل فترة اتفقدها واشرح ليها مادة الرياضيات ...
ليها فترة اختفت فقلت اشوف خبرها شنو ....

لقيت عندها حصة "مجموعة" بتاعت كيمياء" ....

قعدت مع امها وقعدت تحكي لي :

سجلت بنتها في المدرسة "مدرسة قوية جدأ " وفي الفصل النموذجي يعني حتي غير الفصل النظامي العادي ...
حتي داخل المدرسة يوجد فصول نموذجية وفصول عادية ...
"يعني الطلبة البليدين براهم والشاطرين براهم !!!! "

ومصاريف المدرسة طبعا والرسوم الدراسية مبلغ وقدره حاجة كدة فلكية "من مليون وانت ماشي" ...
مقسمة بالتقسيط ولو عايز تدفعهم كاش انت وراحت جيبك ...

في الخمسة شهور الاخيرة تدفع مبلغ 100 جنيه بالقديم لانو في مراجعات تقيلة "انا ماعارفة التقلة في شنو !!!"
لكن هي قرابة ال 500 جنيه بتتدفع علي اقساط لمدة خمسة شهور خارج عن الرسوم المدرسية ...
بت مارنجان
21-03-2010, 10:26 PM
في الشهر الاخير تدفع كل يوم مبلغ 40 جنيه لكل طالب "رسوم حصص التقوية والمراجعات " ...
اتخيل فصل بيزيد عدد طلابو 60 طالب * 40 جنيه دي كم ؟؟؟؟

ودي خارج عن المذكرات والاسبوطنق والشيتات البتطلع للاساتذة !!!!

بالله ياخوانا موظف صاحب دخل محدود لايتجاوز المليون يقدر يوقر لي ابنو الحيخش الجامعة ويتخرج
ويبقي عاطل ويقعد في محلات الشيشة كيف !!!!!!
بت مارنجان
21-03-2010, 10:29 PM
زمان جدي رحمه الله كان بيقول لي خالتي لما امتحنو شهادة هو ماعايز بتو تقرا "قانون" ...
لانو في اعتقادو "المحدود" انو شغل القانون فيهو شكك في العائد المادي لما تشتغل
لانو احتمال تظلم انسان عن طريق الخطأ !!!
وكان دايمآ بيحبز انو البت "معلمة" ومربية اجيال ...

رحمك الله ياجدي الغالي تجي وتشوف التعليم بقي تجارة واسرع طريقة للربح السريع

همسة: عايزة اعمل مجموعة رياضيات ادرس اعملو لي دعاية :o
أبورهف
22-03-2010, 12:52 AM
التعليم اصبح سلعة تباع وتشترى وينشد من خلالها الربح وليست خدمة من الخدمات التى من المفترض ان تكون اساسية ولا احد يلوم القطاع التعليمى الخاص لان من ينشاء مدرسة خاصة يقصد من خلالها جنى الربح
وليس تقديم خدمة ولكن مشكلة التعليم تكمن فى السياسات التعليمية التى تتبعها الدولة والتى ادت الى ضعف التحصيل الاكاديمى عند طالب المدرسة الحكومية لانة لاتتوفر فيها ابسط المقومات التى تجعلنا نطلق عليها اسم مدرسة اساتذة غير مؤهلين فصول مزدحمة طرق اجلاس عقيمة .عدم توفر الوسائل التعليمية وحتى نظام التعليم المتبع لا يجدى نفعا فالمشكلة اختى اكبر من مائة جنية يطلبها مدرس فى حصة او مراجعة فحال المدرسين يغنى عن سؤالهم وكان اللة فى عون التعليم فى بلادى التى كانت منارة للتعليم فى يوم من الايام وشكرا لك اختى على طرحك الهادف
الجندي المجهول
22-03-2010, 01:25 AM
السلام عليكم ورحمة الله ،،،
يا بت مارنجان هو وين التعليم اصلاً (دي ورطة) وهم للان وحتى قبل 3 ايام لسه بينظروا وما عارفين يعملوا شنو يرجعوا السلم الاول ولا يضيفوا سنة (غايتوا جهجهة شديدة) وانا متابع الموضوع عن كثب لاني حاانزلوا في بوست طويل عريض (اسمه بوست التعرية) وفيه ساذكر كل الحقائق لفشل الانقاذ في التعليم والسبب الرئيسي في تدهوره والله المستعان ،، حصص التقوية دي ايمها اصلاً (الحصالة) جباية العهد الجديد والحمد لله على ما اراد الله ...
بس في كم مؤتمر كدا يخلصوا وبجيك راجع باذن الله ،،،
ود الجعلي
22-03-2010, 10:17 AM
بت مارنجان

التعليم براهو ...........ما برضو اهلنا الدكاترة مولعين نيراهم في السما
ودسمير
22-03-2010, 08:23 PM
لك تحياتى
زمان كان البقرا فى مدرسه خاصة يعنى بليييييد وبكون خجلان !!!
الان البقرا فى مدرسه حكوميه يعى بلييييد وكمان ابوه مفلس !!!
التعليم فى السودان توفى لرحمة مولاه